Олий суд Effect.uz интернет-нашри ходимлари бўйича суд ҳукмини эълон қилди

Бугун, 3 ноябрь куни, Қашқадарё вилоят судида судланувчилар Э. Таджибаев (1990 йилда Фарғона вилоятида туғилган, Effect.uz интернет-нашри мухбири бўлиб ишлаган, ҳозирда Taftish.uz интернет-нашри мухбири бўлиб ишлайди), А. Нуримбетов (1982 йилда Навоий вилоятида туғилган, Effect.uz интернет-нашри мухбири бўлиб ишлайди), Х. Ахмедов (1987 йилда Фарғона вилоятида туғилган, Effect.uz интернет-нашри мухбири бўлиб ишлайди) ва Г. Худоярова (1977 йилда Сурхондарё вилоятида туғилган, якка тартибдаги тадбиркор) га нисбатан жиноят ишини кўриб чиқиш бўйича очиқ суд жараёни ниҳоясига етди ва суд ҳукми эълон қилинди.

Ушбу жиноят иши Қашқадарё вилоят судининг жиноят ишлари бўйича судьяси Н. Абдуллаев раислигида кўриб чиқилди.

Эълон қилинган суд ҳукмига кўра:

Э. Таджибаев Жиноят кодексининг 139-моддаси (туҳмат) 3-қисми “а”, “г” бандлари, 140-моддаси (ҳақорат қилиш) 3-қисми “а” банди ва 219-моддаси (ҳокимият вакилига ёки фуқаровий бурчини бажараётган шахсга қаршилик кўрсатиш) 1-қисмида назарда тутилган жиноятларни содир этганликда айбсиз деб эътироф этилиб, Жиноят-процессуал кодексининг 83-моддаси (реабилитация учун асослар) 2-бандига асосан оқланди. Э. Таджибаев Жиноят кодексининг 219-моддаси 2-қисми ва 236-моддаси (тергов қилишга ёки суд ишларини ҳал этишга аралашиш) 1-қисмида назарда тутилган жиноятларни содир этганликда айбли деб топилиб, унга Жиноят кодексининг 59-моддаси (бир неча жиноят содир этганлик учун жазо тайинлаш) га асосан 3 йил озодликдан маҳрум қилиш жазоси тайинланди. Тайинланган жазони манзил-колонияларда ўташ белгиланди.

А. Нуримбетов Жиноят кодексининг 139-моддаси 3-қисми “а”, “г” бандлари, 140-моддаси 3-қисми “а” банди ва 219-моддаси 1-қисмида назарда тутилган жиноятларни содир этганликда айбсиз деб эътироф этилиб, Жиноят-процессуал кодексининг 83-моддаси 2-бандига асосан оқланди. А. Нуримбетов Жиноят кодексининг 219-моддаси 2-қисми ва 236-моддаси 1-қисмида назарда тутилган жиноятларни содир этганликда айбли деб топилиб, унга Жиноят кодексининг 59-моддасига асосан 3 йил озодликни чеклаш жазоси тайинланди.

Х. Ахмедов Жиноят кодексининг 219-моддаси 1-қисмида назарда тутилган жиноятни содир этганликда айбсиз деб эътироф этилиб, Жиноят-процессуал кодексининг 83-моддаси 2-бандига асосан оқланди. Х. Ахмедов Жиноят кодексининг 219-моддаси 2-қисми ва 236-моддаси 1-қисмида назарда тутилган жиноятларни содир этганликда айбли деб топилиб, унга Жиноят кодексининг 59-моддасига асосан 2 йил 6 ой озодликни чеклаш жазоси тайинланди.

Г. Худоярова Жиноят кодексининг 140-моддаси 3-қисми “а” бандида назарда тутилган жиноятни содир этганликда айбсиз деб эътироф этилиб, Жиноят-процессуал кодексининг 83-моддаси 2-бандига асосан оқланди. Г. Худоярова Жиноят кодексининг 139-моддаси 3-қисми “а”, “г” бандларида назарда тутилган жиноятни содир этганликда айбли деб топилиб, унга 2 йил озодликни чеклаш жазоси тайинланди.

