«Олий таълим муассасаларига қабул параметрлари 2016 йилга нисбатан 2,5 баробарга ўсди. Ёшларимизни олий таълим билан қамраб олиш даражаси 9 фоиздан 25 фоизга етди.

Эҳтиёжманд оилаларнинг мингга яқин қизлари илк бор олий ўқув юртларига алоҳида давлат грантлари асосида қабул қилинди».

——————

Президент Шавкат Мирзиёевнинг Парламентга Мурожаатномасидан

@Rasmiy_xabarlar_Official

Шавкат Мирзиёев: Халқимизнинг букилмас иродаси, фидокорона меҳнати ва матонати туфайли мавжуд қийинчиликларни мардона енгиб ўтмоқдамиз
www.president.uz/uz/4048
—
Шавкат Мирзиёев: Благодаря непреклонной воле, самоотверженному труду и стойкости нашего народа мы мужественно преодолеваем все испытания
www.president.uz/ru/4048

#Mirziyoyev #Murojaatnoma #yilyakunlari #sarhisob

Prezident.uz|Facebook|Instagram|YouTube|Twitter

🏛 2021 йилда юртимизда 10 та Президент мактаби, кимё, биология, математика, ахборот технологияларига ихтисослашган 197 та мактаб ўз фаолиятини бошлайди.

Иқтидорли ўғил-қизларимизнинг юқори технологиялар ва замонавий билимларни чуқур ўзлаштиришга кенг шароит яратиш ҳамда рақобатбардош миллий кадрларнинг янги авлодини тайёрлаш мақсадида

🔹Тошкент шаҳрида алоҳида янги университет ташкил этилади.

Президентнинг Парламентга Мурожаатномасидан

@Rasmiy_xabarlar_Official

⚡️Қизлар учун грантлар 2 баробарга оширилади

Бу ҳақда Президентнинг Парламентга Мурожаатномасида маълум қилинди:

«Олий ўқув бирларига киришда ижтимоий ҳимояга муҳтож оилаларнинг қизлари учун грантлар 2 баробарга кўпайтирилиб, 2 мингтага етказилади».

☑️ «Кейинги йил учун устувор илм-фан йўналишлари этиб физика, чет тилларини ўқитиш танлаб олинади».

☑️ «Физика бўйича Аҳмад Фарғоний номидаги Халқаро фан олимпиадаси ташкил этилади».

@Rasmiy_xabarlar_Official

Шавкат Мирзиёев:

«Ҳозирги кунда республикамизда алоҳида эътиборга муҳтож 18 ёшгача бўлган 150 минг нафар фарзандларимиз бор. Уларнинг таълим олиши, аниқ бир касбни эгаллаши учун кўмаклашиш, оғир касалликка чалинганларни даволаш, чин етимларга ҳаётда ўз ўрнини топишга ёрдам бериш, уй-жой билан таъминлаш – нафақат вазифамиз, аввало, инсоний бурчимиздир.

2021 йилда биринчи марта бюджетдан 900 нафар чин етим ёшларни уй-жой билан таъминлашга 50 миллиард сўм ажратилади.

Умуман, бундай эзгу ишларни тизимли йўлга қўйиш учун Болаларни қўллаб-қувватлаш жамоат фондини ташкил этиб, унга бюджетдан 100 миллиард сўм йўналтирсак, ўйлайманки, сизлар ҳам бу ташаббусни қўллаб-қувватлайсиз. Бу маблағлар йил давомида кўпайтириб борилади».

@Rasmiy_xabarlar_Official

⚡️Президент: «Янги Хоразмийлар, Берунийлар, Ибн Синолар, Мирзо Улуғбеклар, Навоий ва Бобурларни тарбиялаб берадиган муҳит яратишимиз керак»

Парламентга Мурожаатномадан:

«Агар катта авлоднинг билими ва тажрибасини, узоқни кўра олиш фазилатларини ёшларимиздаги ғайрат-шижоат, мардлик ва фидойилик билан бирлаштира олсак, кўзлаган марраларга албатта етамиз.

