♟2022-yilning 29-30-oktabr kunlari O‘zbekistonda navbatdagi shaxmat bo‘yicha “Zakovat-Gambit” yirik turniri bo‘lib o‘tadi!

💰Yutuq fondi - 600 million so‘m!

gambit.zakovat.tv veb-saytida ro‘yxatdan o‘ting va shaxmat olamidagi ushbu muhim voqea ishtirokchisiga aylaning.

Bu muhim: Zakovat-Gambit chempionatida ishtirok etish uchun faqat O‘zbekiston fuqarolari ro‘yxatdan o‘tishlari mumkin. Ro‘yxatdan o‘tishda siz mavjud reytingni hisobga olishingiz va tegishli guruhda ro‘yxatdan o‘tishingiz kerak.

Shaxmat ustalari, sizni kutamiz. Ushbu kurashda eng kuchlilar g‘alaba qozonsin!

➖ @zakovat ➖

#Тилим_байраминг_муборак

✅21-oktabr - O’zbek tiliga davlat tili maqomi berilgan kun!
__
Kelib ketdi necha dunyolar,
Kuldi hayot, yig‘ladi o‘lim.
Sen deb qurbon bo‘ldi bobolar,
Ular ketdi, sen qolding, tilim.

Belanchaging uzra Koshg‘ariy,
Kuylab o‘tdi qadim navoni.
Va navqiron yaproqlaringga,
Dil qonini berdi Navoiy.

Samarqanddan Bobur ketarkan,
Dilda bo‘g‘ib hasrat sasini,
Olib ketdi ona yurtidan,
Turkiy tilim, birgina seni.

Mashrabmas, sen osilding dorga,
Nodiramas, sensan so‘yilgan,
Hoziqningmas, sening, ey tilim,
Boshing ayru, ko‘zing o‘yilgan.

Ammo dushman o‘ldirgan botir,
Tirilgandek yana qasosga,
Mangu borsan va mangu qodir,
To‘ldirmoqqa yerni ovozga.

Vatan uchun baxsh etib jonni,
Kechib olov, kirib daryoga,
Farzandlaring to‘kkan har qonni,
Shimirding sen o‘xshab giyohga.

Ona tilim, omon bo‘l mangu,
Sen borsan-ki men ham o‘lmayman,
Tildan qolsam, seni Oybekday,
Men ko‘zlarim bilan so‘ylayman.

Xurshid Davron

#Bayram_muborak

⚡️Қаршида аниқ фанларга ихтисослаштирилган мактаб-интернатининг очилиши бўлиб ўтди

Президент таълим муассасалари агентлиги тизимидаги Қарши шаҳар 1-сон ихтисослаштирилган мактаб-интернатининг очилиш маросими бўлиб ўтди. Тадбирда Президент таълим муассасалари агентлиги раҳбари Ҳилола Умарова, вилоят ҳокими Муротжон Азимов, шаҳар ҳокими Нормўмин Холбоев ва бошқа тегишли мутасаддилар, кенг жамоатчилик вакиллари, ихтисослаштирилган мактаб-интернати ўқитувчилари ва ўқувчилари иштирок этишди.

Жорий йил 14 апрелда Ўзбекистон Республикаси Президентининг “Президент таълим муассасалари агентлиги тизимидаги ихтисослаштирилган мактаблар тармоғини кенгайтириш тўғрисида”ги Фармони қабул қилинган эди. Мазкур фармонга асосан Президент таълим муассасалари агентлиги тизимида Қарши шаҳар 1-сон ихтисослаштирилган мактаб-интернати ташкил этилди.

Собиқ Қарши транспорт коллежи биноси янги ташкил этилган мактаб-интернати учун ажратилиб, қайта реконструкция қилинди ва замонавий жиҳозлар билан таъминланди. Мавжуд спорт зали, 120 ўринли ётоқхона бинолари янгидан таъмирланди. Шунингдек, 250 ўринли шинам ошхона биноси қурилиб, фойдаланишга топширилди.

Математика, физика ва инглиз тилларига ихтисослаштирилган мазкур мактаб-интернатига 2022/2023-ўқув йили учун 384 нафар билимли ва иқтидорли ёшлар имтиҳон асосида ўқишга қабул қилинди. Бундан ташқари мазкур ихтисослаштирилган мактаб-интернатига ишга қабул қилинган 35 нафар малакали педагог-кадрлар ҳам танлов асосида саралаб олинди.

Очилиш маросимидан сўнг тадбир иштирокчилари мактаб-интернатидаги таълим жараёни ва ўқувчилар учун яратилган шароитлар билан танишишди.

👉 @qarshishaharhokimligi