❗️Тошкентда “Tashkent Law Spring” II Халқаро юридик форуми ўтказилади

Бугун АОКАда Адлия вазирлиги Ахборот хизмати раҳбари Севара Ўринбоева иштирокида брифинг ўтказилди. Унда 22-23 апрель кунлари Адлия вазирлиги томонидан ўтказиладиган “Tashkent Law Spring” II Халқаро юридик форуми ҳақида маълумотлар тақдим этилди.

—————

🔰 Форумдан мақсад – ҳуқуқни ривожлантириш муаммолари ва замонавий тенденцияларини муҳокама қилиш учун етакчи халқаро ва маҳаллий экспертларни жамлаган ҳолда очиқ мулоқот майдончасини яратиш, шунингдек, халқаро ҳамжамиятга Ўзбекистонда олиб борилаётган ҳуқуқий ислоҳотларни намойиш этишдан иборат.

🔹Халқаро юридик форум илк бор 2019 йил апрел ойида Тошкент шаҳрида бўлиб ўтган эди. Унда жами мингдан ортиқ ҳуқуқ соҳаси вакиллари ва экспертлар, шу жумладан 40 та хорижий мамлакат ва халқаро ташкилотлардан 250 нафарга яқин чет эл мутахассислари иштирок этган.

🔎 Бу йил ташкил этилаётган II Халқаро юридик форумнинг бош мавзуси “Ҳуқуқ 4.0” (Ҳуқуқ тўртинчи саноат инқилоби даврида) деб номланади. Унда бир қатор хорижий мамлакатларнинг адлия вазирлари, суд ва бошқа давлат органлари раҳбарлари, халқаро ташкилотлар, дунёнинг етакчи юридик ва консалтинг фирмалари вакиллари, адвокатлар, юриспруденция, иқтисодиёт соҳаларидаги таниқли олимлар, мутахассислар ва экспертлар иштирок этади.

😷 Эпидемиологик вазият туфайли форум онлайн тарзда ўтказилади.

⚠️ “Tashkent Law Spring” II Халқаро юридик форумида иштирок этиш ПУЛЛИК. Унда иштирок этиш учун рўйхатдан ўтиш www.tashkentlawspring.uz сайти орқали амалга оширилади.

💰Форумда онлайн иштирок этиш нархлари:

➖ хорижий иштирокчиларга 50 АҚШ доллари;

➖ миллий иштирокчиларга 500 000 сўм.

🌐 Форумда Олий таълим муассасаларининг юридик факультет талабалари (200 та биринчи рўйхатдан ўтганлар), I ва II гуруҳ ногиронлиги бўлган адвокатлар, ташкилотларнинг юридик хизматлар ходимлари (100 та биринчи бўлиб рўйхатдан ўтганлар) ва ташкилотчи алоҳида таклиф қилган бошқа шахслар бепул онлайн иштирок этади.

🇺🇿 Форумнинг асосий тили — ўзбек тили. Инглиз ва рус тилларига синхрон таржима амалга оширилади.

t.iss.one/Rasmiy_xabarlar_Official

❓Кўчмaс мулк объектигa бўлгaн ҳуқуқлaрни дaвлaт рўйхaтидaн ўткaзишни рaд этиш учун нималар aсос бўлади?

Давлат кадастрлари палатаси Ахборот хизмати ушбу масала юзасидан ахборот тайёрлади:

🔹1-қисм
🔹2-қисм

https://t.iss.one/Rasmiy_xabarlar_Official

Бугун АОКАда ўтказилган брифингда Бизнес-омбудсман етакчи инспектори Дилмурод Алимуҳамедов тадбиркорлардан келиб тушган саволларга жавоб қайтарди.

————

❓Меҳмонхона фаолияти билан шуғулланувчи кичик тадбиркорман. Меҳмонхонага тахтадан ишланган жиҳозлар импорти учун божхона томонидан ҚҚС тўловлари бўйича имтиёз қўлланиладими?

🖇 “Ўзбекистон Республикасида туризм соҳасини янада ривожлантириш чора-тадбирлари тўғрисида”ги ва “Ўзбекистон Республикасининг туризм соҳасини жадал ривожлантиришни таъминлаш чора-тадбирлари тўғрисида”ги Фармонларига мувофиқ, “меҳмонхона ва бошқа жойлаштириш воситаларини қуриш, реконструкция қилиш ва жиҳозлаш учун асбоб-ускуналар, техника, хом ашё, бутловчи буюмлар ва эҳтиёт қисмлар, қурилиш ва бошқа материалларни (шу жумладан мебель ва инвентарь) олиб кириш учун божхона тўловлари (божхона расмийлаштируви учун йиғимлардан ташқари) тўлашдан 5 йил муддатга озод қилиниши” белгиланган.

