🇺🇿🇺🇿🇺🇿🇺🇿🇺🇿

Kadastrda ta'limga e'tibor kuchaytirilmoqda

⭐️🌟Kadastr agentligi va Davlat kadastrlari palatasi hamda uning bir necha hududiy boshqarmalarida Oliy ta'lim muassasalari bilan o'zaro hamkorlik o'rnatilib, kelishuv shartnomalari tuzilayotgani haqida xabar bergan edik.

📃 Kadastr agentligi va Davlat kadastrlari palatasi Qashqadaryo viloyati boshqarmasi va Qarshi muhandislik iqtisodiyot instituti bilan o'zaro hamkorlik o'rnatilib, kelishuv shartnomalari  tuzilgan. Shartnoma asosida endilikda Qashqadaryo viloyatida ham oliygoh talabalari aynan Kadastr boshqarmasida amaliyot o‘tashadi.

◼️ Bugungi kunda boshqarmada mazkur universitetning kafedrasi filiali yo‘lga qo‘yilib, o‘quv hamda amaliyot jarayonini sifatli tashkil etish maqsadida tegishli chora-tadbirlar amalga oshirilmoqda.

#DavKadastrPalata #hududiy_yangiliklar

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Geografik obyektlarni nomlash va qayta nomlash ishlari

🇺🇿 Davlat kadastrlari palatasi hamda yurtimizdagi viloyat hokimliklari huzuridagi Geografik obyektlarni nomlash va qayta nomalash masalasi bo‘yicha komissiya tomonidan koʻcha-yoʻl tarmogʻi elementlarining xaritalarini shakllantirish, xatlovdan o‘tkazish hamda nomlash va qayta nomalash ishlari olib borilmoqda.

🌟Davlat kadastrlari palatasi Geografik obyektlar davlat ekspertizasi bo'limi mas'ullari Surxondaryo va Qashqadaryo viloyatlarida bo'lib, mazkur yo'nalishda faoliyat yurituvchi xodimlar uchun tashkil etilgan amaliy seminarlarda zaruriy bilimlarni berishdi. Mazkur hafta Navoiy, Samarqand va Buxoro viloyatlari mutaxassislari uchun ham seminarlar tashkil etilishi rejalashtirilgan.

#DavKadastrPalata #toponimika

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlar eʼtirof etilmoqda 

🌏 Ayni damda, Senatning ellik uchinchi yalpi majlisida “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni eʼtirof etish to‘g‘risida”gi Qonun muhokama qilindi.

◼️Taʼkidlanganidek, ushbu Qonunning maqsadi o‘zboshimchalik bilan egallab olingan yer uchastkalari hamda ularda qurilgan bino va inshootlarga bo‘lgan huquqlarni eʼtirof etish sohasidagi munosabatlarni tartibga solishdan iborat.

◼️Qonun bilan yer uchastkasi va unda qurilgan imoratga bo‘lgan huquqni, shuningdek yakka tartibdagi uy-joy qurilgan o‘zboshimchalik bilan egallab olingan yer uchastkasiga ijara huquqini eʼtirof etishning aniq tartiblari belgilanmoqda.

◼️O‘z navbatida, senatorlar Qonunning mazmun-mohiyatiga ham alohida to‘xtalib, huquqlarni eʼtirof etish borasida tegishli asoslar belgilanayotganligini aytib o‘tdi.

◼️Jumladan, ortiqcha egallangan yer uchastkasiga, bog‘dorchilik va uzumchilik shirkatlari hududida joylashgan turar joylar egallagan yer uchastkasiga, kichik sanoat zonalari hududidagi yer uchastkasiga bo‘lgan ijara huquqini eʼtirof etish asoslari belgilanmoqda.

◼️Bundan tashqari, Qonunga o‘zboshimchalik bilan egallab olingan yer uchastkalariga hamda ularda qurilgan binolar va inshootlarga taalluqli maʼlumotlar va hujjatlar avtomatlashtirilgan axborot tizimi orqali bosqichlarda kiritilishi nazarda tutilmoqda.

◼️Muhokama davomida senatorlar tomonidan Qonunning qabul qilinishi fuqarolar va tadbirkorlik subyektlarining o‘zboshimchalik bilan egallab olgan yer uchastkalariga nisbatan ijara huquqini hamda ularda qurilgan bino va inshootlarga nisbatan mulk huquqi eʼtirof etilishiga va bu orqali aholining ijtimoiy, iqtisodiy hamda ushbu bino va inshootlarni kommunal tarmoqlarga ulash bo‘yicha tadbirkorlik faoliyatini amalga oshirishda yuzaga kelayotgan muammolarining hal etilishiga imkon berishi taʼkidlandi.

✅Muhokama yakunida mazkur Qonun senatorlar tomonidan ma'qullandi.

#DavKadastrPalata #qonunchilikdagi_yangiliklar

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter