🦠Коронавирус кўрсаткичи яна пасайди — 74 кишида инфекция аниқланди

😷2022 йил 4 июль ҳолатига кўра, Ўзбекистонда коронавирус инфекцияси қайд этилганлар сони 241196 нафарни ташкил этмоқда.

📍Янги касалланиш ҳолатларининг 5 нафари Қорақалпоғистон, 4 нафари Андижон, 5 нафари Бухоро, 7 нафари Жиззах, 2 нафари Қашқадарё, 4 нафари Навоий, 4 нафари Наманган, 6 нафари Самарқанд, 4 нафари Сирдарё, 5 нафари Сурхондарё, 4 нафари Фарғона, 7 нафари Хоразм, 3 нафари Тошкент вилояти, 14 нафари Тошкент шаҳрида аниқланган.

✔️Кеча кун давомида 62 нафар бемор тузалиб, касалликдан соғайганлар жами 238292 нафарга етди ва соғайиш кўрсаткичи 99 фоизни ташкил этмоқда.

Telegram | Facebook | Instagram | Медиабанк

Ўзбекистонлик таэквондочи қиз илк бор жаҳон рейтинги пешқадамига айланди

Кореяда бўлиб ўтган Осиё чемпионатидан сўнг таэквондочиларнинг янгиланган рейтинги эълон қилинди. Унда Чарос Қаюмова -53 кг вазнда 126.84 балл билан аёллар тасниф жадвалида пешқадам бўлган биринчи Ўзбекистонлик таэквондочи қизга айланди.

Telegram | Facebook | Instagram | Медиабанк

Ўзбекча Википедияда мақолалар сони 150 мингтадан ошди

Май ойидаги «WikiStipendiya» лойиҳаси бошлангандан бери 3 июль ҳолатига кўра, ўзбекча Wikipedia`да яратилган мақолалар сони 150 000 тага етди. Бу ҳақда Ёшлар ишлари агентлиги директори Алишер Саъдуллаев ўзининг Telegram-каналида маълум қилди.

Ўзбекча Wikipedia айни пайтда 150 082 та мақола билан барча тиллардаги Wikipedia`лар орасида 58 ўринда бормоқда. Бунга қадар эса хаттоки ўлик тиллардан ҳам пастроқ, 62 ўринда бўлган.

«Вики-стипендия» лойиҳаси ишга тушгач, аввал ўзбекча Википедияда мавжуд бўлмаган жуда кўплаб мақоалалар жойланди. Масалан, «Янги Ўзбекистон боғи», «Заковат» интеллектуал ўйини, Самарқанд нони, Ўзбекистон Қаҳрамони Лола Муротова ҳақидаги мақолалар шулар жумласидандир.

Маълумот учун, лойиҳада иштирок этиш учун @Wikistipendiya_bot орқали рўйхатдан ўтиш ва Википедияда ўзбек тилидаги мақолаларни бойитишда фаол иштирок этиш мумкин. Лойиҳа АОКА, Ёшлар ишлари агентлиги ҳамда Ўзбек тилида сўзлашувчи викимедиачилар фойдаланувчи гуруҳи билан ҳамкорликда ташкиллаштирилган.

Мақолалар яратиш бўйича WikiStipendiya марафони 2022 йилнинг 12 декабрига қадар давом этади. Унда рўйхатдан ўтган ҳар қандай иштирокчи қатнашиши мумкин. Ғолиблар бир марталик стипендия билан тақдирланади:

1-ўринга — 50 000 000 сўм;
2-ўринга — 40 000 000 сўм;
3-ўринга — 30 000 000 сўм;
4−8-ўринларнинг ҳар бирига — 20 000 000 сўмдан;
9−18-ўринларнинг ҳар бирига — 10 000 000 сўмдан;

Telegram | Facebook | Instagram | Медиабанк

🧂Йод танқислиги касалликлари бўйича кўрилаётган чора-тадбирлар

АОКАда Санитария-эпидемиологик осойишталик ва жамоат саломатлиги хизмати бошлиғи ўринбосари Нурмат Отабеков иштирокида шу мавзуда брифинг бошланди.

Қуйидаги ҳавола орқали тўғридан-тўғри томоша қилишингиз мумкин:

📹 Жонли эфир
〰️〰️〰️

Telegram | Facebook | Instagram | Медиабанк

Ўзбекистоннинг барча ҳудудида йод танқислиги билан боғлиқ касалликларга чалиниш мумкин — аҳоли рационида йод танқислиги мавжуд

Бу ҳақда АОКАда ўтказилган брифингда Санитария-эпидемиологик осойишталик ва жамоат саломатлиги хизмати бошлиғи ўринбосари Нурмат Отабеков маълум қилди.

