#Allanazar_Ábdiev_60_jasta
#qutlıqlaw

Qaraqalpaqstan xalıq jazıwshısı Allanazar Ábdiev 60 jasta

Búgin Ájiniyaz atındaǵı Nókis mámleketlik pedagogikalıq institutında Qaraqalpaqstan xalıq jazıwshısı, filologiya ilimleriniń kandidatı, qálemi ótkir jurnalist Ábdiev Allanazar Idireysovichtiń 60 jıllıq yubileyine baǵıshlanǵan konferenciya ótkerildi. Keshege belgili ilimpazlar, jazıwshı hám shayırlar, kásiples hám shákirtleri qatnasıp, kún qaharmanına ózleriniń unamlı tileklerin bildirdi. Usı yubiley keshesinde Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı direktorı, biologiya ilimleri doktorı, docent Adilbay Esimbetov sózge shıǵıp, Allanazar Ábdievti qızǵın túrde qutlıqladı hám aldaǵı jumıslarında talmas tabıslar tiledi. Sonday-aq, filialımızdıń qosıq jazıwǵa hám ádebiyatqa qızıǵıwshılıǵı bar bolǵan qábiletli student-jaslarına jol-joba berip, ustazlıq qılıp kiyatırǵanın ayrıqsha atap ótip, shın kewilden óz minnetdarshılıǵın bildirip ótti. Allanazar Ábdievtiń 60 jıllıǵına arnalǵan ilimiy-teoriyalıq konferenciya joqarı dárejede shólkemlestiriwshilik penen bolıp ótti.
💐💐 Óz ornında filial jámááti hám student-jasları atınan Ustazdı 60 jıllıq yubileyi menen qutlıqlaymız! Sizge hám shańaraǵıńızǵa bekkem salamatlıq tilegen halda, bereketli hám mazmunlı ómir súriwińizdi tileymiz. Ótkir qálemińizden jańa shıǵarmalar dórelip, el ardaǵında húrmetke bólenip júre beriwińizdi tileymiz! Ómir kitabıńızdıń jańa betleri shıraylı máwritler menen bezeliwin hám qálbińizge shadlı demler menen mórlenip qalıwın tileymiz. Jaslarǵa hár iste úlgi bolıp, saw-salamatlıqta átirapıńızdaǵılarǵa kúlki bólisip júre beriw nesip etkey, mártebeńiz hámiyshe bálent bolsın!

👩‍💻Ziywarxan Xojamuratova
Málimleme xızmeti basshısı

📸Súwretler Islam Matekov tárepinen alındı


➡️Rásmiy kanalımızǵa aǵza bolıw