Янги Ўзбекистонни ана шундай билимли ва бунёдкор ёшларимиз билан биргаликда барпо этамиз».

@Rasmiy_xabarlar_Official

Шавкат Мирзиёев:

«Биринчи навбатда камбағал аҳолининг асосий эҳтиёжларини кафолатли таъминлашимиз зарур.

2021 йил 1 мартдан бошлаб аҳолининг минимал истеъмол харажатлари эълон қилинади. «Темир дафтар»га киритилган ҳар бир оилани камбағалликдан чиқариш бўйича янги механизм ишга туширилади. Камбағалликдан чиқиб кетишнинг энг муҳим омил — инсоннинг интилиши. Ўз кучига таянган ҳолда аниқ масади бўлиши зарур.

Шу мақсадда аҳолини касб-ҳунарга ўргатиш бўйича мингдан ортиқ марказлар ташкил этилади.

Ўқув курсларига келган ҳар бир шахс учун бир миллион сўмгача субсидия берилади. Бунинг учун бюджетдан 100 миллиард сўм маблағ ажратилади. Ўқув курсларини тамомлаган фуқароларга эса ускуналар харид қилиш учун 7 миллион сўмгача субсидиялар берилади»

@Rasmiy_xabarlar_Official

Шавкат Мирзиёев:

💼 «Ҳозирги вақтда давлат иштирокидаги корхоналарнинг аксарияти молиявий барқарор бўлмагани учун давлатга оғир юк бўлиб келмоқда.

Шунинг учун жорий йилдан барча давлат корхоналарини ислоҳ қилиш дастури амалга оширилмоқда.

❗️Жумладан, келгуси йилдан Навоий кон-металлургия комбинати, «Ўзбекнефтгаз», «Ўзбекгидрогеология», «Ўзавтосаноат» халқаро молия бозорига чиқиб, давлат кафолатисиз маблағ жалб қилиш имкониятига эга бўлади.

Парламентга Мурожаатномадан

@aoka_uz

❗️2021 йилда 50 та кон ва истиқболли майдон инвесторларга сотилади

Президентнинг Парламентга Мурожаатномасидан

«Геология соҳасида жорий йилда 21 та кон ва истиқболли майдонлар очиқ аукционлар орқали инвесторларга сотилди.

2021 йилда яна 50 та кон ва истиқболли майдонлар маҳаллий ва чет эллик инвесторларга очиқ механизмлар асосида сотилади. Бундай ишларни бошқа йўналишларда ҳам давом эттиришимиз зарур.

Умуман олганда, келгуси йилда 23 миллиард доллар қийматидаги инвестицияларни ўзлаштиришимиз зарур.

Натижада 226 та йирик саноат ва инвратузилма объектлари ишга туширилади».

@aoka_uz

Шавкат Мирзиёев:

❗️«2021 йилда автомобиль саноатида соғлом рақобат муҳитини ривожлантириш мақсадида соҳада ишлаб чиқарувчилар сони кўпайтирилади».

@aoka_uz

Шавкат Мирзиёев:

«Камбағалликни қисқартириш ва қишлоқ аҳолиси даромадларини кўпайтиришда энг тез натижа берадиган омил қишлоқ хўжалигида ҳосилдорлик ва самарадорликни кескин оширишдир.

Бунда ҳар гектар ердан олинадиган даромадни ҳозирги ўртача 2 минг доллардан камида 5 минг долларгача етказиш устувор вазифа қилиб қўйилади. Бунинг учун қишлоқ хўжалигига энг илғор технологиялар, сув тежайдиган ва биотехнологияларни, уруғчилик, илм-фан ва инновациялар соҳасидаги ютуқларни кенг жорий этишимиз лозим.

Аввало, фермер ва деҳқонларнинг ердан манфаатдорлигини ошириш керак. Манфаатдорлик ва адолат бўлган жойда албатта ўзгариш ва ўсиш бўлади.

