⚠️ Меҳнат бозори ва бандлик масаласида қандай ўзгариш бўлади?

❇️ Бандлик ва меҳнат муносабатлари вазирлигида “Аҳоли бандлиги тўғрисида”ги қонуннинг янги таҳрирдаги лойиҳаси юзасидан ахборот тингланди. Бунда Олий Мажлис Сенати аъзолари, Бандлик ва меҳнат муносабати вазирлиги масъуллари иштирок этди, дея хабар бермоқда вазирлик ахборот хизмати.

🔶 Қайд этиш жоизки, мазкур қонун лойиҳаси қонун ва Ўзбекистон Республикаси Президентининг фармон ва қарорларида ҳамда Вазирлар Маҳкамасининг бандлик ва меҳнат бозорини тартибга солиш, меҳнат миграциясини ташкил этиш бўйича қабул қилинган меъёрий ҳужжатларда кўзда тутилган ҳуқуқий нормаларни ўзида жамлаган.

🔷 Қонун лойиҳасини қабул қилишдан кутилаётган натижа асосан меҳнат бозори ва бандликни сифат жиҳатидан янги босқичда ривожлантириш, шу билан бирга миллий ишчи кучи сифатини ошириш учун рағбатлантиришни ташкил этиш, ижтимоий ҳимояга муҳтож шахсларни ишга жойлаштиришни кучайтириш, ишсизларни моддий қўллаб-қувватлаш, уларни тадбиркорлик ташаббуслари ва ўзини ўзи банд қилишга жалб этиш кўзда тутилмоқда.

Каналга уланиш: 👇
@Rasmiy_xabarlar_Official

“Ўзбекнефтгаз” АЖ коррупция билан боғлиқ ҳолат юзасидан баёнот берди

❗️ Оммавий ахборот воситаларида Тошкент вилояти Янгийўл тумани ички ишлар бўлимининг майор унвонидаги масъул ходими фуқарони “Чинобод нефть база” масъулияти чекланган жамиятининг филиалларидан бирига раҳбарликка тайинланишида ёрдам беришини айтиб, бунинг учун ундан 50 минг АҚШ доллари талаб қилиб, 10 минг АҚШ доллари олаётган вақтида ушлангани хабар қилинган маълумот юзасидан “Ўзбекнефтгаз” АЖ баёнот берди. Бу ҳақда жамият ахборот хизмати хабар бермоқда.

✅ “Ўзбекнефтгаз” АЖ тизимидаги корхоналар, заводлар, нефт базаларга ишга қабул қилишда таъмагирликка йўл қўймаслик, шаффофлик тамойили асосида Ўзбекистон Республикаси Меҳнат кодексига қатъий амал қилган ҳолда иш юритиш бўйича вазифалар белгилаб олинди.

❎ Ушбу ҳолат юзасидан аввало шуни таъкидлаш керакки, “Чинобод нефт база”си МЧЖда ҳеч қандай филиал мавжуд эмас. Қўлга олинган ИИБ ходимининг ҳам нефт базага алоқадор жойи йўқ.

🔷 Коррупцияга қарши курашиш мақсадида “Ўзбекнефтгаз” АЖ тузилмасида ўзгариш қилинди ва муҳим қадам ташланди. Бошқарув раисининг буйруғига асосан режали, мавзули, тезкор ва масофавий ўрганишлар ҳамда хизмат текширувлари ўтказиш учун “Молиявий ва комплаенс назорати” департаменти ташкил этилди.

🔶 Ушбу департамент айнан комплаенс соҳасидаги қонун, қоида ва стандартларга мувофиқликни, шу жумладан, коррупцияни олдини олишга қаратилган чора-тадбирлар бажарилишини ҳамда манфаатлар тўқнашувларини меъёрий ҳужжатларга асосан бошқарилишини назорат қилади, масъул мансабдор шахслар фаолияти бўйича мақсадли ўрганишларни ўтказади.

🔺 Бир сўз билан айтганда, “Ўзбекнефтгаз” АЖ “Коррупциясиз соҳа”га айланди, дейилади хабарда.

