28 июнь куни ўтказилиши режалаштирилган тадбирлар:

〰️〰️〰️
🔰Брифинг

● Мавзу: Аҳоли ва улгуржи истеъмолчиларни барқарор электр таъминоти билан таъминлаш мақсадида Давлат дастурлари асосида олиб борилаётган ишлар
● Вақти: 14:00
● Жойи: АОКА мажлислар зали
● Иштирок этади: Фахриддин Нуралиев, "Ҳудудий электр тармоқлари" АЖ ахборот хизмати раҳбари

〰️〰️〰️
🔰 Матбуот анжумани

● Мавзу: “2019-2028 йиллар даврида Ўзбекистон Республикасида қаттиқ маиший чиқиндилар билан боғлиқ ишларни амалга ошириш стратегияси” ижроси
● Вақти: 16:00
● Жойи: АОКА мажлислар зали
● Иштирок этади: Экология ва атроф-муҳитни муҳофаза қилиш давлат қўмитаси
〰️〰️〰️

📢 Тадбирлар режасида ўзгаришлар бўлса, қўшимча маълумот берилади.

✏️ Саволларни @Rasmiy_aloqabot га жўнатишингиз мумкин.

🎤 ОАВ ходимлари таклиф этилади.

https://t.iss.one/aoka_uz

⚡️Коронавирусдан касалланган сони 469 кишига ортди

📈2021 йил 27 июнь ҳолатига кўра, Ўзбекистонда коронавирус инфекцияси қайд этилганлар сони 109 692 (+469) нафарни ташкил этмоқда.

▪️Шунингдек, 2 нафар коронавирусга чалинган бемор вафот этиб, касалликдан вафот этганлар сони 731 нафарни ташкил қилди.

🏥Айни пайтда тиббиёт муассасаларида 3181 нафар бемор даволанмоқда. Касалликдан соғайганлар жами 105780 (+774) нафар ва соғайиш кўрсаткичи 96 фоизни ташкил этмоқда.

Манба

t.iss.one/Rasmiy_xabarlar_Official

Журналистларнинг танқидий материалларига масъулларнинг жавоб бериш кўрсаткичи кескин ошди

Давлатимиз раҳбарининг матбуот ва оммавий ахборот воситалари ходимларига йўллаган табригида барча даражадаги бошқарув идоралари раҳбарларининг оммавий ахборот воситалари вакиллари, журналистлар билан мунтазам учрашиб, жамият ҳаётига дахлдор муҳим масалаларни эркин мулоқот асосида кенг муҳокама этиши яхши анъанага айланиб бораётгани эътироф этилди.

Адлия вазирининг матбуот котиби Севара Ўринбоева таъкидлашича, бунинг тасдиғини давлат идоралари томонидан танқидий материалларга жавоб қайтариш кўрсаткичи 2018 йилда 12 фоизни ташкил этган бўлса, 2020 йил якунига кўра қарийб 90 фоизга етгани мисолида ҳам кўриш мумкин.

Адлия вазирлигининг Жамоатчилик билан алоқалар бўлими томонидан 2021 йилнинг ўтган даври давомида 20 дан ошиқ брифинг ва матбуот анжумани ўтказилди. Электрон ОАВ ҳамда телевидениеда доимий равишда раҳбариятнинг чиқишлари ташкил этилади. Йил бошидан босма ва интернет-нашрларда 600 яқин материаллар эълон қилинди.

"Адлия тизимининг аҳоли билан мулоқоти тубдан ўзгарди, интернет ва ижтимоий тармоқлар орқали аҳоли билан яқиндан мулоқот қилишнинг янги, замонавий ва таъсирчан шакллари амалиётга жорий этилмоқда", - дейилади матбуот котибининг мақоласида.

https://t.iss.one/Rasmiy_xabarlar_Official

АОКА директори коронавирусга қарши эмланди

Бугун, 28 июнь куни Ахборот ва оммавий коммуникациялар агентлиги директори Асаджон Ходжаев коронавирус инфекциясига қарши ZF-UZ-VAC2001 ўзбек-хитой вакцинаси билан эмланди.

Жаҳон миқёсида, хусусан, мамлакатимизда бир йилдан ортиқ давом этаётган пандемия жамиятимизга ўзининг салбий таъсирини кўрсатмай қолмаяпти. Уч ойдан ошиқ давом этаётган вакцинация жараёнлари юртимизда бу таъсирни камайтиришда асосий омил бўлиб турибди.

«Ҳозирда коронавирусдан ягона ишончли ҳимоя воситаси айнан вакцина экан, ўзимизни ҳимоя қилишимиз учун яратилган имкониятдан фойдаланишимиз керак. Зеро, ҳар бир инсон ўз соғлиғи учун ўзи масъулдир», — деди Асаджон Ходжаев.

Агентлик раҳбари мамлакатимизнинг барча фуқароларини саломатликларига бефарқ бўлмаган ҳолда, эмлаш жараёнларида фаол иштирок этишга чақирди.

https://t.iss.one/aoka_uz

​Интернет орқали гиёҳванд моддалар тарқалишига қарши курашишда АОКА фаолияти тўғрисида

Аввал хабар берилганидек, ҳозирги кунда гиёҳванд моддаларни тарқатишда Интернет тармоғидан платформа сифатида фаол фойдаланилаётганлиги сабаб АОКА ва Ички ишлар вазирлиги ҳамкорликда Telegram мессенжерида «Стопнарко» махсус чат-бот каналини очган эди. Ушбу чат-бот канали орқали гиёҳванд ва психофаол моддалар савдосини тўхтатиш мақсад қилинган.

