Бугун АОКАда Маҳалла ва оилани қўллаб-қувватлаш вазирлиги матбуот котиби Саодат Боймирзаева иштирокида брифинг ўтказилди.

Брифингда муҳим саволларга жавоб қайтарилди.

〰️〰️〰️〰️〰️

❓Маҳалла ходимларининг ишлари рейтинг тизими орқали баҳоланадими?

⚡️Ўзбекистон Республикаси Вазирлар Маҳкамасининг 2020 йил 14 августдаги “Фуқаролар йиғинлари фаолияти самарадорлигини баҳолашнинг рейтинг тизимини такомиллаштириш тўғрисида”ги қарори асосида фуқаролар йиғинлари фаолияти самарадорлигини баҳолашнинг рейтинг тизими тўғрисидаги Низом тасдиқланди.

📈Ушбу баҳолаш тизимига кўра фуқаролар йиғинлари раисларининг учта ўринбосари, битта мутахассис ҳамда фуқаролар йиғинидаги комиссияларнинг “Обод ва хавфсиз маҳалла” тамойилига асосланган самарали фаолияти йиғиндиси ҳисобга олинади.

💰Якунда “намунали”, “яхши”, “қониқарли” ва “қониқарсиз” фуқаролар йиғинлари аниқланиб, “намунали” деб топилган фуқаролар йиғинларининг ходимлари ва жамоатчилик асосида фаолият юритаётган шахслар моддий рағбатлантириб борилади.

🌀Шунингдек, йил якуни натижалари бўйича “намунали” деб топилган фуқаролар йиғинлари ходимлари ва жамоатчилик асосида фаолият юритаётган шахсларга республика ҳудудидаги санаторийлардан бирида соғлигини тиклаш учун бир маротабалик бепул йўлланма берилади.

〰️〰️〰️〰️〰️

❓14 ёшгача бериладиган нафақа пули муддатини узайтириш учун зарур ҳужжатларни қайта топширишга кечикдим. Энди қандай йўл тутсам бўлади?

Жорий йилнинг июль-сентябрь ойларида тўлаш муддати тугайдиган болалари бўлган оилаларга нафақа, бола парвариши бўйича нафақалар тўлаш уларни тўлашни янги муддатда давом эттириш тўғрисидаги ариза ҳамда бошқа ҳужжатларни талаб қилмаган ҳолда 6 ой муддатга танаффуссиз давом эттирилади.

📎 Асос - “Коронавирус пандемияси даврида ижтимоий ҳимояга ва ёрдамга муҳтож аҳоли қатламларини моддий қўллаб-қувватлашга доир қўшимча чора-тадбирлар тўғрисида”ги Президент Фармони.

❗️Бу ўринда шуни таъкидлаб ўтиш лозимки, агар фарзандларингиз шу муддат давомида нафақа бериш учун белгиланган ёш чегараси, яъни 14 ёшга тўлган тақдирда, бу нафақалар бериш тўхтатилади.

〰️〰️〰️〰️〰️

❓Сирдарё вилоятида 2 ёшгача бола пулини энди маҳаллалар бермайдими?

🔘 2019 йил 1 октябрдан бошлаб кам таъминланган оилаларга ижтимоий нафақалар ва моддий ёрдам беришни «Ягона реестр» ахборот тизими орқали кўриб чиқиш ва тайинлаш тартиби Сирдарё вилоятида тажриба лойиҳа сифатида амалга оширилмоқда.

📎Асос - Вазирлар Маҳкамасининг 2019 йил 13 апрелдаги “Аҳолини ижтимоий муҳофаза қилиш тизимини идоралараро электрон ўзаро ҳамкорликни қўллаган ҳолда такомиллаштириш чора-тадбирлари тўғрисида”ги 308-сонли қарори.

✔️Мазкур қарор асосида “Сирдарё вилоятининг кам таъминланган оилаларига «Ижтимоий ҳимоя ягона реестри» ахборот тизими орқали ижтимоий нафақалар ва моддий ёрдам тайинлаш ва тўлаш тартиби тўғрисида”ги Вақтинчалик Низом тасдиқланган.

📝Низомга кўра, Сирдарё вилоятида яшовчи фуқароларга болали оилаларга нафақа, бола парвариши бўйича нафақа ва моддий ёрдам ариза берувчининг яшаш жойи бўйича Сирдарё вилоятида доимий ёки вақтинчалик пропискаси мавжуд бўлганда, ўзининг ёки оила аъзосининг бирининг ёзма аризасига асосан тайинланади.

