📝 “Жадидлар изидан” Республика танловига иштирок этиш учун364 906 та ариза келиб тушган

АОКАда Мактабгача ва мактаб таълим вазирлиги раҳбарияти иштирокида ўтказилган матбуот анжуманида “Жадидлар изидан” Республика танловини ташкил этиш ва ўтказиш жараёнлари ҳақида маълумот берилди.

✔️Танловни самарали ташкил этиш ҳамда ўқувчилар онгида миллий ғурурни шакллантириш мақсадида 10 118 та умумтаълим мактабида “Жадидлар изидан” клублари ташкил этиш режалаштирилган. Айни вақтда тажриба-синов тариқасида дастлаб 208 та туман (шаҳарда) 1 тадан ушбу клублар ташкил этилди.

✔️Танлов 6-8-синф ҳамда 9-10-синф ўқувчилари ўртасида ташкил этилиб, туман (шаҳар) босқичи шу йилнинг 31 октябр куни барча ҳудудларда бир вақтда ўтказилиши режалаштирилган. Иштирокчилар мазкур босқичда 2 та шарт (тест ва савол-жавоб) асосида беллашишади.

✔️Ҳар икки йўналиш бўйича туман (шаҳар) босқичларида ғолиб, деб топилган 416 нафар ўқувчи танловнинг ҳудудий босқичида иштирок этади.

✔️Танловнинг ҳудудий босқичи жорий йил 12-23 ноябрь кунлари, Республика босқичи декабрь ойида ўтказилиши режалаштирилган.

✔️Танловнинг республика босқичи якунларига кўра, ҳар бир синф тоифаси бўйича энг юқори балл тўплаган 7 нафардан (I, II, III ўрин ғолиблари ҳамда энг юқори балл тўплаган 4 нафар) жами 14 нафар иштирокчи хорижий давлатларга таълим саёҳатига юборилади.

✍️ Батафсил

Telegram | Facebook | Instagram | Youtube | Медиабанк

⚠️ 2025 йил учун Давлат бюджети лойиҳаси ва 2026–2027 йиллар учун бюджет мўлжаллари асосий макроиқтисодий кўрсаткичлар прогнози асосида ишлаб чиқилган

АОКАда Иқтисодиёт ва молия вазирлиги ҳамда солиқ қўмитаси раҳбарияти иштирокида ўтказилган матбуот анжуманида 2025 йилдаги асосий макроиқтисодий кўрсаткичлар ва давлат бюджети параметрлари ҳақида маълумот берилди:

✅ 2025 йилда ялпи ички маҳсулотнинг 6 фоиз ўсиши прогноз қилинган. Ялпи ички маҳсулотнинг кўзланган ўсиш суръатлари саноатда ишлаб чиқаришни 6,1 фоиз, қишлоқ хўжалигида 4,1 фоизга, бозор хизматлари 14,5 фоизга ўсиши ҳисобига таъминланиши прогноз қилинмоқда.

✅ Давлат бюджетининг ўрта муддатга мўлжалланган прогноз параметрлари ва 2025 йил учун бюджет лойиҳаси “Ўзбекистон – 2030” стратегиясида белгиланган мақсадларга уйғунликда, яъни уларни бажариш вазифасидан келиб чиқиб ишлаб чиқилган.

✅ Давлат мақсадли жамғармалари даромадлари (бюджетлараро трансфертларни инобатга олмаган ҳолда) 66,5 трлн сўм миқдорида, харажатлари эса 117,2 трлн сўм миқдорида режалаштирилмоқда. Бунда, Давлат мақсадли жамғармаларига Ўзбекистон Республикаси республика бюджетидан 54,4 трлн сўм трансфертлар ажратиш белгиланган (Қонун лойиҳасининг 3-иловаси).

✅ Хусусан, бюджетдан ташқари Пенсия жамғармаси даромадлари 58,9 трлн сўм, харажатлари 74,9 трлн сўмни ташкил этган ҳолда Давлат бюджетидан 18,5 трлн сўм миқдорида трансферт ажратилиши режалаштирилмоқда.

✅ Давлат молиясини бошқаришнинг ҳалқаро стандартларига мувофиқ бюджет қамровини ошириш ҳамда тўлиқлигини таъминлаш мақсадида, 2021 йилдан бошлаб ташқи қарз ҳисобидан давлат дастурларига режалаштирилаётган харажатлар консолидациялашган бюджет таркибига киритилди. 2025 йилда ушбу харажатлар 18,8 трлн сўм миқдорида бўлиши прогноз қилинмоқда.

✅ Юқоридагиларни инобатга олган ҳолда, 2025 йил учун Ўзбекистон Республикасининг консолидациялашган бюджети тақчиллигининг (Давлат бюджети, Давлат мақсадли жамғармалари, Тикланиш ва тараққиёт жамғармаси, ташқи қарз ҳисобидан давлат дастурларини амалга ошириш билан боғлиқ харажатлар билан бирга) юқори чегараси ялпи ички маҳсулотга нисбатан 3 фоиз ёки 49,3 трлн сўм миқдорида белгиланмоқда.