Мазкур ҳукмдан норози тарафлар, ҳукм эълон қилинган кундан, маҳкумлар ва жабрланувчи ҳукм нусхаси топширилган кундан эътиборан Қашқадарё вилоят суди орқали Олий суднинг Жиноят ишлари бўйича судлов ҳайъатига йигирма сутка ичида апелляция тартибида шикоят беришга, прокурор протест билдиришга ҳақлилиги маълум қилинади.

https://t.iss.one/Rasmiy_xabarlar_Official

Миллий ҳайдовчилик гувоҳномасини Россиядаги консуллик муассасалари орқали янгисига алмаштириш тартиби белгиланди

Ҳукумат қарори (667-сон, 02.11.2021 й.) билан Ўзбекистоннинг Россия Федерациясидаги консуллик муассасаларида Ўзбекистон Республикасининг эски намунадаги миллий ҳайдовчилик гувоҳномасини янгисига алмаштириш тартиби бўйича вақтинчалик низом тасдиқланди.

➡️ Низомга кўра, янги намунадаги миллий ҳайдовчилик гувоҳномаси консуллик муассасаси орқали Ички ишлар вазирлигининг Йўл ҳаракати хавфсизлиги бош бошқармаси (ИИВ ЙҲХББ) томонидан расмийлаштирилади.

📝 Талабгор эски намунадаги миллий ҳайдовчилик гувоҳномасини янгисига алмаштириш учун консуллик муассасасига ариза билан шахсан мурожаат қилади.

⏳ Консуллик муассасаси талабгор номидан сўровномани тўлдириб, 1 иш кунида ИИВ ЙҲХББга юборади.

☑️ Йўл ҳаракати хавфсизлиги бош бошқармаси тақдим этилган маълумотномани кўриб чиқиб, 1 иш кунида янги намунадаги миллий ҳайдовчилик гувоҳномасини расмийлаштиради ҳамда уни Ташқи ишлар вазирлиги Консуллик-ҳуқуқий департаментига (ТИВ КҲД) юборади.

📂 Шунга кўра, ТИВ КҲД ҳайдовчилик гувоҳномасини консуллик муассасасига дипломатик почта орқали тақдим этади.

⚠️ Консуллик муассасаси 1 иш кунида янги намунадаги миллий ҳайдовчилик гувоҳномасини эгасига беради ёки асосланган сабабларга кўра уни рад этади.

🔰 Эски намунадаги миллий ҳайдовчилик гувоҳномаси янгисига алмаштириш учун қуйидагилар ундирилади:
➖ БҲМнинг 70 фоизи миқдорида тўлов;
➖ 20 АҚШ доллари миқдорида консуллик йиғими;
➖ 20 АҚШ доллари миқдорида ҳақиқий харажатларнинг ўрнини қоплаш учун йиғим.

https://t.iss.one/Rasmiy_xabarlar_Official

⚡️ Ҳукуматнинг ижтимоий тармоқлар фаолиятини чеклаш тўғрисидаги қарори барча ҳуқуқий ва техник меъёрларга риоя қилган ҳолда белгиланган тартибда расмийлаштирилмаган. Биздаги маълумотларга кўра, бу ҳақда Президент Администрациясига хабар берилмаган. Барча платформаларнинг фаолияти тез орада тикланиши кутилмоқда.

— — —

⚡️ Решение правительства об ограничении деятельности социальных сетей не было оформлено в установленном порядке, с соблюдением всех юридических и технических норм. По нашим данным, Администрация Президента об этом не была проинформирована. Ожидается скорое восстановление работы всех платформ.

https://t.iss.one/Rasmiy_xabarlar_Official

Президент топшириғига асосан Ахборотлаштириш ва телекоммуникациялар соҳасида назорат бўйича давлат инспекцияси бошлиғи Ғолибшер Зияев нотўғри ва келишилмаган хатти-ҳаракатлари учун эгаллаб турган вазифасидан четлатилди, рўй берган ҳолат юзасидан тергов-суриштирув ҳаракатлари олиб борилади.

