#úydebolıń #paydalıkarantin #innovatsiya

Еки түрли карантин

Бүгин дүнья ғалаба хабар қураллары, социаллық тармақлар арқалы адамлардың карантинди қалай өткерип атырғанлығы ҳаққында түрли хабарлар тарқалмақта. Бул хабарлардың арасында жақсысы да, жаманы да, кейпиятты көтеретуғыны да, түсиретуғыны да, пайдалысы да, зыянлысы да бар.

Карантинниң ўақтында базылар күнин уйқы, кеўилхошлық ямаса өмирден налып өткерип атырған болса, биреўлер пайдалы жумыс пенен шуғылланып, өз билимин, талантын, потенциялын жетилистириў, дөретиўшилик, креативлик, инновациялық идеяларын әмелге асырыўға ҳәрекет етпекте.

Блогер достымыз Шуҳрат Саидаҳмадовтың телеграм каналында тарқалған хабар әне сондай пайдалы жумыс пенен шуғылланып атырған жасларымыздың жетискенлиги ҳаққында.

Қарақалпақстанлы Рустамжон Мадраимов ҳәм Жақсылық Дәўлетназаров мини қуяш панели жәрдеминде улыўма жанылғысыз ислейтуғын сексеўил туқымын егиў ҳәм өсимликлерди зыянкеслерден қорғаўда пайдаланатуғын үскене ойлап тапқанын хабар етилмекте https://t.iss.one/saidahmadov_blogi/1919

Бундай жақсы жаңалықлар адамға илҳам, мотивация, күш бағышлайды.

Бәлким, бул үскенени техникалық, технологиялық жақтан еледе жетилистириў керек шығар. Ең әҳмийетлиси, биринши қәдем тасланды. Жаслар ҳәрекет етпекте.

Жасларға буннан кейинги жумысларында табыслар тилеймен.

Ҳәммемиз карантиндеги бос ўақтымызды пайдалы өткерейик.

Каналға ағза болыў ушын @bayramaytmuratov