Бир йўла тўртта ҳудудда 35 нафар бемор соғайиб, юртимизда жами соғайганлар сони 1405 нафарга етди

Шу соатларда бир йўла тўртта худудда: Қорақалпоғистонда 17 нафар, Сурхондарёда 9 нафар, Хоразмда 8 нафар ҳамда Сирдарёда 1 нафар, жами 35 нафар коронавирус инфекциясига чалинган беморлар бутунлай соғайиб, реабилитацияга кузатилди.

Эндиликда тўлиқ соғайганлар Қорақалпоғистонда 87 нафар, Сурхондарёда 29 нафар, Хоразмда 153 нафар ҳамда Сирдарёда 5 нафарга етди.

Шундай қилиб, бугуннинг ўзида 86 нафар бемор тузалиб, мамлакатимиз бўйлаб коронавирус инфекциясидан бутунлай соғайганлар 1405 нафарни ташкил этмоқда.

Эслатиб ўтамиз, айни пайтда юртимизда коронавирус инфекцияси аниқланганлар сони 2181 нафарни ташкил қилиб, соғайган ва вафот этганлардан ташқари, жами 766 нафар бемор даволанмоқда.

Соғлиқни сақлаш вазирлиги
Жамоатчилик билан алоқалар бўлими.

Каналга уланиш: 👇
@axborot_xizmatlariAOKA

Ички ишлар вазирлиги Юлдуз Усмонова иштирокидаги видеотасвир бўйича расмий муносабат билдирди

"Бугун ижтимоий тармоқларда Ўзбекистон халқ артисти Юлдуз Усмонованинг ички ишлар органлари ходимлари фаолиятидан норозилиги акс этган видеоматериаллар тарқалди. Мазкур тасвирлар жорий йилнинг 4 май куни Ю.Усмонованинг instagram ижтимоий тармоғидаги расмий саҳифасида тўғридан-тўғри эфирдан ёзиб олинган. Видеотасвирдаги ҳақоратомуз фикрлар бевосита ички ишлар органларига билдирилганлиги учун, Ички ишлар вазирлиги томонидан кўриб чиқилмоқда.

Ички ишлар органлари ходимларининг маънавий жиҳатдан қўллаб келаётган, ўз ижод намуналари билан ватанпарварлик туйғусини янада юксалтириш, ёшлар руҳиятида ватанга хизмат қилишдек муқаддас бурчни шакллантираётган санъаткорларимизнинг ўрни беқиёс.

Афсуски шундай оғир вазиятда таниқли санъаткор Юлдуз Усмонова томонидан ҳуқуқни муҳофаза қилиш органларининг хизмат фаолиятига бармоқ орасидан қараб, уларни асоссиз танқид қилиши ўта маданиятсизлик ва салбий ҳолат албатта. Ўз қилмиши билан Ю.Усмонова барча ички ишлар органлари ходимларини уятли сўзлар, обрўсизлантирувчи уйдирмалар ва беодоблик билан қасддан ҳақорат қилган.

Асли ҳолатга ойдинлик киритадиган бўлсак, жорий йилнинг 2 майида соат тахминан 21:00ларда Мирзо Улуғбек тумани 4-сонли ички ишлар бўлими профилактика инспектори лейтенант М.Ортиқжонов, шу туманда яшовчи Ю.Усмонованинг хонадонига ўттиз нафарга яқин фуқаролар, Сирдарё вилояти, Сардоба туманида рўй берган сув тошқинидан жабрланган аҳолига ёрдам бериш мақсадида хайрия учун турли хилдаги озиқ-овқат ҳамда бошқа мол-мулкларни олиб келганликларини кузатган. Ушбу юкни тегишли манзилга етказиб беришга ёрдам бериш мақсадида, ҳудудга бириктирилган ППХ ходимлари сержант Д.Ортиқов ва сафдор А.Султоновлар билан бирга юк машиналарига ортишга ёрдамлашиб, Тошкент шаҳар ИИББ ЙҲХБ ходими майор Б.Гаппаров бошқарувидаги махсус транспорт воситаси кузатувида Сирдарё вилоятига тўпланиб кетадиган йиғин жойига, яъни “Туркистон” санъат саройига кузатиб қўйган.

