Республика бўйича коронавирусга қарши кураш тадбирларига жалб қилинган ходимларга тўловларни тўланиши тўғрисидаги маълумотномани (5 август ҳолатига) Молия вазирлиги ахборот хизмати тақдим қилди.

*Юқоридаги рағбатлантирувчи тўловлар даромад солиғи ва ягона солиқ харажатлари билан қўшиб ҳисобланган.

Каналга уланиш:👇
t.iss.one/Rasmiy_xabarlar_Official

​​📥 Карантин режими вақтида фуқаролар, ижтимоий тармоқ фойдаланувчилари томонидан келиб тушаётган савол ва мурожаатларларга Ички ишлар вазири матбуот котиби - ахборот сиёсати масалалари бўйича маслаҳатчиси Шоҳруҳ Ғиёсов жавоби:
•┈┈┈┈••••┈┈┈┈•
❓ Наманган вилояти Чуст шаҳрида тадбиркорлик фаолияти билан шуғулланаман. Тошкент шаҳрида ускуна харид қилмоқчиман. Пойтахтга бориб уни олиб келиш учун қандай ҳужжатлар керак?

✍️Жавоб: Республика махсус комиссиясининг 34-сон баёнига илова қилинган Автотранспорт воситаларида ҳаракатланишига махсус рухсатнома талаб этилмайдиган ҳолатлар рўйхатининг 14-бандига мувофиқ N1, N2, N3 тоифадаги транспорт воситалариларининг ҳаракатига рухсат берилган. Сиз ушбу харидларни махсус комиссиянинг баён талабларига тўлиқ амал қилган ҳолда амалга оширишингиз мумкин.

❓ (RU) Можете сказать когда отменят карантин в паспортном столе города Ташкента (Мирабадский район)?

✍️Жавоб: Специальной республиканской комиссией принято решение усилить карантинные меры на территории всей республики. Эти меры предприняты из-за стремительного распространения коронавируса в Узбекистане. В рамках данных мер прием граждан в отделениях миграции и оформления гражданства временно ограничено.

🔈 В случае принятия решений по смягчению, прекращению или продлению карантинных мероприятий Министерство внутренних дел будет своевременно доводить до граждан информацию о принятых решениях через СМИ.

❓ Отам шифокор. Шахсий машинаси бор, лекин ҳайдашни билмайди. Шунга мен шанба ва якшанба кунлари уларни автомобилда ишхонага олиб борсам бўладими?

✍️Жавоб: Республика махсус комиссиясининг қарорига мувофиқ Соғлиқни сақлаш тизимидаги ҳамда хусусий тиббиёт ташкилотлари, тиббий-санитария ва эпидемиологик хизматлар кўрсатувчи ташкилотларнинг хизмат ва ходимларнинг шахсий автотранспорт воситаларига шанба ва якшанба кунлари ҳам ҳаракатланишига рухсат берилгани белгилаб қўйилган.

Каналга уланиш: 👇
t.iss.one/Rasmiy\_xabarlar\_Official

⚡️Фармацевтика тармоғини ривожлантириш агентлиги «Кислород концентратори ва ҚҚС: масала Фармацевтика агентлигига бориб тақалмоқда» номли мақолага раддия билдирди.

Kun.uz сайтида эълон қилинган мақолада, муаллиф Дилшод Абдуқодиров томонидан кислород концентраторлари импортига қўшилган қиймат солиғидан имтиёз қўллаш бўйича ташаббус кўрсатиш ҳуқуқи Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги ихтиёрида эканлиги ва бу борада Агентлик бугунги кунда давлат гарданига тушаётган юкни бироз бўлса-да камайтириб, кўплаб инсонларнинг бевақт ўлими олдини олишга эришиш мақсадида қонун ҳужжатларида назарда тутилган рўйхатни қайта кўриб чиқиши мақсадга мувофиқлигини айтиб ўтган.

