Ижтимоий тармоқларда Каттақўрғон туманида ЙПХ инспекторларининг фаолияти жараёнида фуқаро вафот этганлиги борасида ёлғон ёки нохолис ахборот тарқалишини олдини олиш мақсадида Ички ишлар вазирлиги муносабати билдирди.

Ҳозирда прокуратура органлари томонидан ҳолат юзасидан жиноят иши қўзғатилганл ва тергов ҳаракатларини олиб борилмоқда. Вазирлик муносабатида қуйидаги маълумотлар келтирилган:

Конституциянинг 26-моддасига кўра “Жиноят содир этганликда айбланаётган ҳар бир шахснинг иши судда қонуний тартибда, ошкора кўриб чиқилиб, унинг айби аниқланмагунча у айбдор ҳисобланмаслиги белгиланган;

Жиноят процессуал кодексининг 23-моддаси (Айбсизлик презумпцияси)да “Гумон қилинувчи, айбланувчи ёки судланувчи унинг жиноят содир этишда айбдорлиги қонунда назарда тутилган тартибда исботлангунга ва қонуний кучга кирган суд ҳукми билан аниқлангунга қадар айбсиз ҳисобланиши” қайд этилиб, мавжуд қонунчилик талабларига амал қилинмаган ҳолда муносабат билдириши натижасида оммада салбий ижтимоий фикр шаклланишига сабаб бўлиши мумкин.

Шунингдек, журналистика фаолияти билан шуғулланадиган ҳар бир шахс бевосита “Ахборот олиш кафолатлари ва эркинлиги тўғрисида”ги қонуннинг 11-моддаси (Ахборотнинг тўғрилиги учун жавобгарлик)да қайд этилган яъниОАВ эълон қилинаётган ахборотнинг тўғрилигини текшириб кўришлари шартлиги ва улар ахборот берувчи билан биргаликда унинг тўғрилиги учун қонун ҳужжатларида белгиланган тартибда жавобгар бўлишлари ҳамда “Оммавий ахборот воситалари тўғрисида”ги қонуннинг 5-моддаси (Оммавий ахборот воситаларининг эркинлиги)да оммавий ахборот воситалари қонун ҳужжатларига мувофиқ ахборотни излаш, олиш, тадқиқ этиш, тарқатиш, ундан фойдаланиш, уни сақлаш ҳуқуқига эгалиги ҳамда тарқатилаётган ахборотнинг холислиги ва ишончлилиги учун белгиланган тартибда жавобгар бўлиши белгиланганлиги ҳақидаги нормалардан бевосита хабардор бўлишлари лозим.

"Шу билан бирга, шахснинг қадр-қиммати камситилишига ёки унинг обрўсизлантирилишига олиб келадиган ёлғон ёки нохолис ахборотни тарқатиш, шу жумладан оммавий ахборот воситаларида, телекоммуникация тармоқларида ёки Интернет жаҳон ахборот тармоғида тарқатиш қонунчиликка асосан жавобгарликка тортилиши учун асос бўлиши мумкинлигини эслатиб ўтамиз", дейилади хабарда.

https://t.iss.one/Rasmiy_xabarlar_Official

14 июнь куни ўтказилиши режалаштирилган тадбирлар:

〰️〰️〰️-

🔰Матбуот анжумани

● Мавзу: Халқ таълими малака ошириш тизими электронлаштирилиши, А.Авлоний номидаги илмий-тадқиқот институтининг Узлуксиз касбий таълим махсус электрон платформаси ишга туширилиши
● Вақти: 12:00
● Жойи: АОКА мажлислар зали
● Иштирок этади: Халқ таълими вазири ўринбосари, А.Авлоний номидаги илмий-тадқиқот институти директори
〰️〰️〰️

🔰 Матбуот анжумани

● Мавзу: “Қишлоқ хўжалиги, мелиорация ва йўл қурилиши техникаларидан фойдаланишни такомиллаштириш чора-тадбирлари тўғрисида”ги Вазирлар Маҳкамаси қарорида белгиланган вазифалар ижроси
● Вақти: 14:00
● Жойи: АОКА мажлислар зали
● Иштирок этади: Агросаноат мажмуи устидан назорат қилиш инспекцияси
〰️〰️〰️

🔰Брифинг

● Мавзу: Совуқ сув балиқларини етиштириш ҳолати ҳамда балиқчилик хўжаликларга давлат томонидан ажратилаётган имтиёзлар
● Вақти: 15:00
● Жойи: АОКА мажлислар зали
● Иштирок этади: Зилола Рўзиева, "Ўзбекбалиқсаноати" уюшмаси ахборот хизмати раҳбари
〰️〰️〰️

📢 Тадбирлар режасида ўзгаришлар бўлса, қўшимча маълумот берилади.

✏️ Саволларни @Rasmiy_aloqabot га жўнатишингиз мумкин.

🎤 ОАВ ходимлари таклиф этилади.

https://t.iss.one/aoka_uz

23-24 июнь кунлари дунё тарихида илк маротаба Бухоро шаҳрида “Барқарор ривожланиш мақсадларига эришишда парламентлараро глобал ҳамкорлик” мавзусида халқаро форум бўлиб ўтади.

Олий Мажлис Сенати ахборот хизмати маълум қилишича, унда миллий, хорижий парламентлар, халқаро ва парламентлараро ташкилотлар, ёшлар парламентлари, фуқаролик жамияти институтлари ҳамда давлат муассасаларининг 500 дан ортиқ вакиллари иштирок этади.

https://t.iss.one/Rasmiy_xabarlar_Official

Раққосалар билан видео учун Сирдарё ҳокимлиги масъулларига ишдан бўшатиш каби қатъий чора қўлланилиши белгилангани маълум қилинди

Сирдарё вилояти ҳокимлиги ахборот хизмати ижтимоий тармоқларда тарқалган Сирдарё тумани ҳокимлиги масъуллари ва давлат ташкилотлари раҳбарлари акс этган видеолавҳа юзасидан расмий изоҳ берди.

Маълум қилинишича, видеолавҳада акс этган жараён 2020 йил октябрь ойининг ўрталарида тахминан кеч соат 21:00 да (ишдан ташқари вақтда) Сирдарё туманидаги «Евро Азия» ресторанида юзага келган.

Ишдан ташқари вақтда бошқа фуқаролар сингари ресторанга овқатланиш учун борган масъуллар - туман ҳокими ўринбосари (ўша вақтда туман ҳокими ёрдамчиси) туман ободонлаштириш бошқармаси бошлиғи, туман Экология ва атроф-муҳитни муҳофаза қилиш соҳасидаги назорат бўйича Сирдарё тумани инспекцияси бош мутахассис-давлат инспектори, “Сувоқова” давлат унитар корхонаси раҳбари ҳамда Сирдарё тумани йўллардан фойдаланиш унитар корхонаси раҳбарлари бўлган.

Мазкур шахслар ўтирган хонага ресторанда хизмат кўрсатаётган “Шов балет” раққоса қизлари кириб келган. Раққосаларнинг кутилмаганда кириб келиши уларга маъқул келмаган. Шу сабабли раққосаларга пул берилган ва хонани тарк этиши сўралган. Натижада видеодаги ҳолат юзага келган.

Ҳолат юзасидан масъул ходимларга жамиятда юриш-туриш қоидаларига амал қилган ҳолда давлат хизматчиси сифатида намуна кўрсатишлари лозимлиги эслатиб ўтилган.

Шунингдек, лавозимдан озод этиш каби қатъий чора қўлланилиши белгиланган.

https://t.iss.one/Rasmiy_xabarlar_Official

Халқ таълими малака ошириш тизими электронлаштирилиши, А.Авлоний номидаги илмий-тадқиқот институтининг Узлуксиз касбий таълим махсус электрон платформаси ишга туширилиши (АОКАда ўтказилаётган матбуот анжуманидан)

✔️Жорий йил 1 мартдан халқ таълими тизими раҳбар ва педагог ходимлари учун “Ҳаёт давомида ўқиш” тамойили асосидаги малака ошириш таълим кредит-модуль шаклида ишини бошлаган.

✔️А.Авлоний номидаги илмий-тадқиқот институти томонидан “Узлуксиз касбий таълим” махсус электрон платформаси орқали уларнинг касбий компетенцияларини аниқлаш бўйича диагностика қилиш ҳамда индивидуал ривожланиш траекториясини шакллантириш механизми ишлаб чиқилди.

✔️Электрон платформада раҳбар ва педагог ходимлар учун бир қатор имкониятлар яратилган.