Каналга уланиш: 👇
@Rasmiy_xabarlar_Official

​‼️IT-Park аҳоли фикрларини ўрганиш мақсадида махсус Телеграм-ботни ишга туширди

Дастурий маҳсулотлар ва ахборот технологиялари технологик парки (IT-Park) янги махсус телеграм-ботни ишга туширди. Мазкур бот орқали фуқаролар қуйидаги соҳалар бўйича ўз фикрларини, муаммоларини, таклифларини ва ғояларини қолдиришлари мумкин:

☑️Банклар;
☑️Қурилиш;
☑️Транспорт;
☑️Геология, минерал ресурслар;
☑️Соғлиқни сақлаш;
☑️Ер ресурслари, геодезия, картография, давлат кадастри;
☑️Таълим;
☑️Қишлоқ хўжалиги;
☑️Энергетика.

✍IT-Park ахборот хизмати тарқатган расмий маълумотда таъкидланганидек, барча муаммолар ҳал қилинади ва энг яхши ғоялар амалга оширилади.

Каналга уланиш: 👇
@Rasmiy_xabarlar_Official

UZ: Пойтахтлар ва йирик шаҳарларда коронавирус пандемиясига қарши курашда қандай инновацион ва smart лойиҳалар ишлаб чиқиб, амалга жорий этилди?

МДҲ ва Евроосиё давлатлари пойтахтлари ва йирик шаҳарлари бошқарувчилари ва уларнинг ўринбосарлари иштирокида шу мавзуга бағишланган онлайн анжуман бўлиб ўтди.

Онлайн конференцияда Тошкент шаҳар ҳокими Жаҳонгир Ортиқхўжаев ҳам иштирок этди. Бу ҳақда пойтахт ҳокимлиги ахборот хизмати хабар берди.

RU: Какие инновационные и smart-проекты разработаны и внедрены в практику для борьбы с пандемий в столицах и крупных городах?

Прошла онлайн-конференция, посвященная этой теме, при участии глав столиц и крупных городов стран СНГ и Евразии, а также их заместителей. Об этом проинформировала пресс-служба столичного хокимията.

В онлайн-конференции принял участие и хоким города Ташкента Жахонгир Артикходжаев.

Каналга уланиш: 👇
@Rasmiy_xabarlar_Official

#Қабул_2020

Республиканинг 8 та туманида абитуриентларни рўйхатдан ўтказиш ДХМларда амалга оширилади

Бу ҳақда Адлия вазири матбуот котиби Севара Уринбаева хабар берди.

🔰 2020/2021 ўқув йили қабулида ОТМга кириш синовларида иштирок этиш учун қуйидаги 8 та тумандаги Давлат хизматлари марказларида рўйхатдан ўтиш мумкин:

👉 Мўйноқ тумани ДХМ;
👉 Конимех тумани ДХМ;
👉 Томди тумани ДХМ;
👉 Узун тумани ДХМ;
👉 Бойсун тумани ДХМ;
👉 Сўх тумани ДХМ;
👉 Фарғона тумани ДХМ;
👉 Сардоба тумани ДХМ.

Каналга уланиш: 👇
@Rasmiy_xabarlar_Official

#Тошкент_вилояти

Бўстонлиқ туманида медиа-тур ўтказилди

Бу ҳақда Тошкент вилояти ҳокимлиги ахборот хизмати хабар берди.

📌Пресс-тур давомида журналист ва блогерлар ўзларини қизиқтирган барча саволларга жавоб олишди. Навбатдаги медиа-тур келгуси ҳафтада яна ташкил этилади. Ахборот хизмати ушбу мавзуга қизиққан блогер ва журналистларни навбатдаги медиа-турга таклиф этади.

🎥Батафсил видеолавҳада

Каналга уланиш: 👇
@Rasmiy_xabarlar_Official

Бош прокуратура Академияси магистратурага қабул қилмоқда

🖥 2020/2021 ўқув йили магистратурасида ўқиш учун ҳужжатлар 10 августга қадар онлайн тарзда академиянинг расмий веб-сайти орқали қабул қилинади. Бу ҳақда Бош прокуратура Академияси маълум қилди.

✍️ Магистратурага танлов “юриспруденция” таълим йўналиши бўйича таянч олий юридик маълумотга эга бўлган фуқаролар (ш.ж. прокуратура органлари ходимлари) орасида ўтказилади. Шунингдек, бошқа таълим йўналишлари бўйича олий маълумотга ва бевосита прокуратура органларида камида 5 йиллик меҳнат стажига эга бўлган прокуратура органлари ходимлари танловда иштирок этиши мумкин.

⏹ Магистратурага ўқишга қабул қилинган прокуратура органлари ходимларининг эгаллаб турган лавозими ва ўртача ойлик иш ҳақи ўқиш даври мобайнида сақлаб қолинади.

Каналга уланиш: 👇
@Rasmiy_xabarlar_Official

#Тайинлов
#ССВ

Соғлиқни сақлаш вазирлиги ахборот хизмати хабарига кўра Эльмира Боситхонова Соғлиқни сақлаш вазирининг ўринбосари лавозимига тайинланди

Мамлакатимиз Президентининг жорий йил 3 июлдаги тегишли қарорига асосан Соғлиқни сақлаш вазирининг ўринбосари лавозимига Баситханова Эльмира Иркиновна тайинланди.

Э.Баситханова 1958 йилда туғилган. 1981 йилда Тошкент давлат тиббиёт институти (ҳозирги Тошкент тиббиёт академияси)ни тамомлаган, тиббиёт фанлари доктори.

Каналга уланиш: 👇
@Rasmiy_xabarlar_Official

#Тайинлов
#ССВ

Соғлиқни сақлаш вазирлиги ахборот хизмати хабарига кўра, Ўзбекистон Республикаси Президентининг шу йил 3 июлдаги тегишли қарорига асосан Соғлиқни сақлаш вазирининг ўринбосари лавозимига Сабиров Улуғбек Юсупхонович тайинланди.

У.Сабиров 1974 йилда туғилган. 1997 йилда Тошкент давлат иккинчи тиббиёт институти (ҳозирги Тошкент тиббиёт академияси)нинг даволаш иши мутахассислиги бўйича тамомлаган, тиббиёт фанлари доктори.

Тайинловга қадар Дерматология ва венерология илмий текшириш институтида турли лавозимларда ишлаган. 2013 йилдан айни пайтга қадар Республика ихтисослаштирилган дерматология ва косметология илмий-амалий тиббиёт маркази директори лавозимида самарали фаолият юритиб келган.

Каналга уланиш: 👇
@Rasmiy_xabarlar_Official

#Тайинлов
#ССВ

Соғлиқни сақлаш вазирлиги ахборот хизмати хабарига кўра, Ўзбекистон Республикаси Президентининг 3 июлдаги тегишли қарорига асосан Соғлиқни сақлаш вазирининг ўринбосари лавозимига Шарахметов Шахрух Шатургунович тайинланди.

Шу вақтгача ушбу лавозимда фаолият кўрсатиб келган Баходир Низомов бошқа ишга ўтганлиги муносабати билан ўз лавозимидан озод этилди.

Ш.Шарахметов 1977 йилда туғилган. 1998 йилда Тошкент давлат иқтисодиёт университетини, 1999 йилда эса Буюк Британиянинг Эксетер университетини иқтисодчи, молия ва инвестициялар мутахассислиги бўйича тамомлаган.

Каналга уланиш: 👇
@Rasmiy_xabarlar_Official

Янги лойиҳа: “Ёш электротехник“ онлайн тўгараги

“Ўзэлтехсаноат“ уюшмаси ахборот хизмати Уюшма Халқ таълими вазирлиги билан ҳамкорликда “Онлайн мактаб“ лойиҳаси доирасида “Ёш электротехник“ тўгарагини йўлга қўйганини маълум қилди.

Машғулотлар Чилонзор туман 1-сон касб-ҳунар мактаби ўқитувчилари ҳамкорлигида тайёрланмоқда. Бундан кўзланган мақсад ёшларни ҳозирданоқ касб танлашга бўлган қизиқишларини ошириш, ёш электротехниклар мактабини яратишдан иборатдир.

Каналга уланиш: 👇
@Rasmiy_xabarlar_Official

#Тайинлов
#ССВ

Соғлиқни сақлаш вазирлиги ахборот хизмати хабарига кўра, Ўзбекистон Республикаси Президентининг тегишли қарорига асосан Соғлиқни сақлаш вазирининг ўринбосари лавозимига Азизов Абдулла Абдисаламович тайинланди.

А.Азизов 1981 йилда туғилган. 2003 йилда Япониянинг Нагоя университетини, 2004 йилда Жаҳон иқтисодиёти ва дипломатия университетини молия ва халқаро бизнес йўналиши бўйича магистр даражасини олган.

Шунингдек, Даниянинг Орхус университети магистратурасини, Орхус техника коллежини IT-дастурчи мутахассислиги бўйича тамомлаб, ушбу йўналишда меҳнат фаолиятини бошлаган.

Тайинловга қадар 2006 – 2019 йилларда Данияда қатор нуфузли компанияларда масъул лавозимларда ишлаган. 2019 йил сентябр ойидан айни пайтга қадар Ўзбекистон Республикаси Давлат солиқ қўмитаси раиси ўринбосари лавозимида самарали фаолият юритиб келган.

Каналга уланиш: 👇
@Rasmiy_xabarlar_Official

‼️Бандлик ва меҳнат муносабатлари вазирлиги ахборот хизмати хабарига кўра, Парламентнинг юқори палатаси Олий Мажлис Сенатида аҳолини иш билан таъминлаш тўғрисидаги қонун лойиҳаси муҳокама этилди.

Каналга уланиш: 👇
@Rasmiy_xabarlar_Official

‼️Тошкентда 77 ёшли аёл коронавирусдан вафот этди

Бу ҳақда ССВ ахборот хизмати хабар берди.

☑️ Тошкентлик Н.Г. 7 июндан 16 июнга қадар Республика Шошилинч тиббий ёрдам илмий марказида юрак ишемик, гипертония, қон айланиш етишмовчилиги, ўнг сут бези саратони, икки томонлама бронхопневмония, ўпка шиши ташхиси билан даволанган.

☑️ 23 июнь куни беморда коронавирус ҳам аниқланган ва Тошкент тиббиёт академияси кўп тармоқли клиникасининг жонлантириш бўлимига ётқизилган.

🔘 Реанимацион муолажаларга қарамасдан, 2 июль куни бемор ўткир юрак қон-томир ва ўпка етишмовчилигидан вафот этган.

Каналга уланиш: 👇
@Rasmiy_xabarlar_Official

#Тайинлов

Маҳалла ва оилани қўллаб-қувватлаш вазирлиги ахборот хизмати хабарига кўра, Гулнора Маруфова Ўзбекистон Республикаси Маҳалла ва оилани қўллаб-қувватлаш вазирининг биринчи ўринбосари этиб тайинланди

Ўзбекистон Республикаси Президентининг 2020 йил 3 июлдаги ПҚ-4775-сонли қарорига асосан Маруфова Гулнора Махмудовна Ўзбекистон Республикаси Маҳалла ва оилани қўллаб-қувватлаш вазирининг биринчи ўринбосари лавозимига тайинланди.

Гулнора Маруфова 1957 йил 26 апрелда Фарғона вилоятида туғилган. 2004 йилдан 2020 йилнинг феврал ойига қадар Ўзбекистон Хотин-қизлар қўмитаси раиси ўринбосари, 2020 йилнинг феврал ойидан шу вақтга қадар Маҳалла ва оилани қўллаб-қувватлаш вазирлиги Ижтимоий ҳимояга муҳтож оилалар билан ишлаш бошқармаси бошлиғи лавозимда ишлаб келган.

Каналга уланиш: 👇
@Rasmiy_xabarlar_Official

📈 2020 йил 3 июль соат 23:30 ҳолатига кўра, Ўзбекистонда коронавирус инфекцияси қайд этилганлар сони 9396 (+70) нафарни ташкил этмоқда.

✍ Бу ҳақда ССВ ахборот хизмати хабар берди.

🦠 Янги касалланиш ҳолатларининг 20 нафари Карантин марказидаги фуқаролар орасида, 19 нафари Тошкент вилоятида, 14 нафари Самарқанд вилоятида ҳамда 9 нафари Бухоро вилоятида коронавирусга чалинганлар билан мулоқотда бўлиб, карантинга олинган фуқаролар орасида, 5 нафар Андижон вилоятида ва 3 нафари Тошкент шаҳрида аҳоли орасида аниқланган.

❗️Айни пайтда юртимизда 6251 (+217) нафар коронавирус инфекциясига чалинган фуқаролар (66 фоиз) соғайган.

‼️Ҳозирда мамлакатимизда 3116 нафар беморга шифокорларимиз томонидан белгиланган стандартлар бўйича даво чоралари кўрилмоқда.

Каналга уланиш: 👇
@Rasmiy_xabarlar_Official

#Савол_жавоб

❓ Андижон вилоят касаба уюшмалари ташкилотлари бирлашмаси қошидаги “Боғишамол” болалар соғломлаштириш оромгоҳида жорий йилнинг март-июнь ойларида Россия Федерацияси ва Қирғизистон Республикасидан “Дўстлик” чегара пости орқали юртимизга кириб келган 774 нафар фуқаро учун 4 марта 14 кунлик карантин кузатуви ташкил этилди. Мазкур даврда оромгоҳда коммунал тўловлардан қарздорлик вужудга келди. Мазкур қарздорлик ким томонидан қопланади?

✍ Бош прокуратура ҳузуридаги МИБ Ахборот хизмати раҳбари Фаррух Тошпўлатов жавоб беради:

✅ Амалдаги қонунчиликка кўра, электр энергияси учун тўловлар ўз вақтида амалга оширилмаган ҳамда Мажбурий ижро бюросининг талабномалари ижро этилмаган ҳолларда, истеъмолчилар тармоқдан мажбурий узилади, бунда қайта улаш учун жисмоний шахслардан энг кам ойлик иш ҳақининг икки баробари, юридик шахслардан энг кам ойлик иш ҳақининг ўн баробари миқдорида тўлов ундирилади.
Юридик шахслар ва якка тартибдаги тадбиркорларга энергия ресурслари олдиндан 100 фоизлик ҳақ тўлаш асосида етказиб берилади, юридик шахслар томонидан хабардор қилиш тартиби орқали тегишли мурожаат тақдим этилган тақдирда эса — 50 фоизлик олдиндан ҳақ тўлаш асосида амалга оширилади. Бунда, олдиндан ҳақ тўланмаган, шунингдек, 50 фоизлик олдиндан ҳақ тўлаш шартларида ҳисоб-китоб қилувчи истеъмолчилар томонидан ойнинг охиригача якуний ҳисоб-китоб амалга оширилмаган ҳолларда, мазкур истеъмолчиларга нисбатан электр ва газ тақсимлаш тармоқларидан тўлиқ узишгача бўлган чоралар кўрилади.

☑️ Қайта улаш учун жисмоний шахслардан энг кам ойлик иш ҳақининг икки баробари, юридик шахслардан энг кам ойлик иш ҳақининг ўн баробари миқдорида тўлов ундирилади. Мазкур тартиб ва белгиланган қоида — Андижон вилоят касаба уюшмалари ташкилотлари бирлашмаси қошидаги “Боғишамол” болалар соғломлаштириш оромгоҳига ҳам тегишли бўлиб, электр энергиясини етказиб берувчи таъминотчи корхона билан тузилган шартномага кўра, оромгоҳ муассасаси томонидан амалга оширилади. Мазкур оромгоҳнинг қарздорликни тўлашга имконияти бўлмаган тақдирда, Андижон вилоят касаба уюшмалари ташкилотлари бирлашмаси ёки маҳаллий ҳокимликлар томонидан тўловни тўлаш бўйича чораларини кўриши ёки ҳомийликлар асосида қоплаш чораларини белгилашлари мумкин.

Каналга уланиш: 👇
@Rasmiy_xabarlar_Official

Вирус аниқланганлар 104 нафарга кўпайди

📈 2020 йил 4 июль соат 10:00 ҳолатига кўра, Ўзбекистонда коронавирус инфекцияси қайд этилганлар сони 9500 (+104) нафарни ташкил этмоқда. Бу ҳақда ССВ ахборот хизмати хабар берди.
🦠 Янги касалланиш ҳолатларининг 36 нафари Карантин марказидаги фуқаролар орасида, 35 нафари Тошкент шаҳрида (шундан 28 нафари коронавирусга чалинганлар билан мулоқотда бўлиб, карантинга олинган фуқаролар орасида, 8 нафари аҳоли орасида), 25 нафари Тошкент вилоятида (шундан 5 нафари коронавирусга чалинганлар билан мулоқотда бўлиб, карантинга олинган фуқаролар орасида, 20 нафари аҳоли орасида), 8 нафари Сирдарё вилоятида (барчаси халқаро юк ташувчи автомашина ҳайдовчиси) аниқланган.

Соғайганлар 6251 нафар (65 фоиз).

Даволанаётганлар 3220 нафар. Улардан 16 нафари оғир, 8 нафари ўта оғир аҳволда.

Каналга уланиш: 👇
@Rasmiy_xabarlar_Official