❗️Мақолада келтирилган “кислород концентратори” эса тиббий буюм ҳисобланмаслиги сабабли Тиббий буюмлар рўйхати (рўйхат рақами 2809-сон 12.07.2016)га кирмайди. Шу боисдан ҳам, “кислород концентратори” Вазирлар Маҳкамасининг 2011 йил 25 февралдаги “Тайёр дори воситаларининг импортини тартибга солиш тўғрисида”ги 49-сон қарорида қўшилган қиймат солиғи бўйича имтиёз жорий этилмайдиган тиббиёт буюмлари рўйхатида ҳам мавжуд эмас.

📎Ўзбекистон Республикаси Президентининг 2018 йил 31 майдаги “Имтиёзлар ва преференциялар бериш тартибини тубдан такомиллаштириш чора-тадбирлари тўғрисида”ги ПҚ-3756-сон Қарорининг 2-бандида,“солиқ ва божхона имтиёзлари ҳамда преференциялар қонунлар ва Ўзбекистон Республикаси Президенти ҳужжатлари билан умуман тармоқлар, фаолият соҳалари, ҳудудлар учун берилади, шунингдек, аниқ мақсадга эга бўлиши ҳамда аниқ ижтимоий, иқтисодий ва молиявий натижаларга эришишни таъминлаши зарур;

имтиёзлар беришга, божхона тўловлари бўйича имтиёзлар қўллаган ҳолда Ўзбекистон Республикаси ҳудудига олиб кириладиган (импорт қилинадиган) товарлар рўйхатларини тасдиқлашга доир ҳукумат ва идоравий қарорларни қабул қилиш тақиқланади;

божхона тўловлари бўйича имтиёзлар қўллаган ҳолда Ўзбекистон Республикаси ҳудудига олиб кириладиган (импорт қилинадиган) товарлар рўйхатлари ва уларга тузатишлар, имтиёзлар бериш тўғрисида қонун ёки Ўзбекистон Республикаси Президентининг ҳужжати мавжуд бўлган тақдирдагина, имтиёз берилган ташкилот томонидан шакллантирилади, шунингдек, уларнинг комплекс экспертизасини амалга ошириш учун Ўзбекистон Республикаси Иқтисодиёт ва саноат вазирлиги ҳузуридаги «Лойиҳалар ва импорт контрактларини комплекс экспертиза қилиш маркази» давлат унитар корхонасига киритилади;”.

Каналга уланиш:👇
t.iss.one/Rasmiy_xabarlar_Official

Расмий муносабат

Термиз шаҳар ҳокимлиги 2020 йилнинг 5 август куни ижтимоий тармоқлар орқали эълон қилинган “Эҳтиёжмандларга ажратилган ёрдам пули нега етиб бормаяпти?” сарлавҳали видеомурожаат юзасидан қуйидагиларни маълум қилди:

✍️ Аниқланишича, Термиз шаҳри, Гулистон маҳалласи, Мангузар массиви, 5-уйда яшовчи Абдуллаева Сабоҳат ҳамда Абдуллаева Шоҳиста жорий йилнинг 31 июль куни 1-сектор штабига келиб, республика бюджетидан ажратилган бир марталик моддий ёрдам пулидан уларга ҳам беришларини сўраган.

✋ Сектор штаби масъул котиби бир марталик моддий ёрдам пули ажатиладиган эҳтиёжманд оилалар рўйхатида уларнинг номлари киритилмаганлиги сабабли, нақд пул кўринишидаги ушбу маблағлар уларга берилмаганлигини, аммо, Қурбон ҳайити муносабати билан шаҳар ҳокимлиги томонидан ажратилган гўшт ва бошқа озиқ-овқат маҳсулотларидан хайрия сифатида беришини маълум қилади. Аммо, мурожаатчилар ушбу хайрия маҳсулотларидан олишни рад этади.

💴 Маълумот ўрнида айтиш керакки, жорий йилнинг 30-31 июль кунлари Термиз шаҳридаги энг эҳтиёжманд ва ижтимоий ҳимояга муҳтож 1048 та хонадонга 783,567 млн. сўм миқдорида бир марталик моддий ёрдам пули тарқатилади. Ушбу хонадонларда 4373 нафар фуқаро истиқомат қилади. Уларнинг барчаси маҳаллаларда шакллантирилган эҳтиёжманд, ёрдамга муҳтож оилаларнинг шаффоф рўйхати – “Темир дафтар”га киритилган хонадонлардир.