Суриштирув якунлари бўйича рўй берган ҳолатда айбдор бўлган барча мутасадди раҳбарларга нисбатан тегишли жавобгарлик чоралари кўрилади.

—-
По поручению Президента начальник Государственной инспекции по контролю в сфере информатизации и телекоммуникациям Голибшер Зияев освобожден от занимаемой должности за ошибочные и несогласованные действия, по произошедшему факту будут проведены следственные действия.

По итогам расследования в отношении всех ответственных руководителей, виновных в произошедшем, будут применены соответствующие меры ответственности.

https://t.iss.one/Rasmiy_xabarlar_Official

📢 4 ноябрь, пайшанба куни ўтказилиши режалаштирилган брифинглар:

〰️〰️〰️
● Мавзу: “Яшил макон” умуммиллий лойиҳасини амалга ошириш юзасидан қўмитага юкланган вазифалар юзасидан
● Вақти: 14:00
● Иштирок этади: Озод Ражабов, Экология ва атроф-муҳитни муҳофаза қилиш давлат қўмитаси ахборот хизмати раҳбари

〰️〰️〰️
● Мавзу: Кадастр соҳаси бўйича аҳолидан келиб тушган мурожаатлар таҳлили
● Вақти: 16:00
● Иштирок этади: Неъмат Атамуратов, Кадастр агентлиги ахборот хизмати раҳбари

〰️〰️〰️
✏️ Саволларни @Rasmiy_aloqabot га жўнатишингиз мумкин. ОАВ ходимлари таклиф этилади.

https://t.iss.one/Rasmiy_xabarlar_Official

📹 Ҳаракатлар стратегияси доирасида мактабгача таълим соҳасида амалга оширилган ишлар таҳлили

〰️〰️〰️
Ушбу видеоролик «Тараққиёт стратегияси» маркази томонидан тайёрланди.

https://t.iss.one/Rasmiy_xabarlar_Official

⚡️Халқаро пресс-клуб "Кластер – Янги Ўзбекистоннинг янги иқтисодий тизими" мавзусида ўзининг сайёр сессиясини ташкил этди

📈 Бугун кластерлар қандай ривожланмоқда? Яқин келажакда кластерларга қандай шарт-шароитлар, имкониятлар яратиб берилади? Ва бу мамлакат иқтисодиёти, юрт равнақида қандай из қолдиради? Соҳанинг келажаги қай даражада?

🎥 Эфирни сиз бугун, 4 ноябрь соат 11:15 да “Ўзбекистон 24” телеканаллари орқали томоша қилишингиз мумкин!

https://t.iss.one/Rasmiy_xabarlar_Official

⚡️Кеча пневмония касаллиги аниқланмади, коронавирус инфекцияси бўйича ҳам ўсиш кузатилмади

🔺3 ноябрь куни 292 кишида коронавирус инфекцияси қайд этилганди, жами касалланганлар сони 187085 нафарни ташкил этмоқда. 3 нафар бемор касалликдан вафот этди (жами - 1332 нафар)

📊 Янги касалланиш ҳолатларининг 2 нафари –Қорақалпоғистон Республикасида, 15 нафари – Андижон вилоятида, 5 нафари – Бухоро вилоятида, 8 нафари – Жиззах вилоятида, 2 нафари – Қашқадарё вилоятида, 3 нафари –Навоий вилоятида, 17 нафари – Наманган вилоятида, 27 –нафари Самарқанд вилоятида, 4 нафари – Сирдарё вилоятида, 19 нафари – Фарғона вилоятида, 19 нафари – Хоразм вилоятида, 74 нафари –Тошкент вилоятида, 97 нафари Тошкент шаҳрида аниқланган.

