❗️2022-2026 йилларда оналик ва болаликни муҳофаза қилишни кучайтириш бўйича чора-тадбирлар режаси эълон қилинди

Президент қарорига кўра:

● Нукус шаҳрида «Болалар тиббиёт кластери»;

● янгидан ташкил этилаётган 46 та туманлараро перинатал марказларда чақалоқлар реанимацияси бўлими;

● 2022 йил 1 майдан бошлаб туман (шаҳар) кўп тармоқли марказий поликлиникалари, шунингдек, Тошкент шаҳри оилавий поликлиникаларида болалар бўлими;

● туман (шаҳар) тиббиёт бирлашмаларида амалдаги штат бирликлари доирасида болалар анестезиология-реанимация бўлимлари ҳамда кечаю кундуз шошилинч тиббий ёрдам кўрсатувчи педиатрия постлари;

● Республика ихтисослаштирилган педиатрия илмий-амалий тиббиёт марказида болаларда ирсий-генетик, шу жумладан, орфан касалликларга барвақт ташхис қўйиш бўйича Референс лаборатория ва ҳудудларда унинг 17 та минтақавий лабораториялари ташкил этилади;

● Республика перинатал маркази, Қорақалпоғистон Республикаси, вилоятлар ҳамда Тошкент шаҳар перинатал марказлари ва болалар кўп тармоқли тиббиёт марказларида 2022-2023 йилларда жами 29 та шошилинч перинатал ҳамда шошилинч педиатрик мобил навбатчи реанимацион бригадалар фаолиятини йўлга қўйилади;

● янги туғилган чақалоқларда эшитиш нуқсонларини эрта аниқлашга қаратилган аудиоскрининг тадбирларини Қорақалпоғистон Республикаси, Тошкент шаҳри ва вилоятлар болалар кўп тармоқли тиббиёт марказлари ва ҳудудлардаги барча туғуруқ комплексларида татбиқ этилади.

✔️ 2022 йил 1 майдан бошлаб Болалар гематологияси, онкологияси ва клиник иммунологияси марказида даволанаётган бемор болаларга қаровчи шахслар (ота-она ва бошқалар) учун бепул овқатланиш йўлга қўйилади.

📄 Батафсил
〰️〰️〰️〰️〰️

Telegram | Facebook | Instagram | Медиабанк

📢 26 апрель, сешанба куни АОКАда ўтказилиши режалаштирилган тадбирлар:

〰️〰️〰️
📍Брифинг

● Мавзу: Интернет орқали қарздорлик ва тақиқ масаласида келиб тушаётган эътироз ва фикрлар юзасидан
● Вақти: 10:00
● Иштирок этади: Фаррух Тошпўлатов, Бош прокуратура ҳузуридаги Мажбурий ижро бюроси ахборот хизмати раҳбари

〰️〰️〰️
📍Брифинг

● Мавзу: Коррупцияга қарши курашишда ахборот технологияларидан фойдаланиш хусусида
● Вақти: 12:00
● Иштирок этади: Дурдона Очилова, Коррупцияга қарши курашиш агентлиги ахборот хизмати раҳбари

〰️〰️〰️
📍Матбуот анжумани

● Мавзу: 2022-2023-ўқув йили учун республика ОТМларининг бакалавриат таълим йўналишларига кириш тест синовлари юзасидан
● Вақти: 14:00
● Иштирок этади: Вазирлар Маҳкамаси ҳузуридаги Давлат тест маркази, Олий ва ўрта махсус таълим вазирлиги мутасаддилари

〰️〰️〰️
📍Матбуот анжумани

● Мавзу: Оила ва хотин-қизларни тизимли қўллаб-қувватлашга доир ишларни янада жадаллаштириш, уларни тазйиқ ва зўравонликдан ҳимоя қилиш масалалари таҳлили
● Вақти: 16:00
● Иштирок этади: Ички ишлар вазирлиги, Бош прокуратура ва Оила ва хотин-қизлар давлат қўмитаси мутасаддилари

🎤 Саволларни @Rasmiy_aloqabot га жўнатишингиз мумкин. ОАВ ходимлари таклиф этилади.

