#брифинг

☑️ Давлат иштирокидаги корхоналарнинг кузатув кенгаши таркибидаги мустақил аъзоларни сайлашда энди барча акциядорлар овоз бериши мумкин

Бу ҳақда АОКАда ўтказилган брифингда Давлат активларини бошқариш агентлиги бошқарма бошлиғи Шарофиддин Аҳмедов маълум қилди:

🔹🔹🔹🔹
Жорий йил 18 январдаги Қонунга кўра, «Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги ва «Масъулияти чекланган ҳамда қўшимча масъулиятли жамиятлар тўғрисида»ги қонунларга ўзгартириш ва қўшимчалар киритилди. Яъни, эндиликда:

— Кузатув кенгаши таркибига сайланган мустақил аъзоларнинг реестри юритилади ҳамда корхона расмий веб-сайтларида эълон қилинади;

— Мустақил аъзоликка номзодлар кузатув кенгаши томонидан танлов асосида танлаб олиниб, умумий йиғилишга киритилади.

● Батафсил
🔹🔹🔹🔹

Telegram | Facebook | Instagram | Youtube | Медиабанк

#брифинг

🚊 Ер усти метро йўналиши эстакадаси остидаги ҳудудларда жами 2700 ўринли автотураргоҳлар ташкил этилади

Бу ҳақда АОКАда ўтказилган брифингда «Тошкент метрополитени» ДУК ҳаракат хизмати раҳбари Султон Қодиров маълум қилди:

🔹🔹🔹🔹
Президент қарори асосида метрополитен бекатларида савдо шохобчалари фаолияти тикланади. Ҳозирда «Новза» метро бекатининг пиёдалар ўтиш йўлагида тажриба-синов тариқасида савдо шохобчаларини қуриш ишлари амалга оширилмоқда.

Шунингдек, Тошкент шаҳар Яшнобод туманидан ўтувчи ер усти метро йўналиши эстакадаси остидаги (умумий ер майдони 2,9 гектар) ҳудудда 1200 ўринли бешта автотураргоҳ ҳамда Сергели туманидан ўтувчи ер усти метро йўналиши (умумий ер майдони 3,37 гектар) ҳудудида 1500 ўринли еттита автотураргоҳ ташкил этиш режалаштирилган.

● Батафсил
🔹🔹🔹🔹

Telegram | Facebook | Instagram | Youtube | Медиабанк

#брифинг

🧑‍💻 Янги технология орқали индий металли ажратиб олинди, унинг 1 килограмми ҳозир жаҳон бозорида 230 долларни ташкил этади

Бугун АОКАда «Олмалиқ» КМК ахборот хизмати раҳбари Умида Қаршибоева иштирокида ўтказилган брифингда комбинат мутахассисларининг илмий изланишлари натижасида эришилган ютуқлар тўғрисида маълумот берилди:

🔹🔹🔹🔹
Индий металли заргарлик буюмлари, электроника, тиббиёт, космик ускуналар ва ярим ўтказгичларда қўлланилади. Шунингдек, индий коррозияга қарши қопламалар таркибига қўшилади ҳамда смартфон, планшет экран қавати ва автомобил фаралари ишлаб чиқарилишида ишлатилади.

Бугунги кунда индий металли Россия, Хитой, Австралия, Ҳиндистон, Боливия, Қозоғистон, Канада, Перу каби давлатларда ишлаб чиқарилади.

Индий металлини ишлаб чиқариш бўйича саноат тажрибалари якунланганидан сўнг, жорий йилнинг 2-чорагидан бошлаб комбинатда маҳсулот олиниши режалаштирилган.

● Батафсил
🔹🔹🔹🔹

Telegram | Facebook | Instagram | Youtube | Медиабанк

#брифинг

☑️ «Иссиқлик электр станциялари» АЖ: 2022 йилда ишлаб чиқарилган маҳсулот таннархи 1,36 трлн сўмга пасайтирилди

Бу ҳақда АОКАда ўтказилган брифингда мазкур акциядоррлик жамияти ахборот хизмати раҳбари Муҳаммаджон Бекмуҳаммедов маълум қилди:

🔹🔹🔹🔹
Ўзбекистонда ишлаб чиқарилаётган электр энергиясининг 80 фоизи «Иссиқлик электр станциялари» АЖ зиммасига тўғри келади.

Сўнгги йилларда амалга оширилган инвестиция лойиҳалари натижасида қўшимча 3504 МВт янги қувватлар ишга туширилиб, 1800 МВт мавжуд энергоблоклар модернизация қилинди. Натижада энерготежамкор, энг замонавий-энергосамарадор ускуналарнинг умумий қуввати 5304 МВтга етди

Ўтган олти йил давомида ушбу лойиҳаларни амалга ошириш учун жами 4,6 млрд доллар сарфланган, шундан ташқи инвестициялар 2,1 млрд долларини ташкил этди.

2023 йилда корхона томонидан жами 5 та инвестиция лойиҳаси доирасида жами 285,3 млн доллар йўналтирилиши режалаштирилган.

● Батафсил
🔹🔹🔹🔹

Telegram | Facebook | Instagram | Youtube | Медиабанк