Шундан сўнг, Ю.Усмонова ўзининг ёрдамчилари орқали тўпланган юкларни дарҳол, яъни 3 май соат 00.10ларда ЙҲХБ ходимлари кузатуви остида Сирдарё вилоятига жўнатилишини талаб қилган. Шунда ходимлар Ю.Усмоновага Сирдарё вилоятига чиқиш белгиланган тартибда тегишли рухсатнома асосида, кундузги вақтда ҳамда уюшган ҳолда амалга оширилишини тушунтиришларига қарамасдан, унинг асоссиз танқидига учраганлар.

Жамиятда юриш-туриш қоидаларини менсимасдан, ўта маданиятсизлик билан турли ҳақоратомуз сўзларни гапираётган аёлга белгиланган тартибни тушунтиришга уринган ходимлар, зиддиятли вазиятни кескинлашиб кетишини олдини олиш мақсадида, ушбу аёл билан мулоқотни тўхтатиб, ўз хизмат вазифаларини давом эттирганлар. Шундан сўнг, Ю.Усмонова ижтимоий тармоқ орқали “он-лайн” тарзда ички ишлар органларини обрўсизлантирувчи, асоссиз ҳақоратлар акс эттирилган видеороликни тарқатган.

Мазкур ҳолат юзасидан Тошкент шаҳар ИИББ томонидан маданият ходими номига доғ туширган, жамиятда юриш туриш қоидаларини қасддан менсимаган, ички ишлар органлари ходимлари шаъни ва қадр-қимматини камситишга ҳаракат қилган фуқаро Ю.Усмонованинг хатти-ҳаракатларига ҳуқуқий баҳо бериш мақсадида суриштирув ишлари амалга оширилмоқда.

Иш якуни бўйича ҳолатга ойдинлик киритилиб айбдорларга қонуний тартибда чора белгиланади.

Шу ўринда вазиятга холис муносабат билдириб, ички ишлар органлари ходимларининг хизматларига адолат назари билан қараган фуқароларимизга, маданият вакилларига, журналистлар, блогерлар ҳамда ижтимоий тармоқларнинг фойдаланувчиларига миннатдорчилик билдирамиз" дейилади хабарда.

Каналга уланиш: 👇
@axborot_xizmatlariAOKA

2020 йил 4 май соат 23:00дан бугун, 5 май соат 10:00 ҳолатига кўра, яъни ўтган 11 соат ичида Ўзбекистонда коронавирус инфекцияси қайд этилмади.

Эслатиб ўтамиз, айни пайтда юртимизда коронавирус аниқланганлар сони 2189 нафарни ташкил қилиб, соғайганлар эса 1405 нафарга етди. Вафот этганлардан ташқари, ҳозирда 774 нафар бемор даволанмоқда.

Мамлакатимизда қаторасига сўнгги 14 кун давомида “COVID-19” инфекциясидан соғайганлар сони касалланганлар сонидан кўп бўлган, фақат ўнинчи куни икки ҳолат ҳам тенглашган.

Каналга уланиш: 👇
@axborot_xizmatlariAOKA

Давлат хизматлари агентлиги туғилиш билан боғлиқ бўлган давлат хизматларини композит тарзда кўрсатиш тартибини босқичма-босқич жорий этади.

Бунда:

📄туғруқхонадан бола туғилганлиги тўғрисида маълумотнома бериш;

✅ФҲДЁ бўлимида бола туғилганлигини қайд қилиш;

🏘 болани отаси ёки онасининг доимий яшаш манзилига рўйхатга қўйиш;

💴фарзанд туғилганда бериладиган бир марталик нафақа пулини олиш;

🏥поликлиникага рўйхатга қўйиш;

🏠‍болани мактабгача таълим муассасасига навбатга қўйиш каби ҳаракатлар электрон равишда бир вақтда амалга оширилади.

Ушбу давлат хизматидан фойдаланиш учун биргина ФҲДЁ бўлимига мурожаат қилишнинг ўзи кифоя.

Батафсил

Каналга уланиш: 👇
@axborot_xizmatlariAOKA

#Tavsiya #Karantinda_mutolaa

Карантин туфайли кўп газеталар бугун фаолиятини вақтинча тўхтатган. Бироқ энг асосий ижтимоий-сиёсий газеталар чиқишда ва аҳолига ахборот тарқатишда давом этмоқда.

