АОКАда Фавқулодда вазиятлар вазирининг биринчи ўринбосари, генерал-майор Абдулла Қўлдошев иштирокида махсус брифинг ўтказилди.

Унда Сардоба сув омборида юз берган техноген ҳодиса оқибатларини бартараф этиш ва унинг сабабларини ўрганиш натижалари тўғрисида маълумот берилди.

————

📈 2020 йил 1 май куни Сирдарё вилоятидаги Сардоба сув омбори тўғонининг емирилиши натижасида юз берган сув тошқини оқибатида бир қанча аҳоли пунктлари, бино-иншоотлар ҳамда экин майдонлари жиддий талафот кўрди.

▪️Энг ачинарлиси, мазкур ҳодиса туфайли 6 нафар фуқаро қурбон бўлиб, бир киши бедарак йўқолди.

🔰Давлат раҳбари топшириғи билан, тошқин оқибатларини бартараф этиш, авария-тиклаш ишларини олиб бориш, зарар кўрган аҳолига ҳар томонлама амалий ёрдам кўрсатиш бўйича Ҳукумат комиссияси тузилиб, қуйидаги ишлар амалга оширилди.

1️⃣ Минглаб махсус техникалар ва куч воситалари ёрдамида 110 мингдан зиёд аҳоли зудлик билан хавфсиз жойларга эвакуация қилиниб, вақтинча турар жой, озиқ-овқат, тиббий-психологик ёрдам ва бошқа зарур воситалар билан таъминланди.

👉 Шу билан бирга, республикамизнинг турли минтақаларидан дори-дармон, кийим-кечак, қурилиш материаллари, молиявий ёрдам ҳамда “Мадад карвонлари” етиб келди.

👉 Бугунги кунда тўғоннинг шикастланган қисмида 800 метр узунликда дамба барпо этилиб, таъмирлаш-тиклаш ишларининг биринчи босқичи якунланди.

2️⃣ Зарар кўрган аҳоли пунктларини қайта тиклаш ҳамда кўп қаватли замонавий уй-жойлар, ижтимоий соҳа ва инфратузилма объектларини қуриш бўйича катта ҳажмдаги ишлар амалга оширилди.

👉 Жумладан, 2640 хонадондан иборат 86 та кўп қаватли янги уй-жой қурилиб, барча ижтимоий-иқтисодий ва транспорт-муҳандислик инфратузилмасига эга бўлган 3 та замонавий шаҳарча барпо этилди;

👉1830 та бетон панелли уйлар ва 50 та кўп қаватли уй-жой таъмирланди. Бундай чора-тадбирлар натижасида талафотдан жабр чеккан барча оилалар қисқа муддатда тўлиқ уй-жой билан таъминланди;

👉 тошқиндан зарар кўрган 4800 оилага 40 млн. сўмдан моддий ёрдам, маиший техника воситалари ва чорва моллари ажратилди;

👉 37 та ижтимоий соҳа объектлари, яъни 10 та боғча, 16 та мактаб, 8 та тиббиёт муассасаси, 1 та коллеж биноси мукаммал таъмирланди ва капитал реконструкция қилинди;

👉 1тадан янги мактаб ва боғча, 72 та болалар спорт майдончаси ҳамда воркаутлар барпо этилди;

👉 205 км умумфойдаланув ва ички хўжалик йўллари ҳамда 14 та кўприкда қурилиш-таъмирлаш ишлари бажарилди;

👉 121 км ичимлик ва оқова сув тизими, 8 км канализация, 345 км электр энергияси ва 94 км табиий газ тармоқлари тортилди.

👉 189 км ирригация ва мелиорация объектлари, 68 та балиқчилик ва чорвачилик хўжаликлари фаолияти қайта тикланди.

https://t.iss.one/Rasmiy_xabarlar_Official

❗️Сардоба сув омбори тўғонининг ўпирилиши сабабларини халқаро экспертлар ўрганди

Бу ҳақда АОКАда ўтказилган брифингда Фавқулодда вазиятлар вазирининг биринчи ўринбосари, генерал-майор Абдулла Қўлдошев маълум қилди.