Таъкидлаш лозимки, жорий йилнинг апрель ойида чат-бот ишга туширилганидан буён бефарқ бўлмаган ва фаол фуқароларнинг саъй-ҳаракатлари туфайли бугун биз ушбу йўналишдаги ишларнинг ижобий натижаларини кўряпмиз. Айни пайтда, мамлакатдаги ижтимоий тармоқ фойдаланувчилари орасидаги машҳур администраторлар билан ҳамкорликда Telegram платформасидаги 114 та ресурс блокланди.

Ушбу чат-бот билан кўплаб мессенжер фойдаланувчилари танишишган, уларнинг аксарияти гиёҳванд ва психотроп дори-воситалари савдоси билан шуғулланувчи Интернет-дўконлар манзилини блоклашга мунтазам ёрдам беришади, улар тақиқланган ресурсларнинг ташқи рекламалари жой манзилини, локациясини жўнатишади.

Гиёҳвандлик жинояти — бу жамиятнинг ҳар бир аъзосига тегишли бўлган муаммо ҳисобланади, фаол ва бефарқ бўлмаган фойдаланувчилар иштирокисиз биз бу муаммони бартараф этолмаймиз. Шу сабабли, республикамизнинг соғлом ва фаровон келажаги учун ушбу курашда фаол иштирокингизни сўраймиз.

«Стопнарко» чат-бот манзили 👉 https://t.iss.one/stopnarko_bot

⚡️Жорий йилда 5 377 та маҳаллада 2 млндан ортиқ аҳоли ва 13 минга яқин улгуржи истеъмолчиларнинг электр таъминоти яхшиланди

Бу ҳақда АОКАда бўлиб ўтган брифингда "Ҳудудий электр тармоқлари" АЖ ахборот хизмати раҳбари Фахриддин Нуралиев маълум қилди.
〰️〰️〰️〰️

Бугунги кунда Республика ҳудудларида паст кучланишли 3 637 км электр узатиш тармоқлари ҳамда
1 619 дона трансформатор пунктлари янгиланди ва реконструкция қилинди.

Истеъмолчиларга қўшимча қувват яратиш мақсадида
35-110 кВ мавжуд подстанцияларида 20 дан ортиқ куч трансформаторларини катта қувватлисига алмаштириш натижасида 450 МВт қўшимча қувват яратилди.

Батафсил

Расмий хабарлар | Медиабанк

● Чиқиндилар билан боғлиқ 6 913 та қонунбузилиш ҳолати аниқланган, фуқаро ва мансабдор шахсларга 2 млрд сўмлик жарималар расмийлаштирилган

● Энди чиқиндиларни ташиб кетиш соҳасига тадбиркорлар жалб этилади

Бу ҳақда АОКАда ўтказилаётган матбуот анжуманида Экология ва атроф-муҳитни муҳофаза қилиш давлат қўмитаси мутасаддилари маълум қилди:

〰️〰️〰️
«Чиқиндиларни ташиб кетиш учун тадбиркорларга ҳудудларни давлат-хусусий шериклик асосида жалб қилиш механизмлари яратилмоқда, хусусан, маиший чиқиндилар билан ишлаш соҳасида ҳудудларни тадбиркорлик субъектларига бириктириш бўйича 8 та битим имзоланди.

235 та қаттиқ маиший чиқиндиларни кўмиш полигонларининг 42 таси рекультивация қилинди.

Жорий йил бошидан буён чиқиндилар билан боғлиқ 6 913 та қонунчилик талаблари бузилиш ҳолати аниқланган. Ушбу ҳолатлар юзасидан фуқаролар ҳамда мансабдор шахсларга нисбатан маъмурий чоралар қўлланилиб, 2 млрд сўм миқдорида жарималар расмийлаштирилди».

Расмий хабарлар | Медиабанк

Майдони 1 109 гектарга тенг 167 та чиқинди полигони ёпилади ва рекультивация қилинади, 773 гектарли 59 та янги полигон ташкил этилади

Бу ҳақда Экология ва атроф-муҳитни муҳофаза қилиш давлат қўмитаси мутасаддилари АОКАда ўтказилаётган матбуот анжуманида маълум қилди:

〰️〰️〰️
«2019-2028 йиллар даврида Ўзбекистонда қаттиқ маиший чиқиндилар билан боғлиқ ишларни амалга ошириш стратегияси доирасида, шунингдек:

▫️96 та чиқиндиларни қайта юклаш кўчма станциялари ташкил этиш;

▫️қайта юклаш стнацияларини 230 та махсус техника ва 520 та контейнер билан таъминлаш кўзда тутилган.

💰 Полигонларни оптималлаштириш ва янги полигонлар қуриш учун 928 млн АҚШ доллари ва қайта юклаш станцияларини қуриш учун 144 млн доллар, махсус техника ва контейнер харид қилиш учун 406 млн доллар миқдорида маблағлар талаб этилади.

📌 Полигонларни оптималлаштириш ва янги полигонлар қуриш ишларини халқаро молия институтларининг кредит маблағлари эвазига амалга ошириш ҳамда кредит маблағларини «Экологик йиғим» ҳисобидан қоплаб бориш кўзланган».

Расмий хабарлар | Медиабанк