Жисмоний шахслар ҳам банкрот деб топилиши мумкин

“Тўловга қобилиятсизлик тўғрисида”ги Қонун (ЎРҚ–763-сон, 12.04.2022 й.) Президент томонидан имзоланди. Бу ҳақда Адлия вазирлиги хабар берди.

Қонунга кўра, тўловга қобилиятсизлик аломатлари қуйидагилардан иборат:

вақтинча тўловга қобилиятсизлик – мажбуриятни 3 ойда бажара олмаслик (шаҳарни ташкил этувчи корхона ҳамда унга тенглаштирилган корхоналар томонидан эса 6 ой ичида бажаролмаслик);

доимий тўловга қобилиятсизлик – судга ариза бериш санасидаги ва ариза берилган йилнинг бошидаги ҳисобот даврида қарздорнинг мажбуриятлари унинг активлари қийматидан ошиб кетиши.

Тўловга қобилиятсизлик тўғрисидаги иш суд томонидан кўриб чиқилади.

Қарздор пул мажбуриятларини бажармаганлиги муносабати билан унга нисбатан тўловга қобилиятсизлик тўғрисида иш қўзғатиш ҳақидаги ариза билан судга мурожаат этиш ҳуқуқига қарздорнинг ўзи ва кредитор эга.

Telegram | Facebook | Instagram | Медиабанк

"Вақф" хайрия жамоат фонди томонидан Рамазон ойининг иккинчи ҳафтасида амалга оширилган ишлар бўйича ахборот

АОКАда Фонд ахборот хизмати раҳбари Саидаброр Умаров иштирокида шу мавзуда брифинг бошланди.

Қуйидаги ҳавола орқали тўғридан-тўғри томоша қилишингиз мумкин:

📹 Жонли эфир
〰️〰️〰️

Telegram | Facebook | Instagram | Медиабанк

💰“Вақф” хайрия жамоат фонди Рамазон ойининг иккинчи ҳафтасида 1 млрд. сўмдан ортиқ маблағни хайрия ишларига сарфлади

Бу ҳақда АОКАда ўтказилган брифингда “Вақф” хайрия жамоат фонди ахборот хизмати раҳбари Саидаброр Умаров маълум қилди.

✅ Фонд томонидан “Рамазон туҳфаси” лойиҳаси доирасида:

➖ Республикамиз бўйлаб тўрт мингга яқин хонадонларга 707 890 000 сўмлик озиқ-овқат маҳсулотлари;

➖ Моддий кўмакка муҳтож 295 нафар шахсларга 293 650 000 сўмлик пул маблағлари;

➖ Фарғона вилоятида қурилиш таъмирлаш ишлари олиб борилаётган 2 та масжид учун 20 000 000 сўм;

🔰 Жами — 1 021 540 000 сўм миқдоридаги хайриялар амалга оширилди.

Telegram | Facebook | Instagram | Медиабанк

Аҳоли қўлида қолган метро жетонлари қайта сотиб олинади

Эслатиб ўтамиз, метро кассаларида жетонлар савдоси йўл ҳақини тўлашнинг автоматлаштирилган тизими жорий этилиши муносабати билан тўхтатилган эди.

Истеъмолчилар ҳуқуқларини ҳимоя қилиш агентлиги ахборот хизмати маълум қилишича, Агентлик “Toshkent metropoliteni” ДУК билан истеъмолчиларнинг номуайян доирасини (жетонга эга бўлган фуқароларни) ҳимоя қилиш мақсадида иш олиб борди.

Агентлик кўмаги туфайли истеъмолчиларнинг номуайян доираси ҳуқуқлари тикланди – Тошкент метрополитени жетонлар харид қилишини эълон қилди, дейилади хабарда.

Telegram | Facebook | Instagram | Медиабанк

🌱🚜 Фермер ва деҳқон хўжаликлари ҳуқуқларини ҳимоя қилиш, уларга амалий ёрдам бериш йўналишидаги ишлар таҳлили

АОКАда Ўзбекистон фермер, деҳқон хўжаликлари ва томорқа ер эгалари Кенгаши масъул ходими Чорихон Қодиров иштирокида шу мавзуда брифинг бошланди.

Қуйидаги ҳавола орқали тўғридан-тўғри томоша қилишингиз мумкин:

📹 Жонли эфир
〰️〰️〰️

Telegram | Facebook | Instagram | Медиабанк

⚖️ 2017-2021 йилларда суд орқали 950 млрд. 171 млн. сўм фермер, деҳқон хўжаликлари фойдасига ундириб берилди

Бу ҳақда АОКАда Ўзбекистон фермер, деҳқон хўжаликлари ва томорқа ер эгалари Кенгаши масъул ходими Чорихон Қодиров иштирокида ўтказилган брифингда маълум қилинди.

〰️〰️〰️
💼 Кенгаш ташаббуси билан сўнгги 5 йил давомида 83 407 та кўп тармоқли фермер хўжалиги ташкил этилиб, 205 440 та янги иш ўрни яратилди.

💰 2020-2022 йилларда 718 та қудуқни бурғулаб ишга туширган талабгорларга 63 млрд 547 млн сўм субсидия аблағлари ажратиб берилди, натижада 4000 гектар ер майдонида қишлоқ хўжалиги маҳсулотлари етиштириш имконияти яратилди.

❓Кластерлар билан шартномавий муносабатларда мавжуд муаммолар нималардан иборат?

● Батафсил

Telegram | Facebook | Instagram | Медиабанк

Бироздан сўнг Президент Шавкат Мирзиёев раислигида видеоселектор йиғилиши бошланади.

Кун тартибидан иккита масала ўрин олган:

🔹озиқ-овқат маҳсулотлари ишлаб чиқаришни кўпайтириш орқали бозорларда нарх-наво барқарорлигини таъминлаш;

🔹бизнесни қўллаб-қувватлаш бўйича қўшимча шароитлар яратиш.

Telegram | Facebook | Instagram | Медиабанк

💡Иссиқлик, қуёш ва шамол электр станцияларини қуриш бўйича лойиҳалар таҳлили

АОКАда Энергетика вазирлиги ахборот хизмати раҳбари Элмира Бекмуродова иштирокида шу мавзуда брифинг бошланди.

Қуйидаги ҳавола орқали тўғридан-тўғри томоша қилишингиз мумкин:

📹 Жонли эфир
〰️〰️〰️

Telegram | Facebook | Instagram | Медиабанк

⚡️2026 йилга бориб Ўзбекистонда электр энергияси ишлаб чиқариш қувватлари 27 400 мегаваттга етказилади

Бу ҳақда АОКАда ўтказилган брифингда Энергетика вазирлиги ахборот хизмати раҳбари Элмира Бекмуродова маълум қилди.

💡 Қайд этилишича, 2026 йилга бориб юртимизда умумий қуввати 8 000 мегаваттга тенг бўлган қуёш ва шамол электр станциялари, 868 мегаватт қувватга эга гидроэлектр станциялари ҳамда 6 008 мегаваттга тенг янги иссиқлик электр станциялари ишга туширилади. Натижада Ўзбекистонда ишлаб чиқариш қувватлари 27 400 мегаваттга етказилади.

📌 Таққослаш учун, 1991 йилдан 2016 йилга қадар яъни 25 йилда 3 300 мегаватт қувватлар ишга туширилган бўлса, 2017-2026 йиллар давомида, яъни охирги 10 йилда 18 324 мегаватт ёки беш ярим баравар кўп янги қувватлар ишга туширилади.

▪️Батафсил

Telegram | Facebook | Instagram | Медиабанк

❗️Жаҳон бозорида минерал ўғитлар ва ёқилғи нархи 2 бараварга ошиши кластер, фермер ва деҳқонларнинг маҳсулотлари таннархига таъсир қилади

Президент раислигидаги видеоселектор йиғилишида март ойида дунё бўйича озиқ-овқат нархлари 2021 йилнинг мос даврига нисбатан 34 фоизга ошгани қайд этилди.

