«Հայաստանում հեղուկ գազի թանկացումը կապված չէ ադրբեջանական բենզինի հետ, այլ պայմանավորված է աշխարհաքաղաքական ու տնտեսական մի քանի գործոններով»։

Sputnik Արմենիայի հետ զրույցում տնտեսագետ Սուրեն Պարսյանը մի քանի պատճառ է դիտարկել․ հիմնական պատճառը, ինչպես և ամեն տարի հունվար–փետրվար ամիսներին, Վերին Լարսի անցակետով բեռնափոխադրումների դանդաղումը կամ դադարեցումն է, երկրորդը` Իրանում ստեղծված իրավիճակն է, քանի որ Հայաստան ներկվող հեղուկ գազի շուրջ 15-20%-ը, տնտեսագետի խոսքով, գալիս է հենց այդ երկրից, և երրորդ պատճառը կարող է լինել համաշխարհային շուկայում նավթի գների աճը` պայմանավորված Վենեսուելայի նավթային շուկայում ԱՄՆ–ի հարձակման հետևանքով առաջացած անորոշություններով։

Սուրեն Պարսյանի խոսքով` թանկացման հանգեցնող գործոններին հայաստանյան շուկայի նման կտրուկ արձագանքը պայմանավորված է նաև հեղուկ վառելիքի պահեստավորման խիստ սահմանափակ հնարավորություններով։

📌Հայաստանյան շուկայում վերջին օրերին կտրուկ թանկացել է ավանդաբար ամենաէժան վառելիքը համարվող հեղուկ գազը․շաբաթվա սկզբում լցակայաններում առավելագույն արժեքը 1 լիտրի դիմաց 180 դրամն էր, իսկ այսօր գները տատանվում են 230-270 դրամի միջակայքում։

♥️@RadioSputnikArm | 🔴🔴 106.0FM

🔊««100% բնականը» չի նշանակում անվտանգ»․ սննդի անվտանգության մասնագետը սննդի մասին ամենատարածված միֆերն է պարզաբանում

ԵՊՀ քիմիայի ֆակուլտետի «Սննդի անվտանգություն» բաժնի հետազոտող և ինֆլյուենսեր Անի Նասիբյանը, որը զբաղվում է ռիսկերի վերահսկմամբ, սոցցանցերում փորձում է մատչելի լեզվով կոտրել «ձանձրալի գիտնականի» կարծրատիպը և պայքարել ապատեղեկատվության դեմ։ «Ուրիշ նորություններում» նա պարզաբանում է՝ սննդի շուրջ առկա վախերի մեծ մասը մարքեթինգային հնարքների կամ տեղեկատվության պակասի արդյունք են․

«Սննդամթերքի վրա առկա «100% բնական» կամ «Առանց ԳՄՕ-ի» մակնշումները հաճախ սոսկ մարքեթինգային խաբկանք են. աշխարհի ամենաուժեղ թույները՝ ցիանիդը, բոտուլոտոքսինը ևս ունեն 100% բնական ծագում, հետևաբար «բնական» ամենևին չի նշանակում անվտանգ»:

Անդրադառնալով սննդային հավելումներին՝ «E-երին», հետազոտողը նշեց, որ դրանք անցնում են բարդ փորձաքննություններ, և խնդիրը ոչ թե հավելումներն են, այլ դրանց չափաբաժնի վերահսկումը։ Անին հատուկ զգուշացնում է կաթնամթերքի և հավի մսի ռիսկայնության մասին՝ հակաբիոտիկների հնարավոր քանակի պատճառով, խորհուրդ տալիս հնարավորության դեպքում օգտագործել հնդկահավի միս: Կենցաղային սխալներից Անի Նասիբյանն առանձնացրեց «խաչաձև աղտոտումը»՝ երբ նույն տախտակի վրա մշակվում է և՛ հում միսը, և՛ բանջարեղենը։ Նա նաև հերքեց այն միֆը, թե բորբոսը հեռացնելուց հետո սնունդը դառնում է պիտանի։

🎦 զրույցն ամբողջությամբ

♥️@RadioSputnikArm | 🔴🔴 106.0FM

«Վաշինգտոնը TRIPP-ի իրագործման վերաբերյալ ստորագրված նոր հայտարարությամբ ուղերձ է հղում Թեհրանին, որ հայ-իրանական սահմանը ևս լինելու է ամերիկյան հսկողության ներքո»։

