Меҳнат мигрантлари мурожаатлари билан ишловчи янги платформа ишга тушди

Бу ҳақда Ташқи меҳнат миграцияси агентлиги ахборот хизмати маълум қилди.

Агентлик ва Европада хавфсизлик ва ҳамкорлик ташкилоти ҳамкорлигида меҳнат мигрантлари учун очиқ мулоқот имкониятини яратиш мақсадида меҳнат миграцияси соҳасидаги янгиликларни фуқароларга етказиш, уларга тезкор ҳуқуқий маслаҳат бериш ва мурожаатларини онлайн қабул қилиш учун қулай бўлган consalting.labormigration.uz платформаси ишга туширилди.

Мазкур платформа орқали соат 9.00 дан 18.00 га қадар ҳар куни (шанба ва якшанба кунларидан ташқари) соҳа мутахассислари томонидан онлайн консультациялар бериб борилади.

@Rasmiy_xabarlar_Official

Айни пайтда Ўзбекистон Республикаси Марказий банки Бошқарувининг оралиқ йиғилиши ўтказилмоқда.

🔸Унда асосий ставкани йиллик 14 фоиз даражасида ўзгаришсиз қолдириш тўғрисида қарор қабул қилинди. Бу ҳақда МБ ахборот хизмати хабар берди.

@Rasmiy_xabarlar_Official

Ғайрат Баҳодиров, Фанлар академияси бош илмий котиби:

✅ «Ўтган 4 йил давомида Фанлар академиясининг бир пайтлар айрим сабабларга кўра бошқа вазирлик ва идораларга бериб юборилган илмий тадқиқот муассасалари қайтариб берилди.

💰 ФА илмий тадқиқот муассасалари тўлалигича тўғридан-тўғри бюджетдан молиялаштиришга ўтказилди.

⚛️ Ядро тадқиқот реактори ишга тушурилди. Ядро реактори ва Ядро физикаси институтида мавжуд ускуналарда мамлакатимиз тиббиёти эҳтиёжи учун зарур изотоплар ишлаб чиқарилмоқда. Бу маҳсулотларнинг хорижий давлатларга экспорти ҳам йўлга қўйилган.

🛠 Шунингдек, институтда сув тозалаш ускуналари, материалларни гамма нурлари билан стериллаш технологиялари йўлга қўйилган. Булар фармацевтика саноатида, тиббиётда қўлқоплар ва бошқа жиҳозларни стериллашда, қишлоқ хўжалиги маҳсулотларини қайта ишлашда кенг қўлланилмоқда.

❗️Бу технология таъсирида маҳсулотларнинг хоссалари узоқ муддатгача сақланади. Бу кимёвий ишлов беришга қараганда ҳам хавфсиз, ҳам арзон, ҳам самарадор».

@Rasmiy_xabarlar_Official

Олимжон Тўйчиев, Инновацион ривожланиш вазири ўринбосари

🌀«Бутун дунё ҳозирги кунда илмий салоҳият билан натижага эришмоқда. Чунки ресурслар борган сари чекланиб боряпти ва улардан унумли фойдаланишда инновацион иқтисодиётлар асқотади.

🗞 Бугунги кунда илм-фан соҳасида етарли ҳуқуқий ва моддий шароитлар яратилди. Сўнгги йилларда илм-фан ва ишлаб чиқариш соҳаси бир-биридан узилиб қолган. Инновацион ривожланиш вазирлигининг олдида турган вазифа ҳам уларни бир-бирига боғлаш ва ўртада кўприк вазифасини бажариш ҳамда янги инновацияларни ҳаётга жалб этиш.

