Пекинда тўрт йилликнинг энг нуфузли мусобақаси очилиш маросими бошланди!

Хитой пойтахти Қишки олимпиада ўйинларига мезбонлик қилмоқда. Айни вақтларда Олимпиада очилиш маросими бошланди. Унда Ўзбекистон Президенти Шавкат Мирзиёев ҳам ХХР раиси таклифига биноан мартабали меҳмон сифатида иштирок этмоқда.

📺 Тўғридан-тўғри эфир

Телеграм | Facebook | Instagram |Медиабанк

📹 Пекин Олимпиадаси очилиш маросимида Ўзбекистон делегацияси чиқиши

🇺🇿 Хитойдаги қишки Олимпиадада Ўзбекистон номидан иштирок этаётган ягона спортчи, тоғ чанғиси бўйича иштирок этувчи Комилжон Тўхтаев очилиш маросимида Ўзбекистон байроғини кўтариб ўтди.

Telegram | Facebook | Instagram | Медиабанк

Марказий банк 2022 йил январь ойи учун инфляция динамикаси шарҳи тақдим этди

🔸Унга кўра, 2022 йил январь ойида асосий истеъмол товар ва хизматлари нархлари ўсиши 0,9 фоизни (2021 йилда 1 фоиз), йиллик инфляция даражаси эса 9,8 фоизни ташкил этди. Бу ҳақда Марказий банк ахборот хизмати маълум қилди.

🔸Январь ойида нархларда ўсувчи динамикани юзага келишига озиқ-овқат маҳсулотларининг 1,3 фоизга ошиши (умумий инфляцияга таъсири 0,5 фоиз банд) асосий омиллардан бўлди. Бунда, йиллик ҳисобда ушбу гуруҳ маҳсулотлари 13,1 фоизга қимматлашди.

Батафсил

Telegram | Facebook | Instagram | Медиабанк

Сенатнинг ялпи мажлиси якунларига бағишланган матбуот анжумани ўтказилди

Сенат ахборот хизмати хабар беришича, видеоконференцалоқа тарзида ўтказилган Сенатнинг расмий веб-сайти ва ижтимоий тармоқлардаги саҳифалари орқали онлайн ёритилган ялпи мажлисда жами 20 та масала кўриб чиқилди.

Уларнинг 8 таси халқ фаровонлигини таъминлаш ҳамда аҳоли турмуш даражасини оширишга хизмат қиладиган қонунлардир. Бундан ташқари, Сенат қўмиталари томонидан олиб борилган ўрганишлар, Вазирлар Маҳкамасига парламент сўрови юбориш каби бир қатор муҳим масалалар ҳам сенаторлар муҳокамаси марказида бўлди.

Бухоро, Қашқадарё вилоятлари ҳамда Тошкент шаҳрида олиб борилган ўрганишлар мобайнида моддий маданий мерос объектларига жуда катта миқдорда зарар етказиш ҳолатлари аниқланганлиги ҳақида маълумот берилиб, Сенатнинг Ёшлар, маданият ва спорт масалалари қўмитасининг 2020-2021 йиллардаги фаолияти тўғрисидаги ҳисоботи эшитилгани билдирилди.

Telegram | Facebook | Instagram | Медиабанк

Қурилиш вазирлиги интернетда тарқалган хабарга изоҳ берди

Вазирлик ахборот хизматининг маълум қилишича, интернет сайтлари ва ижтимоий тармоқларда “Хоразмда қурилиш назорат ҳудудий инспекцияси инспектори 1000 АҚШ доллари миқдорида пора билан қўлга тушди” мавзусида хабарлар тарқалган.

❗️Маълум бўлишича, Р.Р. 2020-йил 29-апрелда Хоразм вилояти Қурилиш соҳасида ҳудудий назорат инспекциясининг бинолар ва қурилмаларнинг техник ҳолатини ўрганиш бўлимига етакчи мутахассис лавозимига қабул қилинган.
2021-йил 15-сентябрда Ўзбекистон Республикаси Қурилиш вазирлиги ҳузуридаги Қурилиш назорати инспекциясида аттестациядан ўтказилиб, унга қурилиш-монтаж ишлари устидан назорат қилиш махсус гувоҳномаси берилган. 2020-йил 21-сентябрдан Қурилиш-монтаж ишлари устидан назорат бўлими етакчи инспектори лавозимига ўтказилган.

