“Ўзбекистон республика товар-хом ашё биржаси” АЖ расмий баёноти

Сўнгги пайтларда ижтимоий тармоқларда “Ўзбекистон республика товар-хом ашё биржаси” АЖ биржа савдоларининг шаффофлигини таъминлаш, нархларнинг ўсиши ва тузилган битимларни жаримасиз бекор қилиш хусусида турлича фикр-мулоҳазалар билдирилмоқда.

Ушбу фикрларга кўра айрим товарларни биржа савдоларига қўйилишида эълоннинг 1 кун аввал берилиши нархларнинг манипуляциясига олиб келади, тузилган битимларни бекор қилиниши ва бажарилиши бўйича келиб чиққан низоларни кўриб чиқиш тартиби фақатгина сотувчи-корхоналарнинг манфаатларига хизмат қилади.

"ЎзРТХБ" ахборот хизмати маълум қилишича, юқорида қайд этилган фикр-мулоҳазаларда биржадаги маълум бир товарни сотилишида нархларни манипуляцияси, ғайриқонуний харакатлар ёки бошқа салбий оқибатларни келтириб чиқарган бирон бир аниқ мисол ёки факт келтирилмаган.

Хабар берилишича, жорий йилнинг бошидан буён биржада тузилган битимларнинг атиги 2% турли сабабларга кўра (асосан форс-мажор) жаримасиз бекор қилинган бўлса, қолган ҳолатларда сотувчи ёки харидорга жарима қўлланилган. Шу боис, биржада тузилган шартномаларни жаримасиз бекор қилиниши ҳам назарий, ҳам амалий жиҳатдан биржадаги нархларнинг манипуляциясига олиб келмайди.

Тўлиқ матни

Каналга уланиш: 👇
@Rasmiy_xabarlar_Official

❗️Олий суд ахборот хизмати “Сардоба иши” бўйича маълумот берди

21 декабрь куни Олий суднинг Жиноят ишлари бўйича судлов ҳайъати томонидан судланувчилар М. Холматов (“Ўзбекистон темир йўллари” АЖ “Гидротехник иншоотлар қуриш дирекцияси” бошлиғи лавозимида ишлаган) ва бошқалар (жами 17 киши) га нисбатан жиноят ишини кўриб чиқиш бўйича ёпиқ суд жараёни бошланди.

Олий суд ахборот хизмати хабар беришича, ушбу жиноят иши бевосита давлат сирлари билан боғлиқ бўлганлиги сабабли Жиноят-процессуал кодексининг 19-моддаси 1-қисми талабларига мувофиқ ёпиқ тарзда кўрилаяпти.

Судланувчилар Жиноят кодексининг 167-моддаси (ўзлаштириш ёки растрата йўли билан талон-торож қилиш), 203-моддаси (сув ёки сув ҳавзаларидан фойдаланиш шартларини бузиш), 205-моддаси (ҳокимият ёки мансаб ваколатини суиистеъмол қилиш), 207-моддаси (мансабга совуққонлик билан қараш), 209-моддаси (мансаб сохтакорлиги) ва 258-моддаси (тоғ-кон, қурилиш ёки портлатиш ишлари хавфсизлиги қоидаларини бузиш) да назарда тутилган жиноятларни содир этганликда айбланмоқдалар.

Суд жараёни давом этмоқда.

Ишни кўриб чиқиш натижалари бўйича алоҳида баёнот берилади.

Каналга уланиш: 👇
@Rasmiy_xabarlar_Official

#Ўзбекистон_ёшлари_форуми

Айни пайтда пойтахтимиздаги "Ҳумо" аренасида Ўзбекистон ёшлари форуми бўлиб ўтмоқда. Унда Давлатимиз раҳбари Шавкат Мирзиёев иштирок этмоқда.

#YangiUzbekiston #YangichaDunyoqarash

Каналга уланиш — @yangiuzbekiston_uz

UzAuto Motors заводи ишлаб чиқаришни тўхтатиши илгари шартнома қилинган автомобилларнинг нархи ва етказиб бериш жадвалига таъсир қилмайди.

Бу ҳақда завод ахборот хизмати хабар берди.

Маълум қилинишича, корхонада ишлаб чиқаришни вақтинчалик тўхтатиш бўйича жамоатчилик орасида хавотир пайдо бўлган.

Тўхтатиб туриш ишлаб чиқариш линияларида йиллик режалаштирилган профилактика ишларини амалга ошириш билан боғлиқ, дейилади хабарда.

Каналга уланиш: 👇
@Rasmiy_xabarlar_Official

❗️Ёшларнинг лойиҳаларини молиялаштириш учун 100 миллион доллар ажратилади — Президент

Шавкат Мирзиёев Ўзбекистон ёшлари форумига ташриф буюрди.

💼 Давлатимиз раҳбари эркин иқтисодий зоналар бўйича мавжуд тажриба асосида, ҳудудларда Ёшлар кичик саноат зоналари ташкил этилишини эълон қилди. Бу саноат зоналарида ўсиб келаётган авлод вакилларининг бизнес лойиҳалари жойлаштирилади.

💰 «Ёшларнинг лойиҳаларини молиялаштириш учун Инвестициялар ва ташқи савдо вазирлиги қошида алоҳида жамғарма ташкил этилади ва унга 100 миллион доллар маблағ ажратилади. Жамғарма ёшларнинг лойиҳаларини рўёбга чиқариш учун қулай шартларда ва паст фоизларда молиялаштиради.

🏗 Бундан ташқари, кичик саноат зоналарида ишлаб чиқариш бинолари қурилиб, ёшларга имтиёзли шартларда ижара ва лизинг асосида берилади», — деди Президент.

@aoka_uz