Бугун юртимизда коронавирус инфекциясига чалинган беморларнинг 119 нафари соғайиб, рекорд кўрсаткични қайд этди. Даволаниш кўрсаткичи 76 фоизга етди.

@ssvmatbuotkotibi

Ўзаро ёзишмаларни ошкор қилиш мумкинми?

🔇 ёзишмалар, телефон сўзлашувларининг сир сақланиши ҳар бир шахснинг конституцион ҳуқуқи ҳисобланади;

👂 ёзишма (сўзлашув)ларнинг сир сақланишини бузганлик учун маъмурий ёки жиноий жавобгарлик фақатгина мулоқот иштирокчилари бўлмаган учинчи шахслар учун келиб чиқади;

🧾 мулоқот иштирокчиси бўлган шахс учун жавобгарлик фақатгина сирнинг хусусиятидан (оилавий, шахсий сир ва ҳ.к.) ва оқибатидан келиб чиқиши мумкин;

🔍 бир тараф иккинчи тарафдан сирни ошкор этганлиги натижасида келиб чиққан зарар ва маънавий зиённи қопланишини суд тартибида ҳал қилиш ҳуқуқига эга. Бунда судлар ҳар бир иш юзасидан ҳолатга алоҳида қонуний баҳо беришади.

Батафсил

Каналга уланиш: 👇
@axborot_xizmatlariAOKA

АОКА штабига келиб тушаётган саволлар бўйича Давлат хизматлари агентлиги директорининг матбуот котиби Севара Зокирова жавоблари:

❓ Тошкент шаҳрида фирма ташкил этиш ниятидаман. Карантин муносабати билан фирмани давлат рўйхатидан қандай ўтказиш мумкин?

❗️ Сиз карантин даврида МЧЖни fo.birdarcha.uz сайти орқали давлат рўйхатидан онлайн ўтказишингиз мумкин. Бунда МЧЖни рўйхатдан ўтказиш электрон рақамли имзо олган ҳолда, мазкур сайтда сўровномаларни тўлдириш орқали амалга оширилади.

❓ Тадбиркорлик фаолияти билан шуғулланиш учун МЧЖ ташкил этмоқчи эдим. Бунинг учун қанча тўлов қилишим керак?

❗️ МЧЖни давлат рўйхадан ўтказиш 2 усулда ДХМга келган ҳолда ёки онлайн амалга оширилади. Агар МЧЖ Давлат хизматлари маркази орқали рўйхатдан ўтказилса, базавий ҳисоблаш миқдорининг 1 баравари миқдорида давлат божи тўланади, агар онлайн ўтказилса, ушбу сумманинг ярми миқдорида давлат божи тўланиши лозим.

❓ Корхонамни таъсис ҳужжатларини йўқотиб қўйдим. Қандай тиклашим мумкин?

❗️ Бундай ҳолатда Сиз корхонани таъсис ҳужжатлардан нусхаларни корхона рўйхатдан ўтган Давлат хизматлари марказидан ёки fo.birdarcha.uz сайти орқали олишингиз мумкин.

❓ Мактабгача таълим муассасаларида 5 йилдан буён бош ҳисобчи ловозимида ишлаб келмоқдаман. Лекин шу кунга қадар бирор марта меҳнат таътилига чиқмаганман, шу сабабли фойдаланилмаган таътилим учун пуллик компенсацияни жорий йилда олишим мумкинми?

❗️ Сиз фойдаланилмаган таътилингиз учун пуллик компенсацияни жорий йилда ололмайсиз. Меҳнат қонунчилигида меҳнат шартномаси бекор қилингандагина ходимга фойдаланилмаган барча йиллик асосий ва қўшимча таътиллар учун пуллик компенсация тўланади.

❓ 2015 йилда Москва давлат университетини тугатганман. Ҳозирда дипломимни нострификация қилиш қандай бўлади?

