⚡️⚡️Талабa бўлиш истагидаги аёл-қизлар шошилинг: Оила ва хотин-қизлар қўмитасидан тавсиянома олиш учун аризалар қабули бошланди

✅ Ҳукумат қарорига мувофиқ мутахассислиги бўйича камида 5 йил меҳнат стажи мавжуд, бироқ олий маълумотга эга бўлмаган хотин-қизлар давлат олий таълим муассасаларига алоҳида қабул параметрлари (жами 500 та квота) доирасида тўлов-контракт асосида ўқишга қабул қилиниши белгиланган.

📝Ушбу имтиёздан фойдаланмоқчи бўлган хотин-қизлар Оила ва хотин-қизлар қўмитасининг тавсияномасига эга бўлишлари лозим.

🗣Тавсиянома олиш учун талабгорлар қуйидаги мезонларнинг барчасига мувофиқ келиши керак:

⏺ ўрта махсус ёки профессионал таълим бўйича мутахассисликка
эга бўлиши;

⏺ тавсиянома олгунга қадар олий таълим олмаганлиги ёки олмаётганлиги;

⏺ ўрта махсус ёки профессионал таълим мутахассислиги бўйича камида беш йиллик меҳнат стажига эга бўлиши.
 
📝 Талабгорлар жорий йилнинг 1 июнига қадар (шу куни ҳам) ариза билан доимий яшаш ёки вақтинча рўйхатда турган жойидаги туман (шаҳар) Ишчи гуруҳларига мурожаат этадилар ва қуйидаги ҳужжатларни тақдим этадилар:

😉 Фуқаролик паспорти ёки ID карта нусхаси;
😉 Меҳнат дафтарчаси (электрон меҳнат дафтарчаси)дан кўчирма;
😉 Ўрта-махсус ёки профессионал таълим бўйича диплом.
 
🔎Талабгорлар томонидан тақдим этилган ариза ва ҳужжатлар туман (шаҳар) Ишчи гуруҳлари томонидан ўрнатилган тартибда 1-7 июнь кунлари кўриб чиқилади ва тавсиянома бериш ёки тавсиянома беришни рад этиш тўғрисида хулоса қабул қилинади.

‼️2022/2023 ўқув йилида тавсиянома олган, бироқ олий таълим муассасаларида талабаликка тавсия этилмаган хотин-қизларнинг тавсияномалари 2023-2024 йиллар учун ҳам амал қилади.

📌Батафсил

Telegram | Facebook | Instagram | Youtube | Медиабанк

Жиззахда бўлим прокурори қўлга олинди

Жиззах шаҳрида яшовчи якка тартибдаги тадбиркор чорвачилик билан шуғулланиш мақсадида 2020 йилда банкдан 200 млн. сўм миқдорида имтиёзли кредит олган ва ушбу маблағ ҳисобидан қорамол сотиб олиб, оилавий тадбиркорликни йўлга қўйган.

Бироқ, жорий йилнинг февраль ойида кредит берган банк тадбиркор томонидан кредит маблағи мақсадсиз сарфланган деган хулоса билан вилоят прокуратурасига чора кўриш учун мурожаат қилган.

Ўз навбатида, ўрганиб чиқиш ва қонуний қарор қабул қилиш учун мазкур мурожаат Жиззах шаҳар прокуратурасига юборилиб, унинг назорати вилоят прокуратураси бўлим прокурорига юклатилган.
Мурожаатни ўрганиб чиққан Жиззах шаҳар прокуратураси томонидан жиноят иши қўзғатиш рад этилган.

Лекин, вилоят прокуратурасининг бўлим прокурори эса гўёки унинг ўзи тадбиркорга нисбатан жиноят иши қўзғатишни рад этганлигини иддао қилиб, “хизмати” эвазига ундан 1300 АҚШ доллари олган вақтида ДХХ ходимлари томонидан ашёвий далиллар билан ушланди.

Telegram | Facebook | Instagram | Youtube | Медиабанк

❗️ССВ: Пойтахтимизда аллерголог-клиник иммунологларнинг III халқаро форуми ўтказилади

Шу йил 22 май куни Республика илмий ихтисослаштирилган аллергология маркази йирик анжуманга мезбонлик қилади.

Муассасанинг янги қурилган биносида Ўзбекистон аллерголог-клиник иммунологларининг III халқаро форуми ўтказилади.

Тадбирга Россия, Австрия, Қозоғистон каби қатор мамлакатлардан етакчи олимлар таклиф этилган. Шунингдек, юртимизда фаолият кўрсатаётган соҳа мутахассислари иштирок этади.

Форумнинг бу галги мавзуси “Аллергик касалликларнинг аллергенлар билан махсус иммунтерепия давосининг замонавий ҳолати ва истиқболлари” деб номланган.

Унинг кун тартибидан аллергологик хизмат, бронхиал астма, аллергик ринит ва молекуляр аллергологик диагностика, дори аллергияси ҳамда атопик дерматитга доир долзарб муаммолар муҳокамаси ўрин олган.



Telegram | Facebook | Instagram | Youtube | Медиабанк

📊 Тошкент метрополитенида 1 кунда ўртача нечта йўловчи ташилмоқда?

🏢 Статистика агентлиги маълумотларига кўра, 2023 йил январь-март ойларида Тошкент метрополитенида 38,7 млн йўловчи ташилган.

✅ Бу кўрсаткич 2022 йилнинг мос даврига нисбатан 11,3 млн нафарга кўп.

✅ 2023 йил январь-март ойларида Тошкент метрополитенида бир кунда ўртача 430,1 минг нафар йўловчилар ташилган бўлиб, 2022 йилнинг мос даври билан солиштирилганда 41,3 % кўп.