Sputnik Արմենիայի հետ զրույցում քաղաքագետ Բենիամին Մաթևոսյանը մեկնաբանել է ՀՀ ԱԳ նախարար Արարատ Միրզոյանի և ԱՄՆ պետքարտուղար Մարկո Ռուբիոյի միջև ստորագրված հայտարարությունը։ Քաղաքագետի կարծիքով՝ բացարձակ պատահական չէ, որ հենց այս օրերին Միրզոյանը հրավիրվեց ԱՄՆ՝ միջոցառմանը մասնակցելու համար, փաստաթուղթը ստորագրվեց և այլն։

«Փաստաթղթում մի կետ կա, որտեղ ասվում է, որ այս շրջանակը չի առաջացնում և միտված չէ առաջացնել իրավական հանձնարարություններ կամ պարտավորություններ Հայաստանի կամ ԱՄՆ-ի համար։ Սա նշանակում է՝ ԱՄՆ-ն պարտավորված չէ Հայաստանում ներդրում կատարել, հայկական կողմն էլ պարտավորված չէ այս ծրագրի շրջանակում ինչ-որ գործողություն իրականացնել։ Այս կետն էլ է ցույց տալիս, որ այս պահին ստորագրված փաստաթուղթն ուղերձ հղելու համար է»։

Ըստ Մաթևոսյանի՝ ՀՀ քաղաքացիների համար, սակայն, առավել մտահոգիչ պետք է լինի այն, որ ՀՀ իշխանություններն իրականում պատրաստ են ոտնահարել Հայաստանի կարմիր գծերը։

🎦 զրույցն ամբողջությամբ

♥️@RadioSputnikArm | 🔴🔴 106.0FM

«Հայաստանը պետք է ուշադիր հետևի Իրանին ու նաև դասեր քաղի»։

Իրանում ստեղծված վիճակը Sputnik Արմենիայի հետ զրույցում մեկնաբանել է ՀՀ նախկին փոխարտգործնախարար, արտակարգ և լիազոր դեսպան Գեղամ Ղարիբջանյանը․ նա 47 տարի առաջ ականատես է եղել Իրանում տեղի ունեցած իսլամական հեղափոխությանը, իսկ 1999-2004թթ. եղել է Իրանում ՀՀ դեսպանը։

📌Իրանում ստեղծված իրավիճակը շարունակում է մնալ համաշխարհային հանրության ուշադրության կենտրոնում, չնայած այն տեղեկություններին, թե ԱՄՆ նախագահ Թրամփը վստահեցրել է, որ չի հարձակվի Իրանի վրա։ Մինչ այդ ԱՄՆ-ն աջակցություն էր հայտնել Իրանում հակակառավարական ցույցերի մասնակիցներին` ասելով, որ օգնությունը ճանապարհին է։ Իրանն էլ ի պատասխան հայտարարել էր, որ հարձակման դեպքում հարվածելու է ԱՄՆ–ի տարածաշրջանային բազաներին։ Փորձագիտական վերլուծություների ու նաև բացահայտ արվող հայտարարությունների համաձայն` ԱՄՆ–ն փորձում է օգտվել երկրում գնաճի պատճառով բարձրացած բողոքի ալիքից և հասնել Իրանում իշխանափոխության։ Ամերիկամետ իշխանության ամենահավանական թեկնածուն էլ Իրանում իսլամական հեղափոխության արդյունքում գահընկեց արված շահի որդին է, որը 1979-ից բնակվում է ԱՄՆ–ում։

♥️@RadioSputnikArm | 🔴🔴 106.0FM

🔊«The Beatles-ը ռոք երաժշտության բիբլիան է»․ խմբի սիրահարների համար հունվարի 16-ը տոն է։ 1957 թվականի այս օրը Լիվերպուլի Cavern ակումբում առաջին անգամ ելույթ ունեցավ The Beatles խումբը՝ դառնալով մշակութային հեղափոխության սկիզբ։ Խմբի մասին «Ուրիշ նորություններում» խոսել է թմբկահար, խմբի մեծ սիրահար Աշոտ Կորգանյանը, որի կյանքում The Beatles-ը մանկուց է հնչել․

«Մայրս պատմում է, որ ես երկու տարեկանից «Բիթլզի» տակ եմ քնել։ Մենք փոքր մոնո կասետային մագնիտոֆոն ունեինք․ միացնում էր, և ես այդ երաժշտության տակ քնում էի։ Եվ այդպես շարունակվեց։ Ինչպես մենք ենք ասում ընկերներով՝ The Beatles-ը ռոք երաժշտության բիբլիան է․ ամեն ինչ այդ խմբից է սկսվել։ Ոչ միայն այն պատճառով, որ նրանք առաջին պաշտոնական ռոք խմբերից էին, այլ որովհետև բոլոր ոճերի սկիզբը իրենց ալբոմներում կար։ Հարդ ռոք, մետալ, պրոգրեսիվ ռոք, արտ ռոք, ջազ ռոք՝ ամեն ինչ կարելի է գտնել The Beatles-ի մեջ»։

🎦 զրույցն ամբողջությամբ

♥️@RadioSputnikArm | 🔴🔴 106.0FM

«Ինչպես ռուս–ուկրաինական իրադարձությունների համատեքստում Արևմուտքի թիրախը ոչ թե ՌԴ նախագահ Պուտինն ու նրա շուրջ ձևավորված քաղաքական թիմն են, այլ հենց Ռուսաստանն է՝ որպես պետություն, ռուս ժողովուրդը, նույն կերպ Իրանում՝ ԱՄՆ-ի համար ընդունելի քաղաքական էլիտա գոյություն չունի»։

«Աբովյան Time»պոդկաստի հեղինակ Արման Աբովյանի զրուցակիցը քաղաքագետ Բենիամին Մաթևոսյանն է։ Քաղաքագետը մտավախություն ունի, որ ՀՀ իշխանությունները պատաստ են հանուն ԱՄՆ շահերի դառնալ գործիք ընդդեմ Իրանի․

«ԱՄՆ-ն ու պաշտոնական Թեհրանը ինչ-որ մի փուլում կպայմանավորվեն, բայց մենք ենք շարունակելու մնալ Իրանի հետ հարևան՝ դրանից բխող բոլոր հետևանքներով»։

🎦 զրույցն ամբողջությամբ

♥️@RadioSputnikArm | 🔴🔴 106.0FM

🔊«Ես չեմ հեռացել իմ սիրած մարզաձևից ու շուտով որպես մրցավար սպասարկելու եմ միջազգային առաջին մրցաշարը»․ Հռիփսիմե Խուրշուդյան

Sputnik Արմենիայի մարզական մեկնաբան Խաչիկ Չախոյանը ու ծանրամարտի Եվրոպայի չեմպիոն Հռիփսիմե Խուրշուդյանը խոսել են Հայաստանում կանանց ծանրամարտի ներկայի ու ապագայի մասին։ Մարզուհին հիշել է նաև, թե ինչ դժվարությամբ է կարողացել համոզել բոլորին, որ ինքը հենց ծանրամարտով պետք է զբաղվի․

«Բոլորի հետ, մեղմ ասած, կռվել եմ ժամանակին, որ գնամ մարզումների։ Բոլորը, այդ թվում և ընտնիքիս անդամները, դեմ էին, որ ես ծանրամարտով զբաղվեմ։ Բայց ես մի բնավորություն ունեմ, որ ինձ ասում են «չէ», կամ «չի կարելի», ուրեմն պետք է ապացուցեմ, որ հնարավոր է ու կարելի է»։

Հռիփսիմե Խուրշուդյանը համեմատում է՝ ներկայում վերաբերմունքը կանանց ծանրամարտի նկատմամբ էականորեն փոխվել է․

«Երկար տարիներ մրցումների ժամանակ, երբ Հայաստանը ներկայացնում էինք երեքով՝ Մելինե Դալուզյանը, Նազիկ Ավդալյանն ու ես, մրցակիցները ասում էին՝ Հայաստանում ուրիշ ծանրամարտիկ չկա՞, որ միշտ երեքով եք գալիս․․․ Ներկայում վերաբերմունքը կանանց ծանրամարտի նկատմամբ էականորեն փոխվել է։ Հիմա մեր հավաքականում երիտասարդ ու շատ փորձառու մարզուհիներ կան, որոնք, համոզված եմ, դեռ նոր ու բարձր նվաճումների են հասնելու։ Իսկ ես չեմ հեռացել իմ սիրած մարզաձևից ու շուտով որպես մրցավար սպասարկելու եմ միջազգային առաջին մրցաշարը»։

🎦 զրույցն ամբողջությամբ

♥️@RadioSputnikArm | 🔴🔴 106.0FM

«Ավտոսերվիս»․ ի՞նչ է նշանակում «կլապան վառելը», ինչից է լինում, ինչու է համարվում շարժիչի ամենաթանկ խնդիրներից մեկը, ինչպես խուսափել շարժիչի վերանորոգումից

