#Бес_баслама_ҳәрекетте
Районымызда Өзбекстан Республикасы Президентиниң 2022-жыл 19-январь күңги «Мәҳәллелерде жаслар менен ислесиў системасын түптен жетилистириў ис-илажлары ҳаққында» ғы ПҚ-92-санлы қарарының орынланыўын тәмийинлеў ҳәмде аймақлардағы жаслардың бос ўақытларын мазмунлы өткериў мақсетинде кең көлемли жумыслар әмелге асырылмақта.
Қараөзек районы «Қуралпа» аўыл пуқаралар жыйыны аймағында жәмлеспеген ҳәм аймақтағы улыўма билим бериў мектеплериниң оқыўшы жаслары қатнасында спорт түрлеринен «Арқан тартыс», «Оқ жайдан оқ атыў», «Шашка», «Тас көтериў» түрлеринен, сондай-ақ жасларымыз арасында китапқумарлық мәдениятын асырыў мақсетинде «Китапқумар оқыўшы» атамасында таңлаўлар шөлкемлестирилди.
Илажда Қараөзек районларара Қорғаў бөлими, Республика Руўхыйлық ҳәм ағартыў орайы районлық бөлими, Жаслар ислери агентлиги районлық бөлими, Туризм ҳәм спорт бөлимлеринен ўәқиллер мийманда болды. Илажда жаслар өзлериниң спортқа болған қызығыўшылықлары менен шаққанлықларын көрсете алды. Илаж соңында жеңимпазларға, шөлкемлестириўшилер тәрепинен диплом ҳәм саўғалар тапсырылды.
Каналға ағза болыў
👉@magrifatnuri