Телебошловчи Нилуфар Сотиболдиевани ижтимой тармоқда ҳақорат қилган шахс жиноий жавобгарликка тортилиб, унга жиноят ишлари бўйича Мирзо Улуғбек туман судининг ҳукми билан 1 йил муддатга ахлоқ тузатиш ишлари жазоси тайинланди

Telegram | Facebook | Instagram | Youtube | Медиабанк

❗️"Дори-Дармон" акциядорлик компаниясининг Бошқарув раиси лавозимига Дустмуратов Мирзанозим Мирзабекович сайланди

Дусмуратов Мирзанозим Мирзабекович 1956 йил Тошкент вилоятида туғилган. 1979 йил Андижон давлат тиббиёт институтини тугатган. Россиянинг Марказий протезлаш ва протезсозлик институтида аспирантурада таҳсил олган.

Иш фаолиятини Республика ихтисослаштирилган травматология ва ортопедия илмий тадқиқот институтидан бошлаган.

Telegram | Facebook | Instagram | Youtube | Медиабанк

2024 йилда кредит расмийлаштиришга оид фирибгарлик ҳолатлари 42 %га ошган - Омбудсман

2024 йилда Омбудсманга фуқаролардан иқтисодий ҳуқуққа оид 6 мингдан ортиқ мурожаатлар келиб тушган. Ушбу мурожаатларнинг 9 фоизи фирибгарлик ҳолатлари билан боғлиқ. Фуқароларнинг шахсий маълумотлари асосида турли тижорат банкларидан кредит ажратиш ҳолатлари сезиларли даражада кўпайган. 2023 йилда шундай мурожаатлар сони 110 тани ташкил қилган бўлса, 2024 йилда бу рақам 42 фоизга ошган. Бу ҳақда Омбудсман ахборот хизмати маълум қилди.

Мурожаатларнинг 60 фоизида ўзини "Click" компанияси ёки Марказий банк ходими сифатида таништирган шахслар фуқароларнинг шахсий маълумотларидан фойдаланган ҳолда, онлайн кредитлар расмийлаштирган. Айрим ҳолатларда эса бир шахс номига 5-6 та тижорат банкларидан кредитлар расмийлаштирилган.

Ушбу мурожаатлар юзасидан Ички ишлар органлари терговчилари томонидан тижорат банкларига ушбу фуқаролар кредит маблағларидан ўзлари фойдаланмаганлиги ҳамда фуқаровий даъвогар деб топилганлиги, шунингдек, айбдор шахслар топилгунига қадар кредит қарздорлиги ҳамда унга фоизлар ҳисоблашни тўхтатиб туриш юзасидан топшириқлар юборилган. Ўзбекистон Республикаси Жиноят процессуал кодексининг 36-моддасида терговчининг ўз юритувидаги иш бўйича қонунга мувофиқ берган ёзма топшириқлари ва қарорлари барча корхоналар, ташкилотлар, мансабдор шахслар ва фуқаролар учун мажбурий экани белгиланган. Лекин, шунга қарамай банклар томонидан фирибгарлик натижасида алданган фуқаролардан кредитни тўлаш талаб қилиб келинмоқда.

Омбудсман томонидан ушбу йўналишдаги мурожаатлар бўйича фуқаролар манфаатида Фуқаролик ишлари бўйича судларга 5 та даъво аризалари киритилиб, банклар билан тузилган кредит шартномалари ҳақиқий эмас деб топилди. 1 нафар фуқаро номига олинган кредит маблағлари унинг фойдасига қайтарилиб, маънавий зарар ундирилишига эришилди.

Telegram | Facebook | Instagram | Youtube | Медиабанк

Ҳурматли юртдошлар!

Сизда маиший чиқиндиларни турар жойлардан ўз вақтида олиб чиқиб кетмаганлик ёки қурилиш чиқиндиларининг олиб кетилиши, шунингдек, чиқинди хизматида тўлов ҳамда мавжуд қарздорликларга аниқлик киритиш масалалари бўйича аниқ таклиф ва шикоятлар борми? Унда Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Чиқиндиларни бошқариш ва циркуляр иқтисодиётни ривожлантириш агентлигининг 1205 ҳамда 1275 ишонч рақамлари орқали мурожаат қолдиришингиз мумкин.

Telegram | Facebook | Instagram | Youtube | Медиабанк

Ўзбекистон Республикаси Президентининг "У.Мингбаевга «Ўзбекистон Республикасида хизмат кўрсатган ёшлар мураббийси» фахрий унвонини бериш тўғрисида"ги Фармони

Telegram | Facebook | Instagram | Youtube | Медиабанк

Боёвутдаги 19-сонли мактабда Республикада ягона экологик тоза иссиқлик манбаи етказиб берувчи замонавий иситиш тизими (Чиллер) бугунги кунда тўлиқ ишламоқда

Янгиликни эшитган қўшни вилоят мактаб директорлари ҳам Боёвут тумани 19-умумтаълим мактабига келиб, экологик тоза иссиқлик манбаи етказиб берувчи замонавий иситиш тизими (Чиллер) ҳақида тажриба алмашмоқда.

Ушбу муқобил энергия манбаи ишга туширилганидан сўнг, йил давомида ўртача бир кунда 8 соат электр энергияси ишлаб чиқарганда бу 1 кунда тахминан 800 квт (8 соат * 100 квт=800 квт) электр энергиясига айланади.

Тармоққа қайтарилган ортиқча электр энергияси тумандаги жами 55 та умумтаълим мактабларининг 1 ойлик истеъмоли захирасига айлантирилади.

Натижада мактабни иситиш учун бир мавсум учун сафланадиган 90 тонна кўмир ёқилғиси ва тумандаги 55 та умумтаълим мактабларининг электр энергияси учун сарфланадиган 100 млн маблағи тежаб қолинади.

Telegram | Facebook | Instagram | Youtube | Медиабанк