🔎 Яна бир муҳим масала — ҳудудлардаги муаммоларнинг ечимига қаратилган тадқиқотларни амалга ошириш. Бунда, биринчи навбатда, ўзимиздаги мавжуд илмий ишланмаларга эътибор қаратамиз, шундан кейингина халқаро тадқиқотларга мурожаат қиламиз»

@Rasmiy_xabarlar_Official

Фарҳод Бабашев, Олий ва ўрта махсус таълим вазирлиги ахборот хизмати раҳбари:

🔰 «Ал-Фарғоний бобомиз Мисрда «миқёси Нил» ускунасини ихтиро қилган. Бу ирригация соҳаси ва деҳқончилик ривожига улкан ҳисса қўшган. Беруний бобомиз ҳам Амударё сатҳи ўзгариб туриши, бу нимага боғлиқ экани, уни қандай ўлчаш ва баҳорги экинларга қандай тайёргарлик кўриш масалаларини тадқиқ қилган.

Бугун Президент томонидан Учинчи Ренессанс мавзуси кўтарилиши бекорга эмас. Сабаби — ўша даврда аждодларимиз яратган ғоялар Европада амалиётга татбиқ этилган.

❗️Тадқиқот, илм ва ишлаб чиқариш интеграцияси бизда ҳозир ҳам катта муаммоларни келтириб чиқармоқда.

Хориждан янги ускуна, техника олиш мумкин. Лекин ўзимизда мавжуд салоҳиятдан фойдаланишни, уни тўғри йўналтиришни ўрганишимиз керак.

🏛 Кимё, биология, энергетика, техника каби кўплаб соҳаларга ихтисослашган махсус олий таълим муассасалари бор. Биз муаммоларга ечим топиш учун олимларимизнинг ютуқларини, натижаларини амалиётга татбиқ этишимиз зарур».

@Rasmiy_xabarlar_Official

❓Хориждан жуда катта миқдорда уруғ маҳсулотлари импорт қилиняпти. Нега? Бунинг олдини олиш мумкинми?

〰️〰️〰️
📹 АОКАда илм-фан ва инновациялар ривожланиши масалалари бўйича ўтказилган матбуот анжуманидан

@Rasmiy_xabarlar_Official

Фарҳод Бабашев, Олий ва ўрта махсус таълим вазирлиги ахборот хизмати раҳбари:

❗️«Хорижий сафарларга кўп ҳолларда ректорлар, проректорлар ёки бошқа раҳбарлар боришади.

☑️ Лекин тадқиқотчиларни кўпроқ олиб бориш керак. Улар 5-6 ойлаб заводларда бўлсин. У ерда муҳитни кўрсин. Тилни ҳам ўрганади шу вақт орасида».

〰️〰️〰️
АОКАда ўтган матбуот анжуманидан

@Rasmiy_xabarlar_Official

⚡️Чирчиқ шаҳрида 16 қаватли уйлар қурилмокда

“Ўзшаҳар қурилиш инвест” инжиниринг компанияси томонидан 2017 йил давлат дастури доирасида Тошкент вилояти Чирчиқ шаҳрида 3 та 7 қаватли жами 126 та хонадондан иборат кўп квартирали арзон турар жойлар қуриб фойдаланишга топширилган.

Жорий йилда шаҳарда жами 128 та хонадонни ўзида мужассам этган 2 та 16 қаватли замонавий тураржой мажмуаси қад росламоқда. Компания томонидан Тошкент вилояти Чирчиқ шаҳрида 4 йил давомида жами 18 та 7 каватли ва 2 та 16 каватли уйлар қурилди. Бунинг натижасида 884 та эҳтиёжманд оилалар ўз уйига эга бўлди.

@Rasmiy_xabarlar_Official

❗️Судья лавозимига номзодлар психологик тестдан ўтказилади, ичкиликка ва коррупцияга мойиллиги аниқланади

Бу ҳақда АОКАда ташкил этилган матбуот анжуманида Судьялар олий кенгаши раиси Холмўмин Ёдгоров маълум қилди:

🧠 «Психологик тест ва суҳбатлар орқали судьяларнинг дунёқараши, судда бўладиган турли ҳолатларга чидамлилиги, вазиятга баҳо бериш кўникмаси, ҳатто ичкиликка ва коррупцияга мойиллиги ҳақида тавсиявий характердаги хулосалар олинади.

