#Сўраган_эдингиз

❗️Адлия вазирлигининг электрон манзилига фуқаролардан савол келади. Уларнинг ичидан барчага қизиқарли ва тааллуқли бўлган мурожаатларнинг жавоби билан эълон қилиб борамиз👇🏻

Abdusalom Hakimov [email protected] 💡
❓Toshkent shahridan shu yil yangi qurilgan uylardan bitta kvartira sotib olib va u uy orqali Toshkent shaxar doimiy propiskasiga kirib olib va shu yilning o'zida ikkilamchi bozordan eski uydan ham sotib olib o'z nomimga shu yilda rasmiylashtirish joriy qonunlar tufayli mumkinmi. O'zim hozirda Farg'onada doimiy propiskada turaman. Rahmat javobingiz uchun!

❗️Ассалом алейкум, ҳурматли Абдусалом Ҳакимов! Сиз Тошкент шаҳридан янги қурилган кўчмас мол-мулкни (бирламчи бозордан) ушбу мол-мулк суммасининг 5 фоизи миқдорида давлат божи тўлаб сотиб олсангиз, шунга асосан Сиз Рўйхатнинг 1-бандига асосан Тошкент шаҳрида пропискага қўйиласиз. Қонунчиликка мувофиқ бу келгусида Сизнинг Тошкент шаҳридан бирламчи ёки иккиламчи бозордан исталганча уй-жой сотиб олишингизга имкон беради. Рахмат.

💡Жавоблар Адлия вазирлигининг тегишли бошқармалари томонидан ўрганиб чиқилиб, масъул ходимлар томонидан берилмоқда.

#Сўраган_эдингиз
❗️Адлия вазирлигининг электрон манзилига фуқаролардан савол келади. Уларнинг ичидан барчага қизиқарли ва тааллуқли бўлган мурожаатларнинг жавоби билан эълон қилиб борамиз👇🏻

💡Равшан Ибрагимов.
Ассалому алайкум Адлия билан мулоқот
Мани номимда уй жой,шуни ака укаларим номига расмийлаштириб бериш тартиби канака булади?

Жавоби👇🏻👇🏻👇🏻
Ассалому алайкум, ўз номингиздаги уй-жойни ҳадя, айирбошлаш ва олди-сотди шартномалари асосида ака-укаларингиз номига расмийлаштириб беришингиз мумкин.

Ўзбекистон Республикаси Фуқаролик кодексига асосан кўчмас мулк билан боғлиқ бўлган ҳадя, айирбошлаш, олди-сотди шартномалари нотариал тартибда тасдиқланиши ва давлат рўйхатидан ўтказилиши лозим.

Шунга кўра, юқоридаги шартнома(лар)ни тасдиқлаш учун зарур ҳужжатлар билан нотариал идорага мурожаат қилишингиз керак. Бунда, белгиланган тартибда нотариал тасдиқланган шартнома давлат рўйхатидан ўтказиш учун нотариус томонидан Қорақалпоғистон Республикаси, вилоятлар ва Тошкент шаҳри ер тузиш ва кўчмас мулк кадастри давлат корхонасининг тегишли туман (шаҳар)даги филиалига “Нотариус” автоматлаштирилган ахборот тизими орқали юборилади.

💡Жавоблар Адлия вазирлигининг тегишли бошқармалари томонидан ўрганиб чиқилиб, масъул ходимлар томонидан берилмоқда.

#Сўраган_эдингиз
Мажбурий меҳнат учун қандай жавобгарлик бор?
Ҳуқуқшунос жавоб беради👆🏻👆🏻👆🏻

#Сўраган_эдингиз

Карантин даврида – масофадан ишлаймиз

https://bit.ly/2WZJULO

# Адлия_брифинг #Яна_бир_карра_эслатамиз #Сўраган_эдингиз #ОАВ_учун_махсус

💡САВОЛ. Оммавий ахборот воситаларида касб вазифасини бажараётган шахсларга нисбатан айрим фуқаролар томонидан куч ишлатиш ҳолатлари ҳақида хабарлар тарқалмоқда. Бундай ҳолатда қонунчиликда қандай жавобгарлик кўзда тутилган❓

Жавоб: Ўз хизмат ёки фуқаролик бурчини бажараётган шахсларга нисбатан ноқонуний ҳаракатларни содир этиш жавобгарликка сабаб бўлади.

✅ Хусусан, бундай шахсларга нисбатан қуйидаги ҳаракатларни содир этиш, яъни:
👉 қасддан одам ўлдириш жиноятини содир этиш – 15 йилдан 25 йилгача озодликдан маҳрум қилиш ёки умрбод озодликдан маҳрум қилиш билан;

👉 қасддан баданга оғир шикаст етказиш – 5 йилдан 8 йилгача озодликдан маҳрум қилиш билан;

👉 қасддан баданга ўртача оғир шикаст етказиш – 3 йилдан 5 йилгача озодликни чеклаш ёхуд 3 йилдан 5 йилгача озодликдан маҳрум қилиш билан;

👉 ўлдириш ёки зўрлик ишлатиш билан қўрқитиш – 300 соатдан 360 соатгача мажбурий жамоат ишлари ёки 2 йилдан 3 йилгача ахлоқ тузатиш ишлари ёхуд 1 йилдан 3 йилгача озодликни чеклаш ёки 1 йилдан 3 йилгача озодликдан маҳрум қилиш билан;

👉 ҳақорат қилиш – БҲМнинг 400 бараваридан (89 млн 200 минг сўм) 600 бараваригача (133 млн 800 минг сўм) миқдорда жарима ёки 2 йилдан 3 йилгача ахлоқ тузатиш ишлари ёхуд 1 йилгача озодликни чеклаш ёки 1 йилгача озодликдан маҳрум қилиш билан жазоланади.