⚠️ Мамлакатимизда коронавирус билан боғлиқ вазият яхшиланаётган бўлса-да, аҳолидан ҳотиржамликка берилмасликни, белгиланган карантин қоидаларига қатъий риоя қилишларини ва бу орқали ўзларини ҳамда бошқа юртдошларимизнинг саломатлигини асрашини сўраб қоламиз.

https://t.iss.one/Rasmiy_xabarlar_Official

Ноябрь ойи “Кексалар учун туризм ойлиги” деб эълон қилиниши муносабати билан Ўзбекистонда меҳмонхона ва умумий овқатланиш масканларидаги хизматлар учун ихтиёрий чегирмалар жорий этилди.

Бу ҳақда Туризм ва спорт вазирлиги ахборот хизмати маълум қилди.

Республикадаги 223 та жойлаштириш воситаси (меҳмонхоналар ва меҳмон уйлари) хизматлари учун - 50 фоизгача, 204 та умумий овқатланиш масканларидаги хизматлар учун 20 фоизгача ихтиёрий чегирмалар жорий этилди.

Шунингдек, “Uzbekistan Airways” АЖ томонидан 1-30 ноябрь кунлари Республика ичидаги авиақатновларда 60 ёшдан юқори эркаклар ва 55 ёшдан юқори бўлган аёллар учун эконом ва бизнес тоифаларининг (LPR3M, UPR3M, SPR3M, OPR3M ташқари) жорий нархларга 25 фоиз миқдорда ихтиёрий чегирмалар жорий этилган.

Бундан ташқари, ноябрь ойида “Ўзбекистон темир йўллари” АЖ томонидан мамлакат ичидаги амалдаги тарифларга 10 фоиз миқдорда ҳамда “Uzautotrans Service” МЧЖ томонидан маҳаллий йўналишларда қатновчи автобус чипта нархларига 10 фоиз миқдорда ихтиёрий чегирмалар амал қилади.

Чегирмалар ҳақида батафсил

https://t.iss.one/Rasmiy_xabarlar_Official

⚡️"Яшил макон" умуммиллий лойиҳа доирасида вилоятлар учун белгиланган дарахтлар "Долзарб 40 кунлик"да экиб бўлиниши керакми?

АОКАда бўлиб ўтган брифингда Экология ва атроф-муҳитни муҳофаза қилиш давлат қўмитаси ахборот хизмати раҳбари Озод Ражабов “Яшил макон” умуммиллий лойиҳасини амалга ошириш юзасидан қўмитага юкланган вазифалар бўйича батафсил маълумот берди.

🖇 Жорий йил 2-ноябрдан 10-декабргача кунлари бутун мамлакат бўйлаб дарахт экиш бўйича "Долзарб 40 кунлик" тадбири ўтказилади.

🌳 Мутахассисларнинг тавсиясига асосан, ҳудудларда экиш учун 27 турдаги дарахт кўчатлари таклиф этилмоқда. Дарахт кўчатлари қайси ҳудудга мос келиши олимлар хулосаси асосида ҳар бир туманнинг шарт-шароитини ҳисобга олган ҳолда танланади.

🌐 Давлат экология қўмитасининг daraxt2020.uz электрон платформаси барча вилоятларда ташкил этилаётган “Яшил макон” умуммилий лойиҳасини амалга ошириш штаби билан интеграция қилинади.

⚠️ Вилоятлар учун муайян квота тариқасида белгиланган 14-16 миллион донадан кўчат “Долзарб 40 кунлик”да экиб бўлинадими? Йўқ, ундай эмас. Бу жараён келаси йил баҳорида ҳам олимлару уста боғбонлар тавсия этган муддатларда изчил давом эттирилади. Бунда ҳар бир ҳудуд кузда ва баҳорда қанча экилишини ўзига аниқ режа қилиб олган.