📌Алоҳида ҳолларда, оилада муомалага лаёқатли аъзолар бўлмаган тақдирда, нафақа ва моддий ёрдам ушбу оиланинг яшаш жойи бўйича фуқаролар йиғини раисининг ёзма тақдимномасига асосан тайинланади.

🔹Бунда нафақа ёки моддий ёрдам тайинлаш учун ариза бевосита ариза берувчининг доимий ёки вақтинчалик пропискаси бўйича яшаш жойидаги фуқаролар йиғинига тақдим этилади ва рўйхатга олинади

🖌 Ариза Пенсия жамғармаси бўлими бошлиғининг номига ёзилади.

☝️Ариза берувчининг Сирдарё вилоятида доимий ёки вақтинчалик пропискаси йўқлиги тегишли ижтимоий нафақа ёки моддий ёрдамни тайинлаш рад этишга асос бўлади.

⛔️Ушбу тартиб ўз маблағлари ҳисобидан ходимларига бола парвариши бўйича нафақа тўлайдиган ташкилотларда ишлайдиган оналар ёки уларнинг ўрнини босувчи шахсларга татбиқ этилмайди.

🔺 Бюджет ташкилотларида ишлайдиган оналар ёки уларнинг ўрнини босувчи шахслар бундан мустасно.

Каналга уланиш: 👇
t.iss.one/Rasmiy_xabarlar_Officia

Хабар берилганидек, бугун АОКАда бўлиб ўтган брифингда Маҳалла ва оилани қўллаб-қувватлаш вазирлиги матбуот котиби Саодат Боймирзаева муҳим саволларга жавоб қайтарилди.
〰️〰️〰️〰️〰️

❓Хотин-қизлар жамоатчилик кенгашлари қандай вазифаларни амалга оширади? Бу аввалги Хотин-қизлар қўмитасининг бошқача шаклими? Кенгашлар республикамиз бўйлаб иш юритадими?

⚡️Хотин-қизлар жамоатчилик кенгашлари ўз фаолиятини жамоатчилик асосида олиб борадиган, доимий фаолият юритувчи маслаҳат-кенгаш органи ҳисобланади.

Хотин-қизлар жамоатчилик кенгашлари қуйидаги асосий вазифаларни бажаради:

🔹хотин-қизларни қўллаб-қувватлаш, уларнинг ҳуқуқлари ва қонуний манфаатларини ҳимоя қилиш ҳамда хотин-қизларнинг ижтимоий-сиёсий ҳаётдаги роли ва фаоллигини ошириш бўйича таклифлар ишлаб чиқиш, уларнинг бу борадаги саводхонлигини оширишга қаратилган тадбирлар ўтказиш;

🔹хотин-қизлар манфаатларини ҳимоя қилишга оид қонун ҳужжатлари ҳамда дастурларнинг ишлаб чиқилиши ва уларнинг ижроси таъминланишида тўсиқ бўлаётган муаммоларни бартараф этиш бўйича таклифларни ишлаб чиқиш;

🔹хотин-қизларнинг муаммоларини ўрганиш ҳамда ёрдамга муҳтож ва оғир ижтимоий аҳволга тушиб қолган хотин-қизларга, шу жумладан ногиронлиги бўлган аёлларга ўз вақтида ижтимоий-ҳуқуқий, психологик ва моддий ёрдам кўрсатиш юзасидан Маҳалла ва оилани қўллаб-қувватлаш вазирлигининг ҳудудий бўлинмаларига ҳамда ваколатли давлат органларига таклифлар киритиш;

🔹хотин-қизларни оилавий ва хусусий тадбиркорликка, ҳунармандчиликка кенг жалб этиш ишларини ташкиллаштиришга кўмаклашиш орқали уларнинг бандлигини таъминлаш учун ваколатли орган ва ташкилотларга таклифлар киритиш;

🔹хотин-қизларни қўллаб-қувватлаш борасида амалга оширилаётган ишлар ва ислоҳотларнинг мазмун-моҳиятини хотин-қизлар эътиборига етказиш;

🔹хотин-қизларнинг ҳуқуқлари, эркинликлари ва қонуний манфаатларига дахлдор масалаларни ҳар томонлама таҳлил қилиш, уларни бартараф этишнинг энг мақбул йўлларини аниқлаш мақсадида ижтимоий сўровлар ўтказилишини ташкил этиш;

