🔰 Божхона ходимлари ва уларнинг фарзандларига ОТМга киришда алоҳида квота ажратилади

Йиғилишда, шунингдек, ходимларнинг ижтимоий ҳимоясини кучайтириш чора-тадбирлари белгилаб берилди:

✔️ Олот, Гулистон, Термиз ва бошқа ҳудудлардаги олис постларда ишлайдиган ходимлар учун хизмат уйлари барпо этилади;

✔️жорий йилда уй-жойга эҳтиёжи бор 100 нафар ва ҳар йили камида яна шунчадан ходим имтиёзли ипотека билан таъминланади;

- божхона ходимлари ва уларнинг фарзандлари учун олий ўқув юртларига киришда алоҳида квота ажратилади.

Яна бир масала – бугунги кунда божхона органларида аёлларнинг улуши бор-йўғи 8 фоизни ташкил этади.

"Соҳада адолат, ҳалоллик ва тартибни жорий қилишни хоҳлар эканмиз, тизимга аёл ходимларни жалб қилиш учун барча зарур шарт-шароитларни яратишимиз шарт", деди давлатимиз раҳбари.

Шу муносабат билан келгуси икки йилда аёллар улушини камида 2 баробарга ошириш бўйича ишларни ҳозирдан бошлаш вазифаси қўйилди.

Telegram | Facebook | Instagram | Медиабанк

Контрабандага қарши кураш, 3D-сканер билан жиҳозлаш, халқаро жўнатмалар бўйича ахборот алмашиш тизими — божхона соҳасидаги устувор вазифалар

Президент мамлакатимиз минтақа марказида бўлгани боис, контрабандага қарши курашиш ўта муҳим аҳамиятга эга эканини таъкидлади. Бу борада бир қатор ишлар амалга оширилаётгани, мисол учун:

● 2018 йилда 13 мингта уяли телефон қонуний олиб кирилган бўлса, 2021 йилда бу рақам 3 миллиондан ошгани;

● йил бошидан 364 кг гиёҳвандлик воситалари, 88 минг дона психотроп дорилар ҳамда 181 млрд сўмлик товарлар ноқонуний кириб келиши олди олингани қайд этилди.

〰️〰️〰️
Йиғилишда соҳада қилинадиган ишлар ҳали кўплиги қайд этилди. Президент имзолаган қонунга кўра, божхона органларининг ваколатлари кенгаяди.

🛠 80 фоиз товар кириб келадиган 22 та асосий постни 3D-сканер, рентген аппарати, видеокузатув камераси, сервер, транспорт тарозиси каби ускуналар билан жиҳозлаш топшириғи берилди. Ушбу мақсадлар учун 370 млрд сўм йўналтирилади.

🌐 Бундан ташқари, темир йўл орқали келадиган товарлар бўйича маълумотларнинг электрон алмашинувини йўлга қўйиш вазифаси қўйилди. Тегишли мутасаддиларга халқаро жўнатмалар бўйича ахборот алмашиш тизимини жорий этиш топширилди.

Telegram | Facebook | Instagram | Медиабанк

100 мингдан ортиқ аҳолидан коммунал тўловлари учун ортиқча ундирилган 8 млрд сўм қайтарилди

АОКАда ўтказилган брифингда Монополияга қарши курашиш қўмита раиси ўринбосари Бекзод Умматов тизимда 2021 йилда амалга оширилган ишлар борасида маълумот берди.
〰️〰️〰️

📌 Инсофсиз рақобатга чек қўйиш борасидаги ишлар

📌нархларни тартибга солиш чора-тадбирлари

📌табиий монополиялар фаолиятини тартибга солиш фаолияти

📌 давлат иштирокини чеклаш ва қонунбузилиши профилактикаси

📌 тендер ва биржа савдоларини тартибга солиш жараёнлари

📌 норматив-ҳуқуқий ҳужжат лойиҳаларининг рақобатбардошлилигини аниқлаш тадбирлари

🔘 Батафсил

Telegram | Facebook | Instagram | Медиабанк

💉 Ўзбекистонга яна 2,8 млн дозадан ортиқ «Moderna» вакцинаси келтирилди

ССВ ахборот хизмати маълум қилишича, бугун COVAX дастури доирасида олиб келинган 2 822 400 доза билан қўшиб ҳисоблаганда, мамлакатимизда фойдаланилаётган вакциналар миқдори 53 579 548 дозага етди.

Улардан:

AstraZeneca — 2 404 480 доза
ZF-UZ-VAC2001 — 38 700 268 доза
«Sputnik V» — 1 341 790 дозаси
Moderna — 6 322 860 доза
Pfizer/BioNTech — 2 626 650 доза
Sinovac — 1 976 000 доза
Sputnik Light — 207 500 доза

Telegram | Facebook | Instagram | Медиабанк

Божхона тизимига рақамли технологиялар жорий этишда БАА тажрибаси ўрганилади

Президент раислигидаги йиғилишда соҳада кадрлар тайёрлаш ва малакасини ошириш бўйича ишларни кучайтириш вазифаси қўйилди.

Эндиликда Божхона институти курсантлари 2-курсда бир ой, 3-курсда уч ой ва 4-курсда олти ой божхона постларида амалиёт ўтайди.

Институтда божхона ходимлари ва курсантларга хорижий тилларни ўргатиш, уларнинг маданияти, савияси, IT кўникмаларини тизимли ошириш кераклиги қайд этилди.

