#Student_kúndeligi
#haqıyqat

Seniń qolıńnan hámme nárse keliwin, barlıq isti kámine jetkerip orınlay alıwıńdı, húrmetiń hámiyshe bálent ekenligin, tutqan jerińdi kesetinińdi barlıq adam tili menen tán almasada, ishley tán alıwı saǵan jaǵımlı bir sezim, yosh baǵıshlaydı.

✍️Avtor: Ziywar Xojamuratova

📚Student kúndeliginen

#student_kúndeligi
#jaqsılıqlar

Qálbińizdi jaqsılıqlarǵa toltırıń. Dúnyanı aq reńlerde kóriwge tırısıń. Jamanlıq tek waqtınsha ómir súredi, al jaqsılıq barlıq waqıt júzege shıǵadı. Usı aralıqta sabır menen kútip bilseńiz boldı. Ómir bándirgińizde jaqsılıqlar joldasıńız bolsın. 🕊🕊🕊🕊🕊🕊🕊🕊

Avtor: Ziywar Xojamuratova

📚Student kúndeliginen

#student_kúndeligi
#kitap_oqıń

Siz bul gápti derlik hár dayım esitip júrgen bolıwıńız múmkin. «Kitap oqı». Eger onıń shın mánisin ańlay alǵanıńızda álleqashan qolıńızǵa kitap alǵan bolar edińiz. Bul ápiwayı keńes emes, altınǵa teń másláhat. Kitap sizge kóp bilimlerdi, jetik sananı, oratorlıqtı, keń pikirlewdi, unamlı kóz qaraslardı inát etedi.


Avtor: Ziywar Xojamuratova

📚Student kúndeliginen

#student_kúndeligi
#jaqsı_tilek
🦋🦋🦋🦋🦋🦋🦋🦋🦋
Siz ushın bul hápte eń jaqsı hám bereketli hápte bolıwına iseniń. Ózińizge qanday unamlı tileklerdi ráwa kórseńiz átirapıńızdaǵılarǵa da jaqsı tileklerdi iliniń.

Avtor: Ziywar Xojamuratova

📚Student kúndeliginen

#student_kúndeligi
#isenim
🕊🕊🕊🕊🕊🕊🕊🕊
Qıyalıńızda tek ǵana pozitiv oylar bolsın. Bári jaqsı bolıwına iseniń. Jamanlıqlardan jıraq bolıń, jaqsılıqlarǵa iseniń


📚Student kúndeliginen

#student_kúndeligi
#ómir_haqıyqatı

Kúni keshe internette bir qızıq pikirdi oqıp qaldım hám awdarmalap beriwge háreket qılaman: "Bazıda adamlar óziniń sizge qılǵanlarına ózin ayıplı sezbewi ushın
sizdi jaman dep kórsetkisi keledi". Bul qatarlardı oqıp mıyıq tarttım hám kóz aldıma ózi qılar isti qılıp bolıp, hátte sońǵı sózin ayta alıwǵa da kúsh taba almay ayıptı ańsat ǵana sol jábirkeshke tóńkep qoyatuǵın adamlar keldi. Bunday tayıpadaǵı adamlarǵa sózińiz zaya ekenin túsindirip otırıwda shárt emes. Onıń ornına olarǵa jaqsılıq penen juwap berip, ózińizdiń keńligińiz benen olardı uyaldırıń, áne sonda qálbinde azǵana bolsada iymanı bar adam bunı álbette uǵınadı hám artıńızdan sóz qılıwdıń ornına, qarsıńızǵa shıǵıp mártlershe óz ayıbın tán aladı.

Avtor: Ziywar Xojamuratova

Endi jazılıp baslaǵan kitaptan úzindi

📚Student kúndeliginen

#student_kúndeligi
#qunt_penen_bilim

Studentlik dáwirińizdiń hár bir demin mazmunlı etip toltırıwǵa háreket qılıń. Qunt penen bilim alıń. Ustazlarıńızdıń úgit-násiyatlarına qulaq túriń. Bilimler sizge kóp esiklerdi ashıp beredi.


Avtor: Ziywar Xojamuratova


📚Student kúndeliginen

#student_kúndeligi
#motivaciya

Arzıwlarıńızdı ámelge asırıw ushın ózińiz háreket qılıń. Erinsheklik sizdi baǵındırmasın, siz erinsheklikti baǵındırıń. Barqulla hárekette bolıń, stop degen sóz sizge biygana bolsın. Umıtpań arzıwlarıńızǵa jetelewshi soqpaqlardı ózińiz salasız.

