#ШЕЪРИЯТ

Жоним фидо бўлсин ҳақ йўлингизда,
Ўзи гўзал, сўзи гўзал Муҳаммад.
(Соллаллоҳу алайҳи васаллам)
Ичай кавсар шаробин қўлингиздан,
Ўзи гўзал, сўзи гўзал Муҳаммад.
(Соллаллоҳу алайҳи васаллам)

Мўъминнинг дунёда кўпдир жафоси,
Охиратда бўлар завқу-сафоси,
Барча оламларнинг тек Мустафоси,
Ўзи гўзал, сўзи гўзал Муҳаммад.
(Соллаллоҳу алайҳи васаллам)

Етти қат самода сайрон айлаган,
Арш-курси устида жавлон айлаган,
Содиқ ошиқларин ҳайрон айлаган,
Ўзи гўзал, сўзи гўзал Муҳаммад.
(Соллаллоҳу алайҳи васаллам)

Юнус ҳижрондадир, ҳамда имконсиз,
Жаннатга киришга ёлғиз имкон Сиз,
Сизни севмаганлар ўлур иймонсиз,
Ўзи гўзал, сўзи гўзал Муҳаммад
(Соллаллоҳу алайҳи васаллам)

©️ Юнус Эмро

Яқинларингизга ҳам улашинг

🌐 t.iss.one/subh_uz

#шеърият
МУТОЛАА ЗАВҚИ

Чархнинг мен кўрмаган жабру жафоси қолдиму?!
Хаста кўнглим чекмаган дарду балоси қолдиму?!

Мени хор этти-ю қилди муддаини парвариш,
Даҳри дунпарварнинг ўзга муддаоси қолдиму?!

Мени ўлтурду жафои жавр бирла ул қуёш,
Эмди тургузмак учун меҳру вафоси қолдиму?!

Ошиқ ўлғоч кўрдим ўлимни ўзимга, эй рафиқ,
Ўзга кўнглимнинг бу оламда ҳароси қолдиму?!

Эй кўнгул, гар Бобур ул оламни истар, қилма айб,
Тенгри учун де бу оламнинг сафоси қолдиму?!

Кўнгил яқинлар ила баҳам кўринг👇

Каналга уланиш учун линк устига босинг👇👇👇

🌐 t.iss.one/subh_uz

​#Шеърият

Рўза тутинг, муборак – Ашуро куни!

Ердан самогача савоб бўлади,
Мункар-Накирларга жавоб бўлади,
Бошдан оёққача нурга тўлади,
Имкон борми, ёддан чиқарманг буни,
Рўза тутинг, муборак – Ашуро куни.

Иблиснинг қомати етти букилгай,
Тоғдек гуноҳлар ҳам дув-дув тўкилгай,
Малаклар тарафдан салом ўқилгай,
Имкон борми, ёддан чиқарманг буни,
Рўза тутинг, муборак – Ашуро куни.

Эзилган қалбларга дармон бўлади,
Маҳшарда дўзахга қалқон бўлади,
Фирдавс жаннатига сарбон бўлади,
Имкон борми, ёддан чиқарманг буни,
Рўза тутинг, муборак – Ашуро куни.

Рўза руҳиятни сайқал этади,
Ҳар битта яхшилик Ҳаққа етади,
Кўз очиб-юмгунча ўтиб-кетади,
Имкон борми, ёддан чиқарманг буни,
Рўза тутинг, муборак – Ашуро куни.

Саҳардан шомгача раҳмат бўлади,
Ҳурларнинг қўлида шарбат бўлади,
Энг олий мукофот – жаннат бўлади,
Имкон борми, ёддан чиқарманг буни,
Рўза тутинг, муборак – Ашуро куни.

Рўза – руҳ шифоси, тиғсиз даводир,
Савобдан мосуво шаксиз, гадодир,
«Очлик – иллат» демоқ, айни хатодир,
Имкон борми, ёддан чиқарманг буни,
Рўза тутинг, муборак – Ашуро куни.

Эркин ҚУДРАТОВ,
ТИИ Махсус сиртқи бўлим талабаси

@QUBOUZ


Каналга уланиш учун линк устига босинг👇👇👇

🌐 t.iss.one/subh_uz