👨🏻‍💻 Судьялар фаолиятини баҳолаш бўйича электрон рейтинг тизимини жорий қилиш кўзда тутилган. Ҳозиргача судьялар фаолияти баҳоланмаганми, бунга қанчалик эҳтиёж бор эди, деган савол туғилади. Бугунги кунга қадар ҳам судьялар фаолияти ҳар 2,5 йилда бир марта Судьялар малака ҳайъати томонидан 100 баллик тизимда баҳоланар эди.

🔎 Янги электрон рейтинг натижасида судьялар фаолиятининг очиқлиги ва шаффофлиги таъминланади ҳамда бу доимий юритиб борилади. Ҳар бир судья ўз камчилик ва ютуқларини онлайн кўриб туради».

@Rasmiy_xabarlar_Official

❓Судларда судьяларга дахл қилинган ҳолатлар аниқланган бўлса, шулардан мисол келтириб ўтсангиз?

〰️〰️〰️
📹 АОКАда ўтган матбуот анжуманида Судьялар олий кенгаши раиси Холмўмин Ёдгоров «Хабар.уз» интернет-нашри мухбири Турсунали Акбаров саволига жавоб қайтарди.

@Rasmiy_xabarlar_Official

⚡️25-ноябрь — Халқаро аёлларга нисбатан зўравонликка барҳам бериш куни муносабати билан БМТ 16 кунлик (10 декабрга қадар) тадқиқот ўтказди.

🌐Тадқиқот доирасида ЮНЕСКО ташкилоти Халқаро журналистлар маркази (ICFJ) билан ҳамкорликда аёл журналистларга нисбатан онлайн зўравонликларни глобал даражада ўрганди ва тадқиқотнинг дастлабки натижаларини чоп этди (тадқиқотда бутун дунёдан 1200 дан ортиқ журналист иштирок этган). Унга кўра:

📌 73% журналист аёллар иш жараёнида Интернетда зўравонликка, жумладан, жисмоний ва жинсий зўрлик, шунингдек, рақамли хавфсизлик ҳужумига учрашганини таъкидлашган;

📌 20% журналист аёллар қўпол муомалага тўқнаш келаётгани ва уларга қарши Интернетда автоном режимда босим ўтказилганини тасдиқлашган.

Шунингдек, Колумбия университети ва ICFJ сўров натижаларига кўра,

📌 16% журналист аёллар инқироз вақтида Интернетда таъқиблар ва қўпол муомала янада кучайгани, «дезинфодемия» пайтида зўравонлик авж олганини алоҳида қайд этишган.

⚠️ Бу фақат гендер, рақамли таҳдидлар ва вирус билан боғлиқ нотўғри маълумотларнинг кесишмасида журналистика соҳасида аёллар дуч келадиган хавфсизлик таҳликасини акс эттирувчи ҳолатларнинг бир қисми ҳисобланади.

Тадқиқотнинг кейинги натижалари 10 декабрь куни Марказий Европа вақти билан соат 10:45 да «Онлайн-зўравонлик: журналист аёллар учун янги фронт» мавзусида матбуот эркинлигига бағишланган мажлисда эълон қилинади.

@Rasmiy_xabarlar_Official

Элмира Боситхонова, Соғлиқни сақлаш вазири ўринбосари:

🥗Бугунги кунда бундан 50-20 йил аввал қабул қилинадиган озиқаларимизнинг калорияси ҳозирги кам ҳаракатлиликда тўғри келмайди.

🧾Бош вазир ўринбсаридан топшириқ олдик. Яъни, ўзбек миллий таомларини калориясини ҳисоблаб, мазкур калорияни сарф этиш учун қандай ҳаракатлар қилиш зарурлиги бўйича қўлланма шакллантириб беришимиз керак.

🍵Айни пайтда 10 қуюқ ва 10 суюқ миллий таомларимизнинг калориясини ҳисоблаб, Жисмоний тарбия вазирлигига тақдим этдик.

