#Бобур_540

***

Ким кўрубдур, эй кўнгул, аҳли жаҳондин яхшилиғ?
Кимки, ондин яхши йўқ, кўз тутма ондин яхшилиғ!

Гар замонни нафй қилсам, айб қилма, эй рафиқ,
Кўрмадим ҳаргиз, нетайин, бу замондин яхшилиғ!

Дилраболардин ёмонлиқ келди маҳзун кўнглума,
Келмади жонимға ҳеч ороми жондин яхшилиғ.

Эй кўнгул, чун яхшидин кўрдунг ямонлиқ асру кўп,
Эмди кўз тутмақ не, яъни ҳар ямондин яхшилиғ?

Бори элга яхшилиғ қилғилки, мундин яхши йўқ —
Ким, дегайлар даҳр аро қолди фалондин яхшилиғ!

Яхшилиғ аҳли жаҳонда истама Бобур киби,
Ким кўрубдур, эй кўнгул, аҳли жаҳондин яхшилиғ?!

Заҳириддин Муҳаммад Бобур

Telegram | Facebook | Instagram | Youtube | Медиабанк

#БУГУН_ТУҒИЛГАН_КУН

Бош прокуратура ҳузуридаги Мажбурий ижро бюроси директори матбуот котиби – ахборот сиёсати масалалари бўйича маслаҳатчиси Тошпулатов Фаррух Аззамқулович 1980 йил 14 февралда Жиззах вилоятида туғилган. У 2019 йилдан буён ушбу лавозимда ишлайди.

Ф.Тошпулатов 2002-2019 йилларда Бош прокуратураси ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиши департаменти Арнасой тумани бўлимида, департаментнинг матбуот гуруҳида ва бошқа ташкилотларда фаолият юритган.

Telegram | Facebook | Instagram | Youtube | Медиабанк

#БУГУН_ТУҒИЛГАН_КУН

“Ҳудудий электр тармоқлари” АЖ Бошқарув раиси матбуот котиби – ахборот сиёсати масалалари бўйича маслаҳатчиси Нуралиев Фахриддин Абдусатторович 1984 йил 14 февралда Сурхондарё вилоятида туғилган. У 2019 йилдан буён ушбу лавозимда ишлайди.

Ф.Нуралиев 2013-2019 йилларда ЎзЭОАВМА ахборот хизмати раҳбари, собиқ “Ўзбекэнерго” АЖ матбуот котиби сифатида фаолият юритган.

Telegram | Facebook | Instagram | Youtube | Медиабанк

📢 14 февраль, сешанба куни АОКАда ўтказилиши режалаштирилган брифинглар:

〰️〰️〰️
🦠 Мавзу: «Маҳалла» хайрия жамоат фондининг 2022 йилдаги фаолияти сарҳисоби
● Вақти: 12:00
● Иштирок этади: Ҳасан Саломов, фонд ахборот хизмати раҳбари

〰️〰️〰️
🦠 Мавзу: «Пахта хомашёси етиштирувчилар фаолиятини янада қўллаб-қувватлашнинг қўшимча чора-тадбирлари тўғрисида»ги Президент Фармони мазмун-моҳияти
● Вақти: 14:00
● Иштирок этади: Соатмурод Қулмирзаев,
Қишлоқ хўжалиги вазирлиги бошқарма бошлиғи ўринбосари

〰️〰️〰️
🦠 Мавзу: Тошкентда ҳавонинг ифлосланиши, унга таъсир қилувчи омиллар ва уларни бартараф этиш бўйича кўрилаётган чоралар
● Вақти: 16:00
● Иштирок этади: Азиз Калимбетов, Табиат ресурслари вазирлиги бошқарма бошлиғи

Telegram | Facebook | Instagram | Youtube | Медиабанк

Деҳқон хўжаликлари ташкил этиш учун фуқароларга ерлар қандай ўлчамларда ажратилишини биласизми?

Деҳқон хўжаликларини ташкил этиш учун ажратилган ерларга уй-жой ва бино-иншоотлар қуриш қатъиян тақиқланади. Бундай ҳаракатлар Ер кодексининг 36-моддасига мувофиқ ер участкасига бўлган ҳуқуқ бекор қилинишига сабаб бўлади.

