Президент Шавкат Мирзиёевнинг Ашхободга ташрифи: Махтумқули ўзбек халқи учун ҳам ғоят ардоқли ва суюкли сиймо экани билан ҳақли равишда фахрланамиз
—
Визит Президента Шавката Мирзиёева в Ашхабад: Мы по праву гордимся тем, что народ Узбекистана также высоко ценит и любит Махтумкули

Telegram | Facebook | Instagram | Youtube | Медиабанк

“Умра” тадбирларини ташкил этиш ва ўтказиш билан боғлиқ чора-тадбирларни янада такомиллаштириш тўғрисида”ги Ҳукумат қарори қабул қилинди

Қарорга кўра, қуйидаги лицензия талаб ва шартлари жорий этилмоқда:

➖ зиёратчиларга гуруҳ раҳбари этиб Ўзбекистон мусулмонлари идораси билан тузиладиган шартнома асосида диний билим ва кўникмаларга эга бўлган мутахассисни тайинлаш;

➖ штатида диний таълим йўналишлари бўйича таълим муассасаси ёки Ўзбекистон халқаро ислом академиясининг битирувчиси бўлган камида бир нафар мутахассиснинг мавжудлиги;

➖ вояга етмаган фуқароларга хизмат кўрсатмаслик;

➖ 1 млн АҚШ доллари миқдордаги маблағни “Зиёрат” жамғармасига захира қилиб қўйиш;

➖ ўз фаолиятини туроператор ва турагентлар орқали амалга оширмаслик;

➖ зиёратчилар учун Саудия Арабистони Подшоҳлигининг фақат “Умра” визасини расмийлаштириш;

Бунда, “Умра” визасидан ташқари виза билан фуқароларни олиб бориш ноқонуний фаолият ҳисобланади.

Telegram | Facebook | Instagram | Youtube | Медиабанк

ИИВ ота-оналарни болалар ўртасида ўзини ҳайвонларга қиёслаб, ўша жонзотнинг хатти-ҳаракатларига тақлид қилиш (квадроберлар) учраётганидан огоҳлантирди

Тошкент шаҳрида 10 окятбрь куни ҳайвонлар қиёфасидаги ниқобларни тақиб олган “квадробер” учратилгани, 11 октябрда эса яна бир “квадробер” йўловчиларга итга тақлид қилиб ҳужум қилган, воқеага гувоҳ бўлган бола қаттиқ қўрқиб кетганлиги хабар берилган.

Ички ишлар вазирлиги мазкур ҳолатлар жамиятда юриш туриш қоидаларига зид эканини маълум қилди.

“Маъмурий жавобгарлик тўғрисидаги кодексга мувофиқ, ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик, шу жумладан вояга етмаган болаларнинг маъмурий ҳуқуқбузарлик содир этишига олиб келиши БҲМнинг 5 баробаригача (1 миллион 875 минг сўмгача) жаримага тортишга сабаб бўлади”, дейилади ИИВ хабарида.

Telegram | Facebook | Instagram | Youtube | Медиабанк

15 октябрь мол-мулк ва ер солиқларини тўлашнинг охирги муддати!

Солиқ мобил иловаси орқали 2024 йил учун ҳисобланган мол-мулк ва ер солиқлари ҳақида маълумот олинг ҳамда тўловларни осон тўланг.

Солиқ мажбуриятини ўз вақтида бажаришни унутманг!

Зеро, тўланган солиқлар Ватанимизнинг иқтисодий барқарорлиги ва фуқароларнинг ижтимоий ҳимоясини таъминлашга хизмат қилади!

Telegram | Facebook | Instagram | Youtube | Медиабанк

#БУГУН_ТУҒИЛГАН_КУН

Ижтимоий ҳимоя миллий агентлиги директорининг матбуот котиби – ахборот сиёсати масалалари бўйича маслаҳатчиси Рузметова Дилфузабегим Полванназаровна 1985 йил 14 октябрда Тошкент шаҳрида туғилган. У 2023 йилдан буён ушбу лавозимда ишлайди.

