Сўхга мунтазам авиақатновлар йўлга қўйилмоқда

Транспорт вазирлиги Ахборот хизмати хабар беришича, “Humo Air” авиакомпанияси Фарғона – Сўх – Фарғона йўналишида йўловчи ташувлари учун мунтазам парвозларни амалга оширишни бошламоқда.

Парвозлар ҳафтанинг душанба ва жума кунлари Фарғона – Сўх йўналишида соат 10:00да ва Сўх – Фарғона йўналишида соат 12:00да бажарилиши режалаштирилган. Авиақатновлар АН-2 самолётларида амалга оширилади, парвоз давомийлиги 30 дақиқани ташкил этади.

Йўловчилар авиачипталарни Фарғона, Андижон ва Наманган аэропортлари ҳамда Сўх тумани ҳокимияти биноларида харид қилиш имкониятига эга.

https://t.iss.one/Rasmiy_xabarlar_Official

Сенат Раиси бошчилигидаги ишчи гуруҳ Олмазор туманининг “Себзор”, “Янги Себзор”, “Абубакир Шоший”, “Қорасарой” каби маҳаллаларига бориб, у ерда маҳалла фаоллари, фуқаролар, “Аёллар маслаҳати” Кенгаши аъзолари, “Аёллар дафтари”, “Темир дафтар” ва “Ёшлар дафтари”га киритилган фуқаролар ва туман кенгаши депутатлари билан учрашди.

https://t.iss.one/Rasmiy_xabarlar_Official

📢 13 декабрь, душанба куни ўтказилиши режалаштирилган брифинглар:

〰️〰️〰️
● Мавзу: Кадастр соҳасидаги янгиликлар, қонунчиликдаги ўзгаришлар
● Вақти: 13:00
● Иштирок этади: Неъмат Атамуратов, Кадастр агентлиги ахборот хизмати раҳбари

〰️〰️〰️
● Мавзу: Давлат хизматчиларининг одоб-ахлоқ кодекси лойиҳаси мазмун-моҳияти ва аҳамияти
● Вақти: 14:00
● Иштирок этади: Севара Ўринбоева, Адлия вазирлиги ахборот хизмати раҳбари

https://t.iss.one/Rasmiy_xabarlar_Official

Автобус ва метрополитенда йўлкира нархи ошиши режалаштирилмоқда

Тошкент шаҳар ҳокимининг шу ҳақдаги қарори лойиҳаси жамоатчилик муҳокамасига қўйилди.

Унга кўра, 2022 йил 1 январдан шаҳар йўловчилар транспорти - автобус ва метрополитенда қатновлар учун йўл кира 1 йўловчига 1 700 сўм этиб белгиланиши кутилмоқда.

Шунингдек, 1 йўловчининг багажини ташиш бўйича хизмат нарҳи 3 000 сўм бўлиши мумкин.

Бундан ташқари, қарор лойиҳасида 1 ойлик йўл чипталарининг янги нархлари ҳам белгиланган.

https://t.iss.one/Rasmiy_xabarlar_Official

🦠 Коронавирус: кеча 211 кишида касаллик аниқланди, яна 4 нафар бемор вафот этди

ССВ ахборот хизмати:

● 12 декабрдаги янги ҳолатларнинг 11 таси — Андижон, 17 таси — Бухоро, 7 таси — Жиззах, 1 таси — Навоий, 7 таси — Наманган, 15 таси — Самарқанд, 2 таси — Сирдарё, 10 таси — Фарғона, 15 таси — Хоразм, 61 таси — Тошкент вилояти, 64 таси — Тошкент шаҳрида қайд этилган.

● Ҳудудларда 216 нафар бемор коронавирусдан соғайди (жами 192 677 та). Вафот этганлар — 1440 та.

https://t.iss.one/Rasmiy_xabarlar_Official

Давлат дастурлари ижросини назорат қилиш бўйича штаблар тузилади

Давлат дастурлари ижроси устидан назоратни кучайтириш бўйича Президент қарори (ПҚ–43-сон, 10.12.2021 й.) қабул қилинди. Бу ҳақда "Ҳуқуқий ахборот" канали маълум қилди.

🔘 Қарорга мувофиқ, 2022 йилдан бошлаб ҳар йили:

➖ 1 апрелгача жойларда ижтимоий ва ишлаб чиқариш инфратузилмасининг ҳолати, янги лойиҳаларни амалга ошириш зарурати ва уларнинг жойлашуви, шунингдек, ушбу масалалар бўйича кенг жамоатчилик фикри ўрганилади;

➖ 1 майгача лойиҳа-қидирув ишларини молиялаштириш учун зарур маблағлар буюртмачилар кесимида шакллантирилади;

➖ йил якунигача келгуси йиллар учун Дастур тасдиқланиб, унга киритилган лойиҳалар бўйича танлов (тендер)лар эълон қилинади. Бунда, Дастурга лойиҳа (лойиҳаолди) ҳужжатлари экспертизадан ўтказилмаган лойиҳалар киритилишига йўл қўйилмайди.

✅ 2022 йил 1 январдан консолидациялашган бюджет маблағлари ва бошқа марказлашган манбалар ҳисобидан харажатларни амалга ошириш ва ишларни бажариш қуйидаги ҳолларда тақиқланади:

🔹 молиялаштириш манбаи аниқ бўлмаганда;

🔹 лойиҳа ҳужжатлари (ишчи лойиҳа, иш ҳужжатлари, лойиҳа-смета ҳужжатлари) мавжуд бўлмаганда ёки улар қурилиш-монтаж ишлари билан бир вақтда тайёрланганда, яъни параллел равишда олиб борилганда;

🔹 пудратчи (лойиҳачи) ташкилотлар танлов (тендер) ўтказилмасдан танлаб олинганда.

📋 2022 йил 1 июнгача таълим, соғлиқни сақлаш, маданият, спорт ва бошқа соҳалар учун янги замонавий идоравий қурилиш нормалари жорий этилади.

https://t.iss.one/Rasmiy_xabarlar_Official

АОКАда Кадастр агентлиги ахборот хизмати раҳбари Неъмат Атамуратов иштирокида соҳадаги янгиликлар, қонунчиликдаги ўзгаришлар масалалари юзасидан брифинг бўлиб ўтди.

❓Қишлоқ хўжалигига мўлжалланмаган қандай ерларни ва қандай шаклда хусусийлаштириш мумкин? Қандай ҳолатларда рад этиш белгиланган?

❓Давлат кадастрлари соҳасида давлат хизматлари нархларини белгилашда табақалаштирилган ёндашув тартиби қандай?

🖇Ер участкаларини ўзбошимчалик билан ўзлаштириш, қонунбузилиш ҳолатларини бартараф этиш, қонуний чоралар кўриш бўйича амалга оширилган ишлар ҳисоботи

✍️ Батафсил
_______________

Расмий хабарлар | Медиабанк

Янги йил байрамида барча ходимларга 5 кун дам олиш берилиши мумкин

“2022 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида”ги Президент фармони лойиҳаси ишлаб чиқилган бўлиб, унда 2022 йил 3 январ — душанба, 4 январ — сешанба қўшимча дам олиш куни этиб белгиланиши кўзда тутилмоқда. Бу ҳақда Telegram’даги «Меҳнат ҳуқуқи» канали хабар берди.

Фармон қабул қилинса, ўзбекистонликлар Янги йил байрами муносабати билан кетма-кет 5 кун (31 декабрдан 4 январгача) дам олади.

Хусусан:

▪️ 2021 йил 31 декабрь (жума) – 2021-йил 10 майдаги ПФ-6222-сонли президент фармонига асосан қўшимча дам олиш куни;

▪️ 2022 йил 1 январь (шанба) – Меҳнат кодекси 131-моддасига кўра, ишланмайдиган кун (Янги йил байрами);

▪️ 2022 йил 2 январь — якшанба дам олиш куни;

▪️ 2022 йил 3 январь (душанба) ва 4 январь (сешанба) кунлари – қабул қилиниши кутилаётган фармонга асосан қўшимча дам олиш куни.

https://t.iss.one/Rasmiy_xabarlar_Official

#брифинг

Бугун АОКАда ўтказилган брифингда Адлия вазирлиги ахборот хизмати раҳбари Севара Ўринбоева Давлат хизматчиларининг одоб-ахлоқ кодекси лойиҳаси мазмун-моҳияти ва аҳамияти юзасидан маълумот берди:

〰️〰️〰️
❓Давлат хизматчиларининг одоб-ахлоқ кодексини қабул қилишнинг долзаблиги нимада?

❓Давлат хизматчиларининг одоб-ахлоқ қоидаларига риоя этилишини қайси орган назорат қилади?

