🔍 Ҳисоб палатаси томонидан 2024 йилнинг I ярим йиллигида ўтказилган назорат тадбирларида 150 млрд сўмлик ортиқча ва ноқонуний, 797,4 млрд сўмлик мақсадсиз ва самарасиз харажатлар аниқланди

Бу ҳақда АОКАда ўтказилган брифингда Ҳисоб палатаси масъул ходими Сардор Усманов маълум қилди.

⏺Жумладан, Қишлоқ хўжалигини давлат томонидан қўллаб-қувватлаш жамғармаси олдидаги муддати ўтган кредитлар ҳамда пахта-тўқимачилик кластерлари ва фермерлар қарздорликларини қисқартириш борасида олиб борилган ишлар натижасида 1,5 трлн сўмлик қарздорликлар бартараф этилди.

⏺Соғлиқни сақлаш вазирлиги ва “Ўзсувтаъминот” АЖда давлат ташқи қарзи ҳисобидан амалга оширилаётган 5 та лойиҳа доирасида маблағлардан самарали фойдаланиш ва мақсадли кўрсаткичларга эришиш ҳолати ўрганилди.

⏺Ўрганиш натижаси бўйича лойиҳаларни амалга оширишни самарали ташкил этиш учун эътибор қаратиш лозим бўлган йўналишлар ҳамда рискларни олдини олиш юзасидан 15 та таклиф ва тавсиялар юборилди.

⏺Шунингдек, 2024 йил учун Давлат бюджети харажатлари ижроси ва йил якунигача маблағларни ўзлаштириш имкониятлари қайта баҳоланиб, 2,5 трлн сўм миқдоридаги маблағларни мақбуллаштириш юзасидан таклифлар киритилди.

⚡️ Вазирликларда бюджет маблағларини мақсадли сарфланиши бўйича қуйидаги йўналишларда ишлар ташкил этилди:

✅Биринчиси, бюджет ижроси жараёнида доимий мониторинг олиб бориш орқали мақсадсиз ва самарасиз харажатларни олди олинмоқда;

✅ Иккинчидан, меъёрий ҳужжатлардаги бўшлиқларни тўлдириш ҳамда рақамлаштиришни кучайтириш орқали хато ва камчиликларнинг тўлиқ олдини олиш чоралари кўрилмоқда;

✅ Учинчидан, вазирликларда “Ситуацион марказ”лар ташкил этилиб,
риск-таҳлиллар ўтказиш орқали ноқонуний харажатлар барвақт тўхтатилмоқда.

⏺Ситуацион марказлар тегишли ахборот тизимлари (“UzASBO”, “Шаффоф қурилиш” ва б.) билан интеграция қилиниб, Ҳисоб палатаси Масофавий назорат маркази маълумотлар базасидан фойдаланган ҳолда фаолияти йўлга қўйилди.

⏺Кўрилган чоралар натижасида жами 635,7 млрд сўм маблағларни ортиқча сарфланишининг олди олинди.

⏺ “Масофавий аудит” ахборот тизими томонидан автоматик равишда қиймати 1,4 трлн сўмлик рисклар аниқланиб, шундан 78,1 млрд сўмлик камчиликлар бартараф этилди.

⏺Бюджет маблағларини тўғри режалаштириш ҳамда бюджет маблағларини нотўғри ва самарасиз сарфланишини олдини олиш бўйича ишлар давом этмоқда.

✍️ Батафсил

Telegram | Facebook | Instagram | Youtube | Медиабанк

💰 "Бизнесни ривожлантириш банки" АТБ ва Жаҳон банки ҳамкорлигида кичик ва ўрта бизнес субъектлари учун грантлар ажратиш лойиҳаси

АОКАда "Бизнесни ривожлантириш банки" АТБ ахборот хизмати раҳбари Шуҳрат Орипов иштирокида шу мавзуда брифинг бўлиб ўтди.

Қуйидаги ҳавола орқали томоша қилишингиз мумкин:

🖥 Брифинг
〰️〰️〰️〰️〰️〰️

Telegram | Facebook | Instagram | Youtube | Медиабанк

📝 "Агробанк"АТБ хорижий ва маҳаллий нашрлар томонидан Ўзбекистоннинг энг ишончли 3 та йирик банклари қаторида қайд этилган

Бу ҳақда АОКАда ўтказилган брифингда "Агробанк"АТБ ахборот хизмати раҳбари
Юлдуз Файзуллаева маълум қилди.

🟢Банк депозит базасини мустаҳкамлаш борасида олиб борилган чора тадбирлар натижасида, жалб қилинган депозитлар ҳажми 16,7 трлн cўмдан ошди.

🟢Жорий йилнинг ҳисобот даврига ўзини-ўзи банд қилган 10 мингдан ортиқ шахсларга жами 50,2 млрд cўмлик “Бизнесга биринчи қадам” микроқарзлари ажратилди.