🔹иқтидорли, фаол ва ташаббускор хотин-қизларни, Зулфия номидаги Давлат мукофоти ҳамда «Мўътабар аёл» кўкрак нишони соҳибаларини аёллар ва қизларнинг ижтимоий-сиёсий ҳаётдаги фаоллигини ошириш, уларни маҳаллалар ва оилалардаги ижтимоий-маънавий муҳитни мустаҳкамлаш борасидаги тарғибот-ташвиқот ишларига кенг жалб этиш чораларини кўриш;

🔹оилавий қадриятларни мустаҳкамлаш, хотин-қизлар билан ишлаш бўйича комиссияларга ҳамда хотин-қизлар масалалари бўйича бошланғич ташкилотларга услубий-амалий кўмаклашиш.

❗️Маҳалла ва оилани қўллаб-қувватлаш вазирлигининг ҳудудий бўлинмалари бошлиқларининг биринчи ўринбосарлари бир вақтнинг ўзида хотин-қизлар жамоатчилик кенгашларига раислик қилади.

🔺Хотин-қизлар жамоатчилик кенгашлари аъзолигига тегишли ҳудуддаги давлат органлари ва жамоат ташкилотлари, ОАВ ва фуқаролик жамиятининг бошқа институтларида намунали фаолият олиб бораётган, обрў-эътиборли ва ташаббускор хотин-қизлар, фуқаролар йиғинлари раисларининг оила, хотин-қизлар ва ижтимоий-маънавий масалалар бўйича ўринбосарлари ҳамда оила ва хотин-қизлар масалалари бўйича мутахассислари киритилади.

Каналга уланиш: 👇
t.iss.one/Rasmiy_xabarlar_Officia

Ўзбекистон 13 та давлатга 51 минг тоннадан зиёд узум экспорт қилди

🍇 Жорий йилнинг 1 сентябрь ҳолатига кўра, қиймати 46,8 миллион AҚШ долларига тенг бўлган 51 минг тоннадан зиёд узум маҳсулоти хорижга экспорт қилинди. Бу кўрсаткич ўтган йилнинг мос даврига нисбатан 10,4 минг тоннага кўп.

🏢 Давлат статистика қўмитаси маълумотларига кўра, экспорт қилинган мазкур узум маҳсулотининг энг кўп улуши Фарғона (15,3 минг тонна), Тошкент (9,6 минг тонна), Наманган (7,2 минг тонна), Хоразм (3,6 минг тонна) ва Қашқадарё (3,1 минг тонна) вилоятлари ҳиссасига тўғри келди.

✅ Маълумот ўрнида, юртимиз боғларида етиштирилган узум маҳсулотининг экспорти бўйича Қозоғистон 22,8 минг тонна кўрсаткич билан етакчилик қилмоқда. Шунингдек, Россия Федерациясига 20,6 минг тонна ва Қирғиз Республикасига 7,1 минг тонна узум меваси экспорт қилинган.

Каналга уланиш: 👇
t.iss.one/Rasmiy_xabarlar_Official

АОКАда Коронавирусга қарши кураш штаби аъзоси Нурмат Отабеков иштирокида брифинг ўтказилди.

Брифингда аҳолидан келган мурожаат ва саволларга жавоб қайтарилди.
〰️〰️〰️〰️〰️

❓Коронавирус инфекцияси билан касалланганда кўз билан боғлиқ касалликлар ҳам келиб чиқадими?

🔎Тадқиқотчи олимларнинг аниқлашича, конъюнктивит яъни кўз шиллиқ пардасининг яллиғланиши коронавирус касаллигининг белгиларидан бири бўлиши мумкин.

🧬Италиялик олимлар коронавирус бурун шиллиқ қаватида аниқлангандан бир ҳафта ўтиб кўз шиллиқ қаватида ҳам учрашини тадқиқотларида таъкидлашган. Шунинг учун коронавирус касаллигини даволаётган шифокорлар нафақат бурун ва оғиз, балки кўзларни ҳам ҳимоя қилиш борасида ҳам огоҳлантирилади.

🌀 Хитой шифокорларининг тажрибасида ҳам коронавирус билан даволанаётган беморларда 1 фоиз ҳолатда конъюнктивит аниқланган.
〰️〰️〰️〰️〰️

❓Кўп болалар коронавирус касаллигидан вафот этаётгани ростми?