Հաղորդաշարի հեղինակ Վարդան Ալոյանը ավտոփորձագետ Արման Հակոբյանի հետ պարզել է նաև՝ ինչպես ժամանակին նկատել վտանգը, ինչ անել, որ գործը չհասնի շարժիչը բացելուն։

🎦զրույցն ամբողջությամբ

♥️@RadioSputnikArm | 🔴🔴 106.0FM

🔊Միստիցիզմը, Գուրջիևը, «Laudamus»-ը և լռության երաժշտությունը. Հայկ Մելիքյանի արվեստի փիլիսոփայությունը

ՀՀ վաստակավոր արտիստ, դաշնակահար Հայկ Մելիքյանը «Ուրիշ նորություններում» ներկայացրել է իր նոր՝ «Laudamus» ձայնասկավառակը, որն ամփոփում է Գեորգի Գուրջիևի միստիկ ստեղծագործությունները։ Ալբոմի անվանումը լատիներենից թարգմանաբար նշանակում է «գովաբանում ենք», ինչը, ըստ դաշնակահարի, պատարագի և քրիստոնեական հիմների անբաժան մասն է։ Խոսելով իր ստեղծագործական ուղու և միստիցիզմի մասին՝ նա խոստովանում է, որ եթե երիտասարդ տարիքում ձգտում էր տեխնիկապես գերբարդ և «ձեռնոց նետող» գործերի, ապա այսօր նախապատվությունը տալիս է փիլիսոփայական խորությանն ու լիրիզմին.

«Հիմա ավելի շատ վերադարձել եմ ավանդույթներին։ Իմ ստեղծագործության մեջ այժմ գերիշխում է լիրիզմը, ինչն արդեն թելադրում է որոշակի վերադարձ արմատներին։ Ժամանակակից երաժշտությունն իմ այցեքարտն է, և ես շատ եմ սիրում կենդանի կոմպոզիտորների հետ աշխատելու ու նոր գործեր արարելու պրոցեսը»։

Հայկ Մելիքյանը բարձր է գնահատում հայ ունկնդրին՝ նրան համարելով ամենախստապահանջն ու պատրաստվածը, և հրավիրում է հունվարի 29-ին Առնո Բաբաջանյան անվան համերգասրահում կայանալիք մենահամերգին, որտեղ առանց ընդմիջման միահյուսելու է Գուրջիևի, Սկրյաբինի, իր և ժամանակակից այլ հեղինակների գործերը։

🎦 զրույցն ամբողջությամբ

♥️@RadioSputnikArm | 🔴🔴 106.0FM

«Իրանի փլուզումն այս փուլում բացարձակապես ձեռնտու չէ Թուրքիային, հատկապես այն սցենարով, երբ միաժամանակ ուժեղանում են Իսրայելի դիրքերը, մյուս կողմից՝ քանի դեռ աշխարհակարգի նոր ձևավորման վերջնական «մակետը» չկա, Իրանը կատարում է յուրահատուկ կայունացնող դեր Մերձավոր Արևելքում՝ հավասարակշռելով Թուրքիայի ու արաբական աշխարհի միջև և Հնդկաստանի, Չինաստանի ու Մերձավոր Արևելքի փոխհարաբերությունները»։

«Աբովյան Time» պոդկաստի հեղինակ Արման Աբովյանի զրուցակիցը քաղաքագետ Արա Պողոսյանն է։

«Ստացվել է մի իրավիճակ, երբ առնվազն այս պահին Իրանը դարձել է ձեռնտու բոլոր հիմնական դերակատարների համար՝ թե՛ արաբական երկրների, թե՛ Թուրքիայի տեսանկյունից։ Սաուդյան Արաբիայի կոշտ արձագանքը, ինչպես նաև Օմանի և Արաբական Միացյալ Էմիրությունների արձագանքները, խոսում էին այն մասին, որ Իրանի շուրջ ձևավորվել է մի տեսակ իրավիճակային կոնսենսուս։ Եվ խոսքը միայն Իրանի շուրջ Իսրայելի դեմ ձևավորված դիրքավորման մասին չէր։ Կա ավելի լայն խնդիր, որի բաղկացուցիչ մասն էր նաև այս գործընթացը։ Հարց է առաջանում՝ ինչո՞ւ հենց այս ժամանակահատվածում, այն դեպքում, երբ նախորդ շրջանում՝ 12-օրյա ռազմական գործողությունների ընթացքում, նման կոնսենսուս Իրանի շուրջ չձևավորվեց։ Պատճառը այն է, որ այդ ժամանակահատվածում ԱՄՆ-ի կողմից դեռևս չէր ներմուծվել միջազգային հարաբերությունների նոր դոկտրինը՝ ինչպես «Նյու Յորք Թայմսը» կոչեց՝ «Դոնրո դոկտրինը»»։