❓Ушбу кодекс давлат хизматчисининг ишдан ташқарида бўлган вақтдаги одоб-ахлоқ қоидаларини ҳам белгилайдими?

❓Кодексда белгиланган обод-ахлоқ қоидаларини бузган давлат хизматчиси учун жавобгарлик белгиланганми?

________________

✍️ БАТАФСИЛ
________________

Расмий хабарлар | Медиабанк

Россияда UzAuto Motors автомобилларини олиб кетаётган автотрейлерда ёнғин содир бўлди

Ижтимоий тармоқларда Chevrolet автомобилларини олиб кетаётган автотрейлернинг ёнаётгани акс этган видео тарқалди.

"UzAuto Motors" АЖ ахборот хизмати ҳолатга муносабат билдириб, ёнғин Москва вилояти ҳудудида содир бўлганини маълум қилди.

Дастлабки маълумотларга кўра, ёнғин Россия автомобиль ташувчисига тегишли автотрейлернинг салонида содир бўлган, шундан сўнг аланга автомобиллар бўлган трейлерга ўтган. Ёнғин оқибатида 8 та автомобилдан 3 таси зарар кўрган. Ҳодиса натижасида автотрейлер ҳайдовчиси жабрланмаган.

Воқеа Москва вилояти ҳудудида автомобилларни мижозга олиб ўтиш вақтида содир бўлган. Барча ташилган автомобиллар суғурталанган бўлиб, улар россиялик мижозга тегишли бўлган. Ҳодиса оқибатида ҳеч ким жабрланмаган. Ҳозирда зарурий ёнғин-техник экспертизаси ўтказилиб, ёнғиннинг келиб чиқиш сабаблари ўрганилмоқда, - дейилади хабарда.

https://t.iss.one/Rasmiy_xabarlar_Official

Ижтимоий тармоқларда аёлларни фоҳишалик билан шуғулланаётган пайти қўлга олган маҳалла инспекторлари қамоқда ушланаётгани ҳақида видеомурожаат чиқарилган.

9 август куни Чилонзор туман ИИО ФМБ ходимлари мансаб ваколатлари доирасидан четга чиққан ҳолда яшаш хонаданига кириб келаётган икки нафар аёлни асоссиз фоҳишаликда айблаб, ИИБ таянч пунктига олиб боришган ва у ерда уларнинг ҳуқуқларини бузишга қаратилган ҳаракатлар содир этишганлиги аниқланган. Бу ҳақда Бош прокуратура ахборот хизмати маълум қилди.

Мазкур ҳолат юзасидан Жиноят кодексининг 206 ва бошқа моддалар билан жиноят иши қўзғатилган.

Жиноят иши доирасида икки нафар шахсга нисбатан “қамоққа олиш” тарзидаги эҳтиёт чораси қўлланилган.

Тергов ҳаракатлари олиб борилмоқда.

https://t.iss.one/Rasmiy_xabarlar_Official

“Ўзкимёсаноат” акциядорлик жамиятида “Уралхим” АЖ делегацияси билан учрашув бўлиб ўтди

Компания ахборот хизмати маълум қилишича, мамлакатимизда кимё саноатини ривожлантириш бўйича узоқ муддатли ҳамкорликни йўлга қўйишга қаратилган тадбирларида иштирок этиш мақсадида ташриф буюрган “Уралхим” АЖ директорлар Кенгаши аъзоси ва бош директори Дмитрий Мазепин бошчилигидаги делегация аъзолари иштирокида учрашув бўлиб ўтди.

Учрашувда ўзаро манфаатли ҳамкорлик истиқболлари муҳокама қилинди, жумладан, Тошкент вилоятида янги фосфорли ва мураккаб ўғитлар ишлаб чиқаришни ташкил этиш, “Навоийазот” АЖ негизида ташкил этилаётган кимёвий кластерда кичик ҳажмли кимёвий маҳсулотлар ишлаб чиқариш, “Деҳқонобод калий заводи” АЖда тоғ-кон ишларининг самарадорлигини ошириш масалалари кўриб чиқилди ҳамда инвестиция лойиҳаларини амалга ошириш бўйича келишувга эришилди. Ушбу келишув асосида “Йўл харитаси” имзоланди.

https://t.iss.one/Rasmiy_xabarlar_Official

📣Олий Мажлис Сенатининг йигирма иккинчи ялпи мажлиси видеоконференцалоқа шаклида 2021 йил 15-16 декабрь кунлари бўлиб ўтади.