⌛️ 1 нафардан фарзанди билан битта хонадонда истиқомат қилувчи опа-сингиллар Абдуллаева Сабоҳат ҳамда Абдуллаева Шоҳиста эса ушбу “Темир дафтар”га киритилмаган. Қолаверса, улар шу пайтгача бирор марта ижтимоий ёрдам сўраб, маҳалла идораси ёки сектор штабига мурожаат ҳам қилмаган. Маҳалласида бир марталик моддий ёрдам тарқатилаётганини эшитиб, сектор штабига келганида эса пул маблағлари “Темир дафтар” асосида шакллантирилган рўйхат асосида эҳтиёжманд оилаларга тарқатиб бўлинган эди.

✅ Термиз шаҳар ҳокимлиги Абдуллаева Сабоҳат ҳамда Абдуллаева Шоҳистанинг карантин шароитида вақтинча ишсиз қолганлигини инобатга олиб, “Саховат ва кўмак” умумхалқ ҳаракати доирасида ижтимоий қўллаб-қувватлаш чораларини кўради.

Каналга уланиш:👇
t.iss.one/Rasmiy_xabarlar_Official

Ўзбекистонда Telegram’да фирибгарлик схемалари орқали фойдаланувчиларни алдаш ҳолатлари кузатилди

“Ўзкомназорат” давлат инспекцияси ахборот хизмати хабар беришича, Ўзбекистонда Telegram фойдаланувчиларининг аккаунтларига кириб олиб, шахсий маълумотларни ўғирлаш ёки аккаунтни қайтариб бериш эвазига мўмай пул ишлашга уринаётган мобил фирибгарлар пайдо бўлди. Бу ҳақида ижтимой тармоқ фойдаланувчилари маълум қилган.

📲 Фирибгарлик схемасига кўра фойдаланувчига мобил алоқа операторининг расмий рақамидан қўнғироқ қилиниб COVID-19 коронавирус инфекцияси ҳақида ўта содда ва жавоби осон саволлар бериладиган қисқа викторина ўтказилади. Ғолибга пул ўтказиб бериш ваъда қилинади. “Ўлжа” ютуғини олиши учун Telegram’га келган махфий кодни айтиши лозим. Мессенджерга келган сирли рақам айтиш, фирибгарларнинг аккаунтга кириб олишига шароит яратади.

💢 Блогер ёки канал администраторининг аккаунтига кириб олган фирибгар у ердаги маълумотларни ошкор қилмаслик учун пул талаб қила бошлайди. Оқибатда ўзини викторина ғолиби бўлдим деб ўйлаган фойдаланувчи фирибгарлик қурбонига айланади.

🔓 Мутахассислар тавсиясига кўра бу каби ҳолатларни олдини олиш учун Telegram’да икки томонлама аутентификацияни ўрнатиш зарур. Бу Telegram’дан келган махфий рақамдан ташқари аккаунт паролини ҳам киришни сўрайдиган ҳимоя тизими.

🌐 Юқоридаги ҳолатларга ўхшаш фирибгарлик схемалари МДҲга аъзо бошқа мамлакатлар ҳудудларида ҳам кузатилмоқда.

❗️ “Ўзкомназорат” давлат инспекцияси Telegram фойдаланувчиларидан ахборот хавфсизлиги бўйича юқоридаги тавсияларга риоя қилишни, телефон орқали бегона рақамдан қўнғироқлар бўлиб шубҳали викториналар ўтказилиш ҳолатлари кузатилганида, мессенджер орқали махфий кодлар юборилиб, уларни айтиш сўралганида бегоналарга ушбу маълумотни ошкор этмасликни, фирибгарлик схемаларидан огоҳ бўлишни сўради.