🔖Улар энди бу калорияларни истъемол қилганда қандай сарф қилиш тўғрисида ўз хулосаларини тайёрлашади.
〰️〰️〰️〰️〰️

“Соғлом турмуш тарзи: жисмоний фаолликни ошириш ва «Автомобилсиз кун» жорий қилинишининг муҳим жиҳатлари” мавзуидаги матбуот анжуманидан

@Rasmiy_xabarlar_Official

Умид Ражабов, Жисмоний тарбия ва спорт вазирлиги бошқарма бошлиғи:

🚙 «Ҳозирда мамлакатимизда 2 580 133 та шахсий автотранспорт воситаси мавжуд бўлиб, шундан 2 410 421 таси — енгил автомашина ҳисобланади.

🚫 22 сентябрь куни қарийб 2 млн енгил автомашина ҳаракатланмаса, шунча машинадан атмосферага заҳарли газлар чиқишининг олди олинади ва экология тозалигига эришилади.

🚶🏻‍♂️🚴🏻‍♂️ Қолаверса, шу куни ўртача 2 млн киши шахсий юмушларини бажариш учун кўчага пиёда ёки велосипедда чиқиб, соғлом турмуш тарзи тарғиботига ўз ҳиссаларини қўшади. Агар битта шахсий енгил автомобилдан ўртача 3-4 киши фойдаланишини инобатга олсак, бу рақам янада ортади. Ўз-ўзидан шунча одам соғлом турмуш тарзи тарғиботчисига айланади».

@Rasmiy_xabarlar_Official

Авазбек Ходжиметов, Ташқи ишлар вазирлиги матбуот котиби:

«Ўзбекистон диний эркинлик соҳасидаги «Махсус кузатувдаги мамлакатлар» рўйхатидан чиқарилишига тўртта муҳим омил сабаб бўлди:

🔹мамлакатимизда инсон ҳуқуқларини ҳимоялаш, диний эркинликни таъминлаш бўйича рўй берган ўзгаришлар;

🔹Ўзбекистон ва АҚШ ўртасида турли даражада олиб борилган фаол мулоқот;

🔹сўнгги уч йилда Ўзбекистон-АҚШ нодавлат ташкилотлари ва эксперлари ўртасида самарали мулоқот йўлга қўйилди. Илгари икки мамлакат ўртасида бундай форматдаги мулоқотлар бўлмаган;

🔹диний эркинликни таъминлаш бўйича аниқ тадбирлар ишлаб чиқилиб, натижага эришиш учун изчил ишлар амалга оширилди»

@Rasmiy_xabarlar_Official

Музаффар Комилов, Вазирлар Маҳкамаси ҳузуридаги Дин ишлари бўйича қўмита раисининг биринчи ўринбосари:

📖 «Қуръон ўқитиш курслари ташкил этилди, бу илгари бўлмаган эди.

🕌 Ҳақиқатан ҳам диний таълимга эҳтиёж бор, илм олиш керак. Қаердан оламиз? Мадрасага киришга ҳаммада ҳам билим, савия, вақт, шароит, имконият бўлмаслиги мумкин.

Шунинг учун ҳам таълим муассасалари қошида 2-3 ойлик Қуръон курслари ташкил этилиши диний таълимга бўлган чанқоқликни қондиришга жуда катта ҳисса қўшди.

🌎 Бу ислоҳотларни хориждан келган махсус кузатувчилар ҳам тан олиб, жуда тўғри иш бўлибди, дейишди.

✅ Чунки халққа бирламчи диний таълим керак. Чуқур, профессионал диний таълим олиш учун алоҳида иштиёқ, салоҳият керак».

@Rasmiy_xabarlar_Official

Музаффар Комилов, Вазирлар Маҳкамаси ҳузуридаги Дин ишлари бўйича қўмита раисининг биринчи ўринбосари:

🔰«Вақф фонди фаолиятининг шаффофлигини таъминлаш бўйича топшириқлар берилган. Фонд сайтида ҳам кунлик тушум ва харажатлар ҳақида маълумот бериб бориляпти.