📍Телеграмдаги «Газеталар шарҳи» канали (https://t.iss.one/gazetalar_sharhi) газета ўқувчилари учун муҳим ташаббусни йўлга қўйган. Каналда «Халқ сўзи» ва «Народное слово», «Янги Ўзбекистон» ва «Правда Востока», «Ватанпарвар», «Ўзбекистон бунёдкори», «Биржа» ва бошқа айрим тармоқ газеталари, шунингдек, вилоят газеталарининг электрон шаклини жойлаштириб бормоқда.

🔎 Газеталарни ўқимоқчи бўлсангиз, @gazetalar_sharhi каналини кузатиб боринг.

💠 Дунёда сувни у ёки бу шаклда бошқариб турувчи ва инсон манфаатлари учун хизмат қилувчи минглаб тўғонлар, сув омборлари ва ГЭСлар мавжуд.

💤🏞 Тарих бу иншоотларнинг турли сабабларга кўра бузилиши ва сувнинг катта босим билан отилиб чиқишига кўп бор гувоҳ бўлган.

‼️ Мазкур мавзуда Kun.uz сайтининг жаҳондаги турли тўғонларда рўй берган энг йирик авариялар ҳақида сўз юритилган мақоласини ўқишни тавсия этамиз.

Каналга уланиш: 👇
@axborot_xizmatlariAOKA

Расмий тайинлов

Акбаржонов Азиз Акбаржон ўғли “Ўзсаноатқурилишбанк” Бошқаруви Раисининг биринчи ўринбосари этиб тайинланди.

А.Акбаржонов (1985 йилда туғилган) бунга қадар “Ўзсаноатқурилишбанк” Кредит бош директори лавозимида фаолият юритган. Унга қадар “Ўзсаноатқурилишбанк” Ижро аппарати ва лойиҳа бошқаруви департаменти директори, ЎзМиллийбанкда қатор раҳбарлик лавозимларида ишлаган.

•┈┈┈┈••••••┈┈┈┈•

Акбаржонов Азиз Акбаржон угли назначен первым заместителем Председателя Правления "Узпромстройбанка".

А.Акбаржонов (1985 г.р.) до настоящего времени осуществлял деятельность в должности Генерального директора по кредитам "Узпромстройбанка". До этого работал директором Департамента исполнительного аппарата и проектного управления "Узпромстройбанка", а также на ряд руководящих должностях в УзНацбанке.

Каналга уланиш: 👇
@axborot_xizmatlariAOKA

‼️Санитария-эпидемиология назорати давлат инспекцияси бошлиғи, Республика бош давлат санитария инспектори Нурмат Отабеков:

➖ Мамлакатимизда айни дақиқаларга келиб, коронавирус юқтирган 2189 фуқаро рўйхатга олинган. Беморларни даволашда ижобий натижалар қайд этилиши давом этяпти. 4 май куни 86 фуқаро тўлиқ соғайиб, реабилитация марказларига ўтказилди. Айни пайтга қадар1405 бемор тўлиқ соғайган. Шифохоналарда даволанаётган 774 бемордан 10 нафарининг аҳволи оғир, 1 нафарининг аҳволи ўта оғир, деб баҳоланяпти

☑️ Ҳозирда 52 мингдан ортиқ фуқаро стационар ва уй шароитида карантин муддатларини ўтаяпти. Кечанинг ўзида 10 минг 500 дан зиёд, шу пайтга қадар эса жами 335 мингдан кўпроқ коронавирус касаллигига лаборатория текширувлари ўтказилган.

Каналга уланиш: 👇
@axborot_xizmatlariAOKA

Олий суд Ахборот хизмати Зарафшон шаҳрида 10 нафар маҳкумнинг жазоси енгилроғи билан алмаштирилиб оилаларига қайтгани ҳақида ахборот берди

Бугунги кунда жиноят ишлари бўйича Зарафшон шаҳар суди томонидан маҳкумларга нисбатан инсонпарварлик тамойилларига кўра, ЖКнинг 74-моддаси талаблари асосида жазони енгилроғи билан алмаштириш юзасидан 36-сон МК томонидан киритилган тақдимномалар тезкорлик билан кўриб чиқилмоқда.