🎦 զրույցն ամբողջությամբ

♥️@RadioSputnikArm | 🔴🔴 106.0FM

«Չեմ հանդիպել հերոյինից կախվածություն ունեցող մարդու, որի առաջին թմրամիջոցը չի եղել մարիխուանան»:

«Աբովյան time» պոդկաստի հեղինակ Արման Աբովյանի զրուցակիցը բժիշկ-նարկոլոգ Սուրեն Նազինյանն է:

«Բժշկական նպատակներով որևէ թմրամիջոցի կիրառությունը չի ենթադրում, որ այդ թմրամիջոցը երկրում լեգալիզացված է և հասանելի է բոլորին։ Այդ նյութերը նույնպես վերահսկվում են և ազատ վաճառքում չեն գտնվում։ Շատ քիչ են այն երկրները, որոնք ընդհանրապես լեգալիզացրել են մարիխուանան։ Բայց ես կարծում եմ, որ այդ երկրները լեգալիզացիայի չեն գնացել իրենց ազգաբնակչությանը «ուրախացնելու» նպատակով։ Դա պայմանավորված է եղել այն հանգամանքով, որ մարիխուանայի դեմ պայքարը, ինչպես նաև ընդհանրապես թմրամիջոցների դեմ պայքարը, բավական ռեսուրսատար գործընթաց է։ Մեր երկրի պարագայում, ես կարծում եմ, հնարավոր է պայքարել։ Մենք Նիդեռլանդներ չենք, ծովափնյա երկիր չենք, Պորտուգալիա չենք՝ Ատլանտյան օվկիանոսի ափին, Ուրուգվայ չենք կամ Կանադայի տիպի երկիր չենք։ Մեր պարագայում հնարավոր է պայքարել»:

Բժիշկ-նարկոլոգը նաև նշում է՝ այն երկրներում, որտեղ մարիխուանան ավելի հասանելի է դարձել, արձանագրվել են բազմաթիվ առողջական խնդիրներ, դա արդեն զգալիորեն ազդում է հանրային առողջապահության վրա:

🎦զրույցն ամբողջությամբ

♥️@RadioSputnikArm | 🔴🔴 106.0FM

Малек Дудаков: Насчет Кавказа Трамп в привычной для себя манере хотел похвастаться

В программе Армана Ванескегяна “На самом деле”, в эфире радио Sputnik Армения российский американист Малек Дудаков комментирует одно из заявлений президента США Трампа касательно кавказского региона. Трамп в очередной раз, в привычной для себя манере просто попытался похвастаться, уверен эксперт.

“Трамп говорит о том, что Кавказ – это зона влияния России, зона влияния российского президента. Затем добавляет, что там долгое время происходили конфликты, разрешить которые не удавалось. А вот он очень быстро смог во все это вовлечься и якобы смог все это быстро разрешить. Суть этого заявления следует понимать так – хоть это и не моя сфера влияния, но мне и тут удается сделать больше, чем тем, чьей зоной влияния этот регион является”, - говорит Дудаков.

На самом же деле всем понятно, что Трампу отнюдь не удалось окончательно разрешить конфликты, о которых так часто говорит. В том числе имеется в виду и кризисная ситуация, которая имеется между Арменией и Азербайджаном, продолжает эксперт. “Однако сам Трамп еще неоднократно об этом будет говорить, как об одной из тех восьми или девяти войн, которые он, якобы, смог прекратить”, уверен Дудаков.

♥️@RadioSputnikArm | 🔴🔴 106.0FM

🔊«Աբովյան time». Աշխարհը փոխվում է, ամենօրյա ռեժիմով փոխվում է ամեն ինչ, միջազգային նորմերը այլևս չեն աշխատում։

Օրինակ, Թրամփը հայտարարել է, որ ստեղծում է «Խաղաղության խորհուրդ», սակայն դրա գործառույթները, որոնց մասին արտահոսքերից ենք տեղեկանում, ըստ էության, նման են ՄԱԿ-ի Անվտանգության խորհրդի գործառույթներին։ Այդպիսով, կառույցը, որը ձևավորվում է, կառուցվում է հետևյալ սկզբունքով՝ պետությունները, որոնք ունեն ներուժ պաշտպանվել, պաշտպանել իրենց շահերը, ունենալու են ավելի լուրջ և ավելի մնայուն տեղ։