🔹Республикамизда коронавирусдан зарарланган ва шу касалликдан вафот этаётган беморлар ёши, лавозимидан қатъий назар шу кунгача аниқ маълумотлар берилиб келинаяпти.

☝️Кўп ёш болалар касалланиб ўлиб кетаётганлиги ҳақидаги маълумотлар ёлғон.

🔘Бунинг устига таъкидлаш жоизки, коронавирус касаллиги ёш болаларда енгил ўтади ва аксарият ҳолларда жиддий асоратларсиз соғайишади.
〰️〰️〰️〰️〰️

❓Болалар коронавирус билан касалланса келажакда саломатлигига таъсир кўрсатиши, масалан бепуштликка олиб келиши мумкинми?

🦠Коронавирус касаллиги мутлақо янги касаллик бўлиб, ҳали у ҳақида етарли маълумотга эга эмасмиз. Алоҳида бу борада илмий изланишлар амалга оширилмаган.

📍Қолаверса касаллик ёш болаларда жуда енгил формада ўтаяпи, шунинг учун келажакда бирор бир жиддий асорат қолдириши ҳақида башорат қилиш нотўғри бўлади.

🔹Фикримизча, COVID-19 келажакда фарзанд кўрмаслик (бепуштлик) каби ҳолатларни келтириб чиқарадиган касалликлар сирасига кирмайди.
〰️〰️〰️〰️〰️

❓Отамда сурункали қандли диабет касаллиги бор. Қаерга борса Covid 19 билан касалланганлар ётибти дейишмоқда, даволаниш учун қаерга мурожаат қилсак бўлади?

🌐Дунё миқёсида пандемия бошланганидан кейин республикамизда ҳам карантин туфайли кўпгина шифохоналар фаолияти (профили) ўзгартирилди.

🏥Отангизни даволатиш учун яшаш жойингиз бўйича поликлиникага мурожаат қилсангиз ҳозирда фаолият кўрсатаётган шифохоналар тўғрисида аниқ маълумот олишингиз мумкин.

🔹Бунинг устига кейинги пайтларда профилини ўзгартирган муассасалар, бирин-кетин қайтадан ўзларининг аввалги фаолиятини тикламоқда.
〰️〰️〰️〰️〰️

❓15 октябрдан каранин чоралари яна қаттиқ кучайтирилиши ростми?

➖Аввало шуни таъкидлаш керакки республикамизда ҳали карантин чоралари бекор қилинмаган, балки юмшатилган.

📈 Аммо фуқароларнинг нотўғри тушунганликлари натижасида аҳоли орасида коронавирус инфекцияси қайд этилганлар сони камаймаётганлиги сир эмас.

❗️Бир нарсани унутмаслик керак “мен, сен, улар” дейилганидек, карантин тадбирлари кучайтирилиши ва юмшатилиши бизнинг ҳатти-ҳаракатларимизга боғлиқ, агар биз карантин ва чеклов тадбирларини менсинмас эканмиз, профилактик тадбирларни унутиб қўярканмиз, мутахассис шифокорларнинг тавсияларига риоя этмас эканмиз, у ҳолда касаллик кўпайиб кетишига ва Республика Махсус комиссиясини карантин чоралари кучайтириш тўғрисида қарор қабул қилишга мажбур қиламиз.
〰️〰️〰️〰️〰️

❓Қўшни давлатлар билан чегара қачон очилади?

⚡️Бугунги кунда Ташқи ишлар вазирлиги, Транспорт вазирлиги билан биргаликда барча турдаги халқаро қатновларни тиклаш бўйича хорижий мамлакатлар билан музокаралар олиб борилмоқда ва қатновларни босқичма-босқич тиклаш бўйича зарур чоралар кўрилмоқда.

Каналга уланиш: 👇
t.iss.one/Rasmiy_xabarlar_Official

АОКАда бўлиб ўтган брифингда коронавирусга қарши кураш штаби аъзоси Нурмат Отабеков аҳолидан келган мурожаат ва саволларга жавоб қайтарилди.
〰️〰️〰️〰️〰️

❓Мактабда коронавирус аниқланган ўқитувчилар шахси сир сақланиши тўғрими? Фақат ўша ўқитувчилар изоляция қилинса, улар билан алоқада бўлганлар нима қилишади?

🚧Мактаб ўқитувчилари орасида касаллик аниқланганлар 14 кунга изоляция қилиниб муолажалар буюрилади.