Telegram | Facebook | Instagram | Медиабанк

‼️Мирзо Улуғбек туманида яна 410 млн сўм талон-тарож қилинган

Мазкур туманда ширкатлар томонидан 311,6 млн сўм маблағ талон-тарож қилинганлиги аниқланган эди. Аҳоли мурожаатларига асосан, Уй-жой фонди инспекцияси томонидан Тошкент шаҳридаги уй-жой мулкдорлари ширкатларининг фаолиятини ўрганиш ишлари давом этмоқда. Бу ҳақда Уй-жой коммунал хизмат кўрсатиш вазирлиги ахборот хизмати хабар берди.
Унга кўра, 32 та ширкат томонидан 28 та ҳолатда, жами 3,5 млрд сўм маблағ мақсадсиз сарфлангани ёки талон-тарож қилинганлиги аниқланди.
Хусусан, Мирзо Улуғбек туманида жами 409,9 млн сўм:
“Олмачи Биринчи коммуналчи " ширкатида - 58,9 млн сўм;
“Янги аср коммунал” ширкатида - 39,4 млн сўм;
“Нурчи коммуналчи биринчи”, “Олтин тепа Сервис” ширкатларида - 311,6 млн сўм;
Юнусобод туманида жами 563,7 млн сўм:
“Орхидея Коммунал” ширкатида - 89,4 млн сўм;
“Устазода қурилиш" ширкатида - 71,6 млн сўм;
“Бахт қасири коммунал” ширкатида - 288,2 млн сўм;
“Техно коммунал Хизмат” ширкатида - 114,5 млн сўм;
Яшнобод туманида жами 625,0 млн сўм:
“Чарос макони” ширкатида - 489,9 млн сўм;
“Келажак Люкс Коммунал” ширкатида - 65,0 млн сўм;
“Ал Ёқуб Коммунал” ва “Таманно Коммунал” ширкатларида - 70,1 млн сўм;
Сергели тумани “Меҳнат Роҳат Сервис” ширкатида - 92,9 млн сўм;
Янги ҳаёт туманида жами 98,0 млн сўм:
“Навруз Файз коммуналчи Биринчи” ширкатида - 50,4 млн сўм;
“Равшан коммунал биринчи” ширкатида - 38,7 млн сўм;
“Файзобод Сервис” ширкатида - 8,9 млн сўм
Яккасарой туманида жами 377,0 млн сўм:
“Уста Хасан Термур бобо” ширкатида - 24,5 млн сўм;
“Сизга барака" ширкатида - 287,8 млн сўм;
“Шоший Коммуналчи Люкс" ширкатида - 64,7 млн сўм;
Олмазор туманида жами 245,2 млн сўм:
“Обод Олмазор Таъмирлаш Компанияси” ширкатида - 176,3 млн сўм;
“Олтинобод Коммунал" ширкатида - 68,9 млн сўм;
Чилонзор туманида жами 196,9 млн сўм:
“SILVER PARADISE” ширкатида- 10,9 млн сўм;
“Самира Сервис” ширкатида - 186,0 млн сўм
Учтепа туманидаги “Афросиёб сервис биринчи”, “Афросиёб сервис иккинчи”,”Афросиёб сервис”, ”Афросиёб сервис тўртинчи” ширкатларида жами 753,1 млн сўм;
Миробод туманидаги "Афросиёб Тракт"ширкатида - 15,2 млн сўм;
Бектемир туманида жойлашган "Афросиёб" ширкатида жами 176,6 млн сўм мажбурий бадал маблағлари мақсадсиз ишлатилган ёки талон-торож қилинганлиги аниқланган.
Мазкур ҳолатлар юзасидан тегишли ҳужжатлар расмийлаштирилиб, ҳуқуқни муҳофаза қилиш органларига тақдим этилди.

Telegram | Facebook | Instagram | Медиабанк

🔹Қарздорлик ва тақиқ масаласида интернет орқали келиб тушаётган эътироз ва фикрлар юзасидан

АОКАда Бош прокуратура ҳузуридаги Мажбурий ижро бюроси ахборот хизмати раҳбари Фаррух Тошпўлатов иштирокида шу мавзуда брифинг бўлиб ўтмоқда.

Қуйидаги ҳавола орқали тўғридан-тўғри томоша қилишингиз мумкин:

📹 Жонли эфир
〰️〰️〰️

Telegram | Facebook | Instagram | Медиабанк

🦠Яна 7 кишида коронавирус аниқланди, 11 киши соғайди

😷 2022 йил 25 апрель ҳолатига кўра, Ўзбекистонда коронавирус инфекцияси қайд этилганлар сони 238510 нафарни ташкил этмоқда. Янги касалланиш ҳолатларининг барчаси Тошкент шаҳрида аниқланган.

✔️Кеча кун давомида 11 нафар бемор тузалиб, касалликдан соғайганлар жами 236526 нафарга етди ва соғайиш кўрсаткичи 99 фоизни ташкил этмоқда.

Telegram | Facebook | Instagram | Медиабанк

🔎 “SMS-Хабарнома” автомат тизими орқали фуқароларнинг асоссиз қарздорлик ва тақиқлари аниқланмоқда

Бу ҳақда АОКАда ўтказилган брифингда Бош прокуратура ҳузуридаги Мажбурий ижро бюроси ахборот хизмати раҳбари Фаррух Тошпўлатов маълум қилди.

Маълум қилинишича, судлар томонидан келиб тушаётган ҳужжатларда қарздор ёки ундирувчилар ҳақидаги маълумотларда хатоликлар сабаб ижро этиш жараёнида фуқароларнинг эътирозларига сабаб бўлмоқда.

📲 Фуқаролар учун қулайлик яратиш мақсадида, Telegram мессенджерида MibuzBot канали, мобиль андроид воситасида MIB.UZ иловаси ва “SMS-Хабарнома” автомат тизими каби бир қатор электрон дастурий тизимлар татбиқ этилган.

📨 Айнан, “SMS-Хабарнома” автомат тизими орқали фуқароларга юборилган хабарномалар сабабли, ижро ҳужжатларидаги хатоликлар, асоссиз қарздорлик ва тақиқлар аниқланмоқда.

📌 Батафсил

Telegram | Facebook | Instagram | Медиабанк

Ижтимоий тармоқларда “Жанубий Корея меҳнат биржаси” номи билан Ўзбекистон Республикаси фуқароларини 6 000 АҚШ доллари эвазига Россия Федерацияси орқали Корея Республикасига ишга жўнатиш ваъда қилинмоқда. Бу масалага Ташқи меҳнат миграцияси агентлиги ахборот хизмати раҳбари Ортиқхўжа Норов аниқлик киритди.

Ҳурматли юртдошлар, Ўзбекистон ва Корея республикалари ўртасидаги келишувга мувофиқ, Ташқи меҳнат миграцияси агентлиги ушбу давлатга фуқароларни ташкилий тарзда ишга жўнатиш ваколатига эга ягона ташкилот эканини эслатиб ўтамиз.

Фирибгарлик ва одам савдоси қурбонига айланиб қолманг!

Telegram | Facebook | Instagram | Медиабанк

💻Коррупцияга қарши курашишда ахборот технологияларидан фойдаланиш

АОКАда Коррупцияга қарши курашиш агентлиги ахборот хизмати раҳбари Дурдона Очилова иштирокида шу мавзуда брифинг бўлиб ўтмоқда.

Қуйидаги ҳавола орқали тўғридан-тўғри томоша қилишингиз мумкин:

📹 Жонли эфир
〰️〰️〰️

Telegram | Facebook | Instagram | Медиабанк

Касаначиликни ташкил этган тадбиркорларга субсидия ва кафиллик берилади

“Касаначиликни ривожлантириш асосида аҳоли бандлигини таъминлашга доир қўшимча чора-тадбирлар тўғрисида”ги Президент қарори (ПҚ–214-сон, 21.04.2022 й.) қабул қилинди

✅ Қарорга мувофиқ, 2022 йил 1 июлдан касаначиликни фуқаролик-ҳуқуқий шартномалар, шу жумладан пудрат шартномаси асосида ташкил этишга рухсат этилади.

🔘 2022 йил 1 июлдан 2025 йил 1 январгача:

▫️касаначиларга даромад солиғи касаначиликдан олинадиган жами даромадни 50 фоизга, 1 ойда кўпи билан 1 миллион сўмгача камайтирган ҳолда ҳисобланади;
▫️касаначилар ижтимоий солиқ тўловини ўзини ўзи банд қилган шахслар учун белгиланган тартибда амалга оширади;
▫️олис ва чекка ҳудудлардаги маҳаллаларда (жами 252 та) касаначиликни ташкил этган тадбиркорларга дастлабки 3 ойдаги фаолияти учун 1 ойлик ўртача даромади миқдорида бир марталик субсидия ажратилади.

☑️ Тадбиркорлик фаолиятини қўллаб-қувватлаш давлат жамғармаси томонидан касаначилар сони камида 10 нафар бўлган тадбиркорларга кредит суммасининг 75 фоизи миқдоригача кафиллик берилади.

💰2022 йил 1 июлдан 2025 йил 1 январгача “Темир дафтар”, “Аёллар дафтари”, “Ёшлар дафтари”га киритилган ёки “Ижтимоий ҳимоя ягона реестри”да бўлган ва касаначилик билан шуғулланаётган фуқароларга асбоб-ускуналар харид қилиб бериш харажатларининг 50 фоизгача бўлган қисми, бироқ БҲМнинг 10 бараваригача (2 млн 700 минг сўмгача) миқдорида субсидия ажратилади.

⏩ Шунингдек, “Ягона миллий меҳнат тизими” идоралараро дастурий-аппарат комплекси таркибида мавсумий ва касаначилик ишлари портали ишга туширилади.

Telegram | Facebook | Instagram | Медиабанк

🌐 Соғлиқни сақлаш тизимида “Электрон таълим”, “Вакцина логистикаси” электрон тизимлари жорий қилинади

АОКАда ўтказилган брифингда Коррупцияга қарши курашиш агентлиги ахборот хизмати раҳбари Дурдона Очилова тизимда ахборот технологияларидан фойдаланиш хусусида маълумот берди.

Шунингдек, Коррупцияга қарши курашиш агентлиги томонидан “E-anticor.uz” электрон платформаси ҳам яратилган бўлиб, давлат органлари ва ташкилотлари, шу жумладан, маҳаллий давлат ҳокимияти органларида (давлат ташкилотлари) коррупцияга қарши курашиш бўйича тадбирларнинг самарадорлигини таҳлил қилиш, баҳолаш имконини беради.

Бунда коррупцияга қарши курашиш ишларининг самарадорлиги 0 баллдан 100 баллгача рейтингда баҳоланиб, фаолият самарадорлиги “яхши”, “қониқарли” ва “қониқарсиз” тоифаларга ажратилади.

📌 Батафсил

Telegram | Facebook | Instagram | Медиабанк

📌 2022-2023-ўқув йили учун республика ОТМларининг бакалавриат таълим йўналишларига кириш тест синовлари юзасидан

АОКАда Вазирлар Маҳкамаси ҳузуридаги Давлат тест маркази, Олий ва ўрта махсус таълим вазирлиги мутасаддилари иштирокида шу мавзуда матбуот анжумани бўлиб ўтмоқда.

Қуйидаги ҳавола орқали тўғридан-тўғри томоша қилишингиз мумкин:

📹 Жонли эфир
〰️〰️〰️

Telegram | Facebook | Instagram | Медиабанк

Бироздан сўнг Президент Шавкат Мирзиёев раислигида туризм соҳасини янада ривожлантириш, ички туризм бозорини кенгайтириш, туризм объектларини кўпайтириш ҳамда музейлар фаолиятини такомиллаштириш чора-тадбирлари юзасидан видеоселектор йиғилиши бошланади.

Telegram | Facebook | Instagram | Медиабанк

👩🏻 Оила ва хотин-қизларни қўллаб-қувватлаш, уларни тазйиқ ва зўравонликдан ҳимоя қилиш масалалари

АОКАда Ички ишлар вазирлиги, Бош прокуратура, Оила ва хотин-қизлар давлат қўмитаси мутасаддилари иштирокида шу мавзуда матбуот анжумани бўлиб ўтмоқда.

Қуйидаги ҳавола орқали тўғридан-тўғри томоша қилишингиз мумкин:

📹 Жонли эфир
〰️〰️〰️

Telegram | Facebook | Instagram | Медиабанк

#матбуотанжумани

📍Хотин-қизларга нисбатан қайд этилган зўравонлик ҳолатларининг 34 330 таси ёки 87 фоизи оилада содир этилган

Ҳимоя ордерларнинг 26 667 таси турмуш ўртоқлари, 1 559 таси қайноналар, 1 128 таси келинлар ҳамда 9 989 таси бошқа шахсларга нисбатан расмийлаштирилган.

Бу ҳақда АОКАда ИИВ, Бош прокуратура, Оила ва хотин-қизлар давлат қўмитаси мутасаддилари иштирокидаги матбуот анжуманида маълум қилинди.

〰️〰️〰️〰️
🔎 Умуман, 2021 йил давомида ички ишлар органларига хотин-қизларга нисбатан тазйиқ ва зўравонлик ҳолатлар юзасидан жами 39 343 та мурожаат келиб тушди. Мурожаатларни ўрганишда 106 та жинсий, 234 та иқтисодий, 18 777 та руҳий, 13 658 та жисмоний зўравонлик ҳамда 7 174 та тазйиқ ҳолатлар аниқланган.

● Батафсил
〰️〰️〰️〰️

Telegram | Facebook | Instagram | Медиабанк

Президент раислигида туризм хизматлари кўламини кенгайтириш ва инфратузилмасини ривожлантириш бўйича видеоселектор йиғилиши бошланди.