————

🔎 «Франция, Голландия, Россия, Туркия, Қозоғистон ҳамда мамлакатимизнинг юқори малакали экспертларининг таҳлил ва хулосалари асосида ўпирилиш сабаблари атрофлича ўрганиб чиқилиб, зарур чора-тадбирлар белгиланди.

🔎 Москва давлат қурилиш университети, “Қурилиш соҳасида муҳандислик изланишлари, геоахборот ва шаҳарсозлик кадастри” давлат илмий-тадқиқот лойиҳа институти томонидан тўғоннинг мустаҳкамлигини аниқлаш бўйича муҳандислик-қидирув изланишлари ва илмий-амалий тадқиқотлар олиб борилди.

🔎 Хусусан, тўғон бўйлаб 45 метргача чуқурликда 60 та геологик тик қудуқлар қазилиб, 2100 та тупроқ намуналари олинди ҳамда замонавий лаборатория ускуналари ёрдамида уларнинг физик, механик ва кимёвий хусусиятлари ўрганилди;

➖ иншоотнинг деформациясини ўрганиш мақсадида тўғон бўйлаб 423 та махсус белги ва 21 та таянч геодезия нуқталари ўрнатилди;

➖ тўғондаги горизонтал силжишларни аниқлаш учун 444 та нуқтада халқаро ва давлат стандартлари асосида юқори аниқликдаги махсус ўлчовлар амалга оширилди.

🔎 Шу билан бирга, малакали мутахассислардан иборат махсус ишчи гуруҳлар тузилиб, республикамиздаги барча йирик гидротехник иншоотлар техник кўрикдан ўтказилди. Кўрик натижалари асосида уларнинг хавфсизлигини таъминлаш бўйича комплекс чора-тадбирлар ишлаб чиқилиб, амалга оширилмоқда.

🔹 Бу соҳадаги ишларни тизимли ташкил этиш мақсадида Ўзбекистон Республикаси Вазирлар Маҳкамаси ҳузуридаги Сув хўжалиги объектлари хавфсизлигини назорат қилиш давлат инспекцияси ташкил этилди».

https://t.iss.one/Rasmiy_xabarlar_Official

⚡️Сардоба сув омбори ўпирилишига нима сабаб бўлгани ҳақида расмий хулоса эълон қилинди

Ўрганиш хулосалари ҳақида Фавқулодда вазиятлар вазирининг биринчи ўринбосари, генерал-майор Абдулла Қўлдошев АОКАда ўтказилган брифингда маълум қилди.

———

🔎 Олиб борилган тадқиқот ва таҳлиллар натижасига кўра, тўғон ўпирилишига бир қатор омиллар сабаб бўлганлиги аниқланди.

👉 Биринчидан, Сув хўжалиги вазирлиги томонидан буюртмачи хизматини ташкил этиш, лойиҳалаштириш ва қурилиш ишларини олиб боришда масъулиятсизликка йўл қўйилган;

🔹иншоотни тўлақонли эксплуатация қилишда мазкур сув омборидан фойдаланиш қоидалари тасдиқланмаган, бу жараёнда белгиланган техник ва меъёрий талаблар қўпол равишда бузилган.

👉 Иккинчидан, “UzGip” МЧЖ лойиҳа ташкилоти томонидан сув омборининг ишчи лойиҳа ҳужжатларини тайёрлаш жараёнида тасдиқланган Техник-иқтисодий асосларда белгиланган ечимларга риоя қилинмасдан, унга ўзбошимчалик билан ўзгартиришлар киритилган. Ишчи лойиҳа ҳужжатларида тўғоннинг конструктив ва сейсмик мустаҳкамлиги инобатга олинмаган.

👉Учинчидан, “Ўзбекистон темир йўллари” АЖнинг пудрат ташкилоти ва ёрдамчи пудрат ташкилотлари томонидан тўғон танаси тупроғининг зичлиги, фильтр ва ҳимоя тош қатлами қалинлиги лойиҳавий кўрсаткичдан паст бўлишига йўл қўйилган.

