🌳“Долзарб 40 кунлик” доирасида филиал биноси худудида мева ва манзарали кўчатлар экилди

Маълумки, Муҳтарам Президентимиз ташаббуси билан юртимиз бўйлаб “Яшил макон” умуммиллий лойиҳаси амалга оширилиб келинмоқда. Бугун Самарқанд ветеринария медицинаси, чорвачилик ва биотехнологиялар университети Нукус филиалида ушбу лойиҳа доирасида “Долзарб 40 кунлик” тадбири амалга оширилди. Тадбир аввалида Ўзбекистон экологик партияси Қорақалпоғистон Республикаси бўлими бошлиғи А.Бегимова томонидан Ёшлар билан ишлаш, маънавият ва маърифат бўлими бошлиғи А.Сейткамалов, «Ветеринария ва зооинженерия» факультети декани А.Каниязов, декан муовини Е.Сейтмуратов, гуруҳ тьюторлари иштирокида филиал талаба-ёшлари билан учрашув ташкил этилди. Тадбир бошида А.Сейткамалов сўз олиб, ташриф буюрган меҳмонни залда йиғилганларга таништириб, учрашувни ташкил этиш мақсади ҳақида гапириб ўтди. Шундан сўнг А.Бегимова сўзга чиқиб, Мамлакатимизда “Яшил макон” умуммиллий лойиҳаси доирасида амалга оширилаётган тадбирлар ва уларнинг аҳамиятига алоҳида тўхталди. Ўзимиз яшаб турган худудни озода сақлаб, яшил майдонлар барпо қилиш ва кўчатларни экиш орқали соғлом экологик муҳитни яратишимиз таъкидлаб ўтилди. Учрашув давомида талабаларга “Долзарб 40 кунлик” доирасида кенг тушунчалар берилди. Шундан сўнг Ёшлар билан ишлаш, маънавият ва маърифат бўлими бошчилигида факультет декани, гуруҳ тьюторлари ва талаба-ёшлар томонидан филиал биноси худудида 25 туп мева ва 100 туп манзарали кўчатлар экилди. Ушбу жараёнда филиал жамоаси ҳамжиҳатликда, уюшқоқлик билан иш олиб борганлигини алоҳида таъкидлаб ўтишимиз жоиз бўлади.

Филиал матбуот хизмати