Дунёда пандемия чекловлари юмшаётгани натижасида туризм индустрияси тикланишни бошлаётгани қайд этилди.

Жорий йил биринчи чорагида юртимизга хориждан 610 минг нафар ёки ўтган йилнинг мос даврига нисбатан 2,5 баравар кўп туристлар келди. Май ойида ҳамкор давлатлардан сайёҳларнинг 20 фоизи мамлакатимизга келиши кутилмоқда (илгари бу рақам 2-3 фоиз бўлган).

“Лекин, ҳар бир ҳоким ҳудудимда тарихий обидалар ёки манзарали жойлар кўп, деб хотиржамликка берилмаслиги керак.

Меҳмонхона, музей, транспорт ва йўллар, сервис, овқатланиш жойлари келаётган туристларни қабул қилишга тайёрми? Бунинг учун қайси ҳоким тайёргарлик қилди?”, дея савол қўйди давлатимиз раҳбари.

Президент юртимиз туризм салоҳиятини тўлиқ рўёбга чиқаришга тўсқинлик қилаётган камчиликларни санаб ўтди.

Мисол учун, Қорақалпоғистон, Андижон, Қашқадарёда мавжуд меҳмонхона ўринлари талабга нисбатан анча кам.

Вилоят ҳокимларининг туризм ишлари бўйича ўринбосарларига 3 ой синов муддати белгиланди

Йиғилишда Қорақалпоғистон, Самарқанд, Тошкент вилояти ва Тошкент шаҳридан бошқа ҳудудларда ёшларга мос туристик хизматлар жуда камлиги таъкидланди.

Шнингдек, “Оилавий” ва “барчаси ичида” хизматларини жорий қилиш ишлари сустлиги, чўмилиш ҳавзаси 1,2 мингдан зиёд меҳмонхонанинг фақат 30 фоизида борлиги ҳам танқид қилинди.

"Мисол учун, Қамчиқ довонида (Оҳангарон тумани) 2,5-3 минг метр баландликда жойлашган Арашан кўллар тизимидаги сув ҳарорати қишин-ёзин 36 градус иссиқликда бўлиб, хорижий курортлардан қолишмайди", деди Давлат раҳбари ўз сўзи давомида.
〰️〰️〰️

Йиғилишда юртимизда мавжуд 122 та музей салоҳиятидан фойдаланилмаётгани таъкидланди.

Музейларда 2,5 млндан ортиқ ашё сақланиб, 112 мингтаси нафақат мамлакатимиз, балки жаҳон миқёсида ноёб ҳисобланади.

“Лекин қайси ҳоким музейлар муаммоси билан шуғулланди, деган саволга ижобий жавоб йўқ.

Қорақалпоғистон, Андижон, Бухоро, Фарғонада туризм бўйича ўринбосарлар яхши ишлаяпти. Қолган ҳудуд масъуллари ҳали "уйғонгани" йўқ", деди Президент.

Шу 4 та ҳудуддан ташқари барча вилоят ҳокимларининг туризм бўйича ўринбосарларига 3 ой синов муддати белгилаш, якуни бўйича лавозимга лойиқлигини кўриб чиқиш топширилди.

Telegram | Facebook | Instagram | Медиабанк

💼 Туризм ва унга турдош соҳаларда 200 мингта янги иш ўрни яратилади

Туризм вазири, унинг янги тайинланган ўринбосарлари, вилоят ҳокимлари ва туризм бўйича муовинлари олдидаги энг устувор вазифалардан бири - туризм соҳасида пандемиягача бўлган кўрсаткичларни тиклаш экани таъкидланди.

Туризм ва унга турдош соҳаларда камида 200 мингта янги иш ўринлари яратиш вазифаси қўйилди.

Бунинг учун йил якунига қадар ҳар бир вилоятда туристлар учун жозибадор бўлган камида 20 миллион долларлик 1 тадан йирик лойиҳани бошлаш зарур.

Мисол учун, Наманганда ишга туширилган “Афсоналар водийси”, Бўстонлиқда “Амирсой мажмуаси”да ҳам болалар учун, ҳам катталар учун барча шароитлар яратилган бўлиб, кунига минглаб хорижий ва маҳаллий туристлар келмоқда.

Бундай йирик лойиҳаларни қўшни давлатлар учун қулай бўлган Андижон, Тошкент вилояти, Қашқадарё ва Хоразмда барпо этиш учун барча имкониятлар етарли.

Telegram | Facebook | Instagram | Медиабанк