⚡️2020 йилда 257 млн долларлик қурилиш материаллари экспорт қилинди

Бу ҳақда АОКАда «Ўзсаноатқурилишматериаллари» уюшмаси мутасаддилари иштирокида ташкил этилган матбуот анжуманида маълум қилинди:

〰️〰️〰️
💰 «Жумладан, 2020 йилда 32,2 млн доллар цемент, 20,6 млн доллар алюмин ва ПВХ профиллар, 16,5 млн доллар керамик плитка, 13,1 млн доллар қуруқ қурилиш аралашмалари, 8,4 млн доллар оҳак, 7,6 млн доллар гипсокартон, 3,8 млн доллар «обой» каби қурилиш материаллари экспорт қилинди.

🌍 Қурилиш материаллари экспорти географияси анъанавий ҳисобланган бозорлар яъни Қозоғистон, Қирғизистон, Туркманистон, Тожикистондан ташқари Афғонистон, Озарбайжон, Туркия, Россия, Украина, Хитой давлатлари ҳисобига кенгайтирилди.

📈 Уюшма таркибидаги корхоналар 2020 йилда жами 7 трлн 870 млрд сўмлик саноат маҳсулотлари ишлаб чиқарилиб, ўтган йилга нисбатан ўсиш 108,0 фоизга таъминланди».

https://t.iss.one/Rasmiy_xabarlar_Official

⚡️1 млрд 79 млн доллар ҳудудларда қурилиш материаллари ишлаб чиқаришга йўналтирилади

АОКАда «Ўзсаноатқурилишматериаллари» уюшмаси мутасаддилари иштирокида ўтказилган матбуот анжуманидан:

〰️〰️〰️
💵 «2021 йил Инвестиция дастурига ҳудудлар томонидан 123 та қурилиш материаллари ишлаб чиқариш лойиҳаси киритилган, жорий йилда 1 млрд 79 млн доллар ўзлаштирилади, шундан 1 млрд 110 млн долларлик 76 та лойиҳа ишга туширилади.

🔹Сирдарё вилоятида «Bravo Master 777» МЧЖ йилига 50 минг дона гипсокартон, Сурхондарё вилоятида «Prb Investment Co» МЧЖ ҚК йилига 420 минг тонна цемент ишлаб чиқаришни ташкил этади.

🔹Тошкент вилоятида «Arment construction chikals business» МЧЖ томонидан бетон ва цемент учун қўшимчалар, Фарғона вилоятида «Golden valley fasteners» МЧЖ томонидан болт, гайка ва бурама мих, Навоий вилоятида «Zarafshon oyna» МЧЖда кенг ассортиментдаги ойна, Тошкент шаҳрида эса «Технопарк» МЧЖ томонидан базальт изоляцион материаллар ишлаб чиқариш корхоналари барпо этилади».

https://t.iss.one/Rasmiy_xabarlar_Official

Бугун АОКАда “Ўзсувтаъминот” АЖ бошқаруви раисининг биринчи ўринбосари Тоҳир Ҳайдаров иштирокида брифинг ўтказилди.

🎺 Ўзбекистонда жами 70,4 минг км.дан зиёд ичимлик сув қувурлари мавжуд. Шундан 26,9 минг.км (38 фоизи) таъмирталаб ҳолатда.

🛠 9,3 мингта ичимлик сув тозалаш иншоотларидан 3,5 мингтаси (38 фоизи), 7,6 минг км оқова сув қувурлар ва коллекторлардан 1,7 минг км (22 фоизи), 58 та оқова сув тозалаш иншоотларидан 49 таси (84 фоизи) таъмирталаб аҳволда.

📈 2020 йилда сув иншоотлари, магистрал сув тармоқлари, маҳалла ва кўча бошларига 1 187 та (25 млрд. сўм) замонавий сув ҳисоблагичлар ўрнатилди.

📲 120 та сув ҳисоблагичлари биллинг базасига уланиб, онлайн мониторинг йўлга қўйилди.

⚠️ 380 дона янги энерготежамкор насослар ўрнатилиб, 1 251 та насос ускуналари таъмирланди. Натижада, ҳар ойда 2,6 млн. кВт ёки 1,2 млрд.сўм электр энергияси ва иш ҳақи харажатларидан 73,6 млн.сўм тежалди.

https://t.iss.one/Rasmiy_xabarlar_Official

⚡️ "Темир дафтар" ва "Ижтимоий ҳимоя ягона реестри" бирлаштирилади

Бу ҳақда АОКАда Бюджетдан ташқари пенсия жамғармаси мутасаддилари иштирокида ташкил этилган матбуот анжуманида маълум қилинди:

〰️〰️〰️
💻 “Ижтимоий ҳимоя ягона реестри” идоралараро ҳамкорликни қўллаган ҳолда 3 турдаги нафақаларни тайинловчи электрон тизим ҳисобланади. Бунда нафақа тайинлаш ва рад этиш автоматик тарзда амалга оширилади.