🌾 Таъкидланишича, йил бошидан жаҳон бозорларида буғдой нархи — 20 фоиз, маккажўхори — 19 фоиз, озуқа донлари — 20 фоиз ва ўсимлик ёғи — 23 фоизга кўтарилди.

💧 Жорий йилда ёғингарчилик ҳисобига, водий, Тошкент вилояти ва Самарқандда сув захираси 20 фоизга кўпайгани билан, Қорақалпоғистон, Бухоро, Қашқадарё, Сурхондарё, Хоразмда сув таъминоти бўйича қийинчиликлар бўлиши айтилди.

〰️〰️〰️
📦 2022 йилда 7,7 млн тонна буғдой ва 23 млн тонна мева-сабзавот етиштириб, 1,5 млрд доллар экспортни таъминлаш зарур — Президент

«Ҳозирги кунда 80 минг гектар пахта ва ғалла майдонлари қисқартирилиб, 254 минг аҳолига очиқ танлов асосида берилди. Бу — озиқ овқат етиштириш учун ҳар бир туманда қўшимча 500 гектар экин майдони, дегани», — деди давлатимиз раҳбари.

✔️ Мутасаддиларга икки ҳафта муддатда:

● ҳосилдор уруғ навларини жойларга етказиб, дала ярмаркаларини ўтказиш;

● ер майдонларида «бир контур — бир маҳсулот» тамойили асосида экинлар экишни ташкил қилиш;

● маҳсулотни кафолатли харид қилиш бўйича шартномалар тузиш ишларини жадал ташкил қилиш топширилди.

Telegram | Facebook | Instagram | Медиабанк

📍Вилоят ҳокимларига сув омборлари атрофидаги янги ерларнинг харитасини тузиш топширилди

Сув омборлари атрофидаги 100 минг гектардан ортиқ ерларда инфратузилма яратишга ёрдам бериш кераклиги кўрсатиб ўтилди. Хусусан, ҳокимлар бир ой муддатда ушбу ерларни контурларга ажратиб, уларга ирригация тармоғини лойиҳалаши; ушбу майдонларда озиқ-овқат ва озуқа экинларини экишга тайёр инвесторларни жалб қилиш бўйича лойиҳа тўпламларини тайёрлаши зарур.

💰 Ҳосилдор уруғ ва кўчат навларини жойларга етказиш ва маҳсулотни сотиб олишга Қишлоқ хўжалиги жамғармасидан Боғдорчилик агентлигига қўшимча 300 миллиард сўм ажратилади.

〰️〰️〰️
📉 Андижон, Бухоро, Наманган, Самарқанд, Сурхондарё, Сирдарё ва Хоразмда фойдаланишдан чиққан ерларни қайта тиклаш ишлари суст кетаяпти

Қишлоқ хўжалиги вазирлигига ҳокимликлар билан бирга бир ҳафта муддатда 135 минг гектар оборотдан чиққан ерларни ўзлаштириш ва уларда озиқ-овқат маҳсулотларини жойлаштириш ишларини бошлаш вазифаси қўйилди.

Ушбу тадбирларни амалга ошириш учун республика бюджетидан 170 миллиард сўм ажратилади.

🌱 Томорқа хўжаликларидан самарали фойдаланиш масаласига тўхталар экан, Президент Фарғона, Наманган, Андижон ва Самарқанддан 600 нафар тажрибали томорқа эгалари Қорақалпоғистон, Бухоро, Қашқадарё, Навоий, Сирдарё, Хоразм ва Тошкент вилоятига бориб, 1,5 мингта маҳаллада аҳоли томорқаларида экинларни тўғри экишни ўргатаётгани ҳақида гапирди.

