❗️Россия Федерациясига қуритилган маҳсулотларнинг экспорти жараёнида қўшимча талаб киритилди. Унга мувофиқ, фитосанитария сертификатларида мажбурий равишда "қўшимча декларация" устуни бўлиб, унда маҳсулот ишлаб чиқарувчи корхонанинг номи ва манзили, шунингдек, маҳсулот маркировкаси ҳам кўрсатилади.

Фарғона вилоятидан экспорт қилинувчи қуритилган мева маҳсулотларининг ҳар бир партияси учун дастлабки электрон хабарнома ҳамда маҳсулотнинг фитосанитар хавфсизлигини тасдиқловчи лаборатория текширув хулосалари илова қилинади.

📞Инспекция фаолиятига оид мурожаатларни 71 202 10 00 ишонч рақами орқали йўллашингиз мумкин.

——————-

📹 АОКАда ўтказилган Ўсимликлар карантини давлат инспекцияси ахборот хизмати раҳбари Дурдона Очилова иштирокидаги брифинг видеоси

https://t.iss.one/Rasmiy_xabarlar_Official

⚡️Юридик шахсларнинг реклама тўғрисидаги қонунчилик талабларини бузиши молиявий санкция қўллашга сабаб бўлади

Бугун АОКАда Истеъмолчилар ҳуқуқларини ҳимоя қилиш агентлиги бошқарма бошлиғи Фаррух Мадаминов иштирокида ўтган брифингдан муҳим маълумотлар:

〰️〰️〰️

«Рекламалар жойлаштирилиши ва тарқатилиши бўйича жами 17 517 та ўрганиш ва мониторинг ўтказилган, аниқланган камчиликлар бўйича 7 707 та ҳолатни тезкор бартараф этиш чоралари кўрилган.

❌ Таниқли спортчи, эстрада ва кино юлдузлари иштирокидаги энергетик ичимликлар рекламаси «Реклама тўғрисида»ги қонун ҳужжатларига мувофиқ бартараф этилган.

👨🏻‍💻 Ижтимоий тармоқларда аниқланган 317 та дори-дармон ва биологик фаол қўшимча (БАД) маҳсулотлари, 99 та алкоголь маҳсулотлари, 67 та тамаки маҳсулотлари, 30 та туризм соҳаси, 60 та бошқа товар ва хизматлар рекламасини жойлаштиришда аниқланган қонунбузулиш ҳолатлари тушунтириш ва профилактика тадбирлар натижасида бартараф этилди.

📝 Бугунги кунда «Реклама тўғрисида»ги қонуннинг ривожланган бозор талабларига мос келадиган янги таҳрири ишлаб чиқилган. Унга кўра, рекламага ва товарларнинг алоҳида тураларига қўйилган умумий ва махсус талаблар:

⚠️ вояга етмаганлар рекламаси;
⚠️ дори воситалари, биологик актив ва озиқ-овқат қўшимчалари рекламаси;
⚠️ болаларга мўлжалланган озиқ-овқатлар рекламаси;
алкоголли ичимликлар, тамаки ва тамаки ўрнини босувчи маҳсулотлар рекламаси;
⚠️ халқ табобати товарлари ҳамда бошқа товар ва хизматлар рекламасига қўйилган талабларни янада кенгайтириш;
⚠️ юридик шахсларнинг реклама тўғрисидаги қонунчилик талабларини бузишига нисбатан жавобгарлигини тиклаш, молиявий санкциялар қўллаш».

https://t.iss.one/Rasmiy_xabarlar_Official

⚡️⚡️⚡️Республика махсус комиссиясининг
БАЁНОТИ

Охирги ойларда айрим хорижий мамлакатларда, хусусан, Буюк Британия, Италия, Дания, Австрия, Австралия, Нидерландия ва Жанубий Африка Республикасида янги коронавирус инфекцияси аниқланиш ҳолатлари сони тубдан ошиб кетганлиги муносабати билан, ушбу мамлакатлардаги эпидемиологик вазиятни инобатга олган ҳолда аксарият Европа ва бошқа давлатлар томонидан эпидемиологик вазиятни мураккаблаштирмаслик мақсадида юқоридаги давлатлар билан халқаро авиаташувларни чеклаш бўйича қарорлар қабул қилинган эди.

✈️ Шу жумладан, мамлакатимиздаги эпидемиологик барқарорликни сақлаб қолиш, коронавирус инфекцияси тарқалишининг янги ўчоқлари пайдо бўлишига йўл қўймаслик мақсадида Республика махсус комиссиясининг қарори билан
2020 йил 21 декабрь санасидан 2021 йил 10 январга қадар Буюк Британия, Италия, Дания, Австрия, Австралия, Нидерландия ва Жанубий Африка Республикаси давлатлари билан халқаро авиарейслар (кириш, чиқиш ва транзит рейслар орқали республикага кириш) тўхтатилган эди.