🔰 Божхона кодексига кўра, 289-моддасида эса, қўшилган қиймат солиғи божхона тўловлари турларига кириши кўрсатилган.

————

❓Импорт қилиб олиб кирилаётган чорва молларига масалан, отлар, йирик шоҳли қорамол ва қўйларга ҚҚСни тўлашда узайтиришлар берилганми?

🐎 🐄 🐏 Отлар, йирик шоҳли қорамол ва қўйларни олиб киришда ҳисобланган қўшилган қиймат солиғини тўлаш муддати 180 кунга узайтирилиши белгиланган.

Асос: “Чорвачилик тармоқларини давлат томонидан янада қўллаб-қувватлашга доир қўшимча чора-тадбирлар тўғрисида”ги Президент Қарори

————

❓Тадбиркорлик ташкилотига электр, газ, сув тармоқлари ходимларининг ҳисоблаш мосламаларини текшириш тартиби қандай?

✍️ Бу каби текширувлар Бизнес омбудсманни хабардор этган ҳолда 1 кунлик муддатда текширишни амалга оширишлари мумкин.

Тадбиркорлик субъектлари назорат қилувчи органлар текширувга келганларида мазкур текширув Бизнес омбудсман билан келишилган ёки хабардор этилган тартибда текширувларни рўйхатга олиш электрон тизимига киритилган ёки киритилмаганлигини Tekshiruv Info Bot телеграмм боти орқали ўзларининг ИННларини киритган ҳолда текширишлари мумкин.

t.iss.one/Rasmiy_xabarlar_Official

Бугун АОКАда ўтказилган брифингда Бизнес-омбудсман етакчи инспектори Дилмурод Алимуҳамедов тадбиркорлардан келиб тушган саволларга жавоб қайтарди.

—————

❓Такси хизматини кўрсатамиз. Ҳайдовчиларим йўл ҳаракати қоидаларини бузса, автотранспорт воситалари жамият балансида бўлганлиги сабабли, жарималар жамият манзилига келмоқда, ушбу ҳолат бўйича изоҳ берсангиз.

🔰 Маъмурий жавобгарлик тўғрисидаги кодексга кўра, юридик шахсга тегишли транспорт воситасидан фойдаланиб содир этилган йўл ҳаракати қоидалари бузилганлиги махсус автоматлаштирилган фото ва видео қайд этиш техника воситалари орқали қайд этилган тақдирда, маъмурий жавобгарликка юридик шахснинг транспорт воситасидан фойдаланиш учун масъул бўлган шахс тортилади.

——————-

❓Солиқ ва бошқа мажбурий тўловларни ўз вақтида тўлаб келаётган кичик тадбиркорлик субъектига нисбатан солиқ аудити текшируви қўлланилиши мумкинми?

▫️ Солиқ аудити солиқ тўловчиларнинг (солиқ агентларининг) юқори даражадаги таваккалчилик тоифасига мансуб солиқ тўловчига (солиқ агентига) нисбатан ўтказилади.

▫️Солиқ органлари солиқ аудити ўтказилиши бошланишидан камида ўттиз календарь кун олдин солиқ тўловчига солиқ аудити ўтказилиши тўғрисида хабарнома юборади.

✍️ Хабарномада солиқ аудитининг бошланиш санаси, текширилиши лозим бўлган масалаларнинг рўйхати, зарур ҳужжатларнинг дастлабки рўйхати, шунингдек солиқ аудитини ўтказиш учун зарур бўлган бошқа маълумотлар кўрсатилади.

Агар солиқларни тўлашдан бўйин товлаш белгилари мавжуд бўлса, солиқ органи Ўзбекистон Республикаси Давлат солиқ қўмитаси билан келишган ҳолда солиқ тўловчини олдиндан хабардор этмасдан солиқ аудитини бошлашга ҳақлидир.

❗️Солиқ аудити ўтказишда «таҳлика-таҳлил» тизими босқичма-босқич жорий этилган ҳолда солиқларни ва бошқа мажбурий тўловларни ўз вақтида тўлаб келаётган кичик тадбиркорлик субъектларида солиқ аудити ўтказилишига мораторийнинг амал қилиш муддати 2021 йил 31 декабрга қадар узайтирилган.

t.iss.one/Rasmiy_xabarlar_Official

⚡️Қасамёдини бузган суд раиси вазифасидан озод этилди

Судьялар олий кенгашининг навбатдаги йиғилиши бўлиб ўтди.

Бир нафар судья (жиноят ишлари бўйича туман суд раиси) судьялик қасамёдини бузгани туфайли вазифасидан озод этилди.

Йиғилишда 29 нафар судьяни интизомий жавобгарликка тортиш масаласи ҳам кўриб чиқилиб, фаолиятида камчиликларга йўл қўйган 25 нафарини интизомий жавобгарликка тортишга розилик берилди, тўрт нафарига нисбатан рад этилди.

Судьялар олий кенгаши қарорига асосан:

Аброрбек Азимович Каримов - судьялик лавозимида бўлишнинг навбатдаги ўн йиллик муддатига Фарғона вилоят судининг иқтисодий ишлар бўйича судьяси лавозимига;

Баходиржон Бахтиёрович Эргашев - судьялик лавозимида бўлишнинг навбатдаги ўн йиллик, шундан беш йил муддатга Қашқадарё вилояти фуқаролик ишлари бўйича Шаҳрисабз туманлараро судининг раиси лавозимига;

Камолиддин Равшанович Муродов - судьялик лавозимида бўлишнинг навбатдаги ўн йиллик, шундан беш йил муддатга Сурхондарё вилояти жиноят ишлари бўйича Денов туман судининг раиси лавозимига;

Қобулжон Ғуломжон ўғли Абдуллаев - судьялик лавозимида бўлишнинг навбатдаги ўн йиллик муддатига Фарғона вилояти жиноят ишлари бўйича Қўқон шаҳар судининг судьяси лавозимига тайинланди.

https://t.iss.one/Rasmiy_xabarlar_Official

⁉️Жиддий хавфга эга газ плиталари импорти чекланди

Жиддий хавфга эга бўлган MILANO ML60G4/01 газплитаси. Грузия Республикасининг “Silkway Industries” корхонасида ишлаб чиқарилган.

Хавф тури: ёнғин, портлаш ва ис газидан заҳарланиш.

Тавсифи: табиий ва суюлтирилган газда ишлайдиган газ плитаси. номинал газ босими: 20-30 mbar, иссиқлик энергияси: 9.1 kw.

Хавф: газ плитасида «газ назорати датчики» (газоконтролный датчик) мавжуд эмас. Бу газ босими пасайиб-кўтарилганида ёки ўчиб-ёнганида ис гази чиқишига олиб келади. Бу ёнғин, портлаш ва ис газидан заҳарланиш хавфини туғдириши мумкин. Маҳсулот «Газ ҳолатидаги ёқилғида ишловчи аппаратларнинг хавфсизлиги тўғрисида»ги умумий техник регламентнинг 29-банди ва ГОСТ 10798-2003 стандартининг 5.21-банди талабларига жавоб бермайди.

Серия рақами: 0001852200

Ишлаб чиқарилган сана: 31.10.2017 йил.

Мазкур ўрганишлар “Ўзстандарт” агентлиги томонидан амалга оширилган.

Сифатсиз маҳсулотлар рўйхати:
👉 uzeltech.uz/uz/ishonchsiz-mahsulot/

t.iss.one/Rasmiy_xabarlar_Official

Туризм ва спорт вазирлиги ташкил этилди

Президентнинг тегишли Фармонига асосан, Жисмоний тарбия ва спорт вазирлиги ҳамда Туризмни ривожлантириш давлат қўмитаси негизида Туризм ва спорт вазирлиги ташкил қилинди.

Фармонга асосан, Вазирлар Маҳкамасининг ижро этувчи тузилмасида:

❌ Бош вазир ўринбосари – Туризмни ривожлантириш давлат қўмитаси раиси лавозими тугатилди;

✅ Бош вазир ўринбосари – туризм ва спорт вазири лавозими киритилди.

Батафсил: ЎзА

РАСМИЙ ХАБАРЛАР 👇👇👇
t.iss.one/Rasmiy_xabarlar_Official