Qashqadaryo viloyati IIBda “Odam savdosi-davr muammosi” mavzusida “Ma’naviyat va ma’rifat darsi” bo‘lib o‘tdi. Unda viloyat IIB rahbariyati, tarkibiy bo‘limlari va sohaviy xizmatlar xodimlari ishtirok etdi. Uni viloyat IIB boshlig‘i o‘rinbosari, podpolkovnik Tal’at Mamatqulov ochdi.
Mavzu yuzasidan boshqarma TQH JQB odam savdosiga qarshi kurashish bo‘linmasi xodimi, mayor Aziz Rustamov odam savdosiga qarshi kurashish bugunning dolzarb mavzularidan ekani qolaversa mazkur illatning og‘ir oqibatlari haqida ma’ruza qilib, Odam savdosi insoniyat sivilizatsiyasiga, jamiyat taraqqiyoti va davlatlar rivojiga jiddiy xavf tug‘diradi. Shu sababli odam savdosining har qanday ko‘rinishiga qarshi kurash bugun xalqaro darajada dolzarb muammo bo‘lib turibdi. Ta’kidlash joizki, BMT tomonidan 30 iyul – Butunjahon odam savdosiga qarshi kurashish kuni, deb e’lon qilingan.
Dunyodagi barcha mamlakatlar odam savdosidan jabrlanishadi. BMT ma’lumotlariga ko‘ra, odam savdosi qurbonlarining 71 foizini ayollar va bolalar tashkil etadi.
2010 yil 30 iyulda BMTning Bosh Assambleyasi bilan Odam savdosiga qarshi kurashish bo‘yicha BMTning Global harakat dasturi qabul qilingan. Mazkur harakatlar dasturida ushbu jinoyatning oldini olish, jabrdiydalarning himoyasi, jinoyatchilarni ta’qib etish va barcha yo‘nalishlarda hamkorlikni mustahkamlash bo‘yicha chora-tadbirlar ko‘zda tutilganligini aytib o‘tdi.
Yig‘ilishda boshqarma Tashkiliy boshqarma yuridik ta’minlash guruhi yetakchi yuriskonsulti mayor Elyor Normanov qonunchilikka kiritilayotgan yangiliklar bilan shaxsiy tarkibni tanishtirdi.
Yakunda IIV SHXBB Qashqadaryo viloyati bo‘yicha boshqarmasi mas’ul xodimi respublika va viloyat miqyosida xodimlarning xizmat intizomi va qonunchilikka rioya etishi, shaxsiy tarkib bilan bog‘liq sodir bo‘lgan salbiy va favqulodda holatlar va ularni oldini olish borasidagi ishtirokchilarga tegishli tushuncha va tavsiyalar berdi.

Қашқадарё вилояти ИИБда “Одам савдоси-давр муаммоси” мавзусида “Маънавият ва маърифат дарси” бўлиб ўтди. Унда вилоят ИИБ раҳбарияти, таркибий бўлимлари ва соҳавий хизматлар ходимлари иштирок этди. Уни вилоят ИИБ бошлиғи ўринбосари, подполковник Талъат Маматқулов очди.
Мавзу юзасидан бошқарма ТҚҲ ЖҚБ одам савдосига қарши курашиш бўлинмаси ходими, майор Азиз Рустамов одам савдосига қарши курашиш бугуннинг долзарб мавзуларидан экани қолаверса мазкур иллатнинг оғир оқибатлари ҳақида маъруза қилиб, Одам савдоси инсоният цивилизациясига, жамият тараққиёти ва давлатлар ривожига жиддий хавф туғдиради. Шу сабабли одам савдосининг ҳар қандай кўринишига қарши кураш бугун халқаро даражада долзарб муаммо бўлиб турибди. Таъкидлаш жоизки, БМТ томонидан 30 июль – Бутунжаҳон одам савдосига қарши курашиш куни, деб эълон қилинган.
Дунёдаги барча мамлакатлар одам савдосидан жабрланишади. БМТ маълумотларига кўра, одам савдоси қурбонларининг 71 фоизини аёллар ва болалар ташкил этади.
2010 йил 30 июлда БМТнинг Бош Ассамблеяси билан Одам савдосига қарши курашиш бўйича БМТнинг Глобал ҳаракат дастури қабул қилинган. Мазкур ҳаракатлар дастурида ушбу жиноятнинг олдини олиш, жабрдийдаларнинг ҳимояси, жиноятчиларни таъқиб этиш ва барча йўналишларда ҳамкорликни мустаҳкамлаш бўйича чора-тадбирлар кўзда тутилганлигини айтиб ўтди.
Йиғилишда бошқарма Ташкилий бошқарма юридик таъминлаш гуруҳи етакчи юрисконсульти майор Элёр Норманов қонунчиликка киритилаётган янгиликлар билан шахсий таркибни таништирди.
Якунда ИИВ ШХББ Қашқадарё вилояти бўйича бошқармаси масъул ходими республика ва вилоят миқёсида ходимларнинг хизмат интизоми ва қонунчиликка риоя этиши, шахсий таркиб билан боғлиқ содир бўлган салбий ва фавқулодда ҳолатлар ва уларни олдини олиш борасидаги иштирокчиларга тегишли тушунча ва тавсиялар берди.