🔎 Улар билан доимий мулоқатда бўлган ўқитувчилар суриштириш давомида аниқланиб, улар ҳам уй шароитида изоляция қилинади.

📍Касаллик аниқланган ўқитувчиларнинг шахси билан боғлиқ маълумотлар тиббиёт сири хисобланади.
〰️〰️〰️〰️〰️

❓Нега бизда спа-салонлар очилмаяпти, қачон уларнинг фаолиятларига рухсат берилади?

⚡️Республика махсус комиссиясининг 2020 йил 31 августдаги йиғилишининг 45-сонли баёнига кўра бугунги кунда спа-салонлари фаолияти таъқиқланган.

🔺Ҳар бир давлат ўзининг карантин ва чеклов тадбирларини ўзи белгилайди.

❗️Аҳамият берган бўлсангиз босқичма-босқич кўп ташкилотлар, муассасалар, соҳалар ва тармоқлар фаолиятига рухсат берилмоқда. Бу борадаги ишлар давом этади ва коронавирус касаллиги бўйича эпидемик вазиятдан келиб чиқган ҳолда у ёки бу муассасаларнинг фаолиятига рухсат бериш бўйича қарорлар қабул қилинади.
〰️〰️〰️〰️〰️

❓Респиратор ва ниқоблар ҳаво ўтказмай ўпкани қуритиши тўғрими?

😷Ниқоблар асосан баръер, яъни тўсиқ вазифасини бажаради. Бемор одам аксирганда, йўталганда ҳавога тарқатадиган майда заррачаларни тўсиб қолади, лекин ҳавони бемалол ўтказади.

☝️Карбонат ангидриддан заҳарланиб қолиш мумкин деган фикр мутлақо нотўғри. Масалан, ҳозирги кунда COVID-19 инфекцияси билан курашаётган тиббиёт ходимлари соатлаб ниқобни ечмай беморларга қарашади.

🔹Албатта ниқоблардан тўғри фойдаланишга аҳамият бериш керак, яъни уларни ҳар 2 соатда алмаштириб туриш лозим.
〰️〰️〰️〰️〰️

❓Нега туманларда коронавирусга текшириш тести етарли эмас?

❗️Аслида бу савол манзилли берилса мақсадга мувофиқ бўларди, яъни айнан қайси туманда етишмаётганлиги аниқ кўрсатилмаган.

🔬Ҳозирги вақтда матабларда ўқув жараёнининг бошланиши арафасида барча педагог ва мактаб ходимлари текширилаётганлиги муносабати билан бир кунда 60 мингдан кўпроқ киши COVID-19 га текширилмоқда.
〰️〰️〰️〰️〰️

❓Мен коронавирус инфекцияси билан касалланган, лекин умумий овқатланиш жойида ишлашда давом этаётган кишини биламан. Бу ҳақда кимга огоҳлантириш мумкин?

📢Агар сизда умумий овқатланиш объектида ишлайдиган ходим ҳақиқатдан коронавирусга чалинганлиги тўғрисида далил бор бўлса бу ҳақида ҳудудий (туман ёки шаҳар) Санитария-эпидемиологик осойишталик марказига мурожаат қилишингиз мумкин.

🧪Мутахассислар ПЗР тест текшируви ўтказиб маълумотнинг ишончлилигини текширишади.

🔗Бундан ташқари, каратин тўғрисида амалдаги қонунчиликни бузган шахслар маъмурий, ҳатто жиноий жавобгарликка тортилади.

Каналга уланиш: 👇
t.iss.one/Rasmiy_xabarlar_Officia

⚡️Фанлар академияси мутасаддилари иштирокида "Тилнинг олий қадрият сифатида шаклланишида “Давлат тили тўғрисида”ги Қонуннинг ўрни" мавзусида матбуот анжумани.

"Ўтган ҳафтада "Давлат тилида иш юритиш" номли китоб тақдимоти ўтказилди. Вазирлар маҳкамаси таркибида "Давлат тилини ривожлантириш департаменти" ташкил этилди. Департамент билан ҳамкорликда давлат тили масаласида кўплаб ишлар олиб бормоқдамиз." - Ўзбек тили, адабиёти ва фольклори институти директори, филология фанлари доктори, профессор Низомиддин Маҳмудов.