✔️Унда мамлакат тараққиёти ва аҳоли фаровонлигига хизмат қилувчи қонунлар ва бошқа муҳим масалалар кўриб чиқилади.

📽 Ялпи мажлис “Ўзбекистон” ва “UzRerort” телеканаллари ҳамда Сенатнинг “YouTube”даги расмий саҳифаси орқали тўғридан-тўғри ёритилади.

🕙 Ялпи мажлис соат 10:00да бошланади.

https://t.iss.one/Rasmiy_xabarlar_Official

⚡️ҚИШЛОҚ ХЎЖАЛИГИ ХОДИМЛАРИ МЕҲНАТИ ЭЪТИРОФ ЭТИЛДИ

📍12 декабр – Қишлоқ хўжалиги ходимлари куни муносабати билан Қишлоқ хўжалиги вазирлигида аграр секторни ривожлантиришга ўз ҳиссасини қўшган соҳа вакилларини тақдирлаш маросими бўлиб ўтди.

🏅2021йил натижаларига кўра Қишлоқ хўжалиги вазирлигининг 231 нафар ходими тақдирланди. Бундан ташқари, қишлоқ хўжалиги ривожига муносиб ҳисса қўшган бир қатор ташкилотлар ходимлари ҳам мукофотланди.

https://t.iss.one/Rasmiy_xabarlar_Official

“Тахтақорача” довони автомобиллар ҳаракати учун қайта очилди

“Тахтақорача” довонида тинимсиз қор ёғиши оқибатида йўлнинг юза қисмида музламалар ҳосил бўлганлиги боис 13 декабрь куни соат 14:00 дан довон орқали автомобиллар ҳаракати вақтинча тўхтатилган эди.

Фақулодда вазиятлар вазирлиги ахборот хизмати маълум қилишича, вазирлик бошчилигида тегишли ташкилотлар ходимлари томонидан олиб борилган зурурий тадбирлар натижасида 14 декабрь соат 08:20 да “Тахтақорача” довони автомобиллар ҳаракати учун қайта очилди.

https://t.iss.one/Rasmiy_xabarlar_Official

📢 14 декабрь, сешанба куни ўтказилиши режалаштирилган тадбирлар:

〰️〰️〰️
🔰 Брифинг

● Мавзу: Бандлик ва меҳнат муносабатлари вазирлигининг молиявий назорат бўлими томонидан 2021 йилнинг ўтган давридаги фаолияти таҳлили
● Вақти: 13:00
● Иштирок этади: Мавжуда Мирзаева, Вазирлик ахборот хизмати раҳбари

〰️〰️〰️
🔰 Матбуот анжумани

● Мавзу: Республикада радиация ва ядро хавфсизлигини таъминлаш: амалга оширилаётган ишлар, режалар, халқаро ҳамкорлик масалалари
● Вақти: 14:00
● Иштирок этади: Саноат хавфсизлиги давлат қўмитаси раҳбарияти

〰️〰️〰️
✏️ Саволларни @Rasmiy_aloqabot га жўнатишингиз мумкин. ОАВ ходимлари таклиф этилади.

https://t.iss.one/Rasmiy_xabarlar_Official

🦠Ўзбекистонда коронавирус бўйича апрель ойидан буён энг паст кўрсаткич қайд этилди

ССВ: Кеча юртимизда 136 нафар кишида коронавирус инфекцияси аниқланди. Ўзбекистонда коронавирус инфекцияси қайд этилганлар сони 196094 нафарни ташкил этмоқда.

📍Янги касалланиш ҳолатларининг 1 нафари Қорақалпоғистонда, 12 нафари Андижонда, 16 нафари Бухорода, 4 нафари Жиззахда, 2 нафари Қашқадарёда, 1 нафари Навоийда, 5 нафари Наманганда, 23 нафари Самарқандда, 3 нафари Сирдарёда, 10 нафари Фарғонада, 5 нафари Хоразмда, 11 нафари Тошкент вилоятида ва 43 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

✔️Кеча кун давомида ҳудудларда 164 нафар бемор тузалиб, касалликдан соғайганлар жами 192841 нафарга етди ва соғайиш кўрсаткичи 98 фоизни ташкил этмоқда.

▪️Афсуски, яна 2 нафар коронавирусга чалинган бемор вафот этди. Касаллик қурбонларининг жами сони 1442 нафарга етди.

https://t.iss.one/Rasmiy_xabarlar_Official