Бу тажрибани 2,5 мингта маҳаллада жорий этиши вазифаси қўйилди.

Telegram | Facebook | Instagram | Медиабанк

Дилшод Кенжаев бошқа ишга ўтиши муносабати билан Президентнинг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси ўринбосари лавозимидан озод этилди.

Унинг ўрнига Нодиржон Халбутаев тайинланди. Бунга қадар у Ўзбекистон Ёзувчилар уюшмаси раисининг биринчи ўринбосари лавозимида фаолият юритган.

Telegram | Facebook | Instagram | Медиабанк

💧Аҳоли томорқаларида энг катта муаммо — сув таъминоти бўлаётгани қайд этилди

Шу муносабат билан мутасаддиларга:

● экин турлари жойлашувидан келиб чиқиб, аҳоли томорқаларини суғориш учун 4 миллиард куб метр сувни тақсимлаш;

● ҳар бир маҳалла кесимида ариқ очиш, тозалаш, тармоқларни тиклаш бўйича графикни тасдиқлаб, ишларни бошлаш топширилди.

Бу ишлар учун республика бюджетидан 50 млрд сўм, маҳаллий бюджетлардан яна 50 млрд сўм йўналтирилади.

Шунингдек, Қўшработ, Нуробод, Конимех, Пешку, Чироқчи, Жарқўрғон, Бойсун, Оҳангарон, Ғаллаорол, Фарғона каби туманларида сув таъминоти оғир маҳаллаларда қудуқ қазиш ва насос ўрнатиш харажатларининг бир қисмини қоплашга бюджетдан 50 млрд сўм ажратилади.

〰️〰️〰️
✍️ Cув танқислиги оқибатларини юмшатиш бўйича бир ҳафта муддатда алоҳида Дастур қабул қилинади

Сув хўжалиги вазирлигига вилоят ҳокимлари билан бирга 1 октябрга қадар:

● 4,5 минг км суғориш тармоқларини тозалаш ва 231 км бетонлаш;

● 3 мингта гидротехник иншоотни таъмирлаш;

● 3,5 мингта насос ўрнатиш, 490 км насос қувурларини таъмирлаш ва 281 та қудуқ қазишни таъминлаш топширилди.

Ушбу мақсадлар учун 300 млрд сўм маблағ босқичма-босқич ажратилади.

📌 «Ўтган йили декабрь ойида 2022 йил учун тижорат банкларига 2 трлн сўм имтиёзли кредит ресурслари берилган эди. Бироқ, бугунги кунга қадар тижорат банкларига киритилган 790 млрд сўмлик талабномадан атиги 53 фоизи, айрим ҳудудларда эса 25-30 фоизи молиялаштирилган холос», —деди Президент.

Шунинг учун маҳсулот етиштиришни молиялаштириш бўйича қўшимча янги тизим жорий этилади.

Telegram | Facebook | Instagram | Медиабанк

🛒 Ҳар бир вилоятда маҳсулотларни сақлаш, қайта ишлаш, қуритиш, қадоқлаш бўйича кичик ва ўрта лойиҳаларга 65 млн доллар йўналтирилади

Президент жорий йилда буғдой ҳосили гектарига 70 центнердан кам бўлмаслигини таъминлаш зарурлигини кўрсатиб ўтди.

Четдан олиб келинадиган кунгабоқар, соя ва бошқа мойли экинларни ҚҚСдан озод қилиш бўйича таклиф киритиш топширилди.

〰️〰️〰️
❗️Республикада жорий йилда 5,5 мингта корхона ўз фаолиятини тугатган

Президент бу кўрсаткич Наманган, Самарқанд, Қашқадарё, Хоразм, Қорақалпоғистон ва Тошкент вилоятида нисбатан юқори эканини таъкидлади.