Шунингдек, институтда стандартлар ва метрология, назорат ускуналарини бошқариш каби йўналишлар бўйича ҳам мутахассисларни тайёрлаш йўлга қўйилиши лозим.

«Божхона институтини тўлиқ трансформация қиламиз», — деди Президент.

Уч ой муддатда Бирлашган Араб Амирликлари тажрибаси чуқур ўрганилиб, қўшма қадр тайёрлаш дастурини жорий қилиш топширилди.

Божхона ходимлари учун рақамли технологияларга ўқитиш курслари ташкил этилиб, жорий йилда 500 нафар ходимни ўқитиш топширилди.

Божхона қўмитасига кадрлар тайёрлаш, уларнинг малакасини ошириш бўйича Жаҳон божхона ташкилоти билан ҳамкорликни кенгайтиришга кўрсатма берилди.

Telegram | Facebook | Instagram | Медиабанк

❓Кўп қаватли уйларнинг атрофидаги ер майдонлари кимники?

Шерзод Ҳидоятов, Уй-жой коммунал хизмат кўрсатиш вазири (АОКАдаги матбуот анжуманидан):

📄 «Ҳозирги кунда уй-жой мулкдорларига кадастр чегараси аниқлаб берилиб, бириктирилиши бўйича қарор лойиҳаси тайёрланган. Яқин орада чиқади.

✅ Бу — белгиланган ер майдони кадастри чиққандан кейин уй-жой мулкдорига тегишли эканини англатади, қонун бўйича. Эртага ўша майдоннинг ичига ҳокимлар ёки тадбиркорлар ўзидан-ўзи ҳеч нарса қуролмайди. Қарор чиққандан сўнг мулкдорларнинг ҳудудига ҳеч ким дахл қила олмайди. Қонун билан ҳимояланади».

📹 Видео

Telegram | Facebook | Instagram | Медиабанк

Самарқанд шаҳар ҳокими ўзгарди

Самарқанд шаҳар ҳокимлигида ўтказилаётган халқ депутатлари Самарқанд шаҳар Кенгашининг навбатдан ташқари сессиясида ташкилий масала кўрилди.

Самарқанд шаҳар ҳокими вазифасида фаолият олиб борган Облакулов Бобурмирзо Саломович бошқа ишга ўтиши муносабати билан, ўз аризасига асосан эгаллаб турган вазифасидан озод этилди.

Сессияда депутатлар томонидан Умаров Фазлиддин Каримович номзоди Самарқанд шаҳар ҳокими лавозимига тасдиқланди.

Мазкур тайинловга қадар Фазлиддин Каримович Ўзбекистон Республикаси Давлат солиқ қўмитаси раисининг биринчи ўринбосари – Ўзбекистон Республикаси Давлат солиқ қўмитаси ҳузуридаги Кадастр агентлиги директори лавозимида фаолият олиб борган.

Telegram | Facebook | Instagram | Медиабанк

🎓 Хорижий олий ўқув юртларининг магистратура йўналишида 2022-2023 ўқув йилларида малака ошириш истагида бўлган ҳамда ўз фаолиятини “Tashkent Pharma Park”да давом эттиришни мақсад қилган номзодлар учун навбатдаги танлов эълон қилинди.

Telegram | Facebook | Instagram | Медиабанк

Бир дона энергия тежамкор LED лампаси бир ойда 6 608 сўм, бир йилда эса 79 296 сўм иқтисод қилади — Энергетика вазирлиги

Вазирлик Ахборот хизмати бир дона энергия тежовчи светодиод LED лампасининг қанчалар фойдали эканлиги тўғрисида маълумот берди.

▪️100 Вт қувватли энергия самарасиз чўғланма лампа бир кунда ўртача 8 соат ишласа 800 Вт.соат, бир ойда эса 24 киловатт-соат электр энергияси сарфлайди.

▪️7 Вт қувватли энергия тежовчи лампа эса, бир кунда 8 соат ишласа 56 Вт, бир ойда (30 кун) 1,6 киловатт-соат электр энергияси сарфлайди.

Демак, бир дона энергия тежовчи лампа бир ойда 22.4 киловатт-соат электр энергиясини иқтисод қилади.

Бу эса, электр энергиясининг амалдаги 295 сўм тарифи бўйича ҳисоблаганда, бир дона энергия тежовчи лампа бир ойда 6 608 сўм, бир йилда эса 79 296 сўм иқтисод қилади.

Маълумот учун: 100 Вт қувватли энергия самарасиз лампа берадиган нур ўрнини ундан 15 маротаба энергия тежамкор бўлган 7 Вт қувватли LED лампаси боса олади.

Ўзбекистондаги 7 миллион хонадон мисолида таҳлил қиладиган бўлсак, биргина энергия тежамкор лампа ўрнатилиши ҳисобига бир йилда 156 млн. кВт.соат электр энергияси тежалишига эришилади.

Ушбу бир дона энергия тежамкор лампа орқали тежалган электр энергияси 1 045 та хонадоннинг бир ойлик истеъмолини ташкил қилади.

❗️Ўзбекистонда 2016 йил 1 июлдан қуввати 40 Вт.дан юқори бўлган чўғланма лампаларни эркин муомалага чиқариш, 2017 йил 1 январдан эса уларни сотиш тақиқланган. Бу Вазирлар Маҳкамасининг 2015 йил 20 октябрдаги 299-сонли қарорида белгилаб берилган.

Телеграм | Facebook | Instagram |Медиабанк