📉Шунга қарамасдан, сайтни такомиллаштириш устида иш олиб бориляпти. Фондга маблағ ажратганлар ўз маблағининг ҳаракатини онлайн кузатиб бориши мумкин бўлади».

〰️〰️〰️〰️
❓Меҳр операцияси бўйича аёллар ва болалардан ташқари эркаклар ҳам қайтадими?

🌀 «Ушбу операция давомида биринчи навбатда энг муҳтож бўлган болалар ва аёллар олиб келиняпти.

⚠️ Эркаклар борасида ўрганиш керак бўлган жиҳатлар бор. Агарки уларнинг қўли қон бўлмаса, кимнингдир қотили бўлмаса, вақти келиб, Ватанга албатта қайтади».

@Rasmiy_xabarlar_Official

Музаффар Комилов, Вазирлар Маҳкамаси ҳузуридаги Дин ишлари бўйича қўмита раисининг биринчи ўринбосари:

📖 «Қуръон мусобақасини ҳеч ким тўхтатиб қўйгани йўқ. Агар ташкилотчилар таклиф билан чиқса, албатта дастурга киритилади ва ўрнатилган тартибда ўтказилади.

Ҳозир ҳам дастур бўйича диний соҳа ходимлари ўртасида Қуръон ва Ҳадис бўйича мусобақалар ўтказилмоқда. Бу мусобақа ҳеч қачон тўхтатилмаган, тўхтатилмайди.

▶️ Ушбу мусобақа соҳа мутахассислари ўртасида ўтказилиши мақсадга мувофиқроқ, чунки биз уларни халқаро мусобақаларга юборамиз».

@Rasmiy_xabarlar_Official

⚡️Тадбиркорлик фаолияти бўйича яратилган имкониятлардан унумли фойдаланишни ҳар бир тадиркор билиши лозим

Жорий йилнинг 17 ноябрь куни Президент раислигида суд ҳужжатлари ижро этиш тизимини такомиллаштириш чора-тадбирлари юзасидан видеоселектор йиғилиши ўтказилди.

🔹Селектор йиғилишида Бош прокуратура ҳузуридаги Мажбурий ижро бюросига келиб тушаётган ижро ҳужжатлари бажарилмай қолаётгани ва бунинг натижасида мамлакатимизда кўплаб ижтимоий масалалар ҳал этилишига салбий таъсир кўрсатилаётгани таъкидланди.

Унга кўра, суд ҳужжатларини ижро этиш самарадорлигини ошириш бўйича Республика кенгаши ва ҳудудий кенгашлар ташкил этилди, бу ишчи гуруҳ таркибига Бизнес-омбудсман ва унинг ҳудудудий ходимлари ҳам киритилди.

🔎 Республика ва ҳудудий кенгашларнинг асосий вазифалари мажбурий ижро ҳаракатлари жараёнида зиддиятли ва низоли ҳолатларни келтириб чиқарадиган сабаб ва омилларни аниқлаш, уларни бартараф этиш чораларини кўриш, ёрдамга муҳтож ва оғир аҳволга тушиб қолган қарздорларнинг манзилли рўйхатларини тузиб ва уларга амалий ёрдам кўрсатиш деб белгиланди.

❗️Бизнес омбудсманга давлат даромадига ундиришни назарда тутувчи ижро ҳужжатлари юзасидан тадбиркорлик субъектларининг қарзлари бўйича ижрони кечиктириш ёки бўлиб-бўлиб ижро этиш тўғрисида мурожаат этиш ҳуқуқи ҳам берилди.

💼 Тадбиркорларга қарзларини бўлиб-бўлиб тўлаш имконияти берилса, у ўз фаолиятини узлуксиз давом эттиради, шу билан бирга давлат олдидаги қарзларини ҳам тўлаб боради ҳамда мавжуд иш ўринларини сақлаб қолади.

👉 Батафсил

@Rasmiy_xabarlar_Official