➡️2022-йил 28-январдан Хоразм вилояти Қурилиш соҳасида ҳудудий назорат инспекциясининг буйруғига асосан Р.Р. билан тузилган меҳнат шартномаси ўз ихтиёри билан бекор қилинган. Қўлга олинган пайтда Р.Р. ушбу лавозимда фаолият юритмаётган бўлган.

Telegram | Facebook | Instagram | Медиабанк

✍️ «Маданият ва санъат соҳасини янада ривожлантиришга доир қўшимча чора-тадбирлар тўғрисида» Президент қарори эълон қилинди. Қарорга мувофиқ қатор янгиликлар жорий этилмоқда.

2022/2023 ўқув йилидан бошлаб:

📍Мактабларда

● миллий мусиқа чолғуларидан камида биттасида куй ижро этиш маҳорати ўргатилади, бу ҳақда уларнинг шаҳодатномасига тегишли қайд киритилади;

● мусиқа фани учун ҳафтасига белгиланган бир ўқув соати ҳамда унга қўшимча равишда ҳар ҳафта миллий мусиқа чолғуларида куй ижро этиш амалий тўгараклари ва факультатив дарслари ўтказилади.

📍Коллеж, лицей ва ОТМларда

● давлат филармонияси ва унинг ҳудудий бўлимлари томонидан лекторий концертлари ўтказилиши йўлга қўйилади;

● маданият ва санъат соҳасидаги давлат мукофотлари билан тақдирланган ижодкорлар раҳбарлигида уларнинг «маҳорат мактаблари» ташкил этилади.

🥇 Ўқувчи ва талабалар ўртасида маданият ва санъат соҳасидаги республика кўрик-танловлари ташкил этилади.

〰️〰️〰️
🪕 Ўзбекистон миллий ва давлат симфоник оркестрлари, Юнус Ражабий номидаги Мақом ансамбли ва «Ўзбек давлат цирки» давлат муассасаси ижодий (бадиий) жамоаларининг ҳудудларга гастроль сафарлари ташкил этилади.

🚌 «Маданият карвони» шаклида ҳудудларда концерт-томоша тадбирлари ўтказилади, ушбу карвон учун мўлжалланган, тегишли мусиқа техникаси ва саҳнага эга 2 дона махсус автотранспорт воситаси (20 млрд сўм) харид қилинади.

〰️〰️〰️
«Инсон қадри учун» эзгу ғояси асосида ҳар йили қуйидагилар учун давлат буюртмалари берилади:

🎭 театрларда саҳналаштириладиган камида 40 та янги спектаклга;

🎹 композитор ва бастакорларга 40 та янги мусиқа асари яратишга;

🎧 камида 100 та юксак бадиий савиядаги Интернет ва ижтимоий тармоқлар учун мўлжалланган аудиовизуал асарлар яратишга;

🎤 камида 150 та энг яхши миллий қўшиқларни караоке ёрдамида ижро қилиш учун қайта ишлашга.

〰️〰️〰️
🌐 Аҳоли орасида кенг оммалашган сайтлар ва ижтимоий тармоқларда ўзбек халқи миллий маданиятини тарғиб этувчи танловлар жорий этилади.

Батафсил

Telegram | Facebook | Instagram | Медиабанк

#БУГУН_ТУҒИЛГАН_КУН

Мудофаа вазири матбуот котиби – ахборот сиёсати масалалари бўйича маслаҳатчиси Зулфикаров Бахром Билолиддинович 1980 йил 5 февралда Фарғона вилоятида туғилган. У 2019 йилдан буён ушбу лавозимда ишлайди.

Б.Зулфикаров 1997-2019 йилларда Самарқанд олий ҳарбий автомобиль қўмондонлик муҳандислик билим юртининг гуманитар ва ижтимоий иқтисодий фанлар кафедрасида, Марказий ҳарбий округ бошқарув аппаратининг ҳарбий-ватанпарварлик, маънавий-ахлоқий тарбия ва ёшлар билан ишлаш бошқармаси ва бошқа ташкилотларда фаолият юритган.

t.iss.one/Rasmiy_xabarlar_Official