Каналга уланиш: 👇
t.iss.one/Rasmiy_xabarlar_Officia

⚡️Фанлар академияси мутасаддилари иштирокида "Тилнинг олий қадрият сифатида шаклланишида “Давлат тили тўғрисида”ги Қонуннинг ўрни" мавзусида матбуот анжумани.

"Ҳозир институтимизда жуда катта ишлар олиб борилмоқда. Олимларимиз бугунги кунда юридик терминлар устида ишламоқда. Чунки бу соҳада анча муаммолар бор. Яқин кунларда юридик терминлар луғатини нашр этамиз." - Ўзбек тили, адабиёти ва фолклори институти катта илмий ходими, филология фанлари доктори Шуҳрат Кўчимов.
©UzReport

Каналга уланиш https://t.iss.one/studio_67

⚡️⚡️⚡️ЎЗКОМНАЗОРАТ ИНСПЕЦИЯСИ ОГОҲЛАНТИРАДИ!

📲Сентябрь ойи бошида “Telegram”даги каналлар ва гуруҳларда фотосурат файлига ўхшаш зарарли илова тарқалгани, интернет фойдаланувчилари бу каби файлларни юклаб олиб ўрнатиши оқибатида, қурилманинг дастурий таъминотига зарар етиши мумкинлиги ҳақида хабарлар тарқалганди.

❗️Уларда ушбу файл очилганидан кейин сматрфон ёки компьютердаги маълумотлар ўғирлаб олиниши мумкинлиги, тизим ишламай қолиши ёки бошқа техник хатоликлар юз бериши ҳақида огоҳлантирилганди.

Ўзкомназорат инспекцияси ахборот хизматининг маълум қилишича, SCR кенгайтмали файллар орқали турли дастурларни яратиш мумкин.

🔘Одатда, SCR файллар уларни яратган тегишли дастурнинг ижро қилувчи файл скриптлари ҳисобланади. SCR файлни очиш тизимда муайян буйруқлар рўйхатининг амалга оширилишига сабаб бўлади. Бундай буйруқлар файлда муайян тартибда жойлашади.

✔️SCR файлларининг аксарияти матнли формат шаклида сақланади. Уларни матн муҳаррирлари дастурлари ёки иловаларида очиш ва кўриш мумкин.

⛔️Бундай файлларга ўзгартириш киритиш анча қийин, сабаби улар, кўпинча, қўшимча ва ўзгаришлардан ҳимояланган бўлади.

🌀Ушбу турдаги файллар яратилганидан кейин троян туридаги зарарли вируслар ва бошқа зарарли дастурлар билан бирга ишлай олади.

SCR файл очилганида, одатда, антивирус дастурларини кўп ҳолларда блоклаб қўядиган буйруқлар ишга тушади.

❌Вирус ёзувини ўзгартирмаслик ҳимояси мавжудлиги ёки SCRда яширинган EXE-файл туфайли антивируслар, кўпинча, бундай дастурий таъминотни ўчира олмайди.

‼️SCR файли ичига жойлаштирилган троянлар ва вирусларни топиш ва ўчириш мушкул бўлгани сабабли ахборот хавфсизлиги бўйича мутахассислар мазкур шаклдаги номаълум файлларни очмасликни тавсия қиладилар.

Манба: https://gis.uz/uz/news/371

Каналга уланиш: 👇
t.iss.one/Rasmiy_xabarlar_Officia

Ўзбекистон Республикаси Президенти Шавкат Мирзиёев Президент Хосе Даниэль Ортега Сааведрага Никарагуа Республикасининг Мустақиллиги куни муносабати билан табрик йўллади.
—
Президент Республики Узбекистан Шавкат Мирзиёев направил поздравление Президенту Хосе Даниэлю Ортеге Сааведре в связи с Днем независимости Республики Никарагуа.

#Mirziyoyev #qutlov #Nikaragua

Prezident.uz|Facebook|Instagram|YouTube|Twitter

📢 ЭЪЛОН!

Ахборот ва оммавий коммуникациялар агентлигида эртага, 16 сентябрь куни

🕰 соат 11:00да

✔️Бандлик ва меҳнат муносабатлари вазирлиги мутасаддилари иштирокида Президент Шавкат Мирзиёевнинг “Хавфсиз, тартибли ва қонуний меҳнат миграцияси тизимини жорий этиш чора-тадбирлари тўғрисида”ги қарори мазмун-моҳияти ва аҳамияти ҳақида;

🕰 соат 15:00да

✔️Давлат божхона қўмитаси мутасаддилари иштирокида “Божхона аудитини ташкил этиш ва ўтказиш тартиби тўғрисидаги Низомни тасдиқлаш ҳақида”ги Вазирлар Маҳкамаси қарори лойиҳаси юзасидан жамоатчилик муҳокамаси якунлари бўйича матбуот анжуманлари бўлиб ўтади.

