Шаҳрисабздаги коллеж ўқитувчиларининг маошлари эртага тўланади

Интернет нашрларида Шаҳрисабз туманидаги Қурилиш ва уй-жой коммунал хўжалик касб-ҳунар коллежи ўқитувчилари 6 ойдан буён маошсиз ишлаётгани ҳақида хабар берилган эди. Қурилиш вазирлиги ушбу материалга муносабат билдирди.

Маълум бўлишича, айрим сабабга кўра, сўнгги уч ой учун педагог-ходимларга ойлик маошлари берилмаган.

Мазкур масала тўғрисида вазирликнинг жорий йил 14 мартдаги мурожаатига асосан, Қашқадарё вилояти тегишли мутасаддилари Наврўз байрамига қадар барча қарздорликларни узишни режалаштиришганини маълум қилишган.

Ушбу ҳолат Қурилиш вазирлиги томонидан тўлиқ назоратга олинган ва 18 март куни барча ходимларга ойлик маошлари тўлаб берилиши таъминланади.

РАСМИЙ ХАБАРЛАР 👇👇👇
t.iss.one/Rasmiy_xabarlar_Official

Савдо, ишлаб чиқариш ва хизмат кўрсатиш объектларига давлат тилида ном бериш хизмати кўрсатилади

“Савдо, ишлаб чиқариш ва хизмат кўрсатиш объектларига ном беришни такомиллаштириш чора-тадбирлари тўғрисида”ги Ҳукумат қарори (144-сон, 16.03.2021 й.) қабул қилинди. Бу ҳақда ҳуқуқий ахборот канали маълум қилди.

📝 Қарорга кўра, Тошкент давлат ўзбек тили ва адабиёти университети ҳузуридаги Давлат тилида иш юритиш асосларини ўқитиш ва малака ошириш маркази ҳамда унинг ҳудудий бўлинмалари томонидан савдо, ишлаб чиқариш ва хизмат кўрсатиш объектларига давлат тилида ном бериш (нейминг) хизмати кўрсатилади.

🔰 Марказ ва унинг ҳудудий бўлинмаларига бу бўйича қуйидаги қўшимча вазифалар юкланди:

● давлат тили қоида ва меъёрларига мувофиқ келадиган, миллий қадриятларга мос ҳамда объектларга қўйиш тавсия этиладиган номлар захирасини онлайн режимида шакллантириш ҳамда уни доимий янгилаб бориш;
● ташқи ёзув, пешлавҳа, реклама ва эълонлар матнини тайёрлаш, шунингдек, уларнинг давлат тили қоида ва меъёрларига мувофиқлиги, номларнинг бир хил ёки ўхшашлик даражаси юзасидан лингвистик экспертиза ўтказиш;
● объектлар учун давлат тилида номлар яратиш ва танлаш бўйича шартнома асосида хизматлар кўрсатиш.

⚠️ Объектларга ном бериш “Давлат тили ҳақида”, “Фирма номлари тўғрисида” ва “Товар белгилари, хизмат кўрсатиш белгилари ва товар келиб чиққан жой номлари тўғрисида”ги қонунлар талабларига риоя этилган ҳолда амалга оширилади.

РАСМИЙ ХАБАРЛАР 👇👇👇
t.iss.one/Rasmiy_xabarlar_Official

Бугун, 18 март куни режалаштирилган тадбирлар:

〰️〰️〰️
🔰 Матбуот анжумани

● Мавзу: 2021/2022 ўқув йилида олий таълим муассасалари бакалавриатига қабул тест синовларини ўтказиш билан боғлиқ янгиликлар, тайёргарлик жараёнлари
● Вақти: 12:00
● Жойи: АОКА мажлислар зали
● Иштирок этади: Олий ва ўрта махсус таълим вазирлиги, Давлат тест маркази

〰️〰️〰️
🔰 Брифинг

● Мавзу: Суд тизимида тайинловларнинг очиқлиги ва шаффофлиги
● Вақти: 14:00
● Жойи: АОКА мажлислар зали
● Иштирок этади: Турсунали Акбаров, Судьялар олий кенгаши ахборот хизмати раҳбари
〰️〰️〰️

🔰 Матбуот анжумани

● Мавзу: "Ўзбекистон Республикаси Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси фаолиятини тубдан такомиллаштириш тўғрисида"ги Президент Фармони мазмун-моҳияти ва ижроси
● Вақти: 16:00
● Жойи: АОКА мажлислар зали
● Иштирок этади: Молия вазирлиги
〰️〰️〰️〰️

📢 Саволларни @Rasmiy_aloqabot га жўнатишингиз мумкин.

🎤 ОАВ ходимлари таклиф этилади.

@aoka_uz

❗️Бу йилги тест синовлари ҳам стадионлар ва хиёбонларда ўтказилиши мумкин

Давлат тест маркази бошқарма бошлиғи Фарҳод Мирзаевнинг айтишича, айни пайтда Давлат тест маркази томонидан тестларни ўтказиш бўйича икки хил сценарий устида иш олиб борилмоқда;

👉 Тест синовларини анъанавий шаклда катта сиғимли биноларда ўтказиш

👉 Пандемия шароитида тест синовларини 2020 йилдаги каби очиқ майдонларда ўтказиш.

❗️Бунинг учун тест синови ўтказиладиган жойлар танланиб, режа-чизмалари тайёрланди. 50 460 нафар абитуриент учун мўлжалланган 103 та катта сиғимли ёпиқ бино, 60 570 нафар абитуриентга мўлжалланган 66 та стадион ва хиёбон тайёрланяпти.

Мирзаев, шунингдек, абитуриентларга олий таълим муассасаларига кириш учун имтиёз бериш ва уларни тасдиқлаш ваколатига эга бўлган масъул вазирлик ва идоралар билан имтиёзлар реестри шакллантирилаётганини қўшимча қилди.

Бунинг учун Давлат тест маркази томонидан махсус платформа ишлаб чиқилган ва тегишли вазирлик ва идораларга имтиёзларни киритиш учун керакли маълумотлар тақдим этилган.

@aoka_uz

❓ОТМга кириш имтиҳонлари саволлари мактаб дарсликларидан олинмаслиги, шу сабабли ўқувчилар репититорга қатнашга мажбур бўлаётгани ростми?

АОКАдаги матбуот анжуманида ДТМ бошқарма бошлиғи Бекзод Тошпўлатов саволга жавоб берди:

〰️〰️〰️
📂 «Давлат тест маркази томонидан тест саволлари базаси Олий ва ўрта махсус таълим вазирлиги ҳамда Халқ таълими вазирлиги томонидан тасдиқланган дастурлар асосида шакллантирилади. Ўша дастурларда белгиланган адабиётлардан келиб чиқиб, экспертлар тест саволларини тузади.

📖 Ўтган йили аппеляция жараёнида абитуриентлар томонидан саволлар бўйича эътирозлар бўлганда ҳам, айнан ўша дастурга киритилган адабиётлардан маълумотлар исбот сифатида сифатида кўрсатилган».

https://t.iss.one/Rasmiy_xabarlar_Official

⚡️Очиқ танловда 172 нафар судянинг 40 фоизидан кўпроғи номуносиб деб топилди

Бугун Ахборот ва оммавий коммуникациялар агентлигида Судьялар олий кенгаши матбуот котиби Турсунали Акбаров иштирокида брифинг ўтказилди.

Брифингдан муҳим маълумотлар:

🔹2020 йилда 27 нафар судьянинг ваколати муддатидан илгари тугатилди. Яъни, 3 нафар судья бошқа ишга ўтган, судьялик қасамёди ва одоб-ахлоқ қоидаларини ҳамда одил судловни амалга оширишда қонун талабларини қўпол равишда бузган 12 нафари четлатилди (улардан бири жиноий жавобгарликка тортилган). Шунингдек, ўз хоҳишига кўра яна 5 нафар судья лавозимидан озод этилган. Яна етти нафар судья эса коронавирус туфайли вафот этгани боис ваколати муддатидан аввал тугатилди.

🔹2021 йилнинг ўтган икки ойида Судьялар олий кенгаши қарори билан 9 нафар судьяга нисбатан интизомий жазо чораси қўллашга рухсат берилди, бир нафар судья вазифасидан озод қилинди. Шу кунларда кунларда яна уч нафар судьяга нисбатан хизмат текшируви ўтказилмоқда.

🔹Судьялар олий кенгаши 2020 йилда 835 нафар номзодни судьяликнинг навбатдаги ваколат муддатига, муддатсиз даврга ва ваколат муддати даврига қайта тайинлаш масалалари кўриб чиқди. Шундан 126 нафар номзод судьяликнинг кейинги муддатидаги тайинлашга номуносиб деб топилди. 72 нафари захирага колдирилди, 41 нафар номзодни тавсия этилган лавозимга тайинлаш рад этилди.

🔹Ўтган йили илк бор судьялик лавозимига тайинланиш учун очиқ танловда 172 нафар номзод иштирок этган бўлса, уларнинг 73 нафари судьялик лавозимига номуносиб деб топилди, 34 нафари захирада қолдирилган бўлса, қолганларга ишонч билдирилган.

🔹Жорий йилнинг ўтган икки ойида биринчи беш йил муддатга судьялик лавозимлари учун таклиф этилган 30 нафар номзоднинг 3 нафари номуносиб деб топилган бўлса, 7 нафари заҳарида қолдирилди, 20 нафарига ишонч билдирилди.

Шунингдек, ўтган икки ойи давомида навбатдаги ваколат муддатига ва бошка судьялик лавозимлари бўйича қайта тайинлаш масаласида 111 нафар номзод кўриб чиқилди. Шундан бир нафари номуносиб, 5 нафари захирада қолдирилган бўлса, яна 5 нафар номзодни тавсия этилган лавозимга тайинлаш рад этилди.

https://t.iss.one/Rasmiy_xabarlar_Official