Telegram | Facebook | Instagram | Youtube | Медиабанк

⚡️"Сўнгги қўнғироқ” тадбирлари “Илмни қадрланг, илмга интилинг!” шиори остида ташкил этилади.

Мактабгача ва мактаб таълими вазирлиги томонидан 2022-2023 ўқув йилини якунлаш ва “Сўнгги қўнғироқ” тадбирларини ўтказиш бўйича тавсиялар ишлаб чиқилди.
Унга кўра бу йилги “Сўнгги қўнғироқ” тадбирларида фақат 1-, 4-, 9-, 11-синф ўқувчилари иштирок этиши тавсия қилинади.

Батафсил

Telegram | Facebook | Instagram | Youtube | Медиабанк

ИИВ Тезкор-қидирув департаменти Киберхавфсизлик маркази томонидан “Телеграм” мессенжерида “Hello Tashkent, salam Tashkent“ номли канал ва гуруҳларни ташкил этиб, уларга фуқароларнинг шаъни ва қадр-қимматини камситувчи видео тасвирларни жойлаштириб келган гуруҳ аниқланиб, қўлга олинди. Гуруҳ ва канал бошқарувчилари жойланган тасвирларни ўчириш эвазига товламачилик йўли билан фуқаролардан пул талаб қилиб келган.

“Hello Tashkent, salam Tashkent“ гуруҳ ва каналларидан жабрланган фуқаролар
102 қисқа рақами ёки +998 99 117-60-87 рақамлари орқали хабар беришларини сўраймиз. Маълумот берган фуқароларнинг шахси сир сақланиши кафолатланади.


Telegram | Facebook | Instagram | Youtube | Медиабанк

🚰 Ичимлик ва оқова сув таъминотидаги муаммо ва ечимлар, дебитор қарздорлик ҳамда тармоққа ноқонуний уланишни бартараф этиш чоралари

АОКАда "Ўзсувтаъминот” АЖ Ахборот хизмати раҳбари Акмал Муродов иштирокида шу мавзуда брифинг бошланди.

Қуйидаги ҳавола орқали тўғридан-тўғри томоша қилишингиз мумкин:

📹 Жонли эфир
〰️〰️〰️

Telegram | Facebook | Instagram | Youtube | Медиабанк

Mastercard Ўзбекистонда ваколатхонасини очади

Самарқандда бўлиб ўтаётган ЕТТБнинг йиллик конференцияси чоғида Mastercard глобал тўлов технологиялари компанияси Ўзбекистонда ўзининг биринчи расмий ваколатхонаси очилишини маълум қилди.

«Расмий ваколатхонани очиш бизга жойлардаги эҳтиёжни яхшироқ тушуниш имконини беради ва биз энг замонавий рақамли технологик ечимларни таклиф этиб, янада ғайрат билан ишлаймиз. Эндиликда барчанинг манфаати учун, яқин йилларда рақамли иқтисодиёт тараққиёти бўйича умумий мақсадларга эришиш йўлида, биз янада фаол ва унумли ишлашимизга аминман», — деди EEMEA (Шарқий Европа, Яқин Шарқ, Африка) минтақасида Mastercard президенти Димитриос Досис.

Telegram | Facebook | Instagram | Youtube | Медиабанк

❗️Талабa бўлиш истагидаги хотин-қизлар шошилинг: Оила ва хотин-қизлар қўмитасидан тавсиянома олиш учун аризалар қабули бошланди.

Ҳукумат қарорига мувофиқ мутахассислиги бўйича камида 5 йил меҳнат стажи мавжуд, бироқ олий маълумотга эга бўлмаган хотин-қизлар давлат олий таълим муассасаларига алоҳида қабул параметрлари (жами 500 та квота) доирасида тўлов-контракт асосида ўқишга қабул қилиниши белгиланган.

Ушбу имтиёздан фойдаланмоқчи бўлган хотин-қизлар Оила ва хотин-қизлар қўмитасининг тавсияномасига эга бўлишлари лозим.

Тавсиянома олиш учун талабгорлар қуйидаги мезонларнинг барчасига мувофиқ келиши керак:

➖ ўрта махсус ёки профессионал таълим бўйича мутахассисликка
эга бўлиши;

➖ тавсиянома олгунга қадар олий таълим олмаганлиги ёки олмаётганлиги;

➖ўрта махсус ёки профессионал таълим мутахассислиги бўйича камида беш йиллик меҳнат стажига эга бўлиши.
 
▪️Талабгорлар жорий йилнинг 1 июнига қадар (шу куни ҳам) ариза билан доимий яшаш ёки вақтинча рўйхатда турган жойидаги туман (шаҳар) Ишчи гуруҳларига мурожаат этадилар ва қуйидаги ҳужжатларни тақдим этадилар:

➖ фуқаролик паспорти ёки ID карта нусхаси;
➖ меҳнат дафтарчаси (электрон меҳнат дафтарчаси)дан кўчирма;
➖ ўрта-махсус ёки профессионал таълим бўйича диплом.
 
▪️ Талабгорлар томонидан тақдим этилган ариза ва ҳужжатлар туман (шаҳар) Ишчи гуруҳлари томонидан ўрнатилган тартибда 1-7 июнь кунлари кўриб чиқилади ва тавсиянома бериш ёки тавсиянома беришни рад этиш тўғрисида хулоса қабул қилинади.

❗️2022/2023 ўқув йилида тавсиянома олган, бироқ олий таълим муассасаларида талабаликка тавсия этилмаган хотин-қизларнинг тавсияномалари 2023-2024 йиллар учун ҳам амал қилади.

Telegram | Facebook | Instagram | Youtube | Медиабанк