#Studentler_báhári
#Jańa_Ózbekstan_jaslar_mámleketi
#Zakovat_Quiz_intellektual_oyını

Festival sheńberinde "Zakovat-Quiz" intellektual oyını ótkerildi.

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń bilimdan student-jasları arasında «Jańa Ózbekstan jasları, birleseyik!» súreni astında ótkerilip atırǵan «Studentler báhári» hám «Jańa Ózbekstan – jaslar mámleketi» festivalı sheńberinde "Zakovat-Quiz" intellektual oyını ótkerildi. Interaktiv tárizde bolıp ótken qızıqlı bellesiwde jámi 8 komanda qatnastı. Studentlerdiń ziyrekligin, topar menen islesiw hám logikalıq pikirlew qábiletin rawajlandırıwda usı sıyaqlı intellektual oyınlardıń ornı girewli bolıp tabıladı. Báseki hám qızıqlı bellesiwlerge bay tárizde bolıp ótken oyın juwmaǵında jeńimpazlardı sıylıqlaw máresimi bolıp ótti. Onda filial direktorı Adilbay Esimbetov sózge shıǵıp, "Zakovat-Quiz" intellektual oyını studentlerdiń iyelegen bilimlerin bekkemlewde, olardıń tez pikirlew qábiletin qáliplestirip, júzege shıǵarıwda úlken áhmiyet quraytuǵınlıǵın atap ótti. Oyınnıń juwmaqlawshi nátiyjelerine kóre, 1-orındı 3-kurs studentleriniń «Vostok» komandası iyeledi. 2-kurs studentleriniń «Genius» komandası ekinshi orın iyesine aylandı. 3-orındı 2-kurs «Qarekeń» komandası qolǵa kirgizdi. Jeńimpaz bolǵan komandalar diplom hám bahalı sawǵalar menen sıylıqlandı.


Málimleme xızmeti


➡️Rásmiy kanalımızǵa aǵza bolıw

#Studentler_báhári
#Jańa_Ózbekstan_jaslar_mámleketi
#Jas_aspazlar_tańlawı

«Jas aspazlar» tańlawında jeńimpazlıqtı qaysı qatnasıwshı qolǵa kirgizdi?

«Studentler báhári» festivalı sheńberinde ótkerilip atırǵan qatar ilájlar filial student-jaslarında unamlı keypiyat payda etip, olardıń waqıtları mazmunlı hám paydalı shólkemlestirilmekte. Náwbettegi iláj «Jas aspazlar» tańlawı atamasında ótkerildi. Onda jámi 7 student qatnasıp, asxanada óz sheberligin kórsetiwge tırıstı. Qatnasıwshılar «Jumısqa márhamat» monoorayınıń sheber aspazı tárepinen ádil tárizde bahalanıp barıldı. Studentler tańlawda milliy hám zamanagóy taǵamlar, túrli mazalı salatlardı tayarlap óz sheberligin kórsetiwge umtıldı. Hár bir qatnasıwshı asxanada aspazlıq boyınsha óz qábiletin kórsetken halda, bir-birinen mazalı taǵamlardı tayarladı. Taǵamlar tayın bolǵannan keyin tóreshiler quramı olardıń hár birinen dám tatıp kórip, jeńimpazlardı anıqladı. Tóreshiler toparınıń juwmaqlawshı bahalaw nátiyjelerine kóre, 2-kurs studenti A.Abdimuminov birinshi orınǵa ılayıq dep tabıldı. 3-kurs studenti U.Alieva ekinshi orın iyesi boldı. 2-kurs studenti A.Bekniyazov úshinshi orındı iyeledi. Jeńimpazlıqtı qolǵa kirgizgen jas aspazlarǵa shólkemlestiriwshiler tárepinen diplom hám estelik sawǵaları tapsırıldı.


Málimleme xızmeti

➡️Rásmiy kanalımızǵa aǵza bolıw

#Studentler_báhári
#Jańa_Ózbekstan_jaslar_mámleketi
#Gala_koncert

4-iyun kúni paytaxtımız Nókis qalasında Savickiy atındaǵı Qaraqalpaqstan mámleketlik kórkem óner muzeyi qasında “Jańa Ózbekstan jasları, birleseyik” súreni astında jaslar seyili hám gala-koncert bolıp ótti. Qaraqalpaqstan Respublikası Joqarǵı Keńesiniń baslıǵı Amanbay Orınbayev koncert baǵdarlamasın kiris sózi menen ashıp berip, Prezidentimiz tárepinen mámleketimiz jaslarına qaratılıp atırǵan ayrıqsha itibar hám qollap-quwatlaw, olarǵa jaratılıp berilip atırǵan keń múmkinshilikler haqqında toqtaldı. Sonday-aq, Jaslar isleri agentligi direktorı Alisher Sadullaev shıǵıp sóylep Qaraqalpaqstan jasların bayram menen qutlıqladı. JOOları studentleri arasında festival sheńberinde ótkerilgen
birqatar tańlawlardıń jeńimpazları Húrmet jarlıǵı hám sawǵalar menen sıylıqlandı. Quwanıshlısı, olar arasında filialımızdıń «Debat» intellektual oyınında JOOları arasında1-orındı iyelegen studentlerimiz de bar.
Jaslarımızdıń úlken itibar menen múnásip tárizde sıylıqlanıwı olarǵa joqarı keypiyat hám motivaciya baǵıshladı.

Málimleme xızmeti

➡️Rásmiy kanalımızǵa aǵza bolıw