Մի խոսքով՝ եթե ցանկանում ես ունենալ պետություն, ապա պետք է անպայման կարողանաս այդ պետությունը պաշտպանել բոլոր առումներով՝ դիվանագիտական, ռազմական, տնտեսական և այլն։ Հակառակ դեպքում ուղղակի կզրկվես, քեզ կզրկեն պետություն ունենալու իրավունքից։

🎦զրույցն ամբողջությամբ

♥️@RadioSputnikArm | 🔴🔴 106.0FM

«Երբ հիշում եմ, թե քանի հոգով սկսեցինք մարզվել այկիկենդո կարատեով, ժպիտ է առաջանում։ Հարյուրից ավելի պատանիներով առաջին քայլերը կատարեցինք այս մարտարվեստում։ Հիմա այդ հարյուրից մարզաձևում մնացել են երկուսը, բայց ես երբեք չեմ բողոքում ու շարունակում եմ մարզել ու մարզվել»:

Sputnik Արմենիայի մարզական մեկնաբան Խաչիկ Չախոյանի հետ զրույցում Այկիկենդո կարատեի Հայաստանի ֆեդերացիայի նախագահ Դավիթ Աթանեսյանը հիշել է՝ ինչպես էին ուզում նմանվել Բրյուս Լիին, Բոլո Յանգին, հետո էլ Ժան Կլոդ վան Դամին.

«Կուռքեր իհարկե ունեինք, բայց հասկանում էինք, որ նրանց նմանվելը շատ դժվար է։ Բայց ով չի կարող հաղթահարել դժվարությունները, նա ոչ մի բանի չի կարող հասել»:

Այսօր Դավիթ Աթանեսյանի գլխավորությամբ այկիկենդո կարատեով Հայաստանում զբաղվում են 1000–ից ավելի երեխաներ։

🎦զրույցն ամբողջությամբ

♥️@RadioSputnikArm | 🔴🔴 106.0FM

«Հայաստանի արտաքին առևտրաշրջանառությունը գրանցել է շուրջ 40–45% անկում։ Անկում գրանցած տնտեսություն ունեցող երկրի վարկունակության գնահատականը չի կարող լինել դրական․ դա պարզապես տրամաբանական չէ»։

«Աբովյան Time» պոդկաստի հեղինակ Արման Աբովյանի զրուցակիցը «Հայաստանը ես եմ» նախաձեռնության ղեկավար, տնտեսագետ Նաիրի Սարգսյանն է։

«Պատկերացրեք՝ դուք ունեք մի քանի վարկ՝ ավտովարկ, սպառողական վարկ, և ձեր աշխատավարձը, եկամուտը այդ վարկային բեռի պայմաններում կրճատվում է 50%-ով։ Այդ դեպքում դուք կգնա՞ք բանկ նոր վարկ վերցնելու, և արդյոք վարկային բաժինը ուրախությամբ կասի, որ դուք հիմա ավելի լավ պոտենցիալ վարկառու եք, քան նախկինում։ Սա տրամաբանական չէ։ Բանկերը գնահատում են մարդու եկամուտը և նրա ծախսերի ծանրաբեռնվածությունը՝ հասկանալու համար, արդյոք նա կարող է սպասարկել վարկը, թե ոչ։ Նույն տրամաբանությունը գործում է նաև կազմակերպությունների և պետության մակարդակում։ Հետևաբար, այս ամենը փոխկապակցված է և ունի նաև քաղաքական ենթատեքստ։ Հայաստանի Հանրապետության պարագայում հնարավոր են ինչպես տարածքային զիջումներ, այնպես էլ ինքնիշխանության սահմանափակումներ․ այս գործընթացները միմյանց հետ կապված են»։

🎦զրույցն ամբողջությամբ

♥️@RadioSputnikArm | 🔴🔴 106.0FM

«Շատ պարզ հարց եմ հնչեցրել Ադրբեջանի պատվիրակությանը։ Ասել եմ՝ տվեք գնահատական 2022 թվականի Ջերմուկի դեպքերին, ու ասել եմ՝ չքաղաքականացնեք, սա սպորտային հարց է` երբ առաջին արկերը պայթել են Ջերմուկի, միջազգայինորեն ճանաչված, սերտիֆիկացված, միջազգային ֆեդերացիայի կողմից հավաստագրված սահուղիների վրա՝ վնասելով քաղաքացիական ենթակառուցվածքներ, սրճարաններ, այլ օբյեկտներ, ընդհուպ մինչև ճոպանուղի, հնչեցրեք գնահատական՝ ընդունելի՞ է դա ձեզ համար, թե՞ ընդունելի չի, դատապարտո՞ւմ եք, թե՞ ոչ։ Ուղիղ պատասխան ես չեմ ստացել։ Այնպես որ, ես իմ խոսքը ասել եմ միջազգային ֆեդերացիայի կոնգրեսի ժամանակ»։