Батафсил

Расмий хабарлар | Медиабанк

Аюбхон Ражиев, А.Авлоний номидаги илмий-тадқиқот институти директори:

➖Халқаро стандартга жавоб берадиган баҳолаш мезонларига эга қизиқарли малака ошириш курсларини яратишда эндиликда биз халқаро экспертлар билан ишлашишимиз зарур.

✔️ 10 ой ичида АҚШ, Россия, Жанубий Корея, Германия ҳамда малайзиялик ҳамкорларимиз билан биргаликда ишладик. Мисол учун АҚШнинг Америка кенгашлари ташкилоти билан ҳамкорликда лойиҳа олиб боряпмиз. Октябрь якунига яқин 400 нафар мактаб ўқитувчиси ТИСО серфтификатига мақсадли ўргатиб, сертификат билан таъминлаш, сертифкат олиб уни устама ҳақи ва рағбатлантириш масалалар кўриб чиқиляпти.

🌐Биз бу плафтмони ишлаб чиққанимиздан кейин холис хулосани олиш мақсадида бир қатор халқаро ташкилотларга кириш имконини бердик: баҳолаб беринглар, қандай устунлик, қандай камчилик томонларимиз бор деган маънода. 20 дан ортиқ ташкилотга юборган бўлсак, 7 тасидан тегишлилигича расмий хат келди.

Расмий хабарлар | Медиабанк

🔷 Тўқимачилик соҳасида халқаро ижтимоий аудит ва стандартларга мувофиқликка қаратилган семинар ўтказилади

21-22 июнь кунлари Тошкент шаҳридаги Ўзбекистон-Корея тўқимачилик технопаркида “Ўзтўқимачиликсаноат” уюшмаси томонидан тўқимачилик ва тикув-трикотаж корхоналарида масъулиятли бизнес юритиш тамойиллари, халқаро ижтимоий аудит ва стандартларга мувофиқлигига қаратилган семинар ўтказилади.

Бу ҳақда Ушманинг ахборот хизматининг ОАВга тарқатган хабарномасида маълум қилинган.

🔰 Семинарлар Белгиянинг бизнес уюшмаси “Amfori” ҳамда Германиянинг халқаро ҳамкорлик жамияти (GIZ) ҳамкорлигида ташкил этилади.

▶️ Семинар-тренингда иштирок этиш учун ушбу ҳавола орқали ариза юбориш мумкин.

https://t.iss.one/Rasmiy_xabarlar_Official

🎤 Халқ таълими малака ошириш тизими электронлаштирилиши, А.Авлоний номидаги илмий-тадқиқот институтининг Узлуксиз касбий таълим махсус электрон платформаси ишга туширилиши юзасидан савол-жавоблар (АОКАда ўтказилган матбуот анжуманидан):

❓Чекка олис ҳудудлардаги ўқитувчилар учун платформадан фойдаланиб малака оширишда қандай шароит яратилади?

👉 Жавоб
〰️〰️〰️〰️

❓Бир вақтнинг ўзида 2 та фандан дарс берадиган ўқитувчиларда малака ошириш жараёни қандай йўлга қўйилади?

👉Жавоб
〰️〰️〰️〰️

❓Агар йил давомида педагог модулдаги балларни йиға олмаса унга нисбатан қандай чора кўрилади?

👉Жавоб

Расмий хабарлар | Медиабанк

Қишлоқ хўжалиги, мелиорация ва йўл қурилиши техникалари назорати бўйича 6375 та қонунбузилиш ҳолати аниқланган

Бу ҳақда АОКАда ўтказилаётган матбуот анжуманида Вазирлар Маҳкамаси ҳузуридаги Агросаноат мажмуи устидан назорат қилиш инспекцияси мутасаддилари маълум қилди:

〰️〰️〰️
🔎 «Жорий йилнинг январь-май ойида тармоқ инспекторлари томонидан жами 12 801 та назорат тадбири, шундан 440 та текшириш, 12361 та мониторинг тартибидаги ўрганишлар ўтказилган.

✔️ Ўтказилган назорат тадбирлари давомида жами 6375 та, шундан 5225 таси — қишлоқ хўжалиги, мелиорация ва йўл-қурилиш техникаларининг техник ҳолатини назорат қилиш йўналишида, 14 таси — қишлоқ хўжалиги, мелиорация ва йўл-қурилиш техникаларини ишлаб чиқариш ва етказиб берилишини назорат қилиш йўналишида, 796 таси — қишлоқ хўжалиги техникаларидан фойдаланиш, уларга кўрсатилган таъмирлаш ва сервис хизматлари сифатини назорат қилиш ва 340 таси — бошқа назорат йўналишларида қонунбузилиши ҳолатлари аниқланган.

