❗️CCВ: Бухорода “Цинепар” сиропини ичиш туфайли болалар ўлими кузатилгани ҳақидаги хабарлар асоссиз

Ижтимоий тармоқларда Бухоро вилоятида бир куннинг ўзида “Цинепар” сиропини ичган 23 нафар бола вафот этгани ҳақида хабарлар тарқалди.

Соғлиқни сақлаш вазирлиги бу маълумотлар мутлақо асоссиз ва ҳақиқатга зид эканлигини маълум қилади.

Ўрганишлар давомида Бухоро вилоятидаги тиббиёт муассасаларида даволанган болаларда ушбу препаратни қабул қилиш туфайли ҳеч қандай ўлим ҳолати кузатилмаган.

Шунга қарамай, вазирлик юртдошларимизга ҳар қандай дори воситасидан шифокор кўрсатмасисиз ва ўзбошимчалик билан фойдаланмаслик зарурлигини яна бир бор эслатиб ўтади.

Telegram | Facebook | Instagram | Youtube | Медиабанк

📹 Президент камбағалликни қисқартириш ва аҳоли бандлигини таъминлаш борасида қилинган ишларни сарҳисоб қилиб, жорий йилда эришилиши лозим бўлган кўрсаткичларни айтди

Telegram | Facebook | Instagram | Youtube | Медиабанк

📱 “BUKHARA NEWS” ахборот ресурсида эълон қилинган “Бир куннинг ўзида “Цинепар” сиропини ичган 23 нафар бола ўлиб қолгани айтилмоқда” номли видео мурожаат юзасидан Бухоро вилояти прокуратураси ахборот хизматининг

📣РАСМИЙ МУНОСАБАТИ

🔍“BUKHARA NEWS” ахборот ресурси томонидан маълумотларнинг ҳаққонийлиги ўрганилмасдан видеомурожаат эълон қилинганлиги оқибатида аҳоли орасида ваҳима чиқаришга қаратилган маълумотлар тарқатилганлиги ҳолати бўйича вилоят прокуратураси томонидан Жиноят Кодексининг 244 1-моддаси (жамоат хавфсизлиги ва жамоат тартибига таҳдид соладиган материалларни тайёрлаш, сақлаш, тарқатиш ёки намойиш этиш) билан жиноят иши қўзғатилди.

📚Ўзбекистон Республикасининг “Ахборотлаштириш тўғрисида”ги Қонунининг 12¹- моддасида ахборот ресурсининг эгаси, шу жумладан блогерларга ўз веб - сайтига ва (ёки) веб - сайт саҳифасига ёхуд бошқа ахборот ресурсига ҳамма эркин фойдаланиши мумкин бўлган ахборот жойлаштирилгунига қадар унинг тўғрилигини текшириш мажбурияти юклатилган.

👮‍♂️Қўзғатилган жиноят иши бўйича дастлабки тергов ҳаракатларини олиб бориш вилоят ИИБга юклатилди.

📝Тергов жараёни тўғрисида қўшимча ахборот берилади.

Telegram | Facebook | Instagram | Youtube | Медиабанк

❗️Тошкентда ўрнатиладиган тиббий контейнерлар аҳолига стационар эмас, балки тезкор бирламчи тиббий хизмат кўрсатишга мўлжалланган

Ижтимоий тармоқларда Тошкент шаҳрида ўрнатиладиган тиббий контейнерлар хусусида танқидий фикрлар эълон қилинди.

Унда айтилганидек, Тошкент шаҳар ҳокими вазифасини бажарувчи Б.Раҳмоновнинг қарорига кўра, пойтахтдаги 40 та маҳаллага ўрнатилган контейнерларда тиббиёт пунктлари ташкил этилиши белгиланган. Бунинг учун 900 миллион сўм маблағ ажратилади. Йил давомида шаҳар бўйлаб жами 170 та контейнер ўрнатилиши режалаштирилмоқда.

Бу муассасалар барча зарур дори-дармонлар, керакли тиббий буюмлар, жумладан, ЭКГ ва 18 турдаги тиббий асбоб-ускуна ҳамда жиҳозлар билан таъминланади. Эрталаб соат 8:00 дан кечки 20:00 гача ишловчи икки койкали “кичик шифохона”да умумий амалиёт шифокори ва 2 нафар ҳамшира аҳолига мобиль тиббий хизмат кўрсатади.

Бундай маҳалла тиббиёт пунктлари диспансер назоратида турган кексалар, ҳомиладор аёллар ва болаларни тиббий кўрикдан ўтказишда оилавий шифокорга катта енгиллик беради.

Фуқароларнинг эса оддий кўриклар учун ўз ҳудудидаги поликлиникага қатнашига зарурат қолдирмайди. Чунки улар пойтахтнинг аҳоли гавжум бўлган кўп қаватли уйлари ёнига ўрнатилади.

Ушбу пунктларни жиҳозлаш, уларнинг узлуксиз фаолиятини таъминлаш Тошкент шаҳар ҳокимлиги томонидан амалга оширилади. Шунингдек, бу кичик муассасаларга электр энергия ва сув тармоқлари тортилиб, иссиқ ҳамда совуқ кунларда ҳаво мўътадиллигини таъминловчи мосламалар ўрнатилади.

Бу тиббий пунктлар беморларнинг стационар даволанишига эмас, балки уларга бирламчи тезкор хизмат кўрсатиш учун мўлжалланган. Ажратилаётган маблағлар эса кичик “поликлиника”да ҳам худди оилавий поликлиникалардаги шароитларни ҳозирлаш учун сарфланади.
Telegram | Facebook | Instagram | Youtube | Медиабанк

“Наманганда 30 мингдан ортиқ бройлер совуқдан музлаб ўлган – Effectuz вазият бўйича суриштирув ўтказади” сарлавҳали материал юзасидан Чортоқ тумани ҳокимлиги ахборот хизмати расмий муносабат билдирди.

«FUJOZE TEKS» МЧЖ раҳбари, тадбиркор Жаҳонгир Абдураимов ҳозирда ҳорижда сафарда бўлгани сабабли унинг акаси Фурқатжон Абдураимов фикрини билдирди. Масъуллар иштирокида ўтказилган ўрганишда ҳам бу хабар ўз тасдиғини топмади.

Қолаверса, туман ветеринария ва чорвачиликни ривожлантириш бўлимида штаб фаолияти йўлга қўйилган бўлиб, «FUJOZE TEKS» МЧЖ дан мурожаат бўлмаган. Сабаби бу МЧЖ мавсумий тарзда фаолият юритади ва у гўшт йўналишига ихтисослашмаган.

Telegram | Facebook | Instagram | Youtube | Медиабанк

СУДЛАР ТОМОНИДАН 2022 ЙИЛДА КЎРИБ ЧИҚИЛГАН ЖИНОЯТ ИШЛАРИ ЮЗАСИДАН АХБОРОТ

2022 йил давомида жиноят ишлари бўйича судлар томонидан 75 078 нафар шахсга нисбатан 58 697 та жиноят иши кўриб чиқилди.

Батафсил👈

Telegram | Facebook | Instagram | Youtube | Медиабанк

Президент Шавкат Мирзиёев раислигида ўтган видеоселектор йиғилишида камбағалликни қисқартириш ва аҳоли бандлигини таъминлаш ҳамда кичик бизнесни ривожлантиришга қўшимча шароитлар яратиш чора-тадбирлари белгилаб олинди.

Telegram | Facebook | Instagram | Youtube | Медиабанк