Барча мактабларда бошланғич синф ўқувчиларини бепул овқат билан таъминлаш йўлга қўйилади

🔰Президент фармони лойиҳасига мувофиқ, таълим сифатини ошириш мақсадида қуйидагилар белгиланмоқда:

🗓 2023 йил 1 сентябрдан ҳар бир туман (шаҳар)даги биттадан мактабда ўқувчиларни 2 та хорижий тил ва битта касб-ҳунарга ўргатиш амалиёти йўлга қўйилади.

🔘 2023/2024 ўқув йилидан:

🔸босқичма-босқич янги ўқув дастурлари амалиётга киритилади;

🔸республиканинг барча вилоятлари ва Тошкент шаҳрида бошланғич синф ўқувчиларини бепул овқат билан таъминлаш йўлга қўйилади;

🔸давлат грантлари коллеж ва техникумларнинг дуал таълим шакли бўйича ҳам ажратилади.

🔘 2023 йил 1 апрелдан мактабгача таълим қамровини кенгайтириш мақсадида:

🔸янги давлат боғчаларини кўп квартирали уйларнинг нотурар қаватларида ёки бошқа уйларни сотиб олиб ташкил этишга рухсат этилади;

🔸давлат-хусусий шериклик асосида ижарага берилган ерда хусусий боғчани қурган хусусий шерикка ушбу бинони мазкур лойиҳа учун банк кредитлари бўйича гаровга қўйишга оид чекловлар бекор қилинади.

Манба

Telegram | Facebook | Instagram | Youtube | Медиабанк

Орол денгизининг қуриган тубида ўрмонзорлаштиришнинг янги мавсуми бошланди

Telegram | Facebook | Instagram | Youtube | Медиабанк

Автомактаблар учун лицензия эндиликда Ички ишлар вазирлиги томонидан берилади.

Илгари Вазирлар Маҳкамаси ҳузуридаги Таълим сифатини назорат қилиш давлат инспекцияси томонидан берилган.

Шунингдек, ИИВ автомототранспорт воситалари ва шаҳар электр транспорти воситалари ҳайдовчиларининг малакасини ошириш фаолиятини бошлаганлик ёки тугатганлик тўғрисида хабарномани қабул қиливчи орган этиб белгиланмоқда.

Президент томонидан имзоланган тегишли қонун 5 майдан кучга киради.

Telegram | Facebook | Instagram | Youtube | Медиабанк

Ўзбекистон Республикаси Президенти Шавкат Мирзиёев Туркман халқининг миллий етакчиси ва Туркманистон Халқ Маслаҳати Раиси Гурбангули Бердимуҳамедов билан телефон орқали мулоқот қилди.

Telegram | Facebook | Instagram | Youtube | Медиабанк

Мактабларда бир синфдаги ўқувчилар сони 35 нафардан ошмаслиги белгиланган

Ижтимоий тармоқларда тарқалган Ўзбекистондаги мактабларда бир синфдаги ўқувчилар сони 20 нафаргача қисқартирилиши тўғрисидаги хабарлар юзасидан Мактабгача ва мактаб таълими вазирлиги изоҳ берди.

Президентнинг тегишли қарорига кўра, 2022-2026 йилларда умумий ўрта таълим муассасаларини қуриш, реконструкция қилиш ва мукаммал таъмирлаш ҳисобига 1,2 миллион ўқувчи ўрни миқдоридаги янги қувватлар яратилиши топширилган.

Айни дамда бир синфда ўқувчилар сони 35 нафардан ошмаслиги белгиланган бўлиб, блогерлардан ёлғон маълумотлар тарқатмасликни сўраб қоламиз, дейилади хабарда.

Telegram | Facebook | Instagram | Youtube | Медиабанк

📢 8 февраль, чоршанба куни АОКАда ўтказилиши режалаштирилган брифинглар:

〰️〰️〰️
📌 Мавзу: Орол денгизининг қуриган тубида 2022 йилда амалга оширилган ва 2023 йилда бошланган ишлар
● Вақти: 10:00
● Иштирок этади: Отабек Ашуров, Ўрмон хўжалиги агентлиги ахборот хизмати раҳбари

〰️〰️〰️
📌 Мавзу: “Ўзкимёсаноат” АЖ ва тармоқ корхоналари Комплаенс хизмати томонидан 2022 йил давомида коррупцияга қарши курашиш соҳасида амалга оширилган ишлар
● Вақти: 16:00
● Иштирок этади: Рустамбек Эшбеков, Акционерлик жамияти ахборот хизмати раҳбари

Telegram | Facebook | Instagram | Youtube | Медиабанк

⚠️Лойиҳа ташкилотлари қурилишларни ҳудуднинг белгиланган сейсмик балига кўра (7, 8, 9 ) лойиҳалаштиради

Қурилиш ва уй-жой коммунал хўжалиги вазирлиги томонидан ташкил этилган матбуот анжуманида журналистнинг “Бизда қурилаётган уйлар қанчалик зилзилага бардошли, тажрибалар ўтказилганми? Неча баллгача “гарантия” бера оласизлар?”, мазмунидаги саволига Қурилиш ва уй-жой коммунал хўжалиги вазири ўринбосарининг жавоби ижтимоий тармоқларда кенг муҳокамаларга сабаб бўлди.