Бу борада ердан фойдаланиш ҳуқуқларини кафолатлаш ва уларни бозор активларига айлантириш масаласини кўриб чиқиш вақти келди. Шунинг учун Ҳукумат икки ой муддатда ердан фойдаланиш ҳуқуқини мустаҳкамлаш, унинг иқтисодий қийматини белгилаш ва молиявий оборотга киритиш механизмларини жорий қилиш бўйича таклиф киритсин.

Келгуси йили барча вилоятларда Қишлоқ хўжалигида билим ва инновациялар марказлари ташкил этилиб, уларда “ягона дарча” тамойили асосида 100 дан ортиқ агрохизматлар кўрсатиш йўлга қўйилади.

Бу марказлар орқали ернинг сифатини яхшилаш, касалликларга қарши курашиш, уруғликларни танлаш билан боғлиқ муҳим хизматлар кўрсатилади.

Қишлоқ хўжалигини модернизация қилиш, рақамлаштириш, ернинг унумдорлигини ошириш, замонавий агротехнологияларни жорий этишга илк бор 600 миллион доллардан зиёд кредит ва грант маблағлари жалб қилинади.

Сувни тежайдиган технологиялар жорий этиладиган ер майдонлари 5 баробарга кўпайтирилиб, 430 минг гектарга етказилади, 90 минг гектар янги ерлар ўзлаштирилади».

@Rasmiy_xabarlar_Official

❗️Охирги икки йилда ҳокимларнинг 2,5 мингга яқин қарори судлар томонидан бекор қилинган

Бу ҳақда Президентнинг Парламентга Мурожаатномасида маълум қилинди:

«Охирги икки йилда ҳокимларнинг 2,5 мингга яқин қарори судлар томонидан бекор қилингани, бундан буён уларнинг қарор қабул қилишида очиқликни таъминлаш зарурлигини тақозо этмоқда.

🔎 Шунинг учун, маҳаллий давлат ҳокимияти идораларининг қарорларини ҳисобга қўйиш ва эълон қилиш бўйича электрон ахборот тизими жорий этилади.

👨🏻‍💻 Коррупцияга қарши курашиш агентлиги бир ой муддатда очиқ эълон қилиниши лозим бўлган маълумотлар рўйхатини кенгайтириш бўйича таклиф киритсин».

@aoka_uz

❗️Президент: «Ошкоралик ва сўз эркинлиги бу — давр талаби»

Парламентга Мурожаатномадан:

🔹«Оммавий ахборот воситалари мамлакатимизда амалга оширилаётган кенг кўламли ўзгаришларни холис ёритиш билан бирга жойлардаги мавжуд долзарб муаммоларга давлат идоралари ва жамоатчилик эътиборини қаратиб, уларни бартараф этишга барча даражадаги раҳбарларни даъват этиб, ундаб келаётганини алоҳида таъкидлаб ўтмоқчиман.

📌 Улар том маънода «тўртинчи ҳокимият»га айланиб бормоқда. Аччиқ ва танқидий материаллар жойлардаги кўплаб амалдорларга ёқмаслиги, уларнинг тинчини ва ҳаловатини бузаётгани ҳам бор гап.

Лекин ошкоралик ва сўз эркинлиги бу — давр талаби, бу — Ўзбекистондаги ислоҳотларнинг талаби. Биз ўтган тўрт йил давомида жамиятимизда ошкоралик ва очиқлик, сўз эркинлиги муҳитида яшаш ва ишлашга аста-секин ўрганиб бораяпмиз.

📌 Адолатли журналист ва блогерларнинг танқидий чиқишлари эскича қолипда ишлайдиган раҳбарларнинг фаолиятидаги хато-камчиликларни кўрсатиб, уларни иш услубини ўзгартириш ва масъулиятини оширишга мажбур қилмоқда».

@aoka_uz

⚡️30 июль — Ўзбекистонда «Халқлар дўстлиги куни» сифатида нишонланади

Шавкат Мирзиёев:

«Барчангизга маълумки, Бирлашган Миллатлар Ташкилоти Бош Ассамблеясининг резолюцияси билан, ҳар йили 30 июль — Халқаро дўстлик куни сифатида кенг нишонланади.