🟢Банк томонидан 6 224 та кичик тадбиркорлик субъектига 566,9 млрд cўм кредитлар ажратилиб, натижада 14 568 та янги иш ўрни яратилди.

🟢Кредитларнинг 2 561 та 230,3 млрд cўм хотин-қизларга, 549 та 52 млрд cўм ёшларга ажратилди.

🟢Сувни тежаш йўналишидаги тадбирларни сифатли ташкил этиш мақсадида Давлат раҳбари ташаббуси билан очилган “Сувчилар мактаби”да ҳам соҳа ходимларнинг малакасини ошириш мақсадида белгиланган режа аосида ўқувлар ташкил этилиб келинмоқда.

🟢Шуни алоҳида қайд этиш керакки, Агробанкнинг ривожланиш стратегияси кенг турдаги банк хизматларини кўрсатиш билан бир қаторда, ўзига хос экотизимга асосланган фаолиятни йўлга қўйиш ва ривожлантиришга қаратилгандир. Шундан келиб чиқиб, бугунги кунда банкнинг ижтимоий функцияларидан ҳамда давлат томонидан топширилган вазифалар ижросини таъминлаш мақсадида 10 дан ортиқ ташкилотлардан иборат “Агробанк экотизими” фаолият олиб бормоқда.

✍️ Батафсил

Telegram | Facebook | Instagram | Youtube | Медиабанк

📈 Мактаб битирувчиларининг олий ўқув юртларига кириш ўртача балл кўрсаткичи беш йилда 69,8 баллдан 78 баллга ошди

Билим ва малакаларни баҳолаш агентлиги маълумотларига кўра, мактаб битирувчиларининг олий ўқув юртларига кириш ўртача баллари сўнгги беш йилда 69,8 балдан 78 баллга ошганлигини кўришимиз мумкин (2020 йилда 69,8 балл, 2021 йилда 74,9 балл, 2022 йилда 75,8 балл, 2023 йилда 76,1 балл, 2024 йилда 78 балл).

Аҳамиятли жиҳати, 2024 йилги абитуриентларга тегишли ўртача балл 70,8 ни ташкил этгани ҳолда, жорий йил мактаб битирувчиларининг ўртача бали умумий кўрсаткичдан 7,2 балл юқори.

Максимал баллнинг 75 фоизидан юқорисини (141,75 + балл) эгаллаган 41 009 нафар абитуриентнинг 32 949 нафари (80%) айнан жорий йилдаги мактаб битирувчиларидир.

Албатта, бизга бундан ҳам юқори кўрсаткичлар керак. Муҳими, рақамларда ижобий силжиш бор. Ҳурматли устозлар ва ота-оналар, келгуси йилларда натижалар бундан-да яхши бўлиши учун фарзандларимиз таълимига эътиборни янада кучайтиришимиз зарур, дейди Мактабгача ва мактаб таълими вазири Ҳилола Умарова.

Telegram | Facebook | Instagram | Youtube | Медиабанк

❓Ҳар бир лойиҳа учун 50 000 АҚШ доллари: ушбу грант кимларга берилади?

АОКАда ўтказилган брифингда "Бизнесни ривожлантириш банки" АТБ ахборот хизмати раҳбари Шуҳрат Орипов ушбу саволга батафсил жавоб берди:

🔈 “Ўзбекистон миллий инновацион тизимини модернизация қилиш” лойиҳаси доирасида микро, кичик ва ўрта бизнес вакилларининг инновацион ташаббусларини қўллаб-қувватлаш мақсадида ташаббускорларнинг лойиҳаларини амалга ошириш учун грантлар ажратилади.

📌 Грант миқдори: ҳар бир лойиҳа учун 50 000 АҚШ долларини ташкил этади.

📌 Лойиҳани амалга ошириш: Ўзбекистон Республикаси ҳудудида 12 ойгача.

✅ Грантлар қуйидаги соҳалар бўйича ажратилиши режалаштирилган:

⚡️Агро-озиқ-овқат технологиялари.
⚡️Тиббиёт ва тиббий технологиялар.
⚡️Янги материаллар ва кимёвий технологиялар.
⚡️Кончилик ва металлургия саноати.
⚡️Биотехнологиялар ва фармацевтика.
⚡️Машинасозлик ва автомобилсозлик.

⚠️ Муҳим жиҳатлардан бири шундаки, лойиҳа ташаббускорларига қулайлик яратиш мақсадида, “Бизнесни ривожлантириш банки” АТБ лойиҳа учун зарур бўлган маблағларнинг грантдан ташқари қисмини кредит шартномалари асосида молиялаштиришни амалга оширади.

Telegram | Facebook | Instagram | Youtube | Медиабанк