Жорий йилнинг 4 май санасида жиноят ишлари бўйича Зарафшон шаҳар суди томонидан 36-сон Манзил колониясида жазо муддатини ўтаётган жазони ўташ даврида ички тартиб қоидаларга тўлиқ риоя қилган, жазони ўташ даврида интизомий жазоларга тортилмаган, ижобий тавсифномага эга ҳамда меҳнатга ҳалол муносабатда бўлган 10 нафар маҳкумга ЖКнинг 74-моддасига асосан жазони енгилроғи билан алмаштириш юзасидан киритилган тақдимномалар қаноатлантирилди ва маҳкумлар ўз оиласи бағрига қайтди.

Каналга уланиш: 👇
@axborot_xizmatlariAOKA

⁉️ Бугунги кунда очиқ қолаётган савол

Банклар жисмоний шахсларга ўз ҳолатларидан келиб чиқиб кредит каникуллари тақдим этдилар.

Бунда кредит каникули фақат ва фақат асосий қарзи тўловлари бўйича берилди.

Ушбу даврда фоизлар ҳисобланиши тўхтатилмаслиги ҳам банклар ҳам Марказий банк томонидан маълум қилинди.

Шунингдек, ушбу даврда тўланмаган фоизлар учун пеня ва жарималар ҳисобланмаслиги ҳам белгиланди.

Баъзи банкларда бу ой кредит каникуллари ўз якунига етади ва кейинги ойдан бошлаб фуқаролар кредит тўловларини амалга оширишига тўғри келади.

Кўпчилик жисмоний шахслар томонидан икки ой давомида тўланмаган фоиз тўловлари суммасини келаётган бир ой ичида тўлаш имкони бўлмаслиги аниқ.

❓Савол: Каникул даврида ҳисобланган аммо тўланмаган фоизларга каникул даври тугагинидан кейин бирданига тўланмаса уларга пеня ва жарималар қўлланиладими? Мижозларга ушбу фоизларни бўлиб тўлаш имконияти бериладими?

Каналга уланиш: 👇
@axborot_xizmatlariAOKA

❗️ Адлия вазирлиги ва «Юксалиш» умуммиллий ҳаракати томонидан «Салом, Сардоба, биз биргамиз!» хайрия акцияси доирасида қарийб 70 млн. сўм маблағ тўпланди.

Бугуннинг ўзида пойтахт аҳолиси 1000 нафардан зиёд одамга мўлжалланган болалар ва катталар устки кийимлари, кўрпа-тўшак ва ёстиқлар, оёқ-кийим, идиш-товоқ, гигиена воситалари, озиқ-овқат маҳсулотлари, болалар ўйинчоқларини олиб келишди. Кўнгиллилар барча нарсаларни йиғиб, Сирдарё вилоятига жўнатиш учун тайёрлаб қўйдилар.

Махсус очилган ҳисоб рақамига келиб тушган маблағлар ҳисобига истеъмол товарлари, озиқ-овқат маҳсулотлари, дори-дармонлар ҳамда бошқа буюмлар сотиб олинади.

❗️Давлат геология ва минерал ресурслар қўмитаси томонидан ҳам Сирдарё вилоятининг талофот кўрган аҳолисига марказлашган инсонпарварлик ёрдамини кўрсатиш мақсадида турли маҳсулотлардан ташкил топган 3 та юк машинаси юборилди.

❗️Ўзбекистон Республикаси Фанлар академияси ва илмий-тадқиқот муассасалари раҳбарлари, ходимлари, олимлар “Биз сиз билан биргамиз” акцияси доирасида инсонпарварлик ёрдами сифатида кундалик ҳаётда ишлатиладиган уй-рўзғор буюмлари, озиқ-овқат маҳсулотлари, кийим-кечаклар, болалар учун турли хил ўйинчоқлар, китобларни Сардоба туманидаги Халқабод маҳалласига етказиб берди. Ҳозирда ФА тизимида хайрия сифатида 110 млн. сўмдан ошиқ маблағ тўпланди.

Хайрия акциялари давом этмоқда.

Каналга уланиш: 👇
@axborot_xizmatlariAOKA

Ўзбек гилоси Россия бозорларида сотила бошланди

Ўзбек гилосининг илк жўнатмаси Россияга муваффақиятли экспорт қилинган.

БМТнинг Озиқ-овқат ва қишлоқ хўжалиги ташкилоти (ФАО) маслаҳатчиси Бахтиёр Абдувоҳидовнинг сўзларига кўра, ўтган ҳафта Новосибирскга ўзбек гилоси ортилган биринчи юк машинаси кириб келган.