Шу боис, ушбу санани Ўзбекистонда «Халқлар дўстлиги куни» деб белгилашни таклиф этаман».

🌐 Ўзбекистонда БМТ шафелигида «Инсон ҳуқуқлари бўйича таълим» глобал форуми, Ёшлар ҳуқуқларига бағишланган Бутунжаҳон ёшлар анжумани, Диний эркинлик масалалари бўйича минтақавий конференция ўтказилади.

Парламентга Мурожаатномадан

@Rasmiy_xabarlar_Official

⚡️Хотин-қизлар жамоатчилик кенгаши ташкил этилади, унга Танзила Норбоева раҳбарлик қилади

Шавкат Мирзиёев:

«Биз мамлакатимизда истиқомат қилаётган 17 миллиондан зиёд опа-сингилларимиз, қизларимиз, онахон ва момоларимиз юрагидаги орзу-умидларини рўёбга чиқариш учун барча имкониятларни яратиб беришимиз лозим.

Аёлларнинг андиша қилиб, биз эркакларга айта олмаган дарду ташвишлари, кундалик муаммолари, орзу-ниятларини уларнинг ўзидан яхши тушунадиган инсон йўқ. Хотин-қизларнинг давлат бошқарувидаги ролини ошириш бўйича олиб борган ислоҳотларимиз натижасида Парламентимиз янги таркибининг 30 фоизи аёллардан иборат бўлди.

Вилоят, шаҳар ва туман ҳокимларининг хотин-қизлар масалалари бўйича маслаҳатчиси лавозими жорий этилди. Энди хотин-қизларнинг жамият ҳаётидаги ўрни ва нуфузини ошириш, уларга янги имкониятлар яратиш бўйича навбатдаги қадам сифатида, ҳаётни ва аёллар муаммоларини яхши биладиган, фаол ва ташаббускор опа-сингилларимиздан иборат Республика Хотин-қизлар жамоатчилик кенгашини ташкил этишни таклиф қиламан.

Кенгашга бу борада катта тажрибага эга бўлган Сенатимиз Раиси Танзила Камоловна Норбоева раҳбарлик қилса, деган таклифни билдирсам, ўйлайманки, барчангиз мени қўллаб-қувватлайсиз».

Парламентга Мурожаатномадан

@Rasmiy_xabarlar_Official

#Мурожаатнома_2020 #Шавкат_Мирзиёев

Президент Мурожаатномаси ҳақида хорижий экспертлар фикри

🇮🇱 Холон университети (Исроил) президенти, профессор Эдуард Якубов: Ўзбекистон Президенти Мурожаатномасида билдирилган фикрлар маърифат, олий таълим ва фан ролини оширишга қаратилган.

🇦🇿 "Жанубий Кавказ "сиёсатчилар клуби раҳбари Ильгар Велизаде (Озарбайжон): Президентнинг парламентга йўллаган Мурожаатномаси мамлакат раҳбариятининг жамиятнинг барча соҳаларини янгилашга қаратилган қадамларини тўғрилигига ишончи комил эканлигини кўрсатади.

🇹🇷 "Туркия - Ўзбекистон" парламентлараро дўстлик гуруҳи раиси Осман Местен (Туркия): Ўзбекистон Президенти Мурожаатномасининг мазмуни давлат раҳбарининг жамият ҳуқуқлари ва манфаатларини ҳисобга олган ҳолда республикани ислоҳ қилиш ва модернизациялашни мақсад қилганини акс эттиради.

🇮🇹 Италиянинг Ўзбекистондаги Элчиси Агостино Пинна: Президентнинг парламентга йўллаган Мурожаатномаси - янги Ўзбекистонни яратиш бўйича демкоратик ислоҳотлар дастури.

Манба: "Дунё" ахборот агентлиги

@Rasmiy_xabarlar_Official