🔖 Аниқланган қонунбузилиши ҳолатлари бўйича 660 та ёзма кўрсатма, 167 та тақдимнома киритилган бўлса, 5515 та ҳолатда маъмурий чоралар қўлланилган, 157 та ҳолатда хужжатлар қонуний қарор қабул қилиш учун ҳуқуқни муҳофаза қилувчи органларга юборилган».

Расмий хабарлар | Медиабанк

Ўзбекистонда мавжуд барча қишлоқ хўжалиги, мелиорация ва йўл қурилиш техникаларининг ягона электрон базаси ишга туширилди

Бу ҳақда АОКАда «Ўзагроиснпекция» мутасаддилари иштирокида ўтказилган матбуот анжуманида маълум қилинди:

〰️〰️〰️
👨🏻‍💻 «Электрон база бугунги кунда 301 минг донадан зиёд техника, жумладан 14 минг дона ҳайдов, 50 мингдан ортиқ чопиқ, 71 мингга яқин транспорт тракторлари, 6 минг яқин ғалла ўриш комбайни, 31 мингдан ортиқ мелиорация ва йўл қурилиши техникалари, 1000 ортиқ замонавий юқори унумли пахта териш машиналаси ва бошқа техникалар тўғрисидаги тўлиқ маълумотларни жамлаган.

🌐 Электрон база ишга туширилиши натижасида техникаларни рўйхатга олиш, рўйхатдан чиқариш, уларнинг аниқ хисоби ва техника ҳолатини ҳамда тракторчи-машинист гувоҳномасини беришни онлайн назорат қилиш йўлга қўйилди.

Техникаларнинг электрон рақамли ҳисоби юритилиши натижасида, электрон база Давлат хизматлари агентлиги ва Мажбурий ижро бюроси билан интеграция қилиш ишлари якунланди.

📩 Бунинг натижасида, шу кунгача Давлат хизматлари агентлигининг 1 млн 217 минг 280 та ҳамда Мажбурий ижро бюросининг 2 минг 355 та сўровига электрон шаклда тўғридан-тўғри, инсон фактори аралашмаган ҳолда маълумот алмашиниши таъминланди.

🛠 Шунингдек, электрон базани Қишлоқ хўжалиги вазирлиги, Адлия вазирлиги ва Давлат солиқ қўмитаси билан интеграция қилиш ишлари якуний босқичда амалга оширилмоқда».

Расмий хабарлар | Медиабанк

⚡️РАСМИЙ БАЁНОТ

Саудия Арабистони ҳукуматининг «Ҳаж-2021» мавсумини ташкил этиш бўйича чиқарган қарори юзасидан

Ўзбекистоннинг Жидда шаҳридаги Бош консулхонаси Ҳаж ва умра масалалари бўйича Атташеси томонидан Вазирлар Маҳкамаси ҳузуридаги Дин ишлари бўйича қўмитага тақдим этилган расмий маълумотга кўра, жорий йилнинг 13 июнь куни Саудия Арабистони Подшоҳлиги Соғлиқни сақлаш вазирлиги, Ички ишлар вазирлиги ҳамда Ҳаж ва умра вазирликлари томонидан Оммавий ахборот воситалари вакиллари иштирокида матбуот анжумани ташкил этилган.

📝 Унда “Ҳаж-2021” мавсумини ташкил этиш масалалари ҳақида тўлиқ ахборот берилган. Жумладан, жаҳонда кузатилаётган мураккаб эпидемиологик вазият ҳамда ҳожиларнинг соғлиғини ҳимоя қилишни таъминлаш мақсадида “Чет эл фуқаролари учун Ҳаж зиёратини чеклаш, маҳаллий аҳоли ва мамлакатда доимий яшовчи резидентлар учун Ҳаж тадбирини ўтказиш тўғрисида” ҳукумат Қарори қабул қилингани эълон қилинган.

📌 Шунингдек, расмий хатда ҳожиларнинг хавфсизлиги ва саломатлигини таъминлаш мақсадида, жорий йилги ҳаж тадбири – Саудия Арабистони Подшоҳлиги аҳолиси ва ушбу мамлакатда муқим яшаб келаётган 18 дан 65 ёшгача бўлган, энг асосийси, “COVID-19”га қарши эмланган фуқаролар (резидентлар) учун ташкил этилиши кўрсатиб ўтилган.