❗️Бугунги кунга қадар юқорида қайд этилган мамлакатларда эпидемиологик вазият мураккаблиги сақланиб колганлиги сабали 2021 йил 10 январига қадар киритилган чеклов муддати Республика махсус комиссиясининг қарори билан жорий йилнинг 1 февралига қадар узайтирилди.

✖️ Эслатиб ўтамиз, Буюк Британия, Италия, Дания, Австрия, Австралия, Нидерландия ва Жанубий Африка Республикаси давлатларида сўнгги 14 кун давомида бўлган шахслар юқоридаги чеклов амал қилган давр мобайнида Ўзбекистон Республикасига киритилмаслиги белгиланган.

🛏 Шунингдек, сўнгги 14 кун давомида Буюк Британия, Италия, Дания, Австрия, Австралия, Нидерландия ва Жанубий Африка Республикаси давлатларида бўлган ҳолда учинчи давлатлар орқали Ўзбекистонга кириб келаётган Ўзбекистон Республикасининг фуқаролари ва фуқаролиги бўлмаган шахслар 14 кун давомида вақтинчалик карантинда сақлаш мажмуасида ёки тегишли меҳмонхонада карантинга олиниши тартиби давом этирилади.

Мазкур жорий этилаётган чекловлар ушбу давлатлардаги эпидемиологик вазият барқарорлашгани сари босқичма-босқич бекор қилиб борилади.

@aoka_uz

❓«Реклама тўғрисида»ги қонуннинг янги таҳрири ишлаб чиқилди. Унда рекламага қандай янги талаблар қўйилган? 👉 Батафсил

〰️〰️〰️
📹 АОКАда Истеъмолчилар ҳуқуқларини ҳимоя қилиш агентлиги бошқарма бошлиғи Фаррух Мадаминов иштирокида ўтган брифинг видеоси

https://t.iss.one/Rasmiy_xabarlar_Official

⚡️Иқтисодий барқарорликнинг 2 та муҳим шарти бор — вазирлик

Айни дақиқларда АОКАда ўтаётган брифингда Иқтисодий тараққиёт ва камбағалликни қисқартириш вазирининг биринчи ўринбосари Илҳом Норқулов соҳадаги ислоҳотлар, вазифалар ҳақида фикр юритди:

〰️〰️〰️
«Иқтисодий ўсиш кўрсаткичларини сақлаб қолишга эришишимиз керак. Бунда аҳоли ва тадбиркорлар даромадини ошириш орқали камбағалликни қисқартириш, аҳоли фаровонлигини таъминлаш муҳим аҳамият касб этади.

Мазкур масаланинг 2 та шарти бор:

Биринчи шарти — макроиқтисодий барқарорлик. Бу инфляция даражасини пасайтириб бориш, фискал тақчилликнии камайтириш орқали таъминланади.

Давлат ташқи қарзи ва қарз даражасини мақбуллаштириб боришга ҳам алоҳида эътибор қаратилади.

Иккинчи шарти — хусусий инвестиция ва тўғридан-тўғри хорижий инвестициялар учун зарур шароитни яратиш».

https://t.iss.one/Rasmiy_xabarlar_Official

⚡️Жойларда бюджет маблағлари тўғри ишлатилишини таъминлаш мақсадида ҳисобчилар онлайн ўқитилади

Бу ҳақда АОКАдаги брифингда Молия вазири ўринбосари Аҳадбек Ҳайдаров маълум қилди:

〰️〰️〰️
📈 «2020 йил сентябрь ойида давлат бюджети ва давлат мақсадли харажатлари дефицити 3,5%га прогноз қилинган эди. Даромадлар бу прогнозга нисбатан юқори кўрсаткичда қайд этилди.

💰 Давлат бюджети ва давлат мақсадли жамғармаларининг тақчиллиги сентябрь ойидаги прогнозга қараганда кам бўлиб, ЯИМга нисбатан дастлабки ҳисоб-китобларга кўра 2,2 фоизни ташкил қилди.

Жорий йилда Молия вазирлиги ишларни ҳар бир туман, шаҳар ва маҳалла кесимида ташкиллаштириш, фуқароларнинг муаммолари, таклифлари бўйича тўғридан-тўғри мулоқот, таҳлил ва ечимни йўлга қўйишга доир вазифалар белгиланди.

👨🏻‍💻 Жойларда бюджет маблағлари тўғри ишлатилишини таъминлаш ҳамда кадрларнинг билим малакаларини ошириш мақсадида жорий йилда бюджет ташкилотлари ҳисобчиларини ўқитиш бўйича онлайн курслар ташкил этиш вазифаси белгиланди».

https://t.iss.one/Rasmiy_xabarl

Илҳом Норқулов, Иқтисодий тараққиёт ва камбағалликни қисқартириш вазирининг биринчи ўринбосари:

📌 «Жорий йилда иқтисодиётда энергия таъминотни яхшиламасак, олдимизга қўйилган вазифаларни бажара олмаймиз.

Электр энергияси ишлаб чиқариш, табиий газ қазиб олиш, керак бўлса зарур миқдорда уларнинг импортини йўлга қўйиш, инфратузилмани тез муддатда яхшилашга оид масалалар танқидий кўриб чиқилди».