✅ Бунда, Давлат бюджети ва давлат мақсадли жамғармалари бюджетлари 32,4 трлн сўм ёки прогноз қилинаётган ялпи ички маҳсулотга нисбатан 2 фоиз миқдорида тақчиллик билан режалаштирилган.

📌 Батафсил

Telegram | Facebook | Instagram | Youtube | Медиабанк

🤝 2 мингдан ошиқ ёшлар халқаро IT-сертификат учун компенсация олди

АОКАда Рақамли технологиялар вазирлиги ҳузуридаги Рақамли таълимни ривожлантириш маркази раҳбарияти иштирокидаги матбуот анжуманида IT таълим олишда давлат томонидан тақдим этилаётган имконият ва имтиёзлар ҳақида маълумот берилди.

⚡️ “IT истеъдод” дастури – IT-Park резиденти бўлган IT-хизматларни экспорт қилувчи компанияларга юқори малакали мутахассисларни тайёрлаб берувчи нодавлат таълим ташкилотлари фаолиятини ривожлантириш ҳамда кенгайтиришни рағбатлантиришга қаратилган лойиҳа саналади.

⚡️ Қарорга кўра, нодавлат таълим ташкилотларига битирувчиси IT-хизматларни экспорт қилувчи ташкилотга ишга жойлашганда базавий ҳисоблаш миқдорининг 75 бараваригача яъни 25 миллионгача, ногиронлиги бўлган ёш битирувчиси ишга жойлашганда эса 105 бараваригача яъни 35 миллионгача бир марталик субсидия ажратилади.

⚡️ IT-Park резиденти бўлган нодавлат таълим ташкилотларига субсидия бериш учун махсус ахборот тизими (crm.digital.uz) яратилган бўлиб, жорий йилнинг март ойида ишга туширилди. Бугунги кунга келиб, ушбу махсус ахборот тизимидан 485 дан зиёд таълим резиденти рўйхатдан ўтган ҳамда ўзларининг 1 281 та ўқув курси бўйича маълумотларни киритган.

⚡️Ушбу курсларни 26 800 та ўқувчи муваффақиятли битирган ва ҳозирги кунда 5 600 нафардан зиёд ўқувчи таълим олиб келмоқда. Битирувчиларнинг 11 000 нафардан зиёди иш билан таъминланган бўлиб, улардан 467 нафари IT-хизматларни экспорт қилувчи ташкилотларда ишламоқда.

⚡️Субсидия олиш учун ўқув маркази дастлаб ўз талабалари ҳақида маълумотни CRM системага жойлаштиради. Ўқув марказнинг IT йўналишидаги курсини тамомлаган битирувчиси уч ой муддатда IT-хизматларни экспорт қилувчи ташкилотга ишга жойлашиб узлуксиз олти ой ишлаши керак.

⚡️ 2024 йил ҳозирги кунга қадар 750 нафарга яқин ёшларнинг 2.6 млрд. сўмга яқин миқдоридаги халқаро IT-сертификат учун сарф қилинган харажатлари қоплаб берилди.

📌 Батафсил

Telegram | Facebook | Instagram | Youtube | Медиабанк

📊 Ўзбекистоннинг ЖСТга аъзолиги яқин 5-7 йил ичида ЯИМ қўшимча 17 фоизга ўсишига ёрдам бериши прогноз қилинмоқда

⏺Бу ҳақда Вашингтон шаҳрида Жаҳон банки ва Халқаро валюта жамғармасининг йиллик йиғилиши доирасида Жаҳон банки, Жаҳон савдо ташкилоти ва Халқаро валюта жамғармаси билан ҳамкорликда “Ўзбекистоннинг ЖСТга аъзо бўлиш йўли: ислоҳотлар ва глобал интеграция” мавзусида юқори даражали давра суҳбатида маълум қилинди.

⏺Йиғилишда Ўзбекистоннинг ЖСТга аъзо бўлиши доирасида амалга ошираётган муҳим ислоҳотлари, шунингдек кўп-томонлама савдо тизими ва глобал қўшилган қиймат занжирларига қўшилиш масалалари муҳокама қилинди.

⏺Ўзбекистон томонидан Бош вазир ўринбосари Жамшид Ходжаев мамлакатда амалга оширилаётган кенг кўламли ва стратегик ислоҳотларга ҳамда ЖСТга аъзолик ушбу туб ўзгаришларнинг ажралмас бир қисми эканлигига урғу бериб, “Ўзбекистон-2030” стратегиясида белгиланган мақсадлар ва уларга эришиш режалари билан таништирди.

⏺Якунда давра суҳбати иштирокчилари ислоҳотлар ва интеграция йўлидаги салмоқли муваффақиятларни қайд этиб, 2026 йилда Ўзбекистоннинг Жаҳон савдо ташкилотига аъзо бўлиши жараёнини якунлаш мақсадида ҳамкорликни янада мустаҳкамлаш муҳимлигини қайд этишди.

Telegram | Facebook | Instagram | Youtube | Медиабанк