#TechnoWays_marafonı
#3_kún
«TechnoWays» texnologiyalıq rawajlanıw marafonı respublikalıq basqıshınıń úshinshi kúni dawam etpekte
Aldın xabar bergenimizdey, Berdaq atındaǵı Qaraqalpaq mámleketlik universitetinde «TechnoWays» texnologiyalıq rawajlanıw marafonınıń respublikalıq basqıshı qızǵın dawam etpekte. Marafonnıń úshinshi kúninde qatnasıwshılar ózleriniń innovaciyalıq joybarların usınbaqta.
Úshinshi kúnniń teması sıpatında texnologiyalıq jańalıqlar hám ilimniń rawajlanıwı ushın áhmiyetli bolǵan innovaciyalardı turmısqa engiziw úlken orın tutadı. Qatnasıwshılar tárepinen usınıs etilgen joybarlar texnologiyalıq jańalıqlar, jańa texnika hám baǵdarlamalardı ámeliyatqa engiziwge baǵdarlanǵan. Marafonnıń bul basqıshı tek ǵana teoriyalıq bilimler menen sheklenip qalmastan, al ámeliy nátiyjelerdi de ózinde kórsetip atırǵanın atap ótiw kerek. Prezentaciyalar dawamında hár bir joybar tóreshiler tárepinen bahalanıp, innovaciyalıq qatnas, áhmiyetliligi hám ekonomikalıq nátiyjeliligi boyınsha keńnen dodalandı.