Каналга уланиш:👇
t.iss.one/Rasmiy_xabarlar_Official

“COVID-19”га чалинган беморларни қабул қилган хусусий клиникалар даволаш стандартларини бузса, лицензияси суд орқали бекор қилинади

ССВ ахборот хизмати хабар қилишича, Соғлиқни сақлаш вазирлигида “COVID-19” инфекциясини аниқлаш ва даволашда қатнашаётган хусусий тиббиёт муассасаларининг вакиллари иштирокида йиғилиш ўтказилган. Унда Соғлиқни сақлаш вазири ўринбосари У.Собиров “COVID-19” инфекциясини даволаётган нодавлат тиббиёт муассасаларида ўтказилган мониторинг натижалари тўғрисида маълумот берди.

Маълум қилинишича, пойтахтимизда жами 14 та хусусий клиника коронавирусга чалинган беморларни қабул қилмоқда. Шулардан фақат 7 таси даволашни бошлаш учун санитария-эпидемиология қоидалари ва даволаш стандартларига риоя қилиш бўйича Тошкент шаҳар соғлиқни сақлаш бошқармаси билан шартнома имзолаган. “COVID-19” инфекциясини даволаётган хусусий тиббиёт ташкилотларининг аксариятида зарур тиббий асбоб-ускуналар етишмайди, тегишли мутахассислар мавжуд эмас. Энг ачинарлиси, улар орасида санитария-эпидемиология қоидаларига ҳамда Соғлиқни сақлаш вазирлиги томонидан тасдиқланган стандартларга риоя қилмасдан иш юритаётганлари мавжуд.

Тошкент врачлар малакасини ошириш институти Анестезиология ва реаниматология кафедраси ассистенти Алла Росстальная хусусий клиникаларда “COVID-19” инфекциясидан даволанаётган беморларга юритилган касаллик тарихларини таҳлил қилар экан, уларга керагидан ортиқ дори-дармонлар, тегишли кўрсатма мавжуд бўлмаса-да, икки ва ундан ортиқ антибиотиклар берилганлигини, даволаш стандартларига зид равишда инфузион суюқликлар қуйилганлигини кўрсатиб берди.

Мутахассисларнинг хулосаларига кўра, “COVID-19” инфекцияси билан касалланишнинг дастлабки босқичида турли инфузион суюқликлар билан даволаш, биттадан ортиқ антиботикни қўллаш касалликнинг тез суратларда оғир шаклига ўтиб кетишга сабаб бўлмоқда. Мониторинг давомида хусусий тиббиёт ташкилотларида айнан шундай хатоликларга йўл қўйилгани қайд этилди.

Йиғилишда Соғлиқни сақлаш вазирлиги Лицензиялаш ва аккредитациялаш бошқармасига ҳудудий санитария-эпидемиология ташкилотлари билан биргаликда хусусий тиббиёт ташкилотларининг коронавирусга чалинган беморларни даволаш билан боғлиқ фаолиятини мониторинг қилиб бориш, даволаш стандартларини бузган хусусий клиникаларга нисбатан қатъий чоралар кўриш, шу жумладан, уларнинг лицензияларини бекор қилиш бўйича судларга даъво аризаларини киритиш бўйича топшириқлар берилди.

Каналга уланиш: 👇
t.iss.one/Rasmiy_xabarlar_Official

🔺2020 йил 8 август соат 10.00 ҳолатига кўра, Ўзбекистонда коронавирус инфекцияси қайд этилганлар сони 29459 (+234) нафарни ташкил этмоқда. Бу ҳақда ССВ ахборот хизмати хабар берди.

🔴Янги касалланиш ҳолатларининг 185 нафари Тошкент шаҳрида, 28 нафари Самарқанд вилоятида, 10 нафари Тошкент вилоятида, 5 нафари Наманган вилоятида, 4 нафари Қорақалпоғистон Республикасида ҳамда 2 нафари Навоий вилоятида тана ҳарорати кўтарилганлиги сабабли профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

🔴Шу билан бирга, Тошкент шаҳри Юнусобод туманида яшаган 65 ёшли М.Х. (аёл) ҳамда Тошкент шаҳри Учтепа туманида яшаган 84 ёшли Т.Х. (аёл), жами 2 нафар коронавирусга чалинган бемор вафот этди.