Ўзбек гилосининг бир кг 550 рублдан (7,3 АҚШ доллар) сотилган ва шу нархда баҳоланаётган резавор меваларга бўлган талабдан ҳам ошиб кетган. Чакана савдода эса ушбу маҳсулотнинг тахминан 1 кг учун 13 доллардан кўпроқ баҳоланган бўлиши мумкин.

Бизнинг сайт 👉oziq-ovqat.uz
Телеграм каналимиз👉 https://t.iss.one/uzboziqovqat
Фейсбукдаги саҳифамиз 👉https://m.facebook.com/uzbekoziqovqatxolding

АКТ соҳасида текширув ўтказиш тартиби қандай бўлади?

📑 Вазирлар Маҳкамасининг “Ахборот-коммуникация технологияларини жорий этиш ва ривожлантириш, ахборот хавфсизлигини таъминлашнинг назорати тизимини янада такомиллаштириш тўғрисидаги” қарори лойиҳаси норматив-ҳуқуқий ҳужжатлар лойиҳалари муҳокамаси порталига жойлаштирилди.

✅ Қарор лойиҳасида давлат ва хўжалик бошқаруви, маҳаллий давлат ҳокимияти органлари, бошқа ташкилот ва идораларда АКТни жорий этиш ва ривожлантириш ҳамда ахборот хавфсизлигини таъминлашнинг ҳолати юзасидан ўтказиладиган текширишлар Вазирлар Маҳкамаси билан келишилган ҳолда амалга оширилиши;

📢 соҳада истеъмолчиларга хизмат кўрсатадиган хўжалик юритувчи субъектларининг фаолиятида алоқа, ахборотлаштириш ва телекоммуникация технологиялари, даврий босма нашрларни тарқатиш ва муаллифлик ҳуқуқлари соҳасида ЭҲМ учун дастурлар тарқатилишида қонун ҳужжатларига риоя қилиниши юзасидан ўтказиладиган текширишлар Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил девони хабардор қилинган ҳолда амалга оширилиши;

🔔 интерактив давлат хизматлари кўрсатилишида узилишлар, ахборот тизимларида ва тармоқларида алоҳида оммавий тусдаги бузилиш ҳолатлари (узилишлар, тўхталишлар, авария ҳолати ва бошқалар) юзага келганда давлат ва хўжалик бошқаруви, маҳаллий давлат ҳокимияти органлари, бошқа ташкилот ва идоралар ҳамда хўжалик юритувчи субъектлар томонидан 1 иш кунидан кўп бўлмаган муддатда ёзма ёки электрон тарзда Ўзкомназорат хабардор қилинади, шунингдек бузилиш ҳолатлари бартараф этилгандан кейин авария ҳолати бартараф этилганлиги ва унинг келиб чиқиш сабаблари юзасидан маълумот Ўзкомназоратга тақдим этилиши белгилаб қўйилган.

🕛 Ҳужжат муҳокамаси 2020 йил 9 майда якунига етади.

Каналга уланиш: 👇
@axborot_xizmatlariAOKA

Қозоғистон Ўзбекистонга протест нотасини юбориши масаласи мавжуд эмас

Бу ҳақда «Казинформ» ахборот агентлигига ҚР ТИВининг расмий вакили Айбек Смадияров хабар берди.

Аввалроқ, бир қатор Қозоғистон ва маҳаллий ОАВларда “Қозоғистон Экология, геология ва табиий ресурслар вазирлиги ўзбекистонлик ҳамкасбларига Ўзбекистон томонидан трансчегаравий сувларда қурилган гидротехник иншоотлар тўғрисида тўлиқ маълумот беришни сўраб расмий хат йўллайди”, деган мазмундаги хабар тарқалган эди.

Эслатиб ўтиш жоиз, 2020 йил 2 май куни Ўзбекистон ва Қозоғистон Президентлари телефон орқали мулоқот давомида Сардоба сув омборидаги фавқулодда ҳодиса билан боғлиқ жорий вазиятни ҳамда унинг оқибатларини бартараф этиш бўйича яқин ҳамкорликни ташкил этиш масалаларини батафсил муҳокама қилган эди.

Каналга уланиш: 👇
@axborot_xizmatlariAOKA