Telegram | Facebook | Instagram | Youtube | Медиабанк

Шовот туманидаги метан газ шохобчасида 11-феврал куни соат 7:00дан 8:00га қадар автомобилларга 1 метр куб сиқилган газ 3000 сўмдан сотилгани маълум бўлган. Шундан сўнг, тушунтириш ишлари олиб борилиб, 2700 сўмдан сотилиши таъминланган

Айрим ижтимоий тармоқларда “Хоразм вилояти Шовот туманида метан газ нархини 2700 сўмдан 3000 сўмга чиқаришди” сарлавҳали хабар эълон қилинди.

Ушбу ҳолат юзасидан қуйидагиларни маълум қиламиз:

Ушбу ҳолат Хоразм вилояти, Шовот тумани, Хитой қишлоғида жойлашган “Яшнарбек Ражабов” хусусий корхонасига қарашли АГТКШда 2023-йил 11-феврал куни соат 7:00дан 8:00га қадар автомобилларга 1 метр куб сиқилган газ 3000 сўмдан сотилганлиги маълум бўлган.

Шу куннинг ўзида корхона раҳбарияти билан шохобчада юзага келган ушбу ҳолат муҳокама қилиниб тушунтириш ва тавсиялар берилган.

Шундан сўнг, 2023-йил 11-феврал куни соат 8:00дан бошлаб шохобчада автомобилларга 1 метр куб сиқилган газни 2700 сўмдан сотилиши йўлга қўйилган ва ҳозирги кунда ҳам ушбу нархда сотилмоқда.

Telegram | Facebook | Instagram | Youtube | Медиабанк

Ўзбекистон Республикаси Президенти Шавкат Мирзиёев таниқли маданият арбоби, Олий Мажлис Сенатининг Ёшлар, маданият ва спорт масалалари қўмитаси раиси Бахтиёр Сайфуллаев вафоти муносабати билан ҳамдардлик билдирди.

Telegram | Facebook | Instagram | Youtube | Медиабанк

📢 15 февраль, чоршанба куни АОКАда ўтказилиши режалаштирилган брифинглар:

〰️〰️〰️
📌 Мавзу: 2022 йил давомида"Ўзсувтаъминот" АЖ тизимида коррупцияга қарши курашиш борасида амалга оширилган ишлар
● Вақти: 12:00
● Иштирок этади: Акмал Муродов, Акционерлик жамияти ахборот хизмати раҳбари

〰️〰️〰️
📌 Мавзу: Аҳолидан келиб тушаётган энг муҳим масалалар юзасидан савол-жавоблар
● Вақти: 16:00
● Иштирок этади: Неъмат Атамуратов, Кадастр агентлиги ахборот хизмати раҳбари

Telegram | Facebook | Instagram | Youtube | Медиабанк

Мактабгача ва мактаб таълими вазирлиги ҳудудий бўлинмалари маҳаллий ҳокимликлар тузилмасига ўтказилаётгани бўйича ижтимоий тармоқларда тарқалаётган хабарлар юзасидан Мактабгача ва мактаб таълими вазирлиги қуйидагиларни маълум қилади:

Ўзбекистон Республикаси Президентининг “Республика ижро этувчи ҳокимият органлари ва маҳаллий ҳокимликлар масъулиятини ошириш бўйича қўшимча чора-тадбирлари тўғрисида”ги Фармони лойиҳасида Мактабгача ва мактаб таълими вазирлигининг ҳудудий бўлинмаларини маҳаллий ҳокимликлар тузилмасига ўтказиш қайд этилган ва ушбу ҳужжат лойиҳасини тегишли вазирлик ва давлат идоралар билан келишиш учун Адлия вазирлиги томонидан норматив-ҳуқуқий ҳужжатлар лойиҳасини ишлаб чиқиш ва келишишнинг ягона электрон тизими — project.gov.uzга жойлаштирилган.

Шу ўринда таъкидлаш жоизки, ушбу норматив-ҳужжат ҳозирда лойиҳа бўлиб, расмий кучга эга эмас. Айни дамда Мактабгача ва мактаб таълими вазирлиги томонидан Фармон лойиҳасидаги тегишли бандлар бўйича эътироз билдирилиб, Адлия вазирлиги билан музокаралар ўтказилган.

Юқоридагиларни инобатга олган ҳолда, Мактабгача ва мактаб таълими вазирлигининг ҳудудий бўлинмаларини маҳаллий ҳокимликлар тузилмасига ўтказилаётгани бўйича соҳа ходимлари ва кенг жамоатчилик вакилларининг хавотирига ўрин йўқлигини маълум қиламиз.

Telegram | Facebook | Instagram | Youtube | Медиабанк