Sputnik Արմենիայի հետ զրույցում Հայաստանի դահուկային սպորտի ու սնոուբորդի ֆեդերացիայի նախկին նախագահ Գագիկ Սարգսյանն ասում է՝ եթե նախապես իմանար էլ, որ դահուկորդ Միքայել Միքայելյանը կպչուն ժապավենով փակելու է Իտալիայում անցկացվող Tour de Ski-ի մրցումների մարզական համազգեստի «Ադրբեջան» գրությունը, միանշանակ չէր կանխի: Գագիկ Սարգսյանը խոսել է նաև իր հրաժարականի պատճառների մասին:

«Հոգնեցի չլսված ու անտեսված մնալուց: Միգուցե իմ անձն էր նախարարության այդքան վատ վերաբերմունքի պատճառը։ Մենք նորմալ ֆինանսավորում չստացանք։ Իսկ մեր դահուկորդ Միքայել Միքայելյանի որոշումը համարում եմ հասկանալի ու ընդունում եմ։ Նոր նախագահին էլ հաջողություններ եմ ցանկանում, գուցե նրա բախտը բերի»։

🎦զրույցն ամբողջությամբ

♥️@RadioSputnikArm | 🔴🔴 106.0FM

Он слышал музыку свыше: воспоминания сына к 105-летию Арно Бабаджаняна

К 105-летию со дня рождения Арно Бабаджаняна — композитора, чье творчество стало подлинным культурным кодом для миллионов людей, сын маэстро, актер, певец, президент фонда «В память об Арно Бабаджаняне» Ара Бабаджанян, поделился со Sputnik Армения сокровенными воспоминаниями о жизни и таинстве творчества отца. Описывая процесс рождения мелодий, сын великого композитора отмечает:

«Как это происходило, никто не знает. Он просто говорил: «Слышу». Мелодии приходили к нему свыше, и ему оставалось только их записать; даже инструмент не всегда был нужен — он фиксировал ноты на любом клочке бумаги, а однажды, лежа в больнице, даже на салфетке».

Сын композитора вспоминает, что в быту Арно Арутюнович был строгим, но любящим отцом, воспитывавшим личным примером и трудолюбием. Отдельной темой стал фильм «Невеста с севера», где Ара Бабаджанян сыграл одну из главных ролей. По его словам, отец в процесс не вмешивался: «Он полностью доверился режиссёру – Нерсесу Оганесяну. А сам был невероятно артистичным человеком».

Сегодня фонд памяти композитора ведет активную работу по защите его творческого наследия. Ара Арноевич выразил обеспокоенность современной тенденцией «забывать» авторов, когда песня ассоциируется лишь с исполнителем, и рассказал о борьбе с попытками присвоить произведения отца, выдавая их за фольклор соседней страны. На вопрос о том, что бы он сказал отцу если встретился бы с ним сегодня, Ара Арноевич признается: «Недосказанности между нами не осталось. Ему было бы важно знать, что у меня всё нормально».

♥️@RadioSputnikArm | 🔴🔴 106.0FM

«Իրանում նույն սիրիական մոդելն է կիրառվում՝ «որքան շատ զոհ՝ այնքան ավելի լավ», որովհետև էյֆորիան, որը ստեղծվում է, զանգվածը այլևս չի կարողանում ճիշտ գնահատել իրավիճակը, չի կարողանում սթափ հասկանալ՝ ինչ է կատարվում երկրում և ինչ նպատակ է հետապնդվում: Երբ հիմա վերլուծում ես այս ամենը, ակնհայտ է դառնում, որ փորձեր են արվում մեկ կամ երկու քաղաք՝ փոքր կամ խոշոր, վերցնել վերահսկողության տակ։ Այսինքն՝ կրկին սիրիական մոդելը. օրինակ՝ ինչպես Իդլիբը. վերցնել, դարձնել կենտրոն և այդտեղից սկսել տարածվել, հենակետեր ձևավորել, բազաներ ստեղծել»։

