#Тайинлов

Адлия вазирлигининг давлат тили масалалари бўйича маслаҳатчиси тайинланди

Адлия вазирининг тегишли буйруғи билан Шахноза Мирзарахимовна Соатова Маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича вазир маслаҳатчиси лавозимига тайинланди.

Ш.Соатова 1977 йилда Тошкент шаҳрида туғилган, маълумоти олий, 1999 йилда Тошкент давлат университетини тамомлаган, мутахассислиги – филолог.

Ш.Соатова ушбу лавозимга тайинлангунга қадар вазирликнинг Ҳуқуқий тарғибот ва маърифат бошқармаси бош маслаҳатчиси лавозимида ишлаб келган.

Маълумот учун: давлат тили масалалари бўйича маслаҳатчи қуйидаги вазифаларни амалга оширади:

• вазирликда маънавий-маърифий соҳага ва давлат тилига оид қонун ҳужжатлари ҳамда дастурларнинг ижросини ташкил этади;

• маънавий-маърифий соҳага ва давлат тилига оид қонун ҳужжатларига сўзсиз риоя этилишини танқидий ўрганади, бу борада аниқланган муаммоларни бартараф этиш чораларини кўради;

• давлат тили тўғрисидаги қонун ҳужжатлари талабларига сўзсиз риоя этилишини таъминлаш бўйича жамоатчилик назоратининг самарали шаклларини жорий этади;

• маънавий-маърифий ишлар самарадорлигини ошириш ҳамда давлат тилини ривожлантиришга оид қонун ҳужжатлари лойиҳаларини ишлаб чиқишда иштирок этади;

• ходимларга давлат тилини чуқур ўрганишлари учун зарур шарт-шароитлар яратади ҳамда давлат тилини кенг тарғиб қилиш ва ривожлантириш чораларини кўради;

• ҳудудлардаги барча ташқи ёзувлар, шу жумладан лавҳалар, эълонлар, реклама ва кўргазмали бошқа ахборот матнлари, ташқи реклама материалларининг давлат тили ва реклама тўғрисидаги қонун ҳужжатларига мувофиқ бўлишини таъминлашда иштирок этади;

• давлат тилини ривожлантиришга оид илмий-тадқиқот ишларини қўллаб-қувватлаш, илмий асосланган янги сўз ва атамаларни истеъмолга киритиш, замонавий атамаларнинг ўзбекона муқобилларини яратиш бўйича таклифлар киритади.

Каналга уланиш👇👇👇
https://t.iss.one/SevaraJournalist

«Маҳалла» газетасининг янги сонида ҳам жисмоний ва юридик шахслардан келган мурожаатларга вазирлик ва идораларнинг ахборот хизматлари томонидан берилган жавоблар эълон қилинибди.
Ушбу амалиёт мурожаатларга ўз вақтида жавоб бериш, газеталарга бўлган ишонч ва эътиборнинг кучайишига хизмат қилмоқда.

Бошқа даврий босма нашрлар ҳам ахборот хизматлари билан ўзаро ҳамкорликни ривожлантиришлари мақсадга мувофиқ бўлар эди.

Каналга аъзо бўлинг 👇
https://t.iss.one/gazetalar_sharhi

МЕВА-САБЗАВОТ МАҲСУЛОТЛАРИНИ ҚАЙТА ИШЛАШ СОҲАСИДАГИ МУАММОЛАР АЙТИЛДИ

“Ўзбекозиқовқатхолдинг” компаниясида "MARWIN BRANDS", "AGROMIR SAMARKAND", “ИНТЕРСОК” каби мева-сабазавот маҳсулотларини қайта ишлаш соҳасида фаолият юритаётган ўнлаб йирик корхоналар раҳбарлари иштирокида мулоқот ташкил этилди.

Унда Ўзбекистон Республикаси Президентининг 2019 йил 11 декабрдаги “Мева-сабзавотчилик ва узумчилик тармоғини янада ривожлантириш, соҳада қўшилган қиймат занжирини яратишга доир қўшимча чора-тадбирлар тўғрисида”ги қарори ижроси ҳамда 2020 йилга белгиланган устувор вазифалар муҳокама қилинди. мева-сабзавот маҳсулотларини қайта ишлаш соҳасидаги муаммолар тилга олинди.

Қайд этилганидек, соҳа ривожидаги тўсиқларни бартараф этиш ишлаб чиқариш жараёнлари, ишлаб чиқарилаётган маҳсулотларга стандартларни жорий қилиш ҳамда сертификатлашни йўлга қўйиш, маҳсулот сифатини аниқлаш бўйича ҳар бир корхонада замонавий жахон стандартларига мос синов лабораторияларини ташкил этиш, корхоналарга мавсум жараёнида хом ашё харид қилиш учун олинадиган кредитларнинг фоиз даражасини камайтиришни тақозо этмоқда. Шунингдек, соҳага замонавий технологияларни кенг жорий қилиш, юқори сифатли рақобатбардош маҳсулотлар ишлаб чиқаришни кенг йўлга қўйиш, экспорт ҳажмини кескин ошириш, бунда корхоналарни сифатли хош-ашё билан таъминлаш ҳам ўта долзарбдир.

Тадбир якунида муҳокама этилган масалалар юзасидан аниқ таклифлар ишлаб чиқишга келишиб олинди.

“Ўзбекозиқовқатхолдинг” компанияси Ахборот хизмати

➡️"Ўзбекозиқовқатхолдинг” компаниясининг ижтимоий тармоқлардаги
саҳифалари👇👇👇

https://t.iss.one/uzboziqovqat
https://www.facebook.com/uzbekoziqovqatxolding
https://www.instagram.com/uzbekoziqovqatxolding
https://www.youtube.com/channel/UCXbayCxcLfPKsDWBpA1TahQ/