Ўзбекистон Республикаси Олий ва ўрта махсус таълим вазирлиги ҳамда Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекциясининг қўшма қарори билан рўйхати ҳар йили тасдиқланадиган халқаро эътироф этилган ташкилотларнинг (Quacquarelli Symonds World University Rankings, Times Нigher Education, Academic Ranking of World Universities) рейтингида олий таълим муассасалари орасида биринчи 1 000 ўринни эгаллаган хорижий олий таълим муассасаларида таълим олган талабгорларнинг ҳужжатлари тўғридан-тўғри нострификация қилинади.

❗️ Москва давлат университети мазкур рўйхатда борлиги сабабли дипломингиз тўғридан-тўғри нострификация қилинади.

❓ Яқинда фарзандли бўлдим. Суюнчи пули олмоқчиман, қандай олсам бўлади?

❗️ Суюнчи пулини олиш учун Ягона интерактив давлат хизматлари порталидан (my.gov.uz) рўйхатдан ўтишингиз ҳамда тегишли хизмат турини танлаб ариза юборишингиз мумкин. Шунингдек, карантин тадбирлари тугагач тегишли туман пенсия бўлимларига бориб мурожаат қилишингиз мумкин.

❓ Корхона фаолиятини тугатиш учун ДХМга қандай ҳужжатлар тақдим этишим лозим?

❗️ Бунинг учун Сиз корхона таъсисчиси ёки таъсисчиларининг корхонани ихтиёрий тугатиш тўғрисидаги умумий йиғилиш қарорини, қарор қабул қилингандан кейинги иш кунидан кечикмай ариза билан Давлат хизматлари марказига мурожаат қилишингиз мумкин.

Каналга уланиш: 👇
@axborot_xizmatlariAOKA

АОКА штабига келиб тушаётган саволлар бўйича Маҳалла ва оилани қўллаб-қувватлаш вазирининг матбуот котиби Саодат Боймирзаева жавоблари:

❓ Ижтимоий тармоқларда Тошкентдаги маҳалла қўмиталари ёлғиз оналарга ёрдам бериш учун ҳужжатларнинг нусхаларини йиғаётгани ҳақида хабар тарқалмоқда. Бундай ёрдам маҳаллалар орқали ташкил этилаётгани ростми? Агар шундай бўлса, ёлғиз оналар қаерга бориши керак?

❗️ “Саховат ва кўмак” ҳаракатини амалга ошириш учун барча туманларда Ишчи штаб тузилган. Сектор аъзолари ҳамда маҳалла фуқаролар йиғини фаоллари иштирокидаги гуруҳ вакиллари ҳудуддаги эҳтиёжманд ва муҳтож оилаларнинг рўйхатини ҳар бир маҳалла кесимида уйма-уй юрган ҳолда тузади.

Асосий эътибор таъминот манбаи бўлмаган якка-ёлғиз кексалар, ногиронлиги бор, боқувчисидан ажралган, оғир турдаги касалликка чалинган, кўп болали, ижтимоий нафақаси кундалик эҳтиёжларини қопламайдиган фуқароларга қаратилади.

Маҳалла вакиллари фақат Ишчи гуруҳ аъзолари сифатида ўз ҳудудидаги эҳтиёжманд фуқаролар рўйхатини шакллантиришда иштирок этади. Ижтимоий ёрдамлар эса туман миқёсида ташкил этилган Ишчи штаблари орқали ҳомий ташкилотлар ва фуқаролар иштирокида йўналтирилади.

•┈┈┈┈••••••┈┈┈┈•

❓ В социалных сетях есть сообщение о том, что махаллинские комитеты в Ташкенте собирают ксерокопии документов для организации помощи матерям-одиночкам. Правда ли, что организуется такой вид помощи через махалли и куда матерям-одиночкам обращаться?

❗️ Для осуществления общенародного движения “Саховат ва кумак” во всех районах организованы Рабочие штабы.

Чтобы определить нуждающиеся семьи и оказать им поддержку, созданы рабочие группы, состоящие из членов секторов и активистов сходов граждан махалли. Представители этих групп составят списки нуждающихся семей в разрезе каждой махалли путем подворного обхода.

Основной упор – одиноким престарелым, не имеющим источника дохода, семьям, лишившимся кормильца, тяжело больным, многодетным, а также лицам, чьи потребности не покрывают социальные пособия.

Каналга уланиш: 👇
@axborot_xizmatlariAOKA