📈 Йод танқислиги касалликлари - патологик ҳолат бўлиб, қалқонсимон безнинг дисфункцияси билан боғлиқ ҳолда организмда йоднинг етарли даражада истеъмол қилинмаслиги билан боғлиқ жараён ҳисобланади.

❗️Йод танқислигига қарши кўп йиллик кураш олиб борилаётганига қарамасдан, ҳанузгача дунёнинг кўплаб мамлакатларида, шу жумладан, Ўзбекистонда ҳам йод танқислиги муаммоси тўлиқ ҳал этилмаган.

♻️ Ҳозирга келиб, Ўзбекистон шароитида аҳолиси йод танқислиги билан боғлиқ касалликларга чалиниш хавфи бўлмаган ҳудуд йўқ, негаки республиканинг шу кунгача ўрганилган барча ҳудудларида аҳоли рационида йод танқислиги мавжудлиги кузатилган.

▪️Батафсил

Telegram | Facebook | Instagram | Медиабанк

🔘Ўзбекистонда хавфсиз, тартибли ва қонуний меҳнат миграцияси борасида олиб борилаётган ислоҳотлар

АОКАда Бандлик ва меҳнат муносабатлари вазирлиги ва Ташқи меҳнат миграцияси агентлиги мутасаддилари иштирокида шу мавзуда матбуот анжумани бошланди.

Қуйидаги ҳавола орқали тўғридан-тўғри томоша қилишингиз мумкин:

📹 Жонли эфир
〰️〰️〰️

Telegram | Facebook | Instagram | Медиабанк

🐓 Ижтимоий тармоқларда тарқалган “Товуқ гўштлари қандай тайёрланиши ҳақида видео экан” сарлавҳали видео юзасидан “Паррандасаноат” уюшмаси ахборот хизматининг расмий муносабати

Видеодаги ҳолат “Паррандасаноат” уюшмаси ходимлари томонидан ўрганилганида, Самарқанд вилоятида бир ой аввал содир этилганлиги маълум бўлди. Ушбу ҳолат Самарқанд вилояти Санитария-эпидемиологик осойишталик ва жамоатчилик назорати бошқармаси томонидан аниқланиб, 27 июнь куни жаримага тортиш бўйича далолатнома тузилган. Тегишли ҳужжатлар ҳозирда ҳуқуқий баҳо бериш учун судга тақдим этилган. Ҳолат айни пайтда назоратга олинган.

Жамоатчиликка шуни маълум қиламизки, республикамизда сотиладиган парранда гўштининг асосий қисми саноатлашган кушхоналар ҳиссасига тўғри келади. Айни пайтда 30 дан ортиқ йирик қувватли, тўлиқ автоматлаштирилган, замонавий технологиялар билан жиҳозланган кушхоналар фаолият юритмоқда.

Шунингдек, “Паррандачиликни ривожлантириш ва тармоқ озуқа базасини мустаҳкамлашга қаратилган қўшимча чора-тадбирлар тўғрисида” 2021 йил 14 июндаги Президент Қарори асосида замонавий кушхона ва музлаткичларни ўз ичига олган, паррандаларни сўйишга мўлжалланган 14 та намунавий лойиҳадаги замонавий комплекслар қурилмоқда. Ушбу лойиҳалар кейинги йилда янада кўпроқ гўштни қайта ишлаш имконини беради.

Айни пайтда фаолият юритаётган кушхоналлардан бири 2018 йилда ташкил этилган “AZIUZ GROUP” МЧЖ бўлиб, йилига 20 минг тонна парранда гўштини қайта ишлашга мўлжалланган. Корхона директори Саидазиз Юсуповнинг маълум қилишича, Полшадан олиб келинган технология паррандани сўйиш, тозалаш, гўштини қисмларга ажратиш жараёнида инсон иштирокини минимал даражага келтиришга имкон бермоқда. Қолаверса, санитария талаблари доирасида.

Ветеринария ва чорвачиликни ривожлантириш қўмитаси ҳамда “Паррандасаноат” уюшмаси томонидан ҳамкор ташкилотлар билан видеода акс этган ҳолатларнинг олдини олиш бўйича кенг миқёсли амалий ишлар олиб борилмоқда.