❓ Матбуот анжуманларига саволларни @aokapressa га жўнатишингиз мумкин.

❗️ОАВ ходимлари ва блогерларни матбуот анжуманларга таклиф қиламиз.

🔹Тадбирлар @aoka_uz, @Rasmiy_xabarlar_Official, @hudud_inform телеграм каналлари, UzReport TV ва O‘zbekiston 24 телеканаллари ҳамда Youtube тармоғи орқали онлайн ёритилади.

Каналга уланиш: 👇
t.iss.one/Rasmiy_xabarlar_Official

​​​​«Ўзбекзаргарсаноати» уюшмаси раисига ўринбосарлар тайинланди. Бу ҳақда уюшманинг матбуот котиби хабар берди.

Нодир Мирахмедов «Ўзбекзаргарсаноати» уюшмаси раиснинг биринчи ўринбосари лавозимига тайинланди.

Мирахмедов Нодир Тургунович 1974 йил Тошкент шаҳрида туғилган. 1996 йил Тошкент Давлат Шарқшунослик институтининг Халқаро иқтисодий муносабатлар факультетини, 2004 йил Ўзбекистон Республикаси Президенти ҳузуридаги Давлат ва жамият қурилиши академиясини тамомлаган.

У шу вақтга қадар «Ўзбекзаргарсаноати» уюшмаси раиси ўринбосари лавозимида фаолият юритаётган эди.

Комила Негматова «Ўзбекзаргарсаноати» уюшмаси раис ўринбосари лавозимига тайинланди.

Негматова Комила Сайибжановна 1975 йил Тошкент шаҳрида туғилган. 2002 йил Тошкент молия институтини бакалавр, 2009 йил Тошкент Давлат Техника университетини магистратурасини тамомлаган.

У шу вақтга қадар Тошкент давлат техника университети Фан ва тараққиёт давлат унитар корхонасининг «композицион материаллар» лаборатория мудири лавозимида фаолият юритаётган эди.

Каналга уланиш: 👇
t.iss.one/Rasmiy_xabarlar_Official

“Мерос” фильмининг суратга олиш ишлари бошланди

“Ўзбеккино” Миллий агентлиги буюртмасига биноан режиссёр Ҳилол Насимов томонидан “Мерос” номли тарихий-бадиий фильм суратга олинмоқда.

Агентлик ахборот хизмати хабар беришича, мазур фильм ўзбек ва қозоқ халқларининг қадимий дўстлиги, анъана ва эътиқодларининг бирлиги ҳақида ҳикоя қилади. Шунингдек, фильмда аллома Аҳмад Яссавийнинг “Яссавия тариқати” маънавий мерос сифатида барча мусулмонларни иймонли бўлишга, инсонийлик меъёрларини чуқур англашга ундаши кўрсатилади. Ўзбек йигити Бахшилло қозоқ қизи Айгулга кўнгил беради. Бошқа овулдаги қозоқ йигити Нурлан ҳам уни севади. Улуғ Ватан уруши йиллари бир-бирини танимайдиган бу икки йигит бирга жанг қилади ва бир-бирларини ўлимдан сақлаб қолади.

Сценарий муаллифи ва постановкачи режиссёр Ҳилол Насимов, иккинчи режиссёр Машраб Аликулов, постановкачи оператор Ҳусан Алиев, композитор Дмитрий Янов-Яновский, постановкачи рассом Фазлиддин Турдиев. Фильмда Рустам Каримов, Мунаввара Абдуллаева, Ғайрат Ҳусайинов, Бобур Айтбагамбетов, Фотиҳ Насимов, Ойсанам Юсуповалар рол ижро этишган.

Фильмнинг суратга олиш ишлари жорий йилнинг октябрь ойида тугалланиши кўзда тутилган. Премьера эса декабрь ойига режалаштирилган.

Каналга уланиш: 👇
t.iss.one/Rasmiy_xabarlar_Official

Ўзбекистон Республикаси Президенти Шавкат Мирзиёев Мексика Қўшма Штатлари Президенти Андрес Мануэль Лопес Обрадорни Мустақиллик куни билан табриклади.
—
Президент Республики Узбекистан Шавкат Мирзиёев поздравил Президента Мексиканских Соединенных Штатов Андреса Мануэля Лопеса Обрадора с Днем независимости.