«Աբովյան Time» պոդկաստի զրուցակիցը Թեհրանում լույս տեսնող հայկական «Ալիք» թերթի խմբագիր Արամ Շահնազարյանն է։

«Երբ ասում են, թե Արևմուտքը կամ Իսրայելը որևէ դեր չեն ունեցել, դա նույնպես ամբողջ ճշմարտությունը չէ։ Ամենաթեժ պահին Թրամփը X-ի հարթակում գրառում արեց՝ ասելով, թե Իրանի ցուցարարները գրավել են երկու խոշոր քաղաք։ Նա վստահաբար գիտեր, որ չեն գրավել, բայց նպատակը հոգեբանական ազդեցություն գործելն էր։ Երբ բողոքները սկսեցին քաղաքական երանգ ստանալ, X-ում Մոսադի պարսկերեն էջում պաշտոնական գրառումներ կային՝ «դուրս եկեք փողոց պայքարեք, մենք ոչ միայն դրսից ենք ձեզ աջակցում, այլ նաև տեղում՝ ձեր կողքին ենք»։ Նույնը՝ Թրամփի հայտարարությունները՝ «պայքարեք», «մենք աջակցում ենք»։ Սա արդյո՞ք գործնական օգնություն էր, թե՞ ոչ»։

Շահնազարյանն ասում է, որ չնայած այս ամենին՝ Իրանը շարունակում է մնալ այն կարևոր առանցքը, որը պահպանում է տարածաշրջանային հավասարակշռությունը, չնայած իր և տարածաշրջանային սխալ քաղաքականության արդյունքում, հատկապես 2020-ից հետո, զգալիորեն նահանջել է և կորցրել իր նշանակությունն ու դերակատարությունը:

🎦զրույցն ամբողջությամբ

♥️@RadioSputnikArm | 🔴🔴 106.0FM

🔊Պարտադիր չէ լաց լինել կամ սկանդալ անել ռեյտինգ ունենալու համար․ Կամո Թովմասյան

Ժամանակակից մեդիադաշտի ազդեցիկ դեմքերից մեկը՝ KamoBlog-ի հիմնադիր Կամո Թովմասյանը, «Ուրիշ նորություններում» խոսել է բլոգինգի՝ որպես բիզնեսի ձևավորման և իր անցած ուղու և մասին: Դեռևս 2000-ականների վերջին, երբ «բլոգեր» բառն անգամ հայտնի չէր, նա հավատաց համացանցի ապագային և սեփական միջոցներով հիմնեց հարթակ, որն այսօր ունի ավելի քան կես միլիոն հետևորդ տարբեր սոցցանցերում: Կամոն հիշում է, թե ինչպես էր տարիներ առաջ փորձում համոզել ընկերություններին գովազդ տեղադրել կայքում, մինչդեռ շատերը ծիծաղում էին՝ չհասկանալով ոլորտի ներուժը։

«Առաջին երկու տարիներին գնում էի, բացատրում, խնդրում, որ վճարեն... Ես սովորեցրեցի, որ բլոգերների աշխատանքի համար պետք է վճարել»:

🎦զրույցն ամբողջությամբ

♥️@RadioSputnikArm | LIVE 106.0FM

🔊«Իրականում հարկային բեռի բարձրացում եղել է, իսկ հարկային օրենսդրությունից բողոքում է ոչ միայն փոքր ու միջին, այլև խոշոր բիզնեսը». Հակոբ Ավագյան

Ֆինանսների նախարար Վահե Հովհաննիսյանը 2025 թվականի ամփոփիչ ասուլիսում հայտարարել էր, որ բիզնեսը դժգոհ է ոչ թե հարկային դրույքաչափերից, այլ «Հարկային օրենսգրքում» հաճախակի տեղի ունեցող փոփոխություններից։ Նախարարը նաև վստահեցրել էր, որ հարկային բեռի ավելացում տեղի չի ունեցել, փոքր և միջին ձեռնարկատիրության համար ավելացել է հարկային վարչարարության բեռը, ինչն էլ դժգոհության առիթ է դարձել։

Ֆինանսների նախարարի հայտարարություններին և փոքր ու միջին բիզնեսին առնչվող խնդիրներին Sputnik Արմենիայի հետ զրույցում անդրադարձել է ՓՄՁ համագործակցության ասոցիացիայի նախագահ Հակոբ Ավագյանը։

🎦զրույցն ամբողջությամբ

♥️@RadioSputnikArm | LIVE 106.0FM