Telegram | Facebook | Instagram | Медиабанк

🌀Ўзбекистонда ишга муҳтожлар сони 1,4 млн кишини ташкил этади (1.04.2022 ҳолатига кўра)

АОКАда Бандлик ва меҳнат муносабатлари вазирлиги ва Ташқи меҳнат миграцияси агентлиги мутасаддилари иштирокида "Ўзбекистонда хавфсиз, тартибли ва қонуний меҳнат миграцияси борасида олиб борилаётган ислоҳотлар" мавзусида матбуот анжумани бўлиб ўтди.
〰️〰️〰️

Зоҳид Аскаров, Бандлик ва меҳнат муносабатлари вазирлиги бошқарма бошлиғи:

➖ Бандлик ва меҳнат муносабатлари вазирлиги томонидан хусусий бандлик агентликлари реестридан ўтган 80 та юридик шахсга хорижда ишлаш истагидаги фуқароларни ишга жойлаштириш бўйича фаолиятни амалга ошириш ҳуқуқини берувчи лицензия берилган.

Ўтган давр мобайнида 71 та хусусий бандлик агентлигининг лицензияси бекор қилинган (шундан 59 таси корхонанинг аризасига мувофиқ, 12 тасига нисбатан жиноят иши очилган). Ҳозирги вақтда лицензияга эга 6 та хусусий бандлик агентлиги фаолият юритмоқда.

📌 Батафсил
〰️〰️〰️

🌀Ташқи меҳнат миграцияси агентлиги EPS-Topik тест имтиҳонларидан муваффақиятли ўтган фуқароларни Кореяда ишлашини кафолатламайди

labormigration.uz дастурий мажмуаси орқали Корея Республикасида ишлаш истагидаги 16 601 нафар номзод рўйхатдан ўтган. Уларнинг 1391 нафари талабларга мос келмагани сабабли қабул қилинмаган.

‼️Корейс тилидан EPS-Topik тест имтиҳони 15 июлгача давом этади. Тест имтиҳонлари Инсон ресурсларини ривожлантириш хизмати томонидан ўтказилмоқда ва баҳоланади.

📌 Батафсил
〰️〰️〰️

💰Жорий йилнинг 5 ойида жисмоний шахсларнинг хориждан пул ўтказмалари 4,19 млрд. АҚШ долларини ташкил этган, бу ўтган йилнинг шу даврига нисбатан 61 фоизга кўп

Маълумотларга кўра, хорижда вақтинчалик меҳнат фаолиятини амалга ошираётган меҳнат мигрантлари сони 2022 йил 1 март ҳолатига ўртача 2,4 млн кишини (2.356.954 киши) уларнинг 568,5 минг (24,1%) нафарини хотин-қизларни, 827,1 минг (35,1%) нафарини ёшлар ташкил этади.

Уларнинг 1,5 млн нафари Россия, 366,3 минг нафари Қозоғистон, 144,7 минг нафари Туркия, 47,4 минг нафари Жанубий Корея, ва 348,1 минг нафари бошқа давлатлар ҳисобига тўғри келади.

📌 Батафсил

Telegram | Facebook | Instagram | Медиабанк

⚡️Хоразмда марҳум судга чақирилдими? Судялар олий кенгаши ахборот хизмати воқеа юзасидан раддия берди

Ижтимоий тармоқларда “Хоразмда судья марҳумни судга чақиртирди" мазмунида хабарлар тарқалган эди. Судялар олий олий кенгаши ахборот хизмати ҳолат юзасидан раддия эълон қилди.

🔰Маълум бўлишича, хоразмлик Комил Матчанов 2018 йилда маъмурий судга ариза билан мурожаат қилган. Ўша йили суднинг тегишли қарори чиққан. 2022 йилнинг май ойига келиб Б.Эгамбердиев (2018 йилдаги судда иккинчи тараф сифатида иштирок этган) давлат органига мажбурият юклашни сўраб судга мурожаат қилади. Аризага 2018 йилда ўзи тараф сифатида иштирок этган суд қарори ва бошқа ҳужжатлар илова қилинади.

📨 Судья ариза ва унга илова қилган ҳужжатлар билан танишиб, ишни суд мажлисида кўришга тайинлайди ҳамда вақти ва санаси ҳақида тарафларга маълум қилади. Бироқ бу пайтга келиб К.Матчанов вафот этган эди.

❗️2022 йил 18 май куни суд ажрими билан марҳум К.Матчановнинг ўғли Н. Матчанов ҳуқуқий ворис деб топилиб, низо предметига нисбатан манфаатдор шахс сифатида ишга жалб қилинган.

Батафсил

Telegram | Facebook | Instagram | Медиабанк

Режеп Таййип Эрдоған давлатимиз раҳбарининг Қорақалпоғистон Республикасида тинчлик, барқарорлик ва изчил тараққиётни таъминлаш борасидаги саъй-ҳаракатларини ҳар томонлама қўллаб-қувватлади

Ўзбекистон Республикаси Президенти Шавкат Мирзиёевнинг Туркия Республикаси Президенти Режеп Таййип Эрдоған билан телефон орқали мулоқоти бўлиб ўтди.