▫️Батафсил

_______________

Расмий хабарлар | Медиабанк

Олий таълим муассасаларининг умумий рейтинги эълон қилинди

Таълим сифатини назорат қилиш давлат инспекцияси ахборот хизмати маълум қилишича, рейтинг натижаларига кўра, етакчи ўринларни Тошкент ирригация ва қишлоқ хўжалигини механизациялаш муҳандислари институти, Ўзбекистон миллий университети, Тошкент тиббиёт академияси, Самарқанд давлат университети, Тошкент молия институти эгаллади.

Сўнгги ўринлардан эса Фарғона жамоат саломатлиги тиббиёт институти, Навоий давлат педагогика институти, Самарқанд давлат архитектура-қурилиш институти, Нукус давлат педагогика институти, Қўқон давлат педагогика институти ўрин олди.

https://t.iss.one/Rasmiy_xabarlar_Official

АОКАда бўлиб ўтган брифингда Кадастр агентлиги ахборот хизмати раҳбари Неъмат Атамуратов аҳоли ва тадбиркорлардан келган саволларга жавоб берди:

❓Аукционда қатнашиб ерни ютиб олган ғолибга ҳокимият томонидан қарор чиқариладими?

❓Қандай сабабларга кўра янги ПФ-6243-сон Фармонда умрбод ерга эгалик қилиш ҳуқуқи бекор қилинган?

❓Менга ер керак тадбиркорлик қилмоқчиман. Ҳокимиятга борсам кадастрга жўнатди, кадастрга борсам бизда ер беришга ваколат йўқ деяпди. Кимга ишонай?

❓Мен тадбиркорлик билан шуғулланиш учун аукциондан ер майдони ютиб олдим. Мазкур ер участкасига кадастр ҳужжатини шакллантирсам бўладими?

❓Аукцион савдосини кадастр ўтказадими?

❓Битта шахс бир нечта ер олиши мумкинми?

〰️〰️〰️

👉 Шу ва бошқа долзарб саволларга жавобларни ушбу ҳавола орқали билиб олишингиз мумкин.

Расмий хабарлар | Медиабанк

“Бош вазир кубоги-2021” мусобақасига қуръа ташланди, жамоалар ўз рақибларини билиб олишди

Туризм ва спорт вазирлиги ахборот хизмати маълум қилишича, ушбу мусобақа ўйинлари бу сафар 5-10 ноябрь кунлари оралиғида ўтказилади. Шу муносабат билан бугун, 4 ноябрь куни Туризм ва спорт вазирлигида “Бош вазир кубоги-2021” мусобақасига қуръа ташлаш маросими бўлиб ўтди.

Жорий йилги мусобақада 43та жамоа иштирок этадиган бўлди.

Қуйида “Бош вазир кубоги-2021” анъанавий футбол мусобақасининг 1/32 финал босқичидаги жуфтликлар билан танишинг:

5 ноябрь (1/32 финал). Ўйинлар соат 10:00дан бошланади

1. Техник жиҳатдан тартибга солиш агентлиги – Таълим маркази

2. Соғлиқни сақлаш вазирлиги – Инвестиция ва ташқи савдо вазирлиги

3. Олий Мажлис Сенати – Энергетика вазирлиги

4. Олий ва ўрта махсус таълим вазирлиги – АОКА

5. Мактабгача таълим вазирлиги – Агро марказ

6. ЎзЛиДеП – ЎзА

7. Агроинспекция – Давлат статистика қўмитаси

8. Адлия вазирлиги – Молия вазирлиги

9. Ахборот технологиялари ва коммуникацияларини ривожлантириш вазирлиги – Сув хўжалиги вазирлиги

10. Ўрмон хўжалиги давлат қўмитаси – Маданият вазирлиги

11. Ёшлар ишлари агентлиги – Халқ таълими вазирлиги

https://t.iss.one/Rasmiy_xabarlar_Official