📹 АОКАдаги брифингдан

https://t.iss.one/Rasmiy_xabarlar_Official

⚡️Ёшлар форуми ва Мурожаатномада белгиланган тадбирлар учун 41 трлн сўмга яқин маблағ зарур бўлади

Бу ҳақда АОКАдаги брифингда Молия вазири ўринбосари Аҳадбек Ҳайдаров маълум қилди:

〰️〰️〰️
💰 «Ёшлар форуми ва давлатимиз раҳбарининг Олий Мажлисга йўллаган Мурожаатномасида белгиланган тадбирлар учун, дастлабки ҳисоб-китобларга кўра, 41 трлн сўмга яқин маблағ зарур бўлади. Шундан бевосита давлат бюджетидан 20 трлн сўм маблағ ажратилиши кўзда тутилган.

🔎 Ҳар бир чорак учун маблағлар тақсимланади ва чоракма-чорак ушбу маблағларнинг ўзлаштирилиши, мақсадли ишлатилиши назорат қилинади.

📉 2021 йилда Молия вазирлигига давлат бюджети умумтақчиллигини 5,4 фоиздан оширмаслик вазифаси юкланган. Бу бўйича барча имкониятларимиз мавжуд.

🗣 Жорий йилда туман бюджетларининг 5% (1,2 трлн сўм) қисмини экспримент тариқасида жамоатчилик томонидан билдирилган таклифларга йўналтириш белгиланган».

@aoka_uz

⚡️2020 йилда давлат бюджетига белгиланган 99,6 триллион сўм ўрнига 103,6 трлн сўм қўшимча маблағлар жалб қилинди

Бу ҳақда АОКАдаги брифингда Давлат солиқ қўмитаси раисининг биринчи ўринбосари Мубин Мирзаев маълум қилди:

〰️〰️〰️
📈 «2020 йилда давлат бюджетига белгиланган 99,6 триллион сўм ўрнига 103,6 триллион сўм (4 трлн сўмдан ортиқ) қўшимча маблағларни жалб қилдик. Бу 2019 йилдаги кўрсаткичга нисбатан 24 фоизга кўпроқ.

💵 2019 йилда 16,3 фоиз ялпи ички маҳсулотга нисбатан солиқ йиққан бўлсак, 2020 йилга келиб, бу кўрсаткич 17,5 фоизни ташкил этди. Яъни биз солиқ юкини камайтириш орқали бунга эришдик.

Солиқ маъмурчилигини яхшилаш, Президентимиз томонидан белгиланган иқтисодиётдаги ислоҳотларни амалга ошириш, Солиқ концепцияси ва янги солиқ кодексининг қабул қилиниши мана шундай сифат ўзгаришларига олиб келди.

✅ Солиқ органларининг трансформация қилиниши натижасида тўлов интизомлари ҳам мустаҳкамланди ва давлат бюджетига солиқ тушумларининг 95 фоизи ихтиёрий равишда ундирилди».

https://t.iss.one/Rasmiy_xabarlar

⚡️Ҳокимларнинг биринчи ўринбосарлари малакаси оширилмоқда

📂 2021 йил 11 январдан 27 январга қадар, Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги Бизнес ва тадбиркорлик олий мактабида Қорақалпоғистон Республикаси Вазирлар Кенгаши раисининг, вилоятлар ва Тошкент шаҳар, шунингдек, туман (шаҳар) ҳокимларининг молия-иқтисодиёт ва камбағалликни қисқартириш масалалари бўйича биринчи ўринбосарлари учун иқтисодиёт тармоқлари ва хусусий тадбиркорликни ривожлантириш соҳасидаги малакасини замонавий билимлар ва усуллар асосида ошириш, ҳудудларни комплекс ижтимоий-иқтисодий ривожлантиришни бошқариш борасида билим ва кўникмаларини ошириш мақсадида ўқув семинар-тренинг ташкил этилмоқда.

Бу ҳақда Иқтисодий тараққиёт ва камбағалликни қисқартириш вазирлиги ахборот хизмати хабар берди.

📝 Жорий йилнинг 11 январида семинар-тренингнинг 1-куни бўлиб ўтди. Унда Қорақалпоғистон Республикаси, Хоразм, Навоий ва Бухоро вилоятлари ҳокимларининг биринчи ўринбосарлари иштирок этишди.

❗️Семинар-тренингда вазирликлар, идоралар, хўжалик бирлашмалари раҳбарлари, шунингдек, хорижий ва маҳаллий экспертлар ҳамда олий таълим муассасаларининг тажрибали ва малакали профессор-ўқитувчилари жалб этилди. Жумладан, Европа тараққиёт ва тикланиш банки ва БМТ Траққиёт Дастури экспертлари ўзларининг маърузаси билан иштирок этишди.

РАСМИЙ ХАБАРЛАР 👇👇👇
t.iss.one/Rasmiy_xabarlar_Official