❗️Айни пайтда юртимизда 20380 нафар коронавирус инфекциясига чалинган фуқаролар (69 фоиз) соғайган.

‼️Ҳозирда мамлакатимизда 8894 нафар беморга шифокорларимиз томонидан белгиланган стандартлар бўйича даво чоралари кўрилмоқда. Улардан 786 нафари оғир, 275 нафари эса ўта оғир аҳволда.

Каналга уланиш: 👇
t.iss.one/Rasmiy_xabarlar_Official

Республика махсус комиссиясининг қарорига мувофиқ хориждаги Ўзбекистон фуқароларини Ватанга олиб келиш учун 2 августдан 16 август кунлари давомида амалга оширилиши белгиланган чартер рейсларининг парвоз йўналишига қисман ўзгартириш киритилди. Бу ҳақда Транспорт вазирлиги ахборот хизмати хабар берди.

Хусусан, 7 август куни Тошкент – Ростов Дон – Наманган,

8 август Тошкент – Санкт - Петербург – Наманган,

9 августга белгиланган Тошкент – Москва – Наманган авиа қатновлари Тошкент шаҳрига амалга оширилади.

Шунингдек, Республика махсус комиссиясининг қарори билан Россия Федерациясининг Оренбург ва Самара вилоятларидаги Ўзбекистон фуқароларини Ватанга қайтариш учун 2 та поезд қатнови ташкил этилди.

Мазкур поездларнинг биринчиси 9 август куни Наманган шаҳрига, иккинчиси эса 9 август куни Самарқанд шаҳрига кириб боради. Поездларда олиб келинган барча фуқаролар ўрнатилган тартибда карантинга жойлаштирилади.

Россия Федерациясининг Ростов - Дон вилоятидаги фуқароларни олиб келиш мақсадида учинчи поезд қатнови ҳам ташкил этилди. Ушбу поезд 13 август куни Тошкент шаҳрига кириб келади.

Каналга уланиш: 👇
t.iss.one/Rasmiy_xabarlar_Official

📢 ЭЪЛОН!

Бугун, 8 август соат 17:00 да АОКА залида «Олий таълим муассасаларида 2020-2021 ўқув йилига тайёргарлик, кириш имтиҳонларининг ташкил этилиши билан боғлиқ масалалар» мавзусида матбуот анжумани бўлиб ўтади.

Иштирокчилар:

🔹Олий ва ўрта-махсус таълим вазирлиги
🔹Давлат тест маркази раҳбарияти ва масъул ходимлари.

❗️Агар ушбу масалалар бўйича ўзингизни қизиқтирган саволларингиз бўлса «Телеграм» тармоғи орқали @aokapress манзилига йўллашингиз мумкин.

📲 Матбуот анжумани @aoka_uz телеграм канали, «UzReport TV», «Ўзбекистон 24», «Маҳалла» телеканаллари, Youtube тармоғи орқали тўғридан-тўғри, онлайн ёритилади.

Каналга уланиш: 👇
t.iss.one/Rasmiy_xabarlar_Official

🏥Зангиота туманида жойлашган Ихтисослаштирилган кўп тармоқли юқумли касалликлар шифохонасида Москва шаҳридан келган мутахассислар иштирокида мулоқот бўлиб ўтди. Бу ҳақда Тошкент вилояти ҳокимлиги ахборот хизмати маълум қилди.

👩‍⚕️Бундан аввал Россиянинг малакали анастезиолог, пулмонолог, кардиолог каби мутахассислари шифохонада яратилган шароитлар билан яқиндан танишишган эди. Семинар тренингда эса тажрибалар алмашилди.

✅Савол-жавоблар натижасида бизнинг даволаш тизимимиз жаҳон тажрибасига ҳамоҳанглиги маълум бўлди.