Avtor: Ziywar Xojamuratova

📚Student kúndeliginen

#student_kúndeligi
#kúlki

Qálbińizdegi eń girbińsiz sezimler, lebińizde mazalı bir kúlki bolıp sáwlelensin. Atirapıńızdaǵılarǵa hám birinshi gezekte ózińizge kúlkińizdi inám etiń. Sebebi, leblerińizdegi kúlki júregińizdegi quwanısh hám tábiyiyliktiń sáwlesi. Bul hápteni jaǵımlı kúlki menen baslań😇

Avtor: Ziywar Xojamuratova

📚Student kúndeliginen
---------
#talaba_kundaligi
#tabassum

Qalbingizdagi eng beg‘ubor hislar, labingizga shirin bir tabassum bo‘lib ko‘chsin. Atrofdagilarga va birinchi galda o‘zingizga tabassum xadya qiling, zero lablaringizdagi tabassum yuragingizdagi quvonch va samimiyatning aksidir. Ushbu haftani yoqimli tabassum bilan boshlang😇

Muallif: Ziywar Xojamuratova

📚Talaba kundaligidan

#student_kúndeligi
#energiya

Siziń boyıńızda sonshelli dárejede kúshli energiya bar, átiraptaǵılar buǵan tán beredi. Rejelestirgen hár bir isińizdi kámine jetkerip orınlaw, jańa baslamalardı alǵa súriw, adamlarǵa bilmegenlerin úyretiw, jaqınlarıńızǵa pozitiv keypiyat bólisiw, bulardıń bárin ámelge asırıwda sol energiya sizge tiykarǵı kúsh sıpatında járdem etedi.

Avtor: Ziywar Xojamuratova

📚Student kúndeliginen

#student_kúndeligi
#ájayip_kún

"Búgin ómirimdegi eń ájayip kúnlerdiń biri" Usı qatarlardı ózińizge ózińiz jiyi-jiyi qaytalap tursańız ápiwayı bolıp ótip atırǵan pursatlarıńız kútilmegende gózallasadı, minutlarıńız qádirli bolıp baslaydı. Siz hár bir kúnińiz birin biri tákirarlamaytuǵın ájayip ekenligin áne sonda ǵana uǵınıp jetesiz.

Avtor: Ziywar Xojamuratova

Student kúndeliginen

#student_kúndeligi
#úyimizdiń_perishteleri
🤍🕊️🤍🕊️🤍🕊️🤍🕊️🤍
Hár birimizdiń ómir kitabımızdaǵı eń súyikli qaharmanımız bul— Analarımız. Olar ómirimizdiń bezegi, qálbimizdiń gáwhári, úyimizdiń perishteleri. Qátellesek tuwrı jolda kórsetiwshi mayak, qayǵıǵa batsaq jubatıwshı hám shadlıq beriwshi nur. Biziń kishi jetiskenligimizge baladay quwanatuǵın sada hám miyirman, perzentleriniń oqıp, bilim alıwı ushın bar kúsh-ǵayratın sarıplawshı insan. Analarımız aldımızda aman bolsın. Sizler ómirimizdiń kitap betlerinde hámiyshe eń unamlı qaharmanlar bolıp qalasız!

Avtor: Ziywar Xojamuratova

📚Student kúndeliginen

#student_kúndeligi
#tańǵı_motivaciya

Búgin jáne bir ájayip tań sizge inám etildi. Erte tańda turıp, quyashtıń shıǵıwına gúwa boldıńız. Unatqan kofeńizdi iship, keypiyatıńızdı kóteretuǵın muzıkanı tıńlań hám aynaǵa qarap ózińizdi jaqsı kóriwińizdi, usı hápte mazalı máwritlerge bay bolıwın aytıń. Kóshege lebińizde kúlki menen shıǵıp, átiraptaǵılarǵa ózińizdegi pozitivlikti juqtırıń.

Avtor: Ziywar Xojamuratova

📚Student kúndeliginen

#student_kúndeligi
#haqıyqat
🕊️🕊️🕊️🕊️
Derlik kópshilik jaǵdayda haqıyqat iyilgen, búgilgen biraq sınbaǵan. Jalǵan menen jasap adamlardıń ótirik múnásibetinen hazar shekkenen, haqıyqat penen júziń jarıq bolǵanı mıń ese abzal. Sebebi, jalǵanlar kún kelip álbette, ashıladı. Bársheńizge shın haqıyqatlıq tileymiz.

📚Student kúndeliginen

#student_kúndeligi
#jaqsı_juwap
🕊️🕊️🕊️🕊️🕊️🕊️
Sizge kim qanday jamanlıqtı ráwa kórse, siz olar ushın qálbińizdi kirletpeń. Kúliń, ómirden zawıq alıń, jasań. Qımbatlı waqıtıńızdı arzımas nárselerge emes, paydalı nárselerge jumsań.

📚Student kúndeliginen

#student_kúndeligi
#keypiyat

Biz unamlı atmosferanı ózimiz ushın jaratamız. Keypiyatımızdıń kóteriliwin birinshi náwbette ózimiz támiyinlewimiz kerek. Kún dawamında pozitiv keypiyat joldasıńız bolsın!

📚Student kúndeliginen

#student_kúndeligi
#bereketli_kún
🕊️🕊️🕊️🕊️🕊️🕊️🕊️

Búgin bársheńiz ushın bereketli kún bolǵay. Kewilli keypiyatta ózińizge kúlki bólisiń. Iygilikli tilekler menen isińizdi baslań.

📚Student kúndeliginen

#Student_kúndeligi
#Hápte_bası

Jáne bir atqan múbárek tań bárshemizge bereketli bolıp kelsin. Hápte basınan ózińiz ushın jaqsı rejeler dúziń hám oǵan ámel etiń. Siz motivaciya beriwdi dáslep ózińizden baslań.

📚Student kúndeliginen