❗️Ўз навбатида, бу йилги Ҳаж ибодатини бажарадиган маҳаллий зиёратчиларнинг чекланган миқдордаги умумий сони 60 минг нафар этиб белгилангани, хорижий мамлакатлардан зиёратчилар қабул қилинмаслиги ҳам қайд этилган.

‼️ Саудия ҳукуматининг ушбу қарори Жаҳон соғлиқни сақлаш ташкилоти, Саудия уламолари Кенгаши, Ислом ҳамкорлик ташкилоти, ислом мамлакатларидаги кўплаб фатво ҳайъатлари ва бошқа илмий марказлар томонидан маъқулланган.

📌 Маълумот учун, ҳозирги вақтда Саудия Арабистони Подшоҳлигида мураккаб эпидемиологик вазият сақланиб қолмоқда. Ҳар куни ўртача 1 000 дан ортиқ вирус билан касалланиш, 15-20 та ўлим ҳолати кузатилмоқда.

✅ Юқоридагиларга асосланган ҳолда, Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита, Ўзбекистон мусулмонлари идораси, “Ҳаж” ва “Умра” тадбирларини ташкил этиш ва ўтказиш масалалари бўйича Жамоатчилик кенгаши Саудия Арабистони ҳукуматининг ҳожилар манфаатлари, уларнинг ҳаёти ва соғлиғини ҳимоя қилишни таъминлаш нуқтаи-назаридан қабул қилган ушбу қарорини қўллаб-қувватлайди.

⚠️ Шунингдек, кези келганда, Жамоатчилик кенгаши ҳаж сафарига боришни режалаштирган фуқароларимизнинг навбатлари кейинги мавсум учун сақланиб қолишини эслатиб ўтади.

https://t.iss.one/Rasmiy_xabarlar_Official

Қашқадарёда Ўзбекистондаги энг баланд чўққига юртимиз байроғи ўрнатилди

Бу ҳақда вилоят ҳокимлиги ахборот хизмати маълум қилди.

Шаҳрисабз шаҳрида 13-15 июн кунлари "Биз Aмир Темур авлодлари, унга издош бўламиз!" шиори остида "Янги Ўзбекистон ёшлари, бирлашайлик!" ёшлар фестивали ўтказилмоқда.

Ёшлар фестивалининг илк кунида "Ҳазрати Султон" чўққисига Ўзбекистон ва ёшлар фестивали байроқлари ўрнатилди.

❗️"Ҳазрати Султон" чўққиси 4643 метр (айрим манбаларда 4030).

Фото: У.Нормуратов.

https://t.iss.one/Rasmiy_xabarlar_Official

Тошкент, Навоий, Наманган, Фарғона, Қашқадарё ва Сурхондарё вилоятларида совуқ сув балиқлари етиштирилмоқда

АОКАда "Ўзбекбалиқсаноати" уюшмаси ахборот хизмати раҳбари Зилола Рўзиева иштирокида ўтказилган брифинг “Совуқ сув балиқларини етиштириш ҳолати ва бу бўйича амалга оширилаётган ишлар ҳамда совуқ сув балиқларини етиштирувчи хўжаликларга давлат томонидан ажратилаётган имтиёзлар” мавзусига бағишланди.

Батафсил

Расмий хабарлар | Медиабанк

Халқаро пресс-клуб TikTokda саҳифа очди

Халқаро пресс-клуб янгиликларини нафақат телеграм-канал, фейсбук ёки инстаграм саҳифалари, балки TikTokдаги саҳифаси орқали ҳам танишиб боришингиз мумкин!

https://t.iss.one/Rasmiy_xabarlar_Official

Ўн саккиз ёшгача бўлган шахс ўн олти ёшга тўлиши муносабати билан паспортни ўз вақтида олмаганлиги учун маъмурий жавобгарликка тортилиши мумкин эмас

Адлия вазирлигига айрим фуқаролар мурожаат қилиб, уларга чет мамлакатлардаги Ўзбекистон Республикаси консуллик муассасалари томонидан 18 ёшга тўлмаган шахсни ўз вақтида фуқаролик паспортини олмаганлиги сабабли уни маъмурий жавобгарликка тортиш ҳақида огоҳлантиришлар келиб тушаётганлигини билдирмоқда.