Д.Рузметова 2009-2023 йилларда Ўзбекистон миллий телерадиокомпанияси, "Uzreport" ахборот агентлиги, Савдо-саноат палатаси ва бошқа ташкилотларда фаолият юритган.

Telegram | Facebook | Instagram | Медиабанк

Бугун Президент Шавкат Мирзиёев Тошкент вилоятида амалга оширилаётган бунёдкорлик ишлари ва саноат корхоналари фаолияти билан танишади.

Шунингдек, иқтисодиётнинг турли тармоқларида объектларни ишга тушириш ва янгиларининг қурилишига старт бериш режалаштирилган.

Telegram | Facebook | Instagram | Youtube | Медиабанк

🛰 Ўзбекистон космик фазо, Ой ва бошқа самовий жисмларни тадқиқ қилиш бўйича халқаро шартномага қўшилди

➖Куни кеча Ўзбекистон Республикаси Президенти томонидан “Космик фазо, шу жумладан Ой ва бошқа самовий жисмларни тадқиқ қилиш ва улардан фойдаланиш бўйича давлатларнинг фаолият тамойиллари тўғрисида”ги шартномага (Лондон, Москва ва Вашингтон, 1967 йил 27 январь) Ўзбекистон Республикасининг қўшилиши ҳақидаги Қонун имзоланди.

➖Бу Давлатимиз раҳбарининг 2022 йил 23 ноябр санасидаги “Космик тармоқни янада ривожлантириш бўйича қўшимча чора-тадбирлар тўғрисида” ПҚ–429-сонли қарори билан тасдиқланган “2022–2024-йилларда Ўзбекистон Республикасининг космик тармоғини янада ривожлантиришга қаратилган “Йўл харитаси”га мувофиқ амалга оширилмоқда.

➖Қайд этиш лозим, “Космик фазо, шу жумладан Ой ва бошқа самовий жисмларни тадқиқ қилиш ва улардан фойдаланиш бўйича давлатларнинг фаолият тамойиллари тўғрисида”ги Шартнома АҚШ, Буюк Британия ва Совет Иттифоқи томонидан 1967 йил 27 январда имзоланган ва 1967 йил 10 октябрдан кучга кирган. Бугунги кунда унга 114 та давлат қўшилган. Мазкур ҳужжат космик фазонинг ҳуқуқий асосларини белгилаб берувчи 17 та моддани ўз ичига олади.

➖Шартномага қўшилиш Ўзбекистон учун бир қатор халқаро космик ҳуқуқларни тақдим этади. Хусусан, ҳеч қандай дискриминациясиз космик фазо ва самовий жисмларни тадқиқ қилиш ва улардан тинч мақсадларда фойдаланиш, ортиқча тўсиқларсиз эркин тарзда илмий тадқиқотлар ўтказиш, бу борада давлатлараро тенгликка эга бўлиш, учирилган космик объектлар ва уларнинг экипажлари устидан юрисдикция ҳамда назоратни сақлаб қолиш, космик соҳада фаолият юритувчи давлатлар билан ҳамкорлик алоқаларини ўрнатиш орқали технологиялар трансферини жадаллаштириш каби кўплаб нормалар шулар жумласидандир.

➖Бир сўз билан айтганда, Ўзбекистоннинг “Космик фазо, шу жумладан Ой ва бошқа самовий жисмларни тадқиқ қилиш ва улардан фойдаланиш бўйича давлатларнинг фаолият тамойиллари тўғрисида”ги шартномага қўшилиши бўйича қабул қилинган Қонун, мамлакатимизнинг космик соҳадаги ҳуқуқий тизими халқаро умумэътироф этилган принциплар ва нормаларга асосланган ҳолда ривожланаётганидан далолат беради.

Telegram | Facebook | Instagram | Youtube | Медиабанк