Туркия Президенти давлатимиз раҳбарининг Қорақалпоғистон Республикасида тинчлик, барқарорлик ва изчил тараққиётни таъминлаш борасидаги саъй-ҳаракатларини ҳар томонлама қўллаб-қувватлади.

Ўзбекистон ва Туркия ўртасидаги кўп қиррали муносабатларни, энг аввало, савдо-иқтисодий, инвестициявий, транспорт-коммуниация ва маданий-гуманитар соҳаларда кенгайтириш масалалари кўриб чиқилди.

Telegram | Facebook | Instagram | Медиабанк

Россия Федерацияси Президенти Владимир Путин давлатимиз раҳбари томонидан Қорақалпоғистондаги вазиятни барқарорлаштириш бўйича кўрилган қатъий чораларни қўллаб-қувватлашини таъкидлади

Шавкат Мирзиёев ва Владимир Путин ўртасида бўлиб ўтган телефон орқали мулоқот давомида, шунингдек, Ўзбекистон-Россия стратегик шериклик ва иттифоқчилик муносабатларини янада мустаҳкамлаш, икки мамлакат ўртасидаги кўп қиррали ҳамкорликни кенгайтириш масалалари кўриб чиқилди.

Минтақа кун тартибидаги масалалар юзасидан ҳам фикр алмашилди, бўлажак тадбирлар режаси, шу жумладан Самарқанд шаҳрида ўтказиладиган ШҲТ Давлат раҳбарлари кенгашининг навбатдаги йиғилиши доирасидаги тадбирлар кўриб чиқилди.

Telegram | Facebook | Instagram | Медиабанк

⚡️⚡️⚡️Ўзбекистон Республикаси Ташқи ишлар вазирлиги баёноти

2022 йил 5 июль куни соат тахминан 16:20 атрофида Ўзбекистоннинг чегараолди ҳудудига катта эҳтимол билан Афғонистон ҳудудидан учирилган бешта реактив снарядларнинг келиб тушгани қайд этилди.

Шуни таъкидлаш жоизки, снарядлар тушганида портлашлар юз бермаганлиги сабабли инсонлар нобуд бўлмаган ва вайронагарчиликлар юз бермаган. Термиз шаҳридаги “Мажнунтол” маҳалласида жойлашган 4 та уй-жойга унча йирик бўлмаган зиён етган, бешинчи снаряд эса футбол майдонидан топилган. Аниқланган снарядлар сапёрлик бўлинмалари томонидан зарарсизлантирилган.

Ҳозирда Ўзбекистоннинг ваколатли органлари Афғонистон тарафи билан биргаликда мазкур ҳодиса сабабларини аниқлаш бўйича зарур чора-тадбирларни амалга оширмоқдалар.

Telegram | Facebook | Instagram | Медиабанк

Сурхондарёда Юнон-Бақтрия тарихи музейи ташкил этилмоқда

Сурхондарё вилояти Туризм ва маданий мерос бошқармаси, Бойсун тумани ҳокимлиги ва туман кадастр бўлимлари ходимларидан иборат ишчи гуруҳ Юнон-Бақтрия тарихи музейини ташкил этиш бўйича дастлабки ишларни бошлашди. Бу ҳақда Туризм ва маданий мерос агентлиги ахборот хизмати маълум қилди.

Дастлаб музей учун ажратилган жойларнинг координатлари аниқланиб, ҳудуд харитасига киритилди. 21х14 метр майдонда музей лойиҳасини тузиш бўйича келишиб олинди.

Шу билан бирга, Маданий мерос агентлиги томонидан ёдгорликнинг муҳофаза ҳудудини белгилаш, объектни паспортлаштириш, реставрация ва консервация қилиш бўйича ҳам лойиҳалар тайёрланмоқда.

Telegram | Facebook | Instagram | Медиабанк

«ММФИ» Миллий тадқиқот ядро университети Тошкент филиалига 2022/2023 ўқув йили учун абитуриентлардан ҳужжатлар қабул қилиш жараёни давом этмоқда.

Таълим йўналишлари ва қабул қилинган аризалар сони (05.07.2022 йил ҳолатига кўра):

▫️14.03.01 Ядро энергетикаси ва иссиқлик физикаси - 17 та
▫️14.03.02 Ядро физикаси ва технологияси - 17 та
▫️13.03.01 Иссиқлик энергетикаси ва иссиқлик техникаси - 8 та
▫️13.03.02 Электр энергетикаси ва электротехника - 24 та

Қабул кампанияси ҳақидаги батафсил маълумотлар ушбу https://tashkent.iss.onephi.ru расмий веб-сайтида тақдим этилган.

