#Муносабат
Шу йилнинг 30 апрел куни вилоят телерадиокомпаниясининг “Диёр янгиликлари” информацион дастури орқали Самарқанд шаҳридаги “Мотрид” маҳалласи ички кўчаларининг ҳолати ҳусусида лавҳа берилган эди (https://t.iss.one/SamTvr/36220).
Ушбу лавҳа юзасидан Самарқанд шаҳар ободонлаштириш бошқармаси томонидан қуйидагича муносабат билдирилди:
Ўзбекистон Республикаси Президентининг 2021 йил 2 апрелдаги «Обод қишлоқ» ва «Обод маҳалла» дастурларини амалга ошириш бўйича қўшимча чора-тадбирлар тўғрисидаги қарори ижросини таъминлаш мақсадида Самарқанд шаҳар ҳокимлиги Ободонлаштириш бошқармаси томонидан 2021 йилда Самарқанд шаҳри ички кўчаларини жорий таъмирлаш бўйича 55 млрд сўмлик манзилли дастур ишлаб чиқилган. Дастурга асосан бирламчи лойиҳа смета ҳужжатлари тайёрланиб, хулоса учун давлат экспертизасига топширилган.
Бугунги кунда “Самарқанд сув таьминоти”МЧЖ томонидан Самарқанд шаҳар “Мотрид” маҳалласининг ички кўчаларида сув ва оқова сув тармоқлари тортилиши муносабати билан Самарқанд шаҳар “Мотрид” маҳалласининг ички кўчаларини жорий таьмирлаш ишларини амалга оширилиши тасдиқланган жадвалдан орқада колмоқда.
Самарқанд шаҳар ҳокимлиги Ободонлаштириш бошқармаси тасдиқланган манзилли дастур асосида “Самарқанд сув таьминоти” МЧЖ томонидан Самарқанд шаҳар “Мотрид” маҳалласининг ички кўчаларида сув ва оқова сув тармоқлари тортиш ишлари якунлангандан сўнг жорий таъмирлаш ишлари амалга оширилишини маълум қилади.
Самарқанд шаҳар ҳокимлиги Ободонлаштириш бошқармаси Ахборот хизмати