18-sentabr, Toshkent. Ayni paytda qishloq xo‘jaligi vaziri Jamshid Xodjayev Toshkent davlat agrar universiteti rektori sifatida mazkur oliy o‘quv yurtining professor-o‘qituvchilari bilan uchrashuv o‘tkazmoqda.

Tadbirda 500 dan ziyod o‘qituvchilar, fan doktorlari va professorlar hamda universitetning boshqa xodimlari ishtirok etmoqda. TDAUning Samarqand va Termizdagi filiallari, Andijon va Nukusdagi Qishloq xo‘jaligi va agrotexnologiyalar institutlari xodimlari uchrashuvga onlayn formatda qo‘shilishdi. (Ta’kidlash kerakki, tadbirning aksariyat ishtirokchilari vaksinatsiyadan o‘tgan, qolganlar esa niqob rejimiga amal qilmoqda).

TDAUdagi yig‘ilish ishtirokchilari muammoli masalalarni ko‘tarishmoqda, shuningdek muassasani rivojlantirish, o‘qituvchilarning malakasi va zamonaviy bilimlarini oshirish, amaliyot o‘tash hamda universitet faoliyatini takomillashtirish bilan bog‘liq boshqa masalalar yuzasidan fikr-mulohaza va takliflarini bildirmoqdalar.

Uchrashuv doirasida Jamshid Xodjayev talabalarning bilim olishga bo‘lgan qiziqishini maksimal darajada kuchaytirish hamda yangi namunadagi agro-mutaxassislarni tayyorlashning ahamiyati singari masalalarga alohida e’tibor qaratdi.

#TDAU #qishloqxojaligivazirligi #talim #muloqot #muammolaryechimi