Умуман, ҳудудларда ўтказилган учрашувларда тадбиркорлар томонидан мингдан ортиқ муаммо кўтарилган. Уларнинг асосий қисми кредит олиш, солиқ маъмурчилиги, ер ажратиш, электр, газ ва сувга уланиш билан боғлиқ. «Ягона дарча»га 2022 йил 1-чорагида келиб тушган 10 мингга яқин мурожаат ўз вақтида ҳал этилмагани танқид қилинди.

〰️〰️〰️
💰 Хизматлар соҳаси учун тадбиркорларга 5 млрд сўмгача кредитлар ажратилади, кредит ставкаси 18 фоиздан ошмайди

Тадбиркорлик жамғармасининг тадбиркорларга компенсация тўловларини кенгайтириш учун Жамғармага 400 млрд сўм, кейинчалик яна 500 млрд сўм йўналтириш вазифаси қўйилди.

1 декабрга қадар юқорида қайд этилган маблағлар тўлиқ тадбиркорларга берилиши шартлиги белгиланди.

Telegram | Facebook | Instagram | Медиабанк

🔹Вилоятларда кичик ва ўрта бизнес лойиҳаларини молиялаштириш учун тижорат банкларига 300 млн доллар ресурс берилади

Ушбу маблағлар энг яхши шартларда тадбиркорлик лойиҳаларини молиялаштириш таклифи билан чиққан давлат ва хусусий банкларга 7 йил муддатга 10 фоиз ставкада миллий валюта — сўмда жойлаштирилади.

〰️〰️〰️
🔹Экспортчи корхоналарга ҚҚСнинг 80 фоизи қўшимча текширувларсиз 7 кун ичида қайтариб берилади

35 мингта ер участкаси электрон тизимга киритилгани билан бугунги кунга қадар Навоий, Сирдарё, Тошкент вилоятлари ва Тошкент шаҳрида бирорта ер участкаси аукционга чиқарилмагани кўрсатиб ўтилди. Ҳокимликлар, қурилиш ва архитектура идоралари масалага юзаки қараётгани таъкидланди.

〰️〰️〰️
🔹Президент 2022 йил 1 июндан тадбиркорлар учун солиқ маъмурчилиги ва текширишлар тизими соддалаштирилишини эълон қилди

● мол-мулк солиғини ҳисоблаш тизими бозор тамойилларига ўтказилганини инобатга олиб, қўшимча юқори солиқ ставкаларини қўллаш тартиби бекор қилинади;

● айланмаси 1 млрд сўмдан ошган тадбиркорларга ҚҚС тўловчиси гувоҳномаси дастлабки ўрганишсиз, автоматик тарзда берилади;

● тадбиркорлик фаолиятига асоссиз аралашувларнинг олдини олиш учун энди 22 та турдаги текширув фақат Бизнес-омбудсман рухсати билан амалга оширилади (ҳозирги кунда 159 турдаги текширувдан 119 тасига рухсат олинади);

● юқори хавф даражаси мавжуд бўлган тадбиркорларга ҚҚС тўловчиси гувоҳномасини тўхтатиб қўйишдан олдин хабардор этиш тартиби жорий этилади.

〰️〰️〰️
🔹Овқатланиш корхоналари учун санитария талаблари қайта кўриб чиқилиб, эскирган талаблар бекор қилинади

Шунингдек, етказиб бериш хизмати билан шуғулланадиган корхоналарга санитария талабларини соддалаштириш вазифаси қўйилди.

Telegram | Facebook | Instagram | Медиабанк

❗️2021 йилда 25 киши Қрим - Конго геморрагик иситмаси туфайли вафот этган. У қандай юқади ва касалликни юқтирмаслик учун нима қилиш керак?

Бу ҳақда АОКАда Фавқулодда вазиятлар вазирлиги, Ветеринария ва чорвачиликни ривожлантириш давлат қўмитаси, Санитария-эпидемиологик осойишталик ва жамоат саломатлиги хизмати мутасаддилари иштирокида ўтказилган матбуот анжуманида атрофлича маълумот берилди.

▪️Батафсил

Telegram | Facebook | Instagram | Медиабанк