🔗 Сардоба сув омборини лойиҳалаштириш, қуриш ва тўғоннинг эксплуатацияси жараёнида хато ва камчиликларга йўл қўйилганлиги ҳолати бўйича буюртмачи, лойиҳачи, қурилиш ташкилотлари ҳамда эксплуатация хизматининг 17 нафар мансабдор ва мутасадди шахслари жиноий жавобгарликка тортилган.

❗️Айни пайтда уларга нисбатан айблов хулосаси Олий суд муҳокамасига ўтказилган.

📈 Ҳозирги вақтда сув омборини қуриш учун ажратилган бюджет маблағларининг қонуний сарфланганлиги юзасидан жиноят иши доирасида тафтиш ва тергов ҳаракатлари давом эттирилмоқда.

⚠️ Мазкур воқеага дахлдор барча мансабдор шахсларнинг хатти-ҳаракатларига яқин кунларда суд томонидан ҳуқуқий баҳо берилади. Бу ҳақида жамоатчиликка қўшимча ахборот тақдим этилади.

https://t.iss.one/Rasmiy_xabarlar_Official

«Қимор қачондан очиқчасига реклама қилинадиган бўлиб қолди?»

Kun.uz сайтида эълон қилинган мазкур сарлавҳали мақола бўйича кўрилган чоралар ҳақида Истеъмолчилар ҳуқуқларини ҳимоя қилиш агентлиги ахборот хизмати маълумот берди:
▪️Агенлик томонидан шаҳар ва туманлар ҳудудларида доимий олиб борилаётган кузатувлар давомида қонун ҳужжатларига зид равишда жойлаштирилаётган ташқи рекламалар, шу жумладан 1XBET букмекерлик компанияси қимор ўйинлари рекламалари бартараф этилмоқда.
▪️Хусусан, 1XBET букмекерлик компанияси қимор ўйинлари рекламаси қонун ҳужжатларига зид равишда жойлаштирилганлиги 26 та ҳолатда аниқланган ва барча қонунбузарликлар жойида бартараф этилган.
▪️Хўжаобод тумани марказидаги буюм бозори ва деҳқон бозори ўртасида 1XBET букмекер компанияси қимор ўйинлари рекламаси мавжудлиги аниқланди ва ноқонуний реклама бартараф этилди.

👉 Батафсил

t.iss.one/Rasmiy_xabarlar_Official

❓Шакар ва ўсимлик ёғи нархининг ўсиши сабаблари нимада?

АОКАда бўлиб ўтган матбуот анжуманида Монополияга қарши курашиш қўмитаси раиси ўринбосари Бекзод Умматов ушбу саволга жавоб берди.

Маълум қилинишича, шакар ва ўсимлик ёғи нархининг ўсиши жаҳон бозори конъюнктураси, яъни ўтларда шаклланадиган нархлар билан боғлиқ. Ўзбекистонда ўсимлик ёғининг асосий қисми импорт қилинади. Бу йил дунё миқёсида 9,1% миқдорда мойли маҳсулотлар ҳосили кам бўлди. Бундан ташқари бизга асосий экспортёр бўлган Россия давлатида ҳам ҳосил ўтган йилга нисбатан 13 фоиздан ошиқроқ кам бўлди.

Маҳсулотлар таннархи ошган бўлсада, ушбу маҳсулотлар танқислиги кузатилмаяпти. Ички бозорда маҳсулот етарли даражада мавжуд.

https://t.iss.one/Rasmiy_xabarlar_Official

❓Нега ёғлардан қўшимча қиймат солиғи олингандан кейин ҳам бозорларда нарх тушгани сезилмаяпти?

❓Чигит ўзимизда етиштириладиган маҳаллий маҳсулот бўлса нега пахта ёғи нархи ошган?

❓Ёғ маҳслотлари биринчи майдан бошлаб қўшимча қиймат солиғидан озод этилди. Бу бозордаги ёғ маҳсулотлари нархига қачондан таъсир кўрсатади?