Каналга уланиш: 👇
t.iss.one/Rasmiy_xabarlar_Official

Халқаро пресс-клуб раҳбари Шерзодхон Қудратхўжаев:

➖ АОКА жуда катта ишлар қилди. AntiFakeUz телеграм каналини очди. Шунингдек, Расмий хабарлар, Hudud inform телеграм каналлари вазирликлар, ҳокимликлар фаолияти йўналишида бирор фейк, ёлғон хабар чиқса, ўрганиб-текшириб, ҳақиқий ҳолат ҳақида маълумот беряпти. Яъни, биз ўргандик бу амалиётга.

〰️〰️〰️〰️〰️
❓Телеграмдан фойдаланган одам маълумотни ўз миясида филтрлашни, таҳлил қилишни ҳам билиши керак. АНТИФЕЙК ЎЗИ НИМА?

Саволга медиа мутахассис, блогер Азиза Қурбонова жавоб берди.

@aoka_uz
#ниқобтақинг
#масофасақланг

​#Иқтибос
#Халқаро_пресс_клуб

❓Пандемия даврида ундан ҳам хавфлироқ нарса пайдо бўлди — «ИНФОДЕМИЯ». У нима?

Нозима Муратова, филология фанлари номзоди, доцент:

➖ Биласизми, дунё тарихида пандемия биринчи ҳолат эмас. Дунёда, шу жумладан, Ўзбекистонда вабо касали тарқалгани билан боғлиқ ҳолатлар аввал бўлган. Лекин инфодемия айнан бугун Ўзбекистонда, дунёда ахборот соҳасида қайд этиляпти.

🌐 Сабаби шуки, «Ахборот жамияти назариялари» китоби муаллифи Френк Вебстер шундай дейди: XХI асрда инсонлар медиа тўйинган жамиятда яшаяпти, яъни оммавий ахборот воситалари, ахборот бизни батамом қуршаб олган. Айнан шу ҳолатда Жаҳон соғлиқни сақлаш ташкилоти "инфодемия" деган терминологияни [оммавий истеъмолга] киритяпти.

❗️Бу оммавий ахборот воситаларида, ижтимоий тармоқларда, фуқаролик журналистикаси сайтларида, фуқаролик журналистларининг позицияларида битта мавзунинг жуда кўп берилиши ва шу мавзуга оид фактларнинг, муносабатларнинг, берилаётган ахборотларнинг керагидан ортиқ, ҳаттоки, инсонларга эмоционал босим ўтказиш даражасига чиққани билан ифодаланади.

✅ ЖССТ бекорга бу терминологияни қўлламаяпти. Сабаби — пандемия инсонларни физиологик нуқтаи назардан касал қилган бўлса, инфодемия инсонларнинг руҳий ҳолатига таъсир қиляпти, ваҳимага олиб келяпти.

📲 Берилаётган ахборотларнинг тури, кўлами, вақти нуқтаи назаридан қарайдиган бўлсак, бугун оммавий ахборот воситаларининг аудиторияга таъсири чекланмаган. Биз эрталаб ҳам, кечқурун ҳам, ярим тунда ҳам, ҳар соатда, ҳар доим, ҳар қаерда бўлишимиздан қатъий назар ахборот билан таъминланганмиз.

🛑 Ахборотнинг айнан пандемия мавзусига оид экани, айнан пандемия мавзусидаги негатив маълумотларнинг кўпайиши, пандемия билан боғлиқ ҳолатларнинг айрим ҳолларда бўрттирилиши аудиториянинг эмоционал ҳолатига қайсидир маънода путур етказаётгани, уйда ўтириб, изоляцияда бўлган аҳолини ахборот билан таъминлашда бирёқламаликнинг кўзга ташланиши ва буларнинг руҳий таъсир ўтказаётгани билан ифодаланади. Айнан шунинг учун ҳам XХI асрда медиа оламида, ҳатто соғлиқни сақлаш тизимида инфодемия деган тушунча юзага келди ва бу тушунча медиа маконда ўртага ташланди.

Каналга уланиш: 👇
t.iss.one/Rasmiy_xabarlar_Official