Вазирлик ахборот хизмати маълум қилишича, Маъмурий жавобгарлик тўғрисидаги кодекснинг 223-моддасига мувофиқ фуқаронинг паспортсиз ёки ҳақиқий бўлмаган паспорт билан, доимий пропискасиз ёхуд турган жойи бўйича ҳисобга турмасдан яшаши, паспортни қасддан яроқсизлантириши ёки эҳтиёт қилиб сақламаганлиги оқибатида йўқотиб қўйиши, шунингдек Ўзбекистон Республикасида яшаш гувоҳномасига эга бўлган чет эл фуқаросининг ва фуқаролиги бўлмаган шахснинг ҳақиқий бўлмаган яшаш гувоҳномаси билан яшаши, вақтинча ёки доимий пропискасиз яшаши, яшаш гувоҳномасини қасддан яроқсизлантириши, эҳтиёт қилиб сақламаганлиги оқибатида йўқотиб қўйиши учун маъмурий жавобгарлик белгиланган.

Бироқ, мазкур кодекснинг 223-моддасининг бешинчи ва олтинчи қисмларида ўн саккиз ёшгача бўлган шахс ўн олти ёшга тўлиши муносабати билан ўз вақтида паспорт олмаганлиги учун маъмурий жавобгарликка тортилмаслиги белгиланган.

Худди шундай, ўн саккиз ёшгача бўлган, Ўзбекистон Республикасида доимий яшаётган чет эл фуқароси ва фуқаролиги бўлмаган шахс ўн олти ёшга тўлиши муносабати билан яшаш гувоҳномасини ўз вақтида олмаганлиги учун маъмурий жавобгарликка тортилмайди.

Шунга кўра, ўн саккиз ёшгача бўлган шахс ўн олти ёшга тўлиши муносабати билан ўз вақтида паспорт ёки яшаш гувоҳномасини (Ўзбекистон Республикасида доимий яшаётган чет эл фуқароси ва фуқаролиги бўлмаган шахс) ўз вақтида олмаганлиги учун маъмурий жавобгарликка тортилиши мумкин эмас.

https://t.iss.one/Rasmiy_xabarlar_Official

Кадастр агентлигида Матбуот котибларнинг малакасини оширишга қаратилган семинар-тренинг биринчи иш кунини якунлади.

Агентлик ахборот хизмати маълум қилишича, 14 та ҳудуддан келган матбуот котибларга Медиа тренерлар Беруний Алимов, Гулнора Нишонова ва Гулмира Шукуровалар томонидан:

🔹 Матбуот котиби, ташкилот раҳбарининг индивидуал имижи ва корпоратив имиж компонентлари.

🔹 Шахсий имижни яратиш.

🔹 Мақсадли аудиторияни аниқлаш ва у билан ишлаш усуллари.

🔹 Замонавий медиа муҳитида кризис коммуникациялар ва уларни бошқариш.

🔹 Замонавий антикризис технологиялар. Спиндокторинг – янгиликлар менежменти мавзулари бўйича тушунчалар берилди.

Семинар-тренинг 16 июнга қадар давом этиши режалаштирилган.

https://t.iss.one/Rasmiy_xabarlar_Official

Олий Мажлиснинг Инсон ҳуқуқлари бўйича вакили (омбудсман) ва Ички ишлар вазирлиги ҳузуридаги Жазони ижро этиш департаменти ўртасида меморандум имзоланди

Вакил ахборот хизмати маълум қилишича, ҳар иккала ташкилот ўртасида имзоланган ҳамкорлик меморандуми Президент Мурожаатномасида белгиланган вазифалар ижросини таъминлаш, маҳкумларнинг жиноят ижроия қонунчилигида белгиланган ҳуқуқлари ва қонуний манфаатлари ҳимоясининг кафолатларини кенгайтириш бўйича самарали ҳамкорликни давом эттиришга қаратилгани билан аҳамиятлидир.

Хусусан, Давлат раҳбари томонидан Олий Мажлисга йўлланган Мурожаатномада қийноқларнинг олдини олиш борасида Омбудсман ваколатларини кенгайтириш, ҳар чоракда жамоатчилик вакиллари билан биргаликда тергов изолятори ва жазони ўташ муассасаларига “мониторинг ташрифлари” тизими йўлга қўйилиши ва натижалар бўйича Парламентга ахборот тақдим этиши белгиланган.

https://t.iss.one/Rasmiy_xabarlar_Official