Экспортёр корхоналарга 5 миллион АҚШ долларигача бир марталик молиявий ресурслар тақдим этилади

Бу ҳақда Адлия вазирлигининг "Ҳуқуқий ахборот" канали маълум қилди.

“Экспортчи корхоналарни рағбатлантиришга оид қўшимча чора-тадбирлар тўғрисида”ги Президент фармони қабул қилинди

🔘 Фармонга кўра, 2021 йил 1 октябрдан:

● Йиллик экспорт ҳажми 20 миллион АҚШ долларидан ошган корхоналарга экспорт савдо операциялари ва экспортолди молиялаштириш кредитлари учун бир марталик молиявий ресурслар 5 миллион АҚШ долларигача миқдорда, бир йилгача муддатга тақдим этилади;

● Охирги 12 ой давомида 1 миллион АҚШ долларидан ортиқ тайёр тўқимачилик маҳсулотларини экспорт қилган корхоналарга асосий ва ёрдамчи ишлаб чиқариши учун бутловчи буюмлар, хомашё ва материаллар олиб киришда божхона тўловларини тўлаш бўйича фоиз ҳисобланмаган ҳамда уларнинг тўланишини таъминлаш талаб этилмаган ҳолда 120 кунга кечиктириш имконияти берилади.

📌 Ташқи савдо операциялари бўйича муддати ўтган дебитор қарздорлик учун хўжалик юритувчи субъектларга жарималар қўлланилиши 2021 йил 31 декабргача тўхтатилади.

☑️ Шунингдек, 2021 йил 1 октябрдан юқори сифат ва назорат тизимига эга мамлакатлардан сертификатланган ва декларацияланган асбоб-ускуна, бутловчи қисмлар, хомашё, ўлчов воситалари, кимёвий реагентлар, кўтариш мосламалари ва транспорт воситалари импортида миллий сертификат олиш талаби бекор қилинади.

https://t.iss.one/Rasmiy_xabarlar_Official

АОКАда Ўрмон хўжалиги давлат қўмитаси мутасаддилари иштирокида ўтказилган матбуот анжуманидан:

〰️〰️〰️
📝 Ўрмон хўжалиги илмий-тадқиқот институти томонидан амалиётга жорий этилган ишланмалар: 2016-2017 йилларда — 13 та йўналишда 1,4 млрд сўмлик илмий лойиҳалар; 2018-2021 йилларда — 3,5 млрд сўмлик 14 та илмий лойиҳа: шундан 11 та инновацион ишланма амалиётга татбиқ этилди.

🌱 Натижада дунё селекциясига оид 76 турдаги ёғочбоп дурагай терак, павловниянинг 2 та «шанг-тонг» ва «томентоза» навини ин-витро лабораторияларида кўпайтириш технологиялари қўлланди.

💧2018-2019 йилларда қуриган Орол денгизи тубининг 1,2 млн.га. майдонида ҳимоя ўрмонлари барпо этиш: кўчатларни комбинациялашган ҳолда экиш усулидан фойдаланилди.

🌳 Орол денгизи тубида ихота ўрмонзорларини барпо этиш учун чўл ўсимликларининг ниҳол ва кўчатларини автоматик экувчи агрегат машинаси яратилиб, 25 та нусхаси татбиқ этилди. Бу иш самарадорлигини соатига 4000 донагача (4 км) оширишга имкон берди.

● Инфографика

Расмий хабарлар | Медиабанк

АОКАда Вазирлар Маҳкамаси ҳузуридаги Таълим сифатини назорат қилиш инспекцияси ахборот хизмати раҳбари Шавкат Хўжақулов иштирокида брифинг ўтказилди.

〰️〰️〰️

🔰Брифингда қуйидаги саволларга жавоб қайтарилди:

📎 Ўзбекистондаги нодавлат олий таълим ташкилотлари томонидан бериладиган диплом давлат олийгоҳлари дипломи билан бир хил кучга эгами?

📎 Хорижий олий таълим муассасасининг дипломи Ўзбекистонда тан олиниши учун нималарга эътибор қаратишим лозим ?

📎 Дипломга апостиль қўйдириш қандай амалга оширилади? Бу жараён қанча вақт олади?

📎 Қайси ҳолатларда хорижий олий таълим муассасаси дипломи Ўзбекистонда тан олинмайди?

✔️ Барча саволларнинг жавоблари — ушбу линкда

Расмий хабарлар | Медиабанк

29-30 сентябрь кунлари Тошкент шаҳрида "Ўзбекистон: Иқтисодий ислоҳотлар сарҳисоби ва истиқболи" мавзусидаги Форум ўтказилади.

Форумда иштирок этиш ва батафсил маълумот билан economic-forum.uz ҳаволаси орқали танишишингиз мумкин.

https://t.iss.one/Rasmiy_xabarlar_Official

АОКАда Савдо-саноат палатаси бошқарма бошлиғи Бобур Ҳамраев иштирокида брифинг ўтказилди.

