XXI asr — bilim, ma'rifat va axloq-odob asri. Ushbu yuksak qadriyatlarni jamiyat ongiga singdirishda ta'lim tizimi va ziyolilar zimmasida katta mas'uliyat yuklangan. Zero, ma'naviyat — millat tayanchi, ma'rifat — uning yorug' kelajagidir.

Biz qanday farzandni tarbiyalamoqdamiz? Bilimlimi? Albatta. Ammo shu bilan birga, vatanparvar, o'zlikni tanigan, milliy qadriyatlarini asrab-avaylaydigan shaxsni voyaga yetkazish — bugungi ta'limning asosiy vazifasidir.

Ma'naviyat va ta'lim bir-biriga bog'liq ikki tushunchadir. Bilim faqatgina bilim bo'lib qolmasligi kerak — u axloq bilan sug'orilganda, jamiyatni taraqqiyot sari boshlaydi. Ma'naviyatsiz bilim — quroq, ildizsiz daraxtdir.

Bugungi forumda tilga olish joiz yana bir muhim masala — xalqlar do'stligidir. Bizning Vatanimiz ko'p millatli. Do'stlik, bag'rikenglik, hamjihatlik muhiti — O'zbekistonning eng katta boyliklaridan biridir. Bu fazilatlarni yoshlar qalbiga singdirishda, ta'lim muassasalari, ziyolilar va ota-onalarning roli beqiyos.

Har bir ustoz — ma'naviy rahnamodir. Har bir kitobxon yosh — kelajak ziyolisidir. Bizning maqsadimiz — ma'rifatparvar, bilimli, bag'rikeng, fidoyi avlodni tarbiyalashdir. Bu yo'lda barchamiz yelkadosh bo'lishimiz shart!

Ma'naviyat — qalbni tarbiyalaydi. Ta'lim — ongni ravshan qiladi. Har ikkisi birlashganda, jamiyat taraqqiy etadi, xalqlar birlashadi, kelajak ravshan bo'ladi!