❌ Аризани қаноатлантириш ёки рад этишда Пенсия жамғармаси ёки МФЙлари умуман иштирок этмайди.

⚠️ Мазкур тизим бўйича фуқаро ҳеч қандай маълумотни йиғиши шарт эмас. Фақатгина ариза билан ўзи ва оила аъзоларининг паспорт нусхалари (никоҳ ва туғилганлик тўғрисида гувоҳномалар) тақдим этилади.

📲 Реестр орқали электрон тарзда нафақалар кимга тайинлангани ёки рад этилгани, рад этилишининг сабабларини ҳам кўриш мумкин. Аризачининг ижтимоий ҳолати нафақа олувчи тартибига тўғри келса, ягона реестр унга нафақани автоматик тарзда ўзи тайинлайди. Агарда тўғри келмаса, рад этиш тўғрисида қарор қабул қилади. Ҳар икки ҳолатда ҳам аризачи СМС орқали хабардор қилинади.

🌀Давлат раҳбарининг Олий Мажлисга Мурожаатномасидан келиб чиқиб, «Темир дафтар», «Аёллар дафтари», «Ёшлар дафтари» дастурлари Ягона ижтимоий реестр билан ўзаро боғланади, давлат ижтимоий хизматлари рақамлаштирилади.

https://t.iss.one/Rasmiy_xabarlar_Official

⚡️2020 йилда пенсия нафақасида 25 млрд сўмлик ортиқча тўловлар ҳисобдан чиқарилган

Бу ҳақда АОКАда ташкил этилган матбуот анжуманида маълум қилинди:

〰️〰️〰️
"Короновирус пандемияси даврида аҳоли ва тадбиркорлик субъектларини қўллаб-қувватлаш бўйича қўшимча чора-тадбирлар тўғрисида"ги Президент фармонига асосан:

🔹16 мингдан ортиқ фуқаронинг пенсия ишларини текшириш натижасида аниқланган 25 млрд сўмлик ортиқча тўловлар ҳисобдан чиқарилди;

🔹2020 йил 1 февралдан бошлаб пенсия миқдори ва пенсионерлик тўғрисидаги маълумотномаларни Пенсия жамғармасининг сайти орқали QR код билан тасдиқланган электрон шаклда олиш имконияти яратилди;

🔹2020 йил 1 июндан бошлаб, ушбу маълумотномаларни Давлат хизматлари марказлари ёки ЯИДХП (ЕПИГУ) орқали электрон мурожаат асосида берилиши жорий этилди;

🔹тиббий-меҳнат эспертизаси комиссияси ва Халқ банкининг Пенсия жамғармаси билан электрон маълумотлар алмашинуви реал вақт (он-лайн) режимига ўтказилди;

🔹2020 йил 1 сентябрдан бошлаб, бола туғилганда бериладиган нафақа (суюнчи) пулини Давлат хизматлари марказлари ва Пенсия жамғармасига мурожаат қилмаган ҳолда тўғридан-тўғри Халқ банкининг исталган филиали орқали олиш тизими жорий этилди.

https://t.iss.one/Rasmiy_xabarlar_Official

❓Кам таъминланган оилаларга бериладиган нафақалар берилиши тартиби қандай? Қандай ҳолатларда аризалар рад этилади?

Шуҳрат Давронов, Пенсия жамғармаси Ижро этувчи директори ўринбосари:

🔰 «Ижтимоий нафақа пулларини бериш тартиби шундай: фуқаролар ўз ижтимоий ҳолатидан келиб чиқиб, тегишли маълумотларни МФЙга тақдим этади. Маҳалла масъуллари эса бу маълумотларни ҳар ойнинг 15-санасига қадар Пенсия жамғармаси бўлимига олиб келиши лозим. Пенсия бўлимлари эса аризани ўрнатилган мезонларга асосан кўриб чиқади.

❗️Ижтимоий нафақа — оила аъзолари даромади киши бошига 393 минг сўмдан паст бўлса, унга ижтимоий нафақа тайинланади. Агар ижтимоий нафақат сўраган кишининг икки ёки ундан кўп кўчмас мулки бўлса, ишлаб чиқарилганига 10 йилдан камроқ бўлган ёки бир нечта автотранспорти мавжуд бўлса, унинг аризаси рад этилади».