Шуни таъкидлаш лозимки, тақдим этилган видеолавҳада гап қурилишда жавобгар аввало, буюртмачи эканлиги хусусида бормоқда. Боиси буюртмачи техник назорат бўйича мутахассисни бириктиради ёки ушбу фаолият турини амалга ошириш ҳуқуқига эга бўлган юридик шахсни шартнома асосида жалб қилади.

🟠Шаҳарсозлик кодексининг 5-боб, 26-моддасида қурилишни назорат қилишда фунционал мажбуриятлар белгилаб қўйилган. Бунда шаҳарсозлик фаолияти субектлари томонидан қурилишга тайёргарлик кўриш ва шаҳарсозлик ҳужжатларини ишлаб чиқиш ҳамда қурилиш-монтаж, ишга тушириш, созлаш ишларини бажариш қатъий назорат қилинади. Шунингдек, объектни фойдаланишга қабул қилиб олиш даврида шаҳарсозлик тўғрисидаги қонун ҳужжатларига ҳамда шаҳарсозлик норма ва қоидалари талабларига риоя этилиши текширилади.

➡️Объектларни қуриш чоғида қурилиш устидан давлат назорати, буюртмачининг техник назорати, ишлаб чиқувчининг муаллифлик назорати ва пудратчининг ички назорати бўлиши талаб этилади. Белгиланган қонунчиликка кўра, бино ва иншоотларнинг зилзилабардошлилигига таъсир қилувчи, шунингдек, фуқаро ҳаёти ва соғлиғига таҳдид солувчи конструктив қоидабузарликлар аниқланган ҳолларда қурилиш-монтаж ишлари тўхтатиб қўйилади ҳамда демонтаж ишларини амалга оширилиши талаб қилинади.

Агар сифатсиз қурилиш материаллари, конструкциялар ҳамда буюмлар қўлланилган бўлса, уларни ишлаб чиқаришни, реализация қилиш ҳамда қўллашни тўхтатиб туриш ҳақида тегишли давлат органлари ва ташкилотларга тақдимномалар юборилади.
Бу жараёнларда қурилишда назорат инспекцияси томонидан маҳаллий ижро этувчи ҳокимият органлари, нодавлат нотижорат ташкилотлари вакиллари, илмий-техник ва илмий-тадқиқот ташкилотлари экспертлари иштирокида давлат назорати тартибида текширувлар ўтказилади.

📎 Жумладан, объектдаги ички назорат ишлари пудратчи томонидан камчиликларни ўз вақтида аниқлаш ҳамда уларни бартараф этиш ва олдини олиш мақсадида амалга оширилишини эслатиб ўтмоқчимиз.
Фуқаролик кодексининг тегишли моддаларида қурилиш ишларида сифатга кафолат бериш ҳамда улар лозим даражада бажарилмаган тақдирда пудратчининг жавобгарлиги ҳам белгилаб қўйилган.

✔️ Шуни алоҳида таъкидлаш керакки, лойиҳа ташкилотлари томонидан қурилишлар ҳудуднинг белгиланган сейсмик балига кўра (7, 8, 9 ) режалаштирилган ҳолда лойиҳалаштирилади. Экспертиза органлари томонидан қабул қилинаётган ҳужжатларда обектнинг лойиҳа смета ҳужжатлари, йиғма экспертиза хулосаси (бунда ёнғин хавфсизлиги ва сейсмик бардошлилиги инобатга олиниши зарур) олинади.

Telegram | Facebook | Instagram | Youtube | Медиабанк

Ўзбекистон Республикаси Фавқулодда вазиятлар вазирлиги қутқарувчилари Туркия Республикасига етиб боришлари билан зилзила юз берган ҳудудда қидирув-қутқарув ишларини бошлаб юбордилар.

Бугун, 8 феврал куни соат 8:00 га қадар 132 м.кв. майдонда 430 метр.куб вайроналарни тозалаш ишлари бажарилиб, натижада 9 нафар инсон турли хилдаги тан-жароҳатлари билан қутқарилди ва уларга жойида биринчи тиббий ёрдам кўрсатилди. Шунингдек, 12 нафар қурбоннинг жасади вайроналар остидан олиб чиқилди.

Telegram | Facebook | Instagram | Youtube | Медиабанк