📹 Жавоблар батафсил видеода

https://t.iss.one/Rasmiy_xabarlar_Official

🏛 Олий Мажлиснинг хорижий парламентлар билан ҳамкорлик гуруҳлари тўғрисида маълумот

https://t.iss.one/Rasmiy_xabarlar_Official

❗️«Озиқ-овқат нархи ошиб кетишининг олдини олиш бўйича кўрилган чоралар ўз самарасини берди», — Иқтисодий жиноятларга қарши курашиш департаменти

Бугун АОКАда Иқтисодий жиноятларга қарши курашиш департаменти бўлим бошлиғи Фарҳод Очилов иштирокида брифинг ўтказилди.

———
Муҳим маълумотлар:

📈 Департамент томонидан нарх-наво манипуляциясининг олдини олиш мақсадида мол, қўй ва товуқ гўшти, ўсимлик ёғи, картошка, пиёз, сабзи, тухум, шакар, гуруч ва ун маҳсулотлари ишлаб чиқарувчилари ҳамда йирик импортерлари билан доимий учрашувлар ўтказилмоқда.

▪️Бозорларнинг кириш ва аҳоли гавжум бўлган жойларида 1 814 та арзонлаштирилган махсус раста ва савдо нуқтаси ташкил қилиниб, уларга ишлаб чиқарувчилар бириктирилиб, маҳсулотларнинг узлуксиз равишда арзонлаштирилган нархда сотилиши таъминланмоқда.

«Кўрилган тадбирлар қиш-баҳор мавсумида ушбу маҳсулотлар тақчиллиги ёки улар нархларининг асоссиз ошиб кетишининг олдини олинишида ўз самарасини берганини бугун барчамиз гувоҳи бўлиб турибмиз», — деб таъкидлади Очилов.

📌Қайд этилишича, гўштга бўлган анъанавий талабни камайтириш мақсадида 209 та балиқ хўжалигига бозорлардан қулай ва харидоргир жойлар ажратилишига кўмаклашилди.

📌 Жорий йилнинг ўтган даврида 510 минг тонна маҳаллий ун қатъий нархларда аҳолига назорат остида етказиб берилиши таъминланди.

📌 Қурилиши режалаштирилган 2 162 та “яшил дала” дўконларининг 561 таси барпо қилиниб фойдаланишга топширилди.

https://t.iss.one/Rasmiy_xabarlar_Official

⚡️Пандемия даврида махсус жамғармалар ва бюджетдан аҳолига ажратилган 17,6 миллиард сўм талон-торож қилинган

Бу ҳақда АОКАда Иқтисодий жиноятларга қарши курашиш департаменти бўлим бошлиғи Фарҳод Очилов маълум қилди.

Қайд этилишича, пандемия даврида аҳолини ижтимоий қўллаб-қувватлаш ва иш билан таъминлаш борасида ташкил этилган махсус жамғармалар ва бюджет ажратилган маблағларининг мақсадли сарфланиши устидан тизимли назорат ўрнатиб борилди.

Мазкур йўналишда 2020 йил ва 2021 йилнинг 1-чорагида 17,6 млрд сўм маблағларнинг мақсадсиз сарфланганлиги ва талон-торож қилинганлиги аниқланиб, 64 та жиноят жиноят иши қўзғатилди.

Сифатсиз ёки қалбакилаштирилган дори воситалари ва тиббий буюмларнинг ноқонуний муомалага киритилишини олдини олиш, уларнинг ноқонуний муомаласига чек қўйиш борасида олиб борилган тезкор-қидирув тадбирлари натижасида 217 та ҳуқуқбузарлик аниқланиб, қонуний чоралар кўрилиши таъминланди.

Ноқонуний муомалага киритилиши мўлжалланган 10,5 млрд сўмлик сифатсиз ёки қалбакилаштирилган ҳамда кучли таъсир этувчи дори-дармон воситалари ва тиббий буюмларнинг олиб қўйилиши таъминланди.

Умумий ҳисобда Департамент органлари 2020 йил ва жорий йилнинг 1-чорагида фош этилган иқтисодий ва коррупцион жиноий ҳуқуқбузарликлар буйича бюджетга 750 млрд сўмдан ортиқ зарарларнинг ундирилиши таъминланди.

https://t.iss.one/Rasmiy_xabarlar_Official