Брифингда Ўзбекистон Президентининг тадбиркорлар билан очиқ мулоқоти давомида берилган имтиёзлар, белгиланган вазифалар ҳақида сўз юритилди.

👉 Батафсил

Расмий хабарлар | Медиабанк

Ўзбекистон Афғонистонда муваққат Ҳукумат тузилганини олқишлади

Бу ҳақда Ташқи ишлар вазирлиги расмий вакили баёнот берди.

➖Умид қиламизки, мазкур қарор мамлакатда кенг кўламли миллий келишувга эришилиши ҳамда мустаҳкам тинчлик ва барқарорлик ўрнатилиши томон илк қадам бўлиб қолади.

Афғонистоннинг янги давлат идоралари билан конструктив мулоқот ва амалий ўзаро ҳамкорликни ривожлантиришга тайёрлигимизни билдирамиз”, — дейилади вазирлик баёнотида.

https://t.iss.one/Rasmiy_xabarlar_Official

🇺🇿🇹🇯 Ўзбекистон ва Тожикистон Президентлари телефон орқали мулоқот қилдилар. Давлатимиз раҳбари биродар Тожикистон Президенти ва халқини мамлакат мустақиллигига эришилганининг 30 йиллиги билан самимий муборакбод этиб, тинчлик-осойишталик, фаровонлик, катта муваффақиятлар ва равнақ тилакларини изҳор этди.

Президентлар 16-17 сентябрь кунлари Душанбе шаҳрида ўтказиладиган ШҲТ саммити тадбирларига тайёргарликнинг боришини кўриб чиқдилар, шунингдек, Афғонистондаги вазият юзасидан фикр алмашдилар.

● Батафсил

〰️〰️〰️
🇺🇿🇹🇯 Президенты Узбекистана и Таджикистана провели телефонный разговор. Глава нашего государства сердечно поздравил Президента и братский народ Таджикистана с 30-летием независимости страны, выразил искренние пожелания мира, благополучия, больших успехов и процветания.

Президенты рассмотрели ход подготовки к предстоящим мероприятиям саммита ШОС 16-17 сентября в городе Душанбе, а также обменялись мнениями по ситуации в Афганистане.

● Подробно

https://t.iss.one/Rasmiy_xabarlar_Official

9 сентябрь, пайшанба куни ўтказилиши режалаштирилган тадбирлар:

〰️〰️〰️
🔰 Матбуот анжумани

● Мавзу: Ўзбекистон жамоаларининг «АрМИ-2021» VII Халқаро армия ўйинларидаги тарихий натижалари юзасидан
● Вақти: 12:00
● Иштирок этади: Мудофаа вазирлиги мутасаддилари

〰️〰️〰️
🔰 Брифинг

● Мавзу: 2021 йилда Ўзбекистонда ишга туширилган йирик лойиҳалар
● Вақти: 14:00
● Иштирок этади: Шоҳрасул Шоҳаъзамий, Инвестициялар ва ташқи савдо вазирлиги бошқарма бошлиғи

〰️〰️〰️
🔰 Брифинг

● Мавзу: Куз-қиш мавсумида юзага келиши мумкин бўлган фавқулодда вазиятларнинг олдини олиш масалалари
● Вақти: 16:00
● Иштирок этади: Самандар Ҳикматуллаев, Фавқулодда вазиятлар вазирлиги ахборот хизмати бошлиғи ўринбосари

〰️〰️〰️
✏️ Саволларни @Rasmiy_aloqabot га жўнатишингиз мумкин.

ОАВ ходимлари таклиф этилади.

https://t.iss.one/Rasmiy_xabarlar_Official

⚡️Бироздан сўнг Тадбиркорлар ва ишбилармонлар ҳаракати — Ўзбекистон Либерал-демократик партиясининг съезди бошланади.

Унда Ўзбекистон Республикаси Президенти Шавкат Мирзиёев иштирок этади.

Бу ҳақда давлат раҳбари матбуот котиби Шерзод Асадов маълум қилди.

https://t.iss.one/Rasmiy_xabarlar_Official

Тадбиркорлар ва ишбилармонлар ҳаракати – Ўзбекистон Либерал-демократик партиясининг X съезди бошланди.

Партия ахборот хизмати маълум қилишича, Съезднинг делегатлари тасдиқлаб олинди. Биринчи масала юзасидан партиядан Ўзбекистон Республикаси Президентлигига номзод кўрсатиш масаласи муҳокама қилинмоқда.

Партия лидери Актам Хаитов Шавкат Мирзиёевнинг номзоди ҳақида тўхталиб, биографик маълумотларни ўқиб эшиттирмоқда. Шунингдек, ўтган 5 йил давомида амалга оширилган ислоҳотларга эътибор қаратиляпти.

https://t.iss.one/Rasmiy_xabarlar_Official