Аризаларни тайёрлаш бўйича кўрсатмалар: https://tashkent.iss.onephi.ru/content/public/uploads/files/insrtr_priem_2022_v3.pdf

〰️〰️〰️
Ташкентский филиал Национального исследовательского ядерного университета «МИФИ» продолжает принимать документы у абитуриентов для поступления на 2022/2023 учебный год. Количество принятых заявлений (по состоянию на 05.07.2022)

Направление подготовки - Количество заявлений

▫️14.03.01 Ядерная энергетика и теплофизика - 17
▫️14.03.02 Ядерные физика и технологии - 17
▫️13.03.01 Теплоэнергетика и теплотехника - 8
▫️13.03.02 Электроэнергетика и электротехника - 24

Информация о приёмной кампании представлена на официальном сайте - https://tashkent.iss.onephi.ru, инструкция по подготовке заявлений - https://tashkent.iss.onephi.ru/content/public/uploads/files/insrtr_priem_2022_v3.pdf

Telegram | Facebook | Instagram | Медиабанк

📢 6 июль, чоршанба куни АОКАда ўтказилиши режалаштирилган брифинглар:

📍Мавзу: Давлат дастурлари ижро этилишида қонунийликни таъминлаш бўйича амалга оширилган ишлар
● Вақти: 12:00
● Иштирок этади: Фаррух Султонов, Бош прокуратура бўлим катта прокурори

〰️〰️〰️
📍Мавзу: Марказий авиачипталар кассасининг ёзги иш вақтига ўтиши ва саёҳатчилар учун қўшимча қулайликлар
● Вақти: 14:00
● Иштирок этади: Камола Икромова, «Uzbekistan Airways» АЖ ахборот хизмати раҳбари

〰️〰️〰️
📍Мавзу: Кадастр агентлиги томонидан Геодезия ва картография соҳасида 2022 йил 1-ярим йиллигида амалга оширилган ишлар таҳлили
● Вақти: 16:00
● Иштирок этади: Неъмат Атамуратов, Агентлик ахборот хизмати раҳбари

Telegram | Facebook | Instagram | Медиабанк

2022 йил июл ойи пенсия ва нафақа тўловлари тўлиқ молиялаштирилди

Ўзбекистон Республикаси Молия вазирлиги ҳузуридаги буджетдан ташқари Пенсия жамғармаси ижро этувчи аппарати томонидан жорий йилнинг июл ойи пенсия ва нафақа тўловлари учун талаб қилинган маблағлар 2022 йил 5 июл санасига қадар тўлиқ молиялаштирилди.

Telegram | Facebook | Instagram | Медиабанк

📍Сенатнинг навбатдаги ялпи мажлиси 8 июль куни бўлиб ўтади

Видеоконференцалоқа шаклида бўлиб ўтадиган ялпи мажлис доирасида бир қатор масалалар кўриб чиқилиши назарда тутилган. «Солиқ маслаҳатига оид фаолият тўғрисида»ги, «Аҳолини ва ҳудудларни табиий ҳамда техноген хусусиятли фавқулодда вазиятлардан муҳофаза қилиш тўғрисида»ги, «Ўзбекистон Республикасининг Солиқ кодексига қўшимча ва ўзгартишлар киритиш тўғрисида»ги қонунлар шулар жумласидандир.

Бундан ташқари, Вазирлар Маҳкамасининг Ўзбекистон Республикаси Давлат бюджетининг 2021 йил якунлари бўйича ижроси ҳамда Ўзбекистон Республикаси Давлат бюджетининг 2022 йил биринчи чорагидаги ижроси тўғрисидаги ҳисоботларини эшитиш режалаштирилган.

Ялпи мажлисда экспорт ҳажмининг барқарор ўсишини таъминлаш ва унинг номенклатурасини диверсификациялаш бўйича кўрилаётган чора-тадбирлар, мамлакатимизда газ баллонлари билан жиҳозланган автотранспорт воситаларининг хавфсизлигини таъминлаш ҳолати, шунингдек, ҳомиладор ва репродуктив ёшдаги аёллар ҳамда гўдакларга кўрсатилаётган тиббий ёрдам ҳолати юзасидан Вазирлар Маҳкамасига юборилган парламент сўровлари натижалари кўриб чиқилади.

● Батафсил
〰️〰️〰️〰️

Telegram | Facebook | Instagram | Медиабанк