〰️〰️〰️
АОКАда ўтказилган матбуот анжуманидан

https://t.iss.one/Rasmiy_xabarlar_Official

⚡️Суд ҳокимияти органлари фаолиятини рақамлаштиришдаги асосий вазифалар

«Суд ҳокимияти органлари фаолиятини рақамлаштириш чора-тадбирлари тўғрисида» 2020 йил 3 сентябрдаги Президент қарори қабул қилинган. Ушбу қарор билан қуйидагилар суд ҳокимияти органлари фаолиятини рақамлаштиришнинг кейинги босқичдаги вазифалари этиб белгиланди:

🔹фуқаролар ва тадбиркорлик субъектларига кўрсатиладиган интерактив электрон хизматлар турларини кенгайтириш, ҳар бир мурожаатни кўриб чиқиш жараёнининг онлайн кузатиб борилишини таъминлаш, суд биноларида интерактив хизматлардан эркин фойдаланиш имкониятини яратиш;

🔹судларда одил судловни амалга ошириш учун зарур бўлган маълумотларнинг тезкорлик билан олинишини таъминлаш учун вазирликлар, идоралар ва бошқа ташкилотлар билан электрон маълумотлар алмашинувини янада кенгайтириш;

🔹махсус ахборот дастурларини жорий этиш орқали судьялар ҳамжамияти органлари фаолиятининг очиқлиги ва шаффофлигини таъминлаш;

🔹суд мажлисларида масофадан туриб, жумладан мобил қурилмалар ва электрон ҳамкорликнинг бошқа шакллари орқали иштирок этиш имкониятини кенгайтириш, шунингдек иш бўйича тарафлар учун суд қарорларини онлайн тарзда олиш имкониятини яратиш;

🔹суднинг ахборот тизимлари, маълумотлар базалари ва бошқа дастурий маҳсулотлари ахборот ва киберхавфсизлигини таъминлаш, хизмат ахборотлари ва маълумотларини комплекс ҳимоя қилиш бўйича чораларни кучайтириш.

〰️〰️〰️
📝 Қайд этилган вазифаларни амалга ошириш мақсадида мазкур қарор билан 2020-2023 йилларда суд ҳокимияти органлари фаолиятини рақамлаштириш Дастури тасдиқланди.

📢 Мазкур Дастурда суд иштирокчиларини суд мажлисларининг вақти ва жойи ҳақида хабардор қилишнинг бир нечта тартибларини жорий қилиш белгилаб берилган.

📲 Биринчидан, 2021 йил 1 июлдан бошлаб, Олий суднинг my.sud.uz интерактив хизматлар порталида “Суд хабарномаси” хизмати жорий этилади. Бу орқали иштирокччи шахслар суд мажлиси тайинланган сана ва вақти ҳамда иш натижалари ҳақидаги маълумотларни масофадан онлайн олиш имконияти яратилади.

👨🏻‍💻 Иккинчидан, 2021 йил 1 октябрдан бошлаб эса, судларда ишда иштирок этувчи шахсларга суд ҳужжатларини электрон шаклда, шунингдек “SMS“ хабар ҳамда электрон почта манзилига юбориш орқали уларни хабардор қилиш тартиби амалиётга татбиқ этилади.

Судларнинг ахборот тизимларини давлат органлари ва ташкилотларининг ахборот тизимлари билан интеграция қилиш бўйича “Йўл харитаси” тасдиқланган.

🔁 “Йўл харитаси”да 28 та давлат органи ва ташкилоти ахборот тизимларини Олий суднинг ахборот тизимига босқичма-босқич улаш орқали судлар томонидан давлат органлари ва ташкилотларига тақдим этиладиган маълумотларни электрон шаклда юбориш ҳамда муайян ишни кўриш жараёнида зарур бўлган маълумотлар ва ҳужжатларни фуқароларни овора қилмаган ҳолда судлар томонидан бевосита давлат органлари ва ташкилотларидан электрон шаклда олиш вазифалари белгилаб берилган.

📌 Хусусан, Олий суд ахборот тизими судлар томонидан почта алоқаси объектлари тармоғи орқали йўлланадиган хат-хабарлар, хабарномалар, чақирув қоғозлари ва бошқа юридик ҳужжатларни жисмоний ва юридик шахсларга етказиб бериш ва етказилганлигини тасдиқлаш, маълумотларни сақлаш ва ҳисобга олишнинг ягона миллий тизими билан ўзаро интеграция қилинди.

⚖️ Бугунги кунда ушбу амалиёт иқтисодий судлар фаолиятига синов тариқасида жорий этилмоқда. Синов натижаларига кўра қолган барча судлар фаолиятига жорий этилиши режалаштирилган.

https://t.iss.one/Rasmiy_xabarlar_Official

Ўзбекистон ва Саудия Aрабистонининг ACWA Power компанияси ўртасида имзоланган энергетика соҳасидаги йирик инвестиция келишувлари ҳақида халқаро оммавий ахборот воситалари нашрлари ҳам чоп этди.

Бу ҳақда Энергетика вазирлиги Ахборот хизмати хабар берди.

https://t.iss.one/Rasmiy_xabarlar_Official