#Mirziyoyev #qutlov #Meksika

Prezident.uz|Facebook|Instagram|YouTube|Twitter

📢 ЭЪЛОН!

Ахборот ва оммавий коммуникациялар агентлигида бугун, 16 сентябрь куни

🕰 соат 11:00да

✔️Бандлик ва меҳнат муносабатлари вазирлиги мутасаддилари иштирокида Президент Шавкат Мирзиёевнинг “Хавфсиз, тартибли ва қонуний меҳнат миграцияси тизимини жорий этиш чора-тадбирлари тўғрисида”ги қарори мазмун-моҳияти ва аҳамияти ҳақида;

🕰 соат 15:00да

✔️Давлат божхона қўмитаси мутасаддилари иштирокида “Божхона аудитини ташкил этиш ва ўтказиш тартиби тўғрисидаги Низомни тасдиқлаш ҳақида”ги Вазирлар Маҳкамаси қарори лойиҳаси юзасидан жамоатчилик муҳокамаси якунлари бўйича матбуот анжуманлари бўлиб ўтади.

❓ Матбуот анжуманларига саволларни @aokapressa га жўнатишингиз мумкин.

❗️ОАВ ходимлари ва блогерларни матбуот анжуманларга таклиф қиламиз.

🔹Тадбирлар @aoka_uz, @Rasmiy_xabarlar_Official, @hudud_inform телеграм каналлари, UzReport TV ва O‘zbekiston 24 телеканаллари ҳамда Youtube тармоғи орқали онлайн ёритилади.

Каналга уланиш: 👇
t.iss.one/Rasmiy_xabarlar_Official

Дезинфекция туннеллари ўрнига тери учун қулай антисептик эритмалари бўлган санитайзер-диспансер қурилмалари ўрнатилади

Республика махсус комиссияси баёнига кўра, эндиликда Жаҳон соғлиқни сақлаш ташкилоти тавсиялари асосида дезинфекцион туннеллардан фойдаланиш тўхтатилиб, корхоналар, ташкилотлар, муассасалар, жамоат жойлари, бино ва иншоотларга кириш жойида тана ҳароратини контактсиз ўлчаш, ташриф буюрувчиларни зарур ҳолатларда ти66ий ёки бир марталик ниқоблар билан таъминлаш, шунингдек, кириш кисмида ташкил қилиш учун қулай жойда тери учyн антисептик эритмалари бўлган санитайзер-диспансер қурилмалари ўрнатиш амалиёти жорий этилади.

Бунда: ушбу амалиётларни тегишли қоидалар асосида олиб бориш бўйича масъулият ва жавобгарлик муассаса ва ташкилотларнинг биринчи раҳбарлари зиммассида бўлиб, мазкур тадбирларига риоя этилиши юзасидан назоратни амалга ошириш Санитария-эпидемиологик осойиштaлик ва жамоат саломатлиги хизмати ва тегишли ҳуқуқни муҳофаза қилувчи органлар зиммасига юклатилди.

ССВ Ахборот хизмати

Каналга уланиш: 👇
t.iss.one/Rasmiy_xabarlar_Official

«Бу ерларда вақт тўхтайди» — «Xabar.uz» мухбири Зафар Қосимов Деҳқонободдан ажойиб репортаж тайёрлади.

Мақолада айтилишича, Деҳқонобод тумани, Оқрабод қишлоғида Заҳириддин Муҳаммад Бобур яшаган қўналға мавжуд: «Ўрта асрларни эслатадиган мана шу тинч, осойишта ва сўлим жойда «Бобуртепа» деб номланадиган тарихий манзилгоҳ бор. Маҳаллий аҳоли айнан шу ерда Афғонистонга ўтиб кетиш олдидан Заҳириддин Муҳаммад Бобур яшаганига ишонади. Ҳалигача у ҳақида ривоятлар авлоддан авлодга ўтиб келмоқда. Ва бу ривоятлар албатта «Боболарнинг айтишича», деб бошланади», — деб ёзади журналист.

Батафсил: https://xabar.uz/post/bu-erlarda-vaqt-toxtaydi-bobur-qorgonidan

Каналга уланиш: 👇
t.iss.one/Rasmiy_xabarlar_Official