⚡️“Умра” тадбирларини ташкил этиш ва ўтказишда зиёратчиларнинг манфаатларини самарали ҳимоя қилиш бўйича қўшимча чора-тадбирлар тўғрисида”ги Ҳукумат қарори (345-сон, 08.08.2023 й.) қабул қилинди.

🔰Қарорга кўра, “Умра” тадбирларини ташкил этиш ва ўтказишга оид хизматларни кўрсатиш билан боғлиқ туристик фаолиятни амалга ошириш лицензияси чиқиш туризми кичик турининг алоҳида фаолият йўналиши ҳисобланиб, мазкур фаолият фақат маҳаллий туроператор томонидан амалга оширилиши белгиланди.

☑️ Туристик фаолиятни амалга ошириш лицензияси чиқиш туризми кичик турининг “Умра” хизматларини кўрсатиш фаолияти бўйича қуйидаги қўшимча лицензия талаблари ва шартлари жорий этилади:

🔸 100 минг АҚШ долларидан кам бўлмаган маблағларни Туризм қўмитасининг Хавфсиз туризм жамғармасига захира қилиб қўйиш;

🔸 “Умра” хизматлари давомида зиёратчиларнинг гуруҳ раҳбари этиб Ўзбекистон мусулмонлари идораси билан тузиладиган шартнома асосида унинг диний билим ва кўникмаларга эга бўлган мутахассисларини тайинлаш;

🔸 “Умра” хизматларини кўрсатувчи туроператор штатида диний (исломий) таълим йўналишлари бўйича республика таълим муассасаси ёки Ўзбекистон халқаро ислом академиясининг тегишли бакалавриат таълим йўналиши ёхуд магистратура мутахассислиги битирувчиси бўлган камида бир нафар мутахассиснинг бўлиши;

🔸 “Умра” хизматларини вояга етмаган фуқароларга кўрсатмаслик;

🔸 “Умра” хизматларини Саудия Арабистони Подшоҳлигидаги ҳамкор ташкилот ўртасида имзоланадиган шартномага мувофиқ амалга ошириш.

☑️ “Умра” хизматларини кўрсатувчи туроператор мурожаати асосида Ўзбекистон мусулмонлари идораси мутахассисини зиёратчиларга гуруҳ раҳбари (элликбоши) сифатида жалб этиш бўйича қуйидаги тартиб жорий этилади:

🔸 мутахассиснинг зиёратчилар гуруҳларига раҳбарлик қилиши билан боғлиқ хизмати беғараз амалга оширилади, унинг сафар харажатлари (транспорт, меҳмонхона, озиқ-овқат, суғурта, виза тўловлари ва бошқалар) “Умра” хизматларини кўрсатувчи туроператор томонидан қопланади;

🔸 мутахассис туроператорнинг сўровига кўра Ўзбекистон мусулмонлари идораси томонидан 3 иш кунида ажратилади;

🔸1 нафар гуруҳ раҳбарига 50 нафардан ошмаган зиёратчилар гуруҳи бириктирилади.

✅ 2023 йил 1 октябрдан “Умра” хизматларини кўрсатувчи туроператорлар фаолиятини рейтинг асосида баҳолаш тизими жорий этилади.

✳️ Қарорда белгиланган қўшимча лицензия талаб ва шартлари 2023 йил 1 ноябрдан қўлланилади ҳамда улардан лицензияни қайта расмийлаштиришда аризани кўриб чиқиш учун тўланадиган йиғим ва лицензия учун давлат божи ундирилмайди.

Telegram | Facebook | Instagram | Youtube | Медиабанк

ЖССТ Ҳиндистоннинг яна бир йўталга қарши сиропи ҳақида огоҳлантирмоқда

Жаҳон соғлиқни сақлаш ташкилоти Ҳиндистонда ишлаб чиқарилган Cold Out йўтал ва шамоллашга қарши сироп хавфи ҳақида огоҳлантирди. Унда токсинларни топилган.

Бу охирги 10 ой ичида ҳинд ишлаб чиқарувчисига нисбатан бешинчи шундай огоҳлантиришдир.

Telegram | Facebook | Instagram | Youtube | Медиабанк

Қозоғистонда Алишер Навоий ҳайкали ўрнатилди

Баландлиги тўрт метрдан ортиқ бўлган мазкур ҳайкал Ўзбекистон халқ рассоми, ҳайкалтарош Жасвант Анназаров томонидан яратилди ва Остона шаҳрида ўрнатилди.

Эслатиб ўтамиз, бугунга қадар Алишер Навоий ҳайкали Токио, Шанхай, Вашингтон, Москва, Минск, Боку, Мозори-Шариф, Ўш, Душанбе, Сеул каби шаҳарларида қад ростлаган.

Telegram | Facebook | Instagram | Youtube | Медиабанк

Жамшид Абруев Ижтимоий ҳимоя миллий агентлиги директори ўринбосари этиб тайинланган.

Telegram | Facebook | Instagram | Youtube | Медиабанк

Қишлоқ хўжалиги вазирига ўринбосар тайинланди

Анвар Каримов қишлоқ хўжалиги вазирининг ўринбосари лавозимига тайинланди.

Бунга қадар у иқтисодиёт ва молия вазирининг ўринбосари вазифасида ишлаган.

Telegram | Facebook | Instagram | Youtube | Медиабанк

Президент қарорига асосан генерал-майор Назармухамедов Даврон Абитович Ўзбекистон Республикаси Ички ишлар вазири ўринбосари — Маънавий - маърифий ишлар ва кадрлар билан таъминлаш департаменти бошлиғи лавозимига тайинланди.

Тайинловга қадар Д.Назармухамедов Хоразм вилояти Ички ишлар бошқармаси бошлиғи лавозимида хизмат қилган.

Telegram | Facebook | Instagram | Youtube | Медиабанк

Президент қарори билан ҳарбий хизмат муддатини ҳисоблашни имтиёзли ҳолатларига аниқлик киритилди.

Ҳарбий хизматчилар учун қуйидаги даврларнинг бир куни имтиёзли равишда ҳарбий хизматнинг уч кунига тенг ҳисобланади:

➖ жанговар ҳаракатларда, жанговар вазифаларни бажаришда, террорчиликка қарши махсус операция ўтказишда ёки фавқулодда ҳолат режимини таъминлашда (сақлаб туришда) иштирок этган даври;

➖ юқоридаги вазиятларда бевосита иштирок этиш натижасида шикастланиш (ярадорлик, жароҳатланиш) ва касалланиш сабабли даволаш муассасаларида узлуксиз бўлган даври;

➖ қонунга хилоф равишда озодликдан маҳрум этиш жазосига ҳукм қилинган ва кейинчалик реабилитация этилганларга – ушлаб турилган, эҳтиёт чораси сифатида қамоқда сақланган ёки тиббий муассасага жойлаштирилган даври.

Telegram | Facebook | Instagram | Youtube | Медиабанк

📢 9 август, чоршанба куни АОКАда ўтказилиши режалаштирилган брифинглар:

✅ Мавзу: "Ўзбекинвест" ЭИСК" АЖ томонидан жорий йилнинг 6 ойи давомида амалга оширилган ишлар
⚫️Вақти: 10:00
⚫️Иштирок этади: Рустам Холиқов, акциядорлик жамияти бош директорнинг биринчи ўринбосари

✅ Мавзу: Қонунчиликдаги янгиликлар, қабул қилинаётган ҳуқуқий ҳужжатларнинг мазмун-моҳияти
⚫️Вақти: 12:00
⚫️Иштирок этади: Севара Ўринбоева, Адлия вазирлиги ахборот хизмати раҳбари

✅ Мавзу: Инновацион ривожланиш агентлиги томонидан 2023 йилнинг ўтган даврида амалга оширилган ишлар, истиқболдаги режалар
⚫️Вақти: 16:00
⚫️Иштирок этади: Ҳожиакбар Каримов, Агентлик ахборот хизмати раҳбари

Telegram | Facebook | Instagram | Youtube | Медиабанк

Хавотирга ўрин йўқ: "Cold Out"дори воситаси юртимизда давлат рўйхатидан ўтказилмаган.

Ушбу йўталга қарши қўлланилувчи дори воситаси ҳақида Фармацевтика маҳсулотлари хавфсизлиги маркази қуйидагиларни маълум қилди.

ЖССТ маълумотларига кўра, "Cold Out" сиропи “Fourrts Laboratories” (Ҳиндистон) томонидан “Dabilife Pharma” учун ишлаб чиқарилган бўлиб, унинг таркибида токсинлар борлиги қайд этилган.

Шунингдек, Ҳиндистон Соғлиқни сақлаш вазирлиги маълумотига кўра, мазкур дори воситаси Ироқда ўтказилган алоҳида синовларда муваффақиятсизликка учрагач, эркин савдодан қайтариб олинган.

Фармацевтика маҳсулотлари хавфсизлиги маркази Ҳиндистоннинг “Fourrts Laboratories” томонидан ишлаб чиқарилган мазкур дори воситаси Ўзбекистон Республикасида давлат рўйхатидан ўтказилмаганлигини маълум қилиб, ижтимоий тармоқларда тарқалаётган хабарлар юзасидан юртдошларимиз хавотирга тушмасликларини сўради.

Таъкидланишича, 2023 йил февраль ойидан бошлаб, юртимизда ишлаб чиқарилаётган ва мамлакатимизга кириб келаётган сироб шаклдаги дори воситалари таркиби диэтиленгликол (ДЭГ) ва этиленгликол (ЭГ) заҳарли моддалари бўйича чуқур текширилиб, ССВ томонидан бу борада қатъий назорат ўрнатилган.

Telegram | Facebook | Instagram | Youtube | Медиабанк

Ҳатамов Жаҳонгир Жўраевич Ўзбекистон Республикаси Бош прокурорининг ўринбосари лавозимига тайинланди.

Ж.Ҳатамов тайинловга қадар Самарқанд вилояти прокурори лавозимида ишлаган.

Telegram | Facebook | Instagram | Youtube | Медиабанк

Ўзбекистон Республикаси Президентининг тегишли Фармонига асосан адлия катта маслаҳатчиси Тўхтабоев Шерзод Жалолович Ўзбекистон Республикаси Бош прокурорининг ўринбосари лавозимига тайинланди.

Ш.Тўхтабоев тайинловга қадар Бош прокуратурада бошқарма бошлиғи лавозимида ишлаган.

Telegram | Facebook | Instagram | Youtube | Медиабанк

Давлат фуқаролик хизматига ишга кириш жараёнлари назоратда: Call-марказларга келиб тушган мурожаатлар таҳлил қилинмоқда, ечим берилмоқда

Давлат хизматини ривожлантириш агентлигининг марказий аппарати ҳамда ҳудудий филиалларида очиқ танловлар фаолияти юзасидан ишонч телефонлари ишлаб турибди.

Ўтган бир ҳафта давомида ушбу рақамларга 78 та мурожаат келиб тушди.

◽️Жумладан:

32 та — платформада шахсий кабинет билан боғлиқ бўлган техник муаммолар;
6 та — малака талабига мослигини кўриб чиқиш муддати кечиктирилиши бўйича;
10 та — малака талаби натижасидан норозилик бўйича;
10 та — тест ва суҳбат босқичини белгилаш муддатларининг бузилиши бўйича;
12 та — суҳбат босқичини ташкил этилишидан норози бўлиб;
8 та — суҳбат натижасини шахсий кабинетга юбориш муддатини кечиктирилиши бўйича мурожаатлар келиб тушди.

Мазкур мурожаатларнинг 10 таси ижобий ҳал этилди, 68 таси ҳуқуқий маслаҳат бериш орқали қаноатлантирилди.

Telegram | Facebook | Instagram | Youtube | Медиабанк

Ўзбекистон Aвтомобиль йўллари қўмитасига матбуот котиби тайинланди

Жумаева Нилуфар Ҳикматуллаевна — Транспорт вазирлиги ҳузуридаги Aвтомобиль йўллари қўмитаси раисининг Aхборот сиёсати масалалари бўйича маслаҳатчиси — матбуот котиби лавозимига тайинланди.

Н.Жумаева тайинловга қадар, “Ўзбекистон” телеканалида катта муҳаррир лавозимида фаолият юритган.

Лавозимга тайинлов Ўзбекистон Республикаси Президенти Aдминистрацияси ҳузуридаги Aхборот ва оммавий коммуникациялар агентлиги хулосасига кўра